崗燒 (已結業)

一定一定唔好幫襯！呢間野真係極品，廚房得一條友，都夠膽又做堂食又接外賣仲要接熊貓單，每次落單你要預喺條街熱住企成半粒鐘，落單收銀又唔會講要等咁耐架喎，又熱又攰冇哂胃口。睇到既人唔好再去食！食評叫左個炒飯同拉麵，先講炒飯。我以為自己食緊糯米飯，啲飯黐埋一舊，啲油又多，啲蔥花仲多過啲肉。難食到不得了。個拉麵仲勁，外賣，但係湯同面冇分開，啲叉燒係我有史以來食過最難食嘅，咬落去好似有啲沙質咁，唔知係擺咗幾耐嘅殭屍肉。

我係柴灣人，今次算係第二次同男朋友黎食串燒，之前就覺得依間麻麻地好食、隔左成年就諗住再試下。一試，野食味道的確唔差，嗌左金菇肥牛，雞肉串個類，等左大概20分鐘。之後再另外叫多次野食，牛舌，牛肉串，雞扒同翠玉瓜等等，都係再等左20分鐘。重點就係，唔知佢個雞扒係發生咩事，究竟係由剝毛開始燒定點，足足等左45分鐘都見唔到塊扒。連遲過我地入嘅人都已經埋單走晒，到最後坐到1點真係等唔落，直接走左。一餐8條串燒食左個幾鐘，今次真係冇下次，勁燥底。

柴灣係一個美食沙漠，好食嘅日本嘢更加沒有。可能好少少嘅可以去小西灣，崗燒算係唔錯。通常會識佢嘅三文魚烏冬，之前佢有一個套餐10分底，但而家應該冇咗。唔可以用出邊嘅標準衡量，柴灣地區來講可以一試～

放工買外賣見到隔離啲舖頭門庭若市，而呢間就門可羅雀，咁我就本住啲美食節目成日去啲冇人嘅小舖覓食嘅心態，去呢間崗燒睇下。一去到見到個餐牌，嘩嘩嘩 30蚊一個餐，有拉麵又有串燒真係好抵 咁見佢咁平就決定買嚟試吓。等咗五五二十五分鐘後，終於攞到個外賣，返到屋企一打開真係異香撲鼻，濃郁嘅拉麵湯底，夾雜著隱隱約約嘅冰凍牛肉味真係令我食指大動。一夾起啲麵就知道執到寶，仲淰過X風堂嘅「超軟」拉麵，望住個麵，我就諗到啲老人家就算冇咗排牙，都可以開開心心咁食，我就為老闆嘅別出心裁而感動落淚最後含淚食咗兩啖就食唔落，實在太感動!推薦大家經過可以試試!

我係柴灣人 每次買糖水都會經過咁我呢次就買咗個飯嚟試吓啦 難食到爆 啲飯好似脆片 一嚿嚿仲要好似係未熟 啲肉好柴 我買嘅係豬軟骨飯 我喺美食平台嗰度買 我見賣相都好似唔差我就落咗點知啲汁係酸嘅 啲肉簡直唔食得

經過一定要試👍👍👍👍👍6:00 order可以順利7:30攞到，叫咗10樣嘢樣樣都精彩;首先肉類，第一次食原汁原味嘅雞腎，黑色嘅牛肉粒都好食，乾過我阿婆塊面啲腸仔都幾好。其次蔬菜類，一啲都唔會超鹹嘅茄子，個翠玉瓜一啲都唔苦，全場最普通係個菜。叫咗鰻魚換來驚喜出咗條青魚。最後發現呢間舖頭備菜都幾犀利，要乜有乜，啲醬汁多到得燒汁一款，叫五款肉類都可以有幾款冇😄😄總之大家一定要試吓呀🐒🐒

路過見平試下，嗌咗500蚊外賣，最後得發脹拉麵入到口！！！！！生蠔、扇貝燒燶到裙晒黑邊，乾過我啊嫲塊面，仲要過熟無味！！！！！白酒煮蜆無白酒，實質係極咸嘅昆布湯蜆！！！！！明太子雞肉咸到生腎石，燒到燶。韭菜好大條，咬蔗咁。老到掉渣，需要原條吞，食完咀嚼到蘋果肌發達。燒茄子變油浸茄子，好林好油無味。發脹拉麵叉燒幾好食，味道適中。雞泡魚汗都算正路。豬頸肉算係唯一嘅清泉。總括而言，可一不可再！！！！！！

不同外賣平台都買過兩次都送漏野食，唔知係特登定唔小心呢😉啲野食難食唔講啦，凍晒都算啦仲要唔熟🙂🙂🙂我等咁耐，又送漏，最後俾啲垃圾我？？*大家真係唔好食

一口牛味道偏咸，賣相不知所謂。豬頸肉炒飯，料甚少。照燒牛肉飯 啲牛肉銀到不得了。整體水準差，日本料理來講簡直係幼稚園級。唔可以話價錢平 就俾啲咁差嘅水準食物啲客。一定要改善。

本人係由中學食到而家，由你開業到停業再做番。蒜蓉燒茄子成日點，一時大一時細。okay 冇問題 明白既。 但今日點個size真係大到呢👍🏻 完全接受唔到 價錢不斷加冇問題 明白既 但size 係由你剛剛開始做到現在縮水唔止一半👍🏻👍🏻有相提供 其他人可以比較下堂食客人點既蒜蓉燒茄子既大細👍🏻👍🏻門口個肥佬一直都冇咩禮貌又串成日嫌多野做 又口upupup 講哂粗口 收錢又慢慢黎👍🏻👍🏻衛生唔多講 去到一望明哂 用評分黎計 以前100分 現在真心負幾百分👍🏻👍🏻👍🏻

嗌左二百幾蚊外賣，雞軟骨勁乾，雞腎有陣冰鮮臭味而且都係好乾，一睇就知道唔新鮮，雞皮好油，好似食緊一粒粒嘅油落口咁。牛柳粒完全冇牛味，雞泡魚又冇送到，食物除左辣之外冇任何味道，食材完全唔新鮮，真係好差，忍唔住要寫食評，作為一間串燒店完全唔合格，以後都唔會幫襯。

正！一個外賣自取等左42分鐘！呢個金菇牛肉燒左42分鐘都冇變牛肉乾+冇變金菇炭真係一絕！另外值得讚嘅係個蠔燒咁耐都冇變炭屎個茄子屋企人話係幾抵嘅～個蜜糖燒蕃薯就真係貼心～ 怕我㷫親特登歎返凍俾我～ 貼心100分仲有啲焦糖添～門口個肥哥哥好有禮貌夠，走嘅時候仲道歉話唔好意思多單比較混亂。不過廚放黑色衫個哥哥就冇咁好相與啦。利申：其他坐枱嘅食客食物已經到晒～遲過我地黎都食完咁滯～哇！正啊！唔係唔去啊嘛！（曲

作為柴灣人，其實一直都知呢餐廳既存在今日的起心肝去試埋單都係$666真心覺得好平 (有3枝藍妹 $32/支)D食物質素都可以好中意食雞泡魚乾, 配埋啤酒停吾到呀救命食物質素冇特別，只要新鮮就可以，加D味粉就吾會難食吉列豬排真係冇肉味...超級唸燒甜薯好味，有焦糖拉麵都幾大碗，溏心蛋原隻上燒牛肉粒都幾好, 吾會overcook串燒黎講都真係吾貴，可再幫襯不過疫情後吧, 因為坐街邊嫁

疫情期間很少堂食，大多數都外賣拎走。今次係崗燒外賣，好震驚佢地廚師竟然未戴口罩煮嘢！！！我都理解呢間鋪頭好細空間，環境好悶熱。但疫情期間，廚師仲唔戴口罩，真係覺得對顧客好不負責。門口同廚師傾計，跟著把食物交俾我嘅人都未戴口罩，令人好擔憂⋯⋯其次，個豬頸肉燒焦，雞皮炸到幹，仲俾客人食？？食物質素都好差⋯⋯

夜媽媽1點幾，深夜總是餓。口癮想食串燒，打電話call個港島朋友一齊揸車入柴灣。由於咁夜無乜巴士，可以求得泊喺舖頭正對住既馬路到，留意有無警察就得😛原本諗住食少少，點知愈叫愈多，哈哈嗌左一堆串燒，燒茄子，燒蠔，仲有碗牛肉烏冬添。逢親黎呢間嘢食，我都會叫燒白鱔，因為真係好正，佢d皮燒到好香脆，但啲魚肉keep到好彈牙，唔會over cooked。第二樣推薦既係燒茄子，蒜蓉好足好入味，茄子燒到好林，而且份量好大好抵食，我朋友都好鍾意。 燒蠔我係第一次叫，比想像中好，基本上足夠蒜蓉燒海鮮一定好食，同樣地佢唔會太熟，都算大隻。