川大哥

營業中

休息中

今日同朋友嚟到位於深水埗黃竹街「川大哥」餐廳主打川菜好啱食辣嘅朋友😋⭐️黃金酸菜魚鍋（小）揀咗餐廳嘅招牌菜酸菜魚鯛魚片鮮甜彈呀而且冇骨啖啖肉🤩酸菜湯底香濃花椒及辣椒非常惹味面頭加上大量芫荽增加香味整體嚟講非常好食😆⭐️燒烤揀咗兩款串燒分別係牛肉串及黑豚五花腩用咗非常香嘅孜然粉黎燒😍肉味香濃多汁每款各兩串同朋友分享啱啱好👍🏻⭐️蔥花雞蛋炒飯廚師炒得好夠鑊氣粒粒分明😙蔥花同雞蛋非常配搭而且份量都幾多大滿足😊⭐️蒜香炒椰菜🥬椰菜鮮甜蒜味香濃炒得唔會好乾恰到好處健康之選😉⭐️飲品飲品方面啤酒汽水都齊全特別揀咗王老吉清下熱氣😄同埋青島啤酒配燒烤超爽🫰🏻食物質素唔錯值得推介🫶🏻

今日約朋友聚餐，佢推介屋企附近嘅，話街坊價，坐得舒服，有香辣串燒又有酒飲，我見未試過，都想試下😊。組合B (12串) $149.-五花腩、牛舌、雞中翼、墨魚丸、雞軟骨及脆皮腸各2串，表面灑上孜然粉及調味粉，燒得香口乾身，五花腩有嚼勁，牛舌厚身口感軟腍，雞中翼juicy。蒜香烤生蠔 (3隻) $75.-生蠔肉身肥厚飽滿，新鮮無沙無腥味，加上大量蒜蓉、蔥花及辣椒粒一齊燒，令食味更鮮更香'。蒜香燒蜆 $58.-蜆唔算大隻，但肉身飽滿又份量多，新鮮無沙，用蒜味香濃又帶微辣嘅湯底煮過，味道鮮甜惹味，好食。麻辣鴨血 $49.-鴨血質感嫩口Q彈，無血腥味，吸收麻辣汁後，更鮮香惹味😍。蒜香茄子 $35.-茄子燒得啱啱好，每食一啖都充滿蒜香及辣味，味道清甜又juicy🥰。紅糖糍粑 $48.-表面炸得非常香脆，內裏軟糯，中間有流心紅糖醬，熱辣辣零舍好食。青島啤酒 $28.-食香口惹味嘅串燒，點可以無啤酒，飲啖啤酒，食條串串，同朋友吹下水，就開關心心度過一晚😁。

想食川菜，咁啱見到深水埗有一間非連鎖集團式，網上又好多好評，見喺附近就去試試😗一到門口已經幾張卡位，感覺比較開揚👍🏻川大哥係一間有得食酸菜魚、烤魚、火鍋、串燒嘅川菜，估唔到選擇可以咁多！啱晒同朋友飲番杯，食下辣嘢😆咁我哋就選擇咗細黃金酸菜魚🤣有大有細選擇，生魚或者鯛魚，小辣，上台就一大鍋，配埋酸菜，辣椒，成個湯底又酸又辣，真係會好開胃！魚肉真係啖啖肉，配埋酸菜同芽菜食，好爽。呢度嘅魚肉比較起其他嗰啲係偏爽脆小小。另外，有order蒜香燒蜆，粒粒都係肉，味道好鮮甜，仲有少少粉絲係底👍🏼$108串燒拼盤，雞翼燒得啱啱好，外皮有少少香味，入邊啲肉啱啱好熟😆雞肉香腸同牛肉燒得好好食，惹味十足👍🏻每次食串燒至愛點蒜香茄子，茄子嘅味道配埋香辣蒜蓉醬，真係啱啱好，蒜香味出晒嚟，真係令人食不停口，值得encore🤝最後值得一讚清炒萵筍絲，基本上我一個人食晒，清清甜甜好好食，順便解一解油膩～

呢間係朋友唔小心發現既私藏小店，佢位於深水埗內街，旺中帶靜。我哋最中意坐半户外位，而家夜晚有少少涼風，坐出面飲住啤酒，食串燒食烤魚吹水好舒服，openrice訂位夜晚宵夜時段仲有88折🤤蕃茄烤魚（江團魚）好大盤好足料👍🏻👍🏻好多蕃茄同豆卜，入面仲有冬瓜片，煮淋之後好甜好好食😋😋條魚佢有炸過先，切開一半攤開方便食，2邊魚邊位炸到脆卜卜，好香口👍🏻👍🏻魚身都好厚肉，多數得大骨，無乜細骨，個份量我哋3個人食剛剛好，食完條烤魚仲可以再加其他火鍋料去打邊爐，尤其淥烏冬好正，個蕃茄湯滾到收汁，變左好濃郁既蕃茄烏冬燒墨魚丸係my favourite, 廿幾蚊有2串，好抵食燒腸仔都係我哋必叫，燒得夠香，配啤酒一流燒粟米好貼心，切開左5件，方便大家分尼食，唔會食得狼狽。粟米亦好甜，調味粉都無遮蓋粟米既香甜～～

香港呢一排對天氣唔好，所以胃口都一般般，今晚就去咗深水埗川大哥食吓啲開胃嘢。呢間嘢坐落於黃竹街，附近都係啲批發同汽車維修舖頭，所以顯到更加特別。我同另一半就覺得成日都有得食酸菜魚，所以今次就揀咗：1）泡椒魚皮 ⭐️⭐️⭐️⭐️⭐️ / ⭐️⭐️⭐️⭐️⭐️2）青藤椒魚鍋（鯛魚片）⭐️⭐️⭐️⭐️ / ⭐️⭐️⭐️⭐️⭐️3）紅糖糍粑 ⭐️⭐️⭐️⭐️⭐️ / ⭐️⭐️⭐️⭐️⭐️4）火鍋配料 ⭐️⭐️⭐️⭐️⭐️ / ⭐️⭐️⭐️⭐️⭐️首先上黎嘅就係呢一道泡椒魚皮嘅開胃菜，之後就到重頭戲，第一次食鯛魚片嘅魚鍋，一食落去好爽脆，份量亦都好多，而坊間好多魚鍋都係食完個魚就完事，但呢間就唔會浪費個湯底，食完個魚之後仲可以轉為打邊爐。而佢地個紅糖糍粑非常之特別，佢地嘅紅糖係喺糍粑入面，所以就唔需要再另外點醬黎食，簡單來講就好似流心奶黃包一樣，勁好味🤤。而另外我地仲嗌咗啲火鍋配料就已經食到勁飽。最後埋單大概$500，酸菜魚實在喺香港開到成行成市，要突出重圍確實唔容易，而呢一間川大哥可以用打邊爐嘅方式去呈現出另一種風味，確實係值得去試下。

有朋友👯外地返香港，特別指明想食串燒🍢，經朋友極力介紹之下，就嚟咗呢間川大哥🌶️川大哥室外有4張枱，室內就有4張大卡位同埋3-4張圓枱，坐得鬆動舒服。串燒方面，我哋order左：🦑墨魚頭鬚 - 用大尾魷去燒！超級厚肉，一定要order！🐑羊肉串 - 羊肉唔會有好重既羊羶味，肥瘦適中。🐔雞中翼 - 雞翼大隻，燒到外皮香脆。🐔雞軟骨 - 燒到金黃色嘅雞軟骨，一啖咬落去，雞軟骨唔會太硬，送河一流。🥬蒜香娃娃菜 - 娃娃菜用鍚紙兜裝住，下面再用左個迷你火爐熱住佢，好貼心既安排，等你可以keep住食倒熱辣辣既娃娃菜。🐔辣子雞丁 - 用左蔥、乾辣椒、花椒等等香料去整，一送上黎就聞到辣椒嘅辛香，雞係用左雞髀肉，溶解地獄嘅好處，就係夠嫩滑之餘又唔會有好多碎骨👍🏻🍢串燒組合A（12串）🍢如果鍾意食串燒嘅朋友，真係可以考慮嗌佢哋嘅組合，一個組合有12串，抵食之選。總括嚟講，佢哋嘅串燒火候控制得好好，保留肉汁之餘唔會太乾，環境又唔會好嘈，絕對係三五知己暢飲食宵夜嘅好地方👍🏻

經朋友介紹話深水埗有間食川菜既餐廳，入面有烤魚食而且幾高質🤔,我聽到朋友咁講 緊係快手咁約左我男朋友收工去食啦🤣原來餐廳食物款式都幾多選擇，川菜小菜、串燒、涼拌小食、水煮魚、雞煲等，全部野食都好岩一大班人過黎食🤤✨青藤椒烤魚 烤魚有四款魚可以揀：鴨嘴魚、海鱸魚、江團魚、巴沙魚，而我地就揀左青藤椒烤江團魚，江團魚比起海鱸魚少骨，而且比較常用於烤魚所以我地就嗌尼款穩陣D🤣江團魚超級大條😍😍比起之前係其他鋪食大條好多，所以兩個人食真係飽到食唔哂😂烤魚先炸至脆卜卜後放落湯底拎出黎鋪，所以食頭幾啖超正🤤魚皮脆口好食👅出面好少餐廳做到，而且江團魚多肉少骨，肉質鮮嫩可口。湯底方面，我地揀左微辣青藤椒，青藤椒味真係好吸引，微微麻辣感，愈食愈開胃，完全岩哂唔食得辣又想過下口癮既人🤤✨娃娃菜、生菜🥬火鍋配料我地揀左兩款菜黎食，蔬菜非常新鮮，而且分量都幾多，我地最後都食淨少少菜😢✨串燒-黑豚五花腩烤五花腩串食落厚身唔「鞋口」🤣我地揀少辣但一點都唔辣我仲覺得有啲甜😂唔知點解會咁，但味道幾好食✨藍妹 樽裝檸檬茶

放假捉咗朋友仔出去陪我食川菜，喺OpenRice搵到間一致好評嘅「川大哥」，餐廳主打酸菜魚、雞煲、麻辣小龍蝦、串燒、川菜，仲有生啤，啱晒同朋友飲返杯🍺食下辣野😋麻辣雞煲足足一隻雞，上枱時一大煲，入面有大量配菜，青椒、洋蔥、唐芹、蒜頭等，加熱後香味四溢，雞肉唔乾夠嫩滑，辣辣地夠晒惹味，配返罐黃老吉就prefect組合B（12串）雞中翼、厚切牛脷、黑豚五花腩、墨魚丸、雞軟骨、脆皮芝士腸呢度嘅串燒組合認真抵食，只需$149就有12串串燒，平時出面食都要起碼20幾蚊串😆上枱時底下個鐵板仲熱住架👍🏻雞中翼肥大juicy肉質嫩滑，牛脷外面焦香裏面軟稔，五花腩肥瘦相間，燒過後將啲油份迫晒出黎，一啲都唔會覺得油膩🉐泡椒鳳爪鳳爪Q彈爽口，用花椒、泡椒醃製，味道酸辣中帶麻，多層次嘅風味，鍾意食辣嘅朋友必點🌶️蒜香茄子大大條嘅茄子上面鋪滿蒜蓉、香蔥、辣椒，茄子燒到軟稔順滑，入口勁香蒜蓉味，超正👌🏻📍川大哥 (深水埗)深水埗黃竹街29號地舖人均消費：$200-300食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️

陪老公去深水埗買嘢，之後佢帶我去黃竹街食串燒，川大哥是間火鍋串燒專門店，主打烤魚和串燒，餐廳裝潢設計簡潔。黃金酸菜魚鍋，有大或小鍋，生魚或鯛魚，辣度選擇，因為鯛魚已賣晒，所以揀大鍋生魚，小辣。上枱一大鍋好足料，生魚起肉做成魚片，配上四川酸菜、泡辣椒、花椒和辣椒滾湯而成，湯底味道又酸又辣，惹味開胃。生魚片啖啖肉，肉質鮮嫩，酸菜和大豆芽菜都好爽口。食完重可以打邊爐，但我哋叫咗串燒，所以冇食火鍋。雞中翼：時間燒得啱啱好，皮脆肉嫩有肉汁，唔會燒到乾晒，加些調味粉好惹味！脆皮芝士腸：外層酥脆可口，內裹的豬肉和芝士口感豐富，豬肉的肉質鮮嫩，芝士的口感濃郁，口感層次分明。墨魚丸：帶有墨魚的特殊香氣和鮮味，口感豐富，帶有微妙的鹹味和甜味。黑豚五花腩：花腩是黑毛豬最美味又最適合燒烤的部位，因為燒過後肉質爽口而不肥膩。蒜香茄子：茄子味道較為清淡，配搭濃香的香辣蒜蓉醬燒係好夾，茄子口感軟綿綿，蒜香味濃郁，非常惹味。令人食不停口，立即再來一條。

今日同朋友去咗深水埗，行街行完之後朋友我就話想去食辣嘢咁啱上網就見到呢一間近期都幾出名嘅川菜餐廳！餐廳嘅裝飾同裝修都非常新穎，而且都係一個現代嘅風格坐落去絕對唔會有太迫嘅感覺而且我哋咁啱安排到卡位我同朋友都非常滿意呢一個位置，因為唔會好似傳統食辣嘢嘅餐廳咁非常迫！我哋兩個坐呢一個位置簡直就係非常闊落，餐廳老闆亦都好熱情咁樣為我哋介紹佢哋嘅餐牌！首先想推介嘅有佢嘅辣子肥腸，一上枱已經非常靚仔，而且我哋叫咗小辣，餐廳都好配合我哋冇做到好辣，肥腸一份兩日都好多亦都洗得好乾淨絕對沒有異味！每一條肥腸都非常脆卜卜加埋辣椒嘅味道非常好食！份量嚟講亦都幾多$98呢一個價錢其實都算幾抵食，相比起出邊嘅餐廳嚟講性價比真係幾高！另外我哋叫咗串燒拼盤有每樣兩串嘅串燒，比較鍾意食墨魚丸同埋芝士腸，笑得非常好食而且加埋辣椒粉味道亦都好正，另外我哋加咗牛肉羊肉粟米，三樣嘢都做得非常好食！牛肉唔會做得好un，而粟米真係燒得好香，做到啱啱好！再加埋啤酒，簡直係一流，朋友就叫咗日本嘅檸檬紅茶都話幾好飲，有機會會再返嚟支持呢一間餐廳，鍾意食辣嘢嘅朋友唔可以miss!

川大哥裝修嘅用上大量木系傢俬，比一般川菜餐廳座位寬敞好多，重點係乾淨衛生，每張枱都有盒紙巾，用餐體驗好好👍🏻食物選擇好多酸菜魚，雞煲，烤魚，水煮魚，燒烤，涼拌小菜等等，今次試咗餐廳推介嘅麻辣雞煲，同埋私心想食嘅燒烤sss. 麻辣雞煲（一隻）- 小辣上菜個時就比賣相嚇到，食材新鮮又豐富，堆砌得好高，海量嘅蒜頭粒，紅洋蔥，青椒同紅椒，芫荽，比一般雞煲更滿足，特別喺洋蔥煲耐咗會好甜，爽。雞件嘅份量都多得嚇人，重點係雞頭，鳳爪都有，真係比足一隻👍🏻味道喺比較麻同辣，小辣都幾刺激，唔食得辣嘅要叫微辣，醬汁喺比較水嘅，下次可以試吓叫叫火鍋料打邊爐。羊肉串（2串）羊肉有肥膏，唔柴，臊味都冇。雞軟骨（2串）粒粒有肉有軟骨，香脆惹味豬頸肉（2串）有咬口，唔會過韌，比想像中大塊，抵食。蒜香茄子蒜蓉量好多，配上青椒，紅椒顆粒，香口但唔會咸，茄子燒得剛好，易起似得嚟仲有水份。厚切牛脷 （2串）牛脷夠厚夠大，咸香雞中翼 （2串）一串2隻，燒到剛好仲有肉汁，脆皮，好可以👍🏻蒜香燒蜆上菜會配上熱架，一直保溫，冇認真數蜆數目，但起碼有2/30粒，蜆一等大細，新鮮冇沙，調味剛好。

深水埗真係好多好嘢食隨便行入一間都好地道真係好方便今次辣妹搵到「川大哥」 淨係見到啲辣辣美食嘅圖片已經流晒口水急不及待要試一試舖頭都幾寬敞 坐落都幾舒適其中一個小窩心地方係冷氣唔會吹住個頭好多呢啲火鍋舖頭一開始入到去會覺得好凍雖然食食吓會熱辣辣 但係都會有個冷氣吹住個頭「川大哥」有冷氣隔 我覺得係幾甜心講返食先舖頭嘅食物種類其實都幾多一大班朋友一齊嚟嘅話，應該可以試好多但係我哋兩個人食一款主食都足夠種類都幾多：有酸菜魚、水煮魚、雞煲、火鍋、小菜同埋烤魚我哋就揀咗烤魚除咗有幾款唔同嘅湯底口味仲有四款嘅魚揀；我哋就叫咗唔多骨肉質又實淨啲嘅海鱸魚（中辣）魚肉有彈性大大條 都幾好食！（越食越辣😂 所以唔食得辣嘅人就要小心）食完烤魚加埋少少火鍋配料就已經飽到上心口叫埋我大愛嘅紅糖糍粑外脆加軟糯 正中下懷（入面有紅糖）飽咗成晚🤣🤣🤣

今晚同男朋友嚟到深水埗食川菜，有酸菜魚、雞煲等，食完打邊爐，亦可以直接叫火鍋湯底。叫左黃金酸菜魚鍋(小)，選擇生魚片及微辣。酸菜魚一上枱賣相吸引，香味十足！煮滾之後就食得！首先飲咗個湯底，有酸菜、辣椒、花椒、芫荽等香料，除咗魚片仲有娃娃菜、豆芽等配菜，酸辣味好香，辣得黎帶蔬菜嘅清甜，又有點麻辣，味道濃郁！魚片已經去晒骨，入口即化，配酸辣湯底，非常好食，推薦！我叫嘅湯底係微辣，但係個湯底會越煮越辣，所以唔食得辣嘅，可以一開始已經將啲辣椒挑出黎！食完酸菜魚可以叫侍應加水，轉成火鍋。加配咗娃娃菜、金菇同手工麵。由於個湯底非常之濃郁好味，配唔同蔬菜都非常好食！手工面睇落去細細舊，但係其實煮開咗都好大，口感似刀削麵，爽口彈牙！又叫左串燒組合B (12串），有雞中翼2串、厚切牛脷2串、黑豚五花腩2串、墨魚丸2串、雞軟骨2串，$149有12串，性價比好高！可以選擇辣度，全部串燒以孜然同辣粉調味，味道好香，燒到金黃色，色香味俱全！串燒會放喺火爐仔上面，保持住串燒嘅溫度，唔怕變到凍冰冰。最後叫咗個甜品，紅糖糍粑，同出面將紅糖漿淋上糍粑嘅做法唔一樣，哩個糍粑炸到脆身，咬開有紅糖漿流出來，整體外脆內軟，好特

朋友仔約我去食飲啤酒食串燒，揀左屋企附近既川大哥，地方環境都唔錯。串燒要左個併盤，好抵食140幾有12串，每串都大大串，可以揀大中小辣，我哋揀咗小辣。 其中牛舌都幾大塊，燒得好嫩口，夠晒惹未。 蒜蓉蜆啱晒我胃口，因為勁多蒜蓉，蜆本身都好肥美，夠大隻，夠鮮味。拍青瓜🥒，久唔久食一塊，微酸小辣夠清新。另外主角係小龍蝦，其實唔多地方有小龍蝦食，分量比我預期中大碟，可以盡情食，非常過癮，食完見到成盤殼真係好療癒。 食咁多惹味嘢，梗係要配啤酒，呢度食吓串燒，剝吓小龍蝦，飲下啤酒…其實都幾輕鬆舒服，係一個幾好嘅傾偈食飯地方。

最近口啖啖想食下啲辣又香口的食物刺激下味蕾😌😌今日經過深水埗，見到呢一間川菜覺得正合心意就入左去試下。餐廳環境以紅磚小屋為主加上有不停轉換燈光的燈，感覺很適合一大班朋友坐下把酒談歡，一邊食住串燒一邊飲下野一邊傾下計，下次要叫多幾個朋友黎。一坐低就有麻辣花生做開胃菜，即刻想繼續食辣，非常期待。黎到一定要試下酸菜魚同串燒，首先我同朋友兩個就叫左一個細既黃金酸菜魚鍋配鯛魚片（小辣）($198)。個鍋一路用電磁爐慢火熱住，確保熱辣辣。開頭仲以為小鍋份量好細，但是一出場就發現魚片的數量都幾多，絕無欺場，份量十足。除左份量之外，魚片爽口彈牙又入味，酸度足夠。呢個黃金酸菜魚鍋非常值得推介。除左酸菜魚，我地亦叫左超抵食串燒組合B。$149 就包左12串，真係無改錯名～超抵食🤩🤩！12串包括有雞中翼、厚切牛脷、黑豚五花腩、墨魚丸、雞軟骨，脆皮芝士腸各二串。最欣賞佢用鐵碟上，下面仲有兩個小蠟燭保溫，慢慢進食的時候就唔怕些串燒唔夠熱😋😋串燒夠熱之餘，仲非常惹味。我地另外仲叫左個辣炒椰菜($68)，呢個夠大碟，好有鍋氣，而且愈食愈辣愈想食，不知不覺間比我清左成碟。最後，我地叫紅糖糍粑（$48)作結。一碟有五舊