岳川串揚 (已結業)

日式串燒好常見，香港地幾乎大街小巷嘅日本餐廳都有供應，反而同是串物嘅「串揚」人氣無咁高。「串揚」其實係流行關西嘅一種小食，沾上炸漿油炸的串炸，喺香港暫時都唔算太多，所以呢間小店有別於香港大部份串燒店，主打串揚，掛念日本味道的香港人一定要試吓！ 呢間小店除咗提供串燒及串揚外，還提供多款前菜，手工啤，清酒，十足日本人放工會去居酒屋happy hour。而餐廳正正位於銅鑼灣灣仔之間，啱曬附近上班一族放工消遣，輕鬆享受一個晚上。 因為疫情未有晚市，今次我地就去食set lunch，$80有四串加兩個飯糰，經濟實惠，因為有兩個飯糰，男士都夠飽。 四串串揚包括有紫蘇雞胸，香菇，洋蔥，美國安格斯牛肉眼(+$25) 四串串揚十分高質，炸粉厚薄適中，全部即叫即炸，其實串揚好講求師傅技術，不同食材需要的炸粉同時間都不同，呢間小店的師傅竟然可以做到恰到好處，真的做到令串揚香口而不失本身食材的鮮味，真的不能小看小店師傅的功力！上菜時店員還細心地向我們逐一介紹每一款串揚，還有他們自家調製的醬汁，其實不需點任何醬汁都已經好好食，非常正！特別要讚是個飯糰，看似乾食飯沒什麼味道，但原來入面有漬物餡料，而且用日本米做，

串揚4串套餐 $804串分別係紫蘇雞胸串：雞胸咁樣整一啲都唔鞋！好脆，紫蘇葉味道唔太出，整體口感好豐富香菇串：外脆內軟，可惜只得一塊洋蔥串：估佢唔到咁好食！好似洋蔥圈又保留左洋蔥嘅爽口海蝦：好大隻彈牙，係高質厚肉粉薄嘅炸蝦仲有2個飯團，有啲類似橄欖菜喺入面，鹹鹹地又幾好食！日式咖哩吉列豬扒飯套餐 $88正正常常，豬扒幾大塊，米飯係日本米，咖哩汁調味剛好。兩個套餐都有麵豉湯同前菜同野飲，野飲有得揀雀檸汽水或者茶

小小的一個地方，設有bar枱，燈光唔會太光猛，幾有格調！👉🏻串揚4串set $80前菜有中華海蜇同酸蘿蔔，好開胃！-洋蔥串，咬落口唔會有嗆辣感，而係非常爽甜！-香菇串，一d都唔乾身唔皺皮，幾厚實滑嫩！-紫蘇雞胸串，雖然唔係好juicy，但肉質唔鞋，好有紫蘇嘅香草味，係夾嘅！-海蝦，全隻都食得，啖啖肉，口感彈牙，好鮮味！-飯團兩個，日本米食落好飽滿又煙韌，驚喜點係裏面有醃海帶，好有傳統風味！每款食物都唔會好油膩，而且粉薄餡靚，配合金黃色嘅表皮，食完無熱氣感覺！另外，店員亦好有禮，係好有heart嘅小店！

岳川串揚在灣仔與銅鑼灣之間，幾有特色小店既感覺，幾有別樹一格嘅感覺！ 午市套餐幾抵食， 想食定食又有，串燒又有！ 感覺多種類。 叫咗點了一份日式咖哩雞肉套餐，咖喱汁醬好香又惹味，唔會太辣，而且帶少少甜既感覺，相當好配飯！雞肉帶嫩感，份量亦不少！ 唔會將貨就價。整體相當不錯，幾有風味。另外日式牛肉烏冬，烏冬做得相當好，軟軟qq彈彈相當有口感。吸了牛肉汁更香更入味！牛肉片香又濃，味道幾出色，牛肉旁既洋蔥不能忽視！好清甜入味，牛肉配烏冬簡直是絕配呢！

好耐都無出去食lunch了！工作關係有機會過銅鑼灣做嘢兼搵食🤘🏻 搭車經過見到已經覺得間餐廳有feel既，做完野即刻拉同事食個lunch先啦😆呢間居酒屋都有幾多選擇俾人揀，店家好熱情，會同我哋介紹下餐牌，等我哋了解多啲☺️同事叫日式牛肉烏冬🍲而我已經比居酒屋既格調熏陶緊我想飲返杯🍺 但比我同事禁住左🙈唯有叫個串揚set飲住茶頂住酒癮先🤣午市set好豐富~包前菜+湯+飲品店家好好效率，好快就上菜💪🏻烏冬一食就知店家係用貴野！好滑口感彈牙，配埋入味的日式醬汁牛肉，無得輸👍🏻我叫嘅自選串揚set同樣出色🕶店家推介香脆雞翼外脆內嫩滑多汁~好juice！而我本人極力推薦美國安格斯牛肉眼😎牛肉味香濃配上串揚的酥脆，為安格斯牛肉帶出多重口感和層次🤤 問返店家佢話係用頂級安格斯牛去做，難怪可以咁好食😋店家話我知健康紫蘇雞胸串會“鞋”啲，但真係太謙虛了，因為食落唔覺得“鞋”👍🏻 呢個係店家為客人着想而選用雞胸肉，脂肪比例低可以食得健康啲🥰套餐仲有兩個飯團🍙 形狀搓得好靚~我好鐘意💕總結來講，一個日式午市set包前菜+湯+飲品，重點係唔係hea交貨比客，真係好抵食👍🏻

串燒食得多日式串揚香港冇咩地方有 灣仔經過見到有間小店新開🍢 午市套餐$80有4串set加兩個熱辣辣飯糰🍙 分別包了紫蘇雞胸串、海蝦串、香菇串、洋蔥串 一共四串🧅 炸漿夠薄身食落酥脆唔油膩，點埋醬汁令到味道多左層次估唔到蔬菜串比肉類海鮮更加有驚喜，香菇炸完都保留到多汁又爽口🍄 另外仲有多款抵食抗疫定食 日式牛肉烏冬$88🍜 套餐都係有齊前菜、麵豉湯～牛肉唔會太肥 好多洋蔥絲 而醬汁都夠香濃入味 配埋碗好夠熱冒煙既烏冬啱啱好🥶

🤍分享文🤍依家出街我諗大家都怕怕🥺🥺但有冇理由日日都留係屋企煮 留喺屋企食🥴 有時買下外賣安全又冇咁悶😝 今次經過銅鑼灣之後就諗住買外賣返嚟啦🤩見到個外賣全日嘅優惠套餐所以就叫咗嚟試吓😆😆！豚肉生薑飯 $78你望到個樣以為都係啲普通吉野家飯姐😂😂😂但佢嘅牛肉都幾新鮮 牛肉味又幾重 分量都對得住價錢㗎 都算唔錯㗎 我攞到返屋企 都仲熱辣辣所以味道唔錯 俾貴少少食呢啲高質嘅牛肉飯好過幫襯吉野家啦🥵同埋佢仲有其他唔同嘅日本飯 款式都幾多㗎得閒經過都可以留意吓🥰

大鄉里是我不知道什麼是串揚。今日和太太在灣仔午餐想食日本嘢，入到去用手機下單時才留意到是串揚不是串燒，哈。等食時上網查一下，原來串揚（Kushikatsu）是發源於大阪的特色小食，返「鄉下」時無食過，現在亦只好在香港嘗試了。串揚4串set $80一set有紫蘇雞胸串、海蝦、香菇串、洋蔥串共4串串揚，另有飯團、味噌湯、前菜和飲品。雞胸，嫩滑清爽，雞胸肉不嚡，還有淡淡的紫蘇葉清香。海蝦，爽口彈牙，咬完第一口，未食的蝦肉和炸衣仍然連埋一齊，不會分離。香菇，香濃多汁，香菇串燒容易燒得過乾變韌，這個不但不會，菇肉仍然爽口有汁。洋蔥，香甜爽脆，大愛。有無發覺我多次用個「爽」字去形容這四串串揚？真的，酥脆爽口，炸衣薄如紙，食物的完整形狀能完全呈現。好吃。我都話我是大鄉里，到差不多食完才發覺原來有沾醬可蘸的，不過不蘸也不錯呀，還能享受到食材原本的味道。只得四串夠飽嗎？食埋兩個飯團就剛剛好了。飯團是熱的，已調味，鹹鹹地，飯團中間是海帶漬，加上飯粒是軟糯而不是腍擗擗，簡單而好食。日式牛肉烏冬$88牛肉另上，抵贊。牛肉無渣又不肥，很入味。還有洋蔥大蔥同炒，醬汁很香濃，與稍淡的烏冬湯底很配合。烏冬是日式，比韓

#灣仔 #銅鑼灣 @yakimori_hk😌想當年去日本大阪, 次次都會去食串揚, 炸漿薄而炸得香脆, 食材新鮮味美, 一邊食串揚, 一邊摸下酒杯底, 同朋友傾下講下好開心! 🤔上次去已經3年前, 近日發現公司附近開咗間串揚店, 開心到癲咗! 🥳🍤串揚 Set, 4串 $80 ~ 包飯團、飲品、前菜、湯! 串揚我選定香菇、茄子、紫蘇雞胸肉、美國頂級牛肉眼! 食材新鮮, 外皮炸得好香脆! 特別欣賞個飯團, 有餡架! 飯粒鬆軟, 米香味濃! 🐥和風照燒雞扒飯 $68 ~ 雞扒亦燒得恰到好處, 外皮焦香, 雞扒仍有肉汁, 雞肉嫩滑, 特意要店員比多啲燒汁, 好好撈飯! 💁‍♀️餐廳開咗幾個月, 水準不俗! 喺疫情下仍有呢份膽識, 好佩服! 日後一定多多幫襯 #支持小店

好味指數：😋😋😋😋推薦指數：⭐⭐⭐⭐今日去開銅鑼灣附近做野，見到呢間餐廳嘅午市套餐都幾多選擇，有串燒、飯類同烏冬😋我地座bar檯，有手工啤酒做擺設，幾有特色😯而且menu都有得叫🤣叫咗兩個烏冬定食，配前菜、麵豉湯和飲品。✅和風照燒雞扒湯烏冬$78烏冬彈牙配清湯底，恰好同醬汁濃味嘅雞肉好夾👍🏻雞肉燒得好香，層皮係脆嘅☺️而且肉質嫩滑✅日式牛肉烏冬$88一開始以為係牛肉湯烏冬，原來牛肉同烏冬係分開上，而且牛肉有特別調配嘅醬汁😍仲有洋蔥同金菇做配料，好好食😋📍岳川串揚 (銅鑼灣)地址：銅鑼灣摩理臣山道8號地舖

串揚，即係炸串。近期香港點流行居酒屋形式的串揚店，飲住啤酒食串燒係幾嘆！可惜最近冇晚市，食住午餐先！午市套餐性價比最高，套餐價位大約$80-$120▪️串揚套餐 $80套餐包含頭盤小沙律，麵豉湯，炸串四款和海苔飯團。炸洋蔥串甜甜辣辣，入口外脆內軟，加啲微甜。雞胸肉紫蘇卷串揚入口外要鬆脆，雞四肉嫩滑超滿足！炸香菇超大的，識落好有菇味，難得的是，炸完之後保持到內層濕潤，仲有菇汁！好滋味至於飯團，分量頗大，冇諗過食得晒兩個。雖則賣相有點平平無奇，包着飯團的鹽漬海苔出奇的夠味！混著日本米飯團甜甜的醋香，幾開胃！▪️日式雞肉咖喱烏冬 套餐 $88香濃咖哩配上彈牙烏冬，成碗熱騰騰。味道比較簡單，沒有太複雜的調味層次，充足的雞肉粒和蔬菜，又出奇的吸引 ！也許冬天想要的就是這樣一碗料理

疫情期間好多小店都需要大家繼續支持😷💪🏻岳川串揚就係一間主打串揚嘅居酒屋小店🏮佢地嘅午市套餐性價比高 推介比大家啊😎-🍢串揚4串set $80套餐包括前菜、麵豉湯、紫蘇雞胸串、香菇串、洋蔥串、海蝦同飯團🍙佢地嘅串揚即叫即炸 外層炸粉厚度適中食落香口而且保有鮮味 果然係主打😌食埋紫蘇飯團一定夠飽飽😗-🍜日式咖喱豚肉烏冬 $88豚肉嫩滑而且份量多 咖喱甜甜地咁🍛彈牙嘅烏冬索晒啲咖喱汁 非常滋味😛一道常見但佢發揮出水準嘅料理👍🏻

好多食肆都推出外賣抗疫餐，今次就試吓呢間新開嘅日式餐廳。日式咖喱豚肉烏冬 $88跟餐有2款前菜，醃蘿蔔丶中華沙律，仲有自選汽水一罐 (可樂/忌廉/雪碧/雀巢檸檬茶）日式咖喱汁，只係有微微辣味，烏冬掛汁，每啖都包住咖喱味，薄切豚肉片，有啲似肥牛，質感軟滑有肉味。等外賣時望到有呢個情人節餐，雖然正日已經過咗，問咗店員，呢個promotion喺成個二月都有，堂食同外賣都可以。又可以經Openrice落單，差唔多時間去拎就得，好方便！

經過見到新餐廳，又有全日優惠套餐，入邊都企企理理，就去試吓。其實平時好少去串揚餐廳度食，估唔到有驚喜！💓佢每個餐都有跟罐裝汽水，又有麵豉湯，又有漬物：相對都幾豐富。串揚方便不得不讚佢個香菇同埋年糕，本應係食肉獸嘅我都覺得好好味😋佢啲炸皮好薄，香菇菇味好濃，好突出，年糕好煙韌，啱啱好👍🏿無過熟或者唔熟嘅情況，所以兩個都好值得試人而其他肉都OK，我試晒豬牛雞，特別推薦豚肉秋葵卷串，有三嚿，好抵食 而且佢有秋葵嘅配合令到油膩感下降，個人覺得配搭得幾好最後亦都叫咗個特價餐嚟試，本應純粹諗住特價餐，燒雞扒烏冬冇咁易出事，點知佢係有驚喜！雞扒表面燒到香脆不特止，啲肉質重要唔嚡，而湯烏冬就正常發揮，不過佢啲烏冬唔係平嘢嗰啲，幾好味！

好少餐廳會以日本串掦既料理做主打，最近灣仔就開左一間，串揚配啤酒同朋友吹下水坐下就最岩，不過最近無晚市堂食，好彩仲有午市串掦套餐同其他日式午餐試吓🥰我同友人分別叫左一個日式咖哩雞肉烏冬定食套餐同埋一個必吃嘅串揚四串套餐，兩款定食都配有小食(日本酸蘿蔔+中華沙律）、飲品 （多數選擇都係罐裝既飲品）同埋一碗麵豉湯。 日式咖哩雞肉烏冬既咖哩醬汁味道係甜甜地唔帶辣既咖喱，容易入口，雞肉量好充足，烏冬既軟硬度亦適中唔會浸汁浸到淋曬，想食得飽叫呢個套餐就岩曬。串掦四串套餐分別有四串串燒同兩個手製飯團，大食小小既朋友亦有其他多幾串既套餐可以選擇，唔洗怕食串燒唔飽，當然因應串燒多少價錢會有所不同。佢地既串掦全部都係即叫即炸，入口香脆得黎唔會過份油膩，再配埋特色既酸汁，味道更加出色，串掦以外仲配有兩個人手製作既飯團，入面仲有d昆布料，好有日本既風味。整體黎講如果想黎試食既朋友我會先推介食串掦，係店子出色既料理👍🏻 因為我地係午市黎，配汽水感覺都係差少少，相信晚市開返大家黎食住串掦配啤酒係更佳既配搭😆