崗燒 (已結業)

夜媽媽1點幾，深夜總是餓。口癮想食串燒，打電話call個港島朋友一齊揸車入柴灣。由於咁夜無乜巴士，可以求得泊喺舖頭正對住既馬路到，留意有無警察就得😛原本諗住食少少，點知愈叫愈多，哈哈嗌左一堆串燒，燒茄子，燒蠔，仲有碗牛肉烏冬添。逢親黎呢間嘢食，我都會叫燒白鱔，因為真係好正，佢d皮燒到好香脆，但啲魚肉keep到好彈牙，唔會over cooked。第二樣推薦既係燒茄子，蒜蓉好足好入味，茄子燒到好林，而且份量好大好抵食，我朋友都好鍾意。 燒蠔我係第一次叫，比想像中好，基本上足夠蒜蓉燒海鮮一定好食，同樣地佢唔會太熟，都算大隻。