川大哥

營業中

休息中

又去物色一間新既酸菜魚福店，下次會去試烤魚🥢黃金酸菜魚鍋 (鯛魚)鯛魚本身肉質偏爽，魚片切得好大塊，加埋酸菜一齊煮，味道更加開胃。魚肉嘅鮮味同酸菜嘅酸味好夾，食落去有一種獨特嘅平衡感🥢尖椒皮蛋尖椒帶嚟微辣嘅味道同新鮮嘅香氣，而皮蛋就有淡淡嘅鹹味同獨特嘅蛋香，質地滑滑嫩嫩。尖椒同皮蛋嘅結合令味道既有微辣嘅刺激感，又有鹹香嘅層次感🥢麻辣娃娃菜佢面頭加左一層麻辣醬，娃娃菜嘅清脆口感同蔬菜嘅甜味平衡咗辣味同麻味，食落去有一種辣中帶甜嘅口感🥢串燒---組合A(12串)抵食之選，除番都係每串10幾蚊，有豬、牛、羊、雞翼、腸仔，我地簡左唔辣，味道會偏淡小小，但都好香口。四川串燒燒得較乾身，牛肉咬落有肉汁同嚼勁，羊肉都唔會太膻，雞翼大隻又嫩滑🥢支裝汽水有樽仔汽水緊係唔可以錯過，食辣野飲汽水個配搭一流🥢黑糖紅棗杞子茶原壺上，仲要個茶壺好有特色，飲完仲可以再加水。味道濃郁香甜。黑糖有一種濃郁既甘甜味道，而紅棗帶有自然甜味，飲落好清新，唔會比黑糖既味蓋過左

今日陪朋友回診，順便在附近找吓有什麼好吃…朋友突然話在附近…有間食酸菜魚幾好食，而且又有串燒食…「川大哥」是川菜館....我揀咗2個串燒套餐，估唔到份量很足…每款有2串…有，雞中翼串，雞軟骨串，雞腎串，牛肉串，羊肉串，雞肉腸串，牛脷串，墨魚丸串，黑豚五花腩串和芝士腸仔串等…雞中翼好大隻🫢 牛脷厚切和好大塊😗 黑豚五花腩也是厚切…串燒調味適中，不會太濃味👍 酸菜魚我揀咗鯛魚片，估唔到細份也不細🙈 鯛魚片份量很多，而且不是薄切，有口感，又新鮮！調味酸辣，剛剛好！不錯！

我最近探索深水埗發現一間川菜館，真係唔似啲普通嘅川菜館咁！佢間店裝修用啲舊木色，仲有好闊落嘅地方，加上佢嘅燈光好昏暗，有種幾浪漫嘅情調🎶。我就想黎試吓佢嘅招牌菜。首先，我哋揀咗佢嘅招牌菜─黃金酸菜魚鍋（大）$258，唔錯。我地揀咗鯛魚微辣，真係超正😋。佢哋俾咗一大盆上枱，好靚好吸引！即刻開爐加熱，一滾就可以食啦！鯛魚片嘅量都幾多，配菜豐富，而且好新鮮同埋彈牙。佢仲用埋芽菜同酸菜嚟做配料，加咗啲拉面／粉👍。另外，我地仲試咗佢嘅串燒組合B，只係$149，真係抵食到冇話講！拼盤有牛舌、黑豚豬腩肉、雞軟骨、墨魚丸、芝士腸同雞翼，每樣兩串。啲串燒燒到焦香，好香好味，特別係啲牛舌同芝士腸，令人愛得癲🤣，但又係辣辣地，真係又愛又恨啊！總括黎講，🎈川大哥係深水埗一間特別嘅川菜館。佢嘅黃金酸菜魚鍋絕對係值得一試，鯛魚片嘅份量夠多，仲有酸菜湯底，味道鮮美，又啱晒香港嘅口味！而佢嘅串燒組合B，真係平到抵啦，12串唔同嘅滋味，燒到你上癮。不過要小心，啲串燒可能會辣到你又愛又恨咁哈哈！咁樣嘅特色餐廳，大家不妨去試吓啦！記得記住地址：深水埗黃竹街29號地舖

喺香港如果食四川菜都係一啲比較老太嘅餐廳，今日喺深水埗經過見到川大哥主打酸菜魚雞煲，環境唔錯，於是同朋友一齊去試吓。一入到去老闆娘十分之殷勤問推介佢哋嘅拿手菜式，因為朋友唔識粵語，所以我哋今次就叫咗半隻麻辣雞煲，串燒組合，蒜蓉娃娃菜，仲叫咗豬頸肉同腐竹做火鍋配料。麻辣雞煲半隻雞煲麻香味10分足夠，我哋今次點左中辣啦，竟然喺香港搵到以前去成都旅行食過嘅雞煲味道串燒組合餐廳平時串燒一串唔平，依度竟然$109就有12串串燒，仲要下面有火爐唔會令到串燒凍咗，非常抵食，好有內地街邊串燒feel,非常好食。蒜蓉娃娃菜估唔到一碟咁普通嘅娃娃菜都好有心思用火爐暖住，用好多蒜子同蒜頭炒香非常惹味。豬頸肉份量足夠非常爽口另外腐竹份量都非常多兩個男人差啲食唔晒。黎開深水埗，又想食辣嘢一定要試吓川請大哥大哥。

酸菜魚（鯛魚） 份量超足料，除左魚片之外，仲有芽菜、黃芽白、勁多酸菜😍。 湯底酸辣度剛剛好，酸味不會嗆喉, 魚肉去左骨，肉質嫩滑鮮味，湯底充滿濃湯魚味，忍唔住飲左幾啖，最緊要係飲完唔會好口渴。仲可以加配料落去打邊爐。今次人少少，淨係叫左一份粉絲，索晒d湯汁，超好味。串燒 拼盤有6款唔同，每款兩串。牛舌芯, 口感好爽，濃厚牛舌味，仲好油香好惹味。雞翼，皮燒得好香脆又肥美。五花腩半肥瘦、芝士腸、墨魚丸、雞軟骨，好香既孜然味微辣, 燒得岩岩好，不會太乾，好有風味。 除左串燒，仲有d特色錫紙盤小食，叫左個麻辣鴨血。上菜時錫紙盤放落個小火爐，食物保持温度，好貼心。鴨血好軟滑，味道好有四川風味，味道唔錯。裝修都唔錯，座位闊落，冷氣相當充足，服務員招呼都好好。

餐廳環境比較modern，而且唔算太迫，都適合幾個朋友一齊食吓嘢打邊爐～我哋今次兩個人埋單大概$500內，算係可接受嘅程度😗🍢串燒組合餐廳可以選擇唔同嘅辣度，今次我哋就揀咗唔辣嘅🥰表面灑滿左孜然粉，但調味亦都唔會過鹹。餐廳仲喺串燒嘅爐下面加咗個細火，咁就慢慢食都唔驚會凍😗✅燒雞翼✅雞軟骨：軟骨同埋肉嘅比例啱啱好，個人覺得唔會太乾身✅羊肉：略帶少少羊騷味👀不過我自己覺得可接受，都幾好食～✅雞腎: 比較細粒少少，質感比較爽口，內臟味道冇想像中咁重😆🐟蒜香烤魚烤魚本身有炸過先再放湯煮，本身湯底嘅味道都好足夠，另外餐廳亦都提供左唔同嘅調味料🤤魚唔算太多骨，我哋另外叫咗一個手工麵，吸滿晒所有湯汁特別好食🫶🏻不過煮嘅時候要留意夠唔夠水，比較容易黐底

只要係深水埗區探索下，可以搵到唔少特式小店，川大哥呢間店以黑色為底色，配上啡木傢具，同唔同形狀嘅燈具。餐點以烤魚、火鍋、串燒作主題，今次就揀左青藤椒烤魚、蒜香燒蜆、羊肉串、雞腎串烤魚有4款魚供選擇，包括鴨咀魚、海鱸魚、江團魚和巴沙魚，今次揀左青藤椒烤海鱸魚。首先魚係超級大條，再加上青藤椒和其他調味料，配料有菜、豆卜、冬瓜等。魚係先炸過嘅，所以特別香口。我一口咬下去，能感受到魚肉的鮮嫩和青藤椒的微辣，十分開胃，咬完先食到魚味，青椒嘅麻味再嚟，魚肉烤得恰到好處，不會太過乾柴，配菜吸收左調味精華，同樣好食接下來是蒜香燒蜆，蜆的鮮甜與蒜香的香氣混合在一起，底層有火烤，維持溫度羊肉串燒得幾好，羊肉的香氣和調味料的味道混合在一起，最後是雞腎串的口感非常好，十分嫩滑，不會太過腥臊。飲品方面有多款玻璃樽仔裝嘅汽水，當然都有啤酒

藤椒牛油香鍋+特濃蕃茄鍋加$20就可以變鴛鴦鍋，打邊爐湯底係最重要，藤椒牛油香鍋，加生菜好刺激，好香，好麻辣嘅青藤椒味，成條脷麻痹咗，好爽，非常濃郁好有風味，。至於特濃蕃茄鍋，你唔好以為真係好簡單，好普通，真係好有驚喜，佢個蕃茄唔係好假嗰啲，係好新鮮好重蕃茄味，夠酸夠甜，我個人覺得真係好好食，諗都唔諗即刻薯仔加落去，嗌晒所有好掛汁嘅食物加落去，雲吞加落去都好正，雲吞入邊充滿着蕃茄汁👍🏻👍🏻👍🏻👍🏻第二正係炸魚皮，好似食緊蕃茄薯片咁🤤🤤仲要份量好多！呢度最好仲可以嗌埋串燒，我嗌左脆皮芝士腸，蒜香茄子，蒜香燒蜆，雞中翼，雞軟骨，羊肉串。非常肥美鮮甜，肥大肉厚，加上蒜香，非常惹味蒜香茄子原條茄子直接燒出來，上面鋪滿蒜蓉小及蔥花非常入味👍🏻👍🏻

深水埗黃竹街有間川大哥，主要是吃四川菜。餐廳設有室內和室外座位。室內裝潢似歐陸風，紅磚牆壁配小窗戶，木系餐桌、黃色燈光感覺舒服。黄金酸菜魚鍋（大）$258魚份量多，口感彈牙爽脆，幾乎沒有魚骨。湯底可選辣度，酸而帶辣夠惹味。辣子肥腸 $98爆多香料，肥腸惹味，清洗乾淨，口感煙韌惹味。蒜香茄子 $35蒜蓉份量多，鋪滿整條茄子。茄子口感軟綿綿，配上蒜茸一起吃非常惹味。墨魚丸（2串）墨魚丸口感彈牙。蒸餾水 $10王老吉 $12

早幾日喺歐洲返嚟香港，一直心思思好想同男朋友一齊食辣嘢，本來諗住幫男朋友申請返張中國Visa，去深圳正宗川菜，但係實在太麻煩嘅關係，又喺OpenRice搵到呢間餐廳，好似好好食咁，就決定去幫襯我哋叫咗：1. 麻辣烤魚（微辣）江團魚2. 蒜炒萵荀絲3. 尖椒皮蛋4. 烤茄子5. 2支可樂1. 麻辣烤魚（微辣）江團魚喺手機點完餐之後，就聽到廚房有炸嘢嘅聲音，好surprised條魚係即叫即炸，再加入好香濃嘅麻辣湯底，濕濕地之餘，條魚仲非常香脆，江豚魚有個非常好嘅地方就係：條魚多肉唔多骨 魚味非常香濃，非常適合唔係好識處理魚骨嘅人呢個湯底有個最正嘅地方就係，麻辣味越煲越香，隨煱送仲有一啲冬瓜，索晒啲汁非常之正2. 蒜炒萵荀絲佢有三款口味揀嘅，我就揀咗蒜香炒，食完辣嘢可以用呢個清菜格一格，非常之香蒜味，而且萵筍絲好脆口，份量仲非常之多！！！3. 尖椒皮蛋尖椒皮蛋涼浸浸，好適合夏天做嘅開胃菜，呢個汁調得非常之好，越食越想食，而且有啲青椒紅椒，帶咗清新嘅甜味，balance得好4. 烤茄子超級多蒜頭，鍾意食蒜頭嘅人士必須點！好食到停唔到口！而且茄子烤得夠軟身，好似食雪糕咁絕一聲就食晒！5. 2支可

發掘到深水埗與太子中間有小店有酸菜魚食。可愛嘅裝修風格同傳統川菜館有別，門口有半露天座位。燈光及氣氛較有少少似酒吧，座位闊落，沒有限時。平時食開酸菜魚片，但見都多人推介烤魚，兩人揀左一份酸菜烤魚鍋。烤魚價錢由$288-328，店員話幾款魚嘅骨差不多大，即魚肉量都差不多，我哋揀左江團魚$318，微辣。下面有電磁爐加熱。酸辣度：微辣對於唔食得辣嘅我倆嚟講剛好，可過過癮又唔會食到身水身汗。酸度一開始覺得唔夠，但個鍋會越煲越酸，食到一半我就覺得酸度啱啱好。江團魚：比起平常比較多食嘅酸菜魚片，整條烤魚有埋炸過嘅魚片我覺得惹味好多，二嚟就係可以食到魚嘅唔同部分，如魚鰭位又會滑啲。而條魚其實都算大，一份嘅份量都適合2-4人share。配菜：酸菜酸甜好食，豆卜都有好多粒，娃娃菜唔算多。如果唔夠配菜，隨時可以加購配菜。另外叫左魚鍋必配嘅薯粉一份，及白飯。淥左一段時間，薯粉依然未透。起初以為未熟透，原來呢隻薯粉熟左都係咁樣，好煙韌好食，而且份量好多，絕對夠二人食。羊肉及雞腎串燒抵食，一份兩小串，只係$18份。羊肉串羶香、肉質不韌。雞腎較硬及冇咁入味。本想食最好賣嘅牛舌賣晒，下次請早。周末晚上即使時間算早都

今日嚟到深水埗覓食，朋友介紹呢間川菜餐廳就試吓！！餐廳以黑色裝修，燈光昏暗，所以幾顯眼易搵。好彩入席時間尚早，唔洗等。餐廳環境闊落都舒服，主食都多選擇，有酸菜魚、烤魚、雞煲、火鍋，仲有串燒、小炒😆黃金酸菜魚鍋小辣（小）$198有生魚片/鯛魚片選擇，未食過鯛魚所以就揀咗佢，估唔到小鍋嘅魚片份量都好多，鍋裏有娃娃菜同芽菜作配菜，鯛魚片又厚肉仲幾爽口，不過有幾片魚有少少碎骨。魚湯同平時嘅酸菜魚湯有唔同，佢係比較偏甜唔會好咸，幾特別🤑👍🏻麻辣燒蜆$58上枱時有個小火爐加熱，令到啲蜆keep住微暖溫度。蜆份量好多，粒粒都有肉，仲無乜沙，底層有娃娃菜鋪底，成鍋少少麻辣幾過癮泡椒鳳爪$48呢個價錢，但鳳爪份量好多👍🏻蒜香生蠔$75 @3隻蠔上鋪滿好多香蒜，蠔仔幾飽滿，食完好滿足😚蒜香娃娃菜$49 小辣娃娃菜上都係鋪滿蒜，菜份量都多，抵食🫡墨魚頭鬚小辣$35 @2串超重孜然味，很香口，加上小小辣幾過癮檸檬花茶$12可樂$12樽裝可樂，飲完特別爽🤭整體：價錢合理，食完令人上癮，會想再食🫢🫢

作為川菜愛好者，我同朋友會周圍尋覓唔同嘅川菜館，今日覓食覓到呢間位於太子同深水埗之間嘅川大哥。 餐廳唔算好大間，但座位都幾闊落。尖椒皮蛋（$39）皮蛋切成八小塊，一口一啖，辣度唔算太辣，容易入口，作為開胃前菜頗為適合。黃金酸菜魚鍋(小) （$198）/ 小辣 / 鯛魚片 雖然揀咗小份，但呢個小份份量都好多，個鍋非常大。有別於其他酸菜魚，佢係火鍋形式嘅酸菜魚，放喺枱上嘅電磁爐邊滾邊食，更加熱辣辣。喺生魚片同鯛魚片之間，揀左鯛魚片，魚既份量好多，魚質非常有驚喜，非常之爽脆彈牙，魚肉一啲都唔霉，真係好爽口。除咗酸菜魚嘅標配酸菜同芽菜外，呢間嘅酸菜魚入面仲有娃娃菜，而且啲娃娃菜都好甜。美中不足係我覺得湯底嘅酸度唔夠，酸菜有啲淡，如果再酸啲就會更好味。蒜香茄子（$39）蒜香茄子自從食過一次之後就令人不停想encore，呢間嘅蒜香茄子好大份，茄子既size仲大過塊面，係茄子上面鋪滿大量嘅蒜蓉同少少辣椒，蒜味十足，非常之惹味，用黎配飯一絕。餐廳有兩個超抵食嘅串燒組合，分別係$109同$149，分別都有12串，其實叫串燒組合會抵食啲，但我哋想揀自己鍾意嘅，所以就散叫左，叫咗幾串辣幾串唔辣，餐廳亦將之分

最近瘋狂想食川菜，係深水埗搵到呢間川大哥，望落舒適、多選擇就試下😆餐廳一眼望曬，有室外室內位置、大多都係卡位同圓檯，坐得舒適☺️好耐冇食雞煲，嗌左原隻雞煲來試下，份量好多，望落幾精緻😋😋雞件有炸過表面，肉質keep到外香口，內裡嫩嘅！開初食唔算太入味，不過個煲好多醬汁，越燜越入味越好食😋👍不過小辣都幾辣😆揀左個串燒拼盤有好多選擇，每樣兩串，上台仲有個爐可以keep warm，個set包括厚切牛脷、雞軟骨、五花腩、雞翼、芝士腸、墨魚丸，味道正常，如果再辣啲就好😋牛脷超厚但係都好易咬開，正！五花腩超肥😅😂其他野食都正正常常揀左個小炒，蒜蓉超椰菜份量足，都有鑊氣👍唯一係味道唔均勻😣某啲部分偏鹹整體來講，都幾抵食😛見到好多人食酸菜魚，下次再來又可以試下😙

今日來到位於深水埗的川大哥是一家以川菜為主題的餐廳，提供了豐富多樣的川菜美食選擇。青花椒魚鍋，做法更是令人驚艷。魚肉鮮嫩，湯底麻辣鮮香，咸鮮適中，鍋底的青花椒更是讓人胃口大開，非常適合喜愛辣味的人士。蔬菜拼盤，口感清脆，非常開胃。讓人品嚐到不同的風味。鮮蝦水餃，餃子皮薄而有彈性，鮮蝦餡鮮美多汁，口感非常好。而且餃子的外形也非常精美，看起來就很有食慾。串燒拼盤包括了牛肉、羊肉、雞翅等多種食材，每種食材都烤得十分入味，口感香嫩，非常適合和朋友一起分享。紅薯粉，，口感柔軟，非常開胃。川大哥的菜色豐富多樣，味道鮮美，口感出色，絕對是一家值得一試的餐廳