岩盤牛扒 ミディアムレア ステーキ (將軍澳中心)

營業中

休息中

終於有機會試到傳說中的熱石烤牛肉了！日本風的丼飯也特色滿滿 打卡必去😉推薦菜式：香港風熱石鐵板終於有機會試到傳說中的熱石烤牛肉了！日本風的丼飯也特色滿滿 打卡必去😉推薦菜式：香港風熱石鐵板餐 🥩🍲這道香港風熱石鐵板餐是岩盤餐廳的主打菜式之一。以高溫熱石鐵板為基底，將新鮮的牛肉、蔬菜和調味料煮熟。這種烹調方式能夠保持食材的鮮嫩口感，同時讓食物散髮出獨特的香氣。每一口都能品味到牛肉的鮮美和鐵板燒的特殊風味😍鰻魚丼飯 🍚🐟以新鮮的鰻魚烤制而成，搭配上白飯和調味汁，營造出豐富的口感和美味。鰻魚肉質鮮嫩，搭配上醇厚的調味汁，每一口都能品味到鰻魚的鮮美和米飯的香軟。🤩三百度熱石牛柳 🥩新鮮的牛柳放在高溫熱石上燒烤至您喜愛的程度。這種烹調方式能夠保持牛柳的肉質鮮嫩和汁水，同時帶來獨特的炭燒香氣和口感。每一口都能品味到牛柳的嫩滑和炭燒的特殊風味，絕對是一道讓人垂涎欲滴的美味🔥餐 🥩🍲這道香港風熱石鐵板餐是岩盤餐廳的主打菜式之一。以高溫熱石鐵板為基底，將新鮮的牛肉、蔬菜和調味料煮熟。這種烹調方式能夠保持食材的鮮嫩口感，同時讓食物散髮出獨特的香氣。每一口都能品味到牛肉的鮮美和鐵板燒的特殊風味😍鰻魚丼飯 🍚

上網見話幾好食 諗住去試下啦 點知就。。。落單麻煩 價錢偏貴 呃gram數 等餐時間耐 溫泉蛋竟然整出黎係全熟既 牛質十分差 無牛味又鞋 塊鐵好快就凍 真係勁難食 一定無下一次呢間真係垃圾

是日午餐來到將軍澳中心的 medium rare steak，簡簡單單叫個肉眼丼，另外配咗沙律和汽水，好開心有得揀 jolly shandy 肉眼丼比較薄切，肉質唔會靱，都燒得幾香，但略嫌有少少乾，另外醬汁有點少，味道偏淡（可以自助加調味料） 流心蛋好好味，撈飯一流 白飯的份量都多，不過撈埋一齊食就好快食晒 整體上，這個牛丼都算高質素，$83 午市定食性價比高，不過如果是食肉獸，就要叫石燒牛扒才夠滿足了 餐廳點菜/ 出餐速度都可接受，取餐/ 斟水都係自助，食完記得將餐盤放回餐車啊P.S. 順帶一提，這裡用餐還可以儲里數

喜歡打機的朋友，應該對「三國志戰略版」這個遊戲，應該不會陌生！但對於不會打機嘅我，就算從來無接觸過這款遊戲，對於遊戲內嘅人物，或多或少都會認識，因為這個遊戲，是取材於三國的真實人物！但若然你係「三國志戰略版」這個遊戲的超級粉絲，那麼，就不要錯過這間餐廳！前陣子，「三國志戰略版」這個遊戲就跟這間餐廳達成合作，成就了「三國志戰略版主題餐廳」！而這間餐廳，亦是將軍澳區出曬名嘅平民牛扒餐廳！餐廳是一間以日式石板燒牛扒為主的餐廳，一直都是以物超所值的價錢，提供石板燒牛扒！但今日我要介紹嘅係佢嘅午餐定食！整體來說：食物質素未算上高級，但以平民價來說，還是可接受！幾十元有沙律，有飲品，有熱辣辣牛扒飯，已經相當滿足！

✨ 岩盤牛扒 （ू•‧̫•ू⑅)⁡🎀 <櫻花燒肉眼丼>⁡食物上枱和餐牌外型差不多但吃下去份量並不多女生吃勉強夠飽主角牛肉薄片燒得可以但整體無很大驚喜即使有溫泉蛋醬汁不夠導致感覺大半碗都是食白飯整體性價比一般般⁡整體評分：😋味道: 6/10💰價錢: $85*☼*―――*☼*―――*☼*―――*☼*―――*💖 岩盤牛扒 ミディアムレア ステーキ 📍將軍澳唐德街9號將軍澳中心1樓173號舖📞2323 1089⁡⁡⁡⁡ ⁡

未食過禁劣嘅定食，西冷都鞋過鞋底，仲衰過吉野家，好彩冇食咩牛扒🥶🥶🥶一定係唔會再幫襯。仲要除咗肉質外啲汁都係好一般，又鹹又唔好味，本身好餓嘅我哋食2啖都放低晒手唔想食

叫咗牛西冷，拎到返屋企打開已經覺得唔對路，一放入口，又鞋又無牛味，而且成塊肉都有筋腱，呢份餐一定唔係牛西冷❌ 唔知咩部位，感覺似係豬肉片🥲🥲 惱！惱！惱！成百蚊唔知食緊咩肉！以後唔會再幫襯😡😡 每星期我都會食一次牛肉飯，已經食過將軍澳同坑口好幾間牛肉飯，另一間係坑口一直好高質，但呢一間真係完全唔掂🙅‍♂️ 今次我第一次幫襯，已經發生不愉快經歷，價錢同質素不成正比，真係無下次🙁 希望呢間餐廳之後可以提升肉嘅質素。

有一次午餐唔知食咩好，見到附近商場有間牛扒店，但又好似快餐一樣，就啱晒我，因為想快快手手食個午餐！❤️❤️叫了一個溫泉蛋牛扒飯定食，質素還可以的，因為都是你即點他們即燒，感覺牛扒都是頗新鮮的，而且熱辣辣，以平民價的價錢來說食到這樣的牛扒飯，都是可以接受的！另外，他的定食都是配上飲品，我記得埋單都只是幾十元左右，價錢算是非常相宜，大家若果午餐想不到吃什麼，簡簡單單食一個牛扒飯已經非常滿足！至於環境方面，餐廳的範圍都算大，而且有很多卡位，三五知己來食個午飯，都算是坐得非常舒服的👍🏻👍🏻

之前都係其他地放都見過。加上係市面上幾可會見到100蚊以下會食到嘅牛排。今次叫左個櫻花🌸don.佢個櫻花don係有隻溫泉蛋🥚，加埋啲蛋汁令到佢個飯無咁乾爭爭。再加埋啲牛，O-yi-shi!但份量有啲少，女仔還好，但如果男仔食應該要叫1.5-2個飯先夠。我其實完全會話係比佢個價錢吸引🧲而去食。佢overall叫做不過不失，但如果有得揀下次未必會再食。

(自費食評) 😍美味可口一人前🤩上次吃過二人前非常美味可口今次再返來這間餐廳吃他們正在推廣的晚餐，它就是安格斯封門柳$88，牛扒總共有300g重的。請注意: 他們聲明逢星期一至四每日限量發售30份! 售完即止大家平日一至四要碰下運氣。也不排除賣超過30份後，仲有賣的當天我吃到了🥢安格斯封門柳$88元，建議大家可以另加$30元，升級為套餐，可以選擇一份沙律，一碗白飯，一杯飲品，例如波子汽水，烏龍茶。由於他們沒有適合的飲品，我們再選擇一份沙律了。它們的封門柳非常大塊，薄身，不過有少少根，比較難咬不過冇辦法啦，每個牛的部位不同，也有分別不過，300g牛扒真是很大塊，仲要有兩塊賣相非常吸引和漂亮好有開胃的感覺

(自費食評) $298豐富的牛扒三重奏今天來到這間日式餐廳吃牛扒，看見他們這個餐非常吸引這個是二人餐(二人前)，有三款不同部位的牛肉，例如後腰三角肉，牛板腱，牛柳，三款牛肉總共500g 他們有一個玻璃雪櫃擺放他們新鮮的牛肉，當你們正式付款下單買餐後，服務員會即時切出，然後拎去廚房煎他們不會問你們需要幾多成熟，你們也不用主動告訴他們多少成熟。因為，他們會幫客戶煎出最淋，最多味，最正的熟度賣相非常吸引，他們把三款不同牛扒放在鐵板上，三款牛扒也是非常厚切牛肉非常淋，又軟，又多汁仲有少少血水流出，不錯的。非常濃牛味木魚絲三文魚子温泉蛋海苔飯雖然是迷你飯，但是非常足料，三文魚子多多，真是有驚喜，份量很好。仲有，味憎湯(和風湯)比較濃味即叫即製的冬甩雪糕大大件冬甩熱辣辣配草莓味雪糕球賣相非常吸引一人一件仲有少少紅豆肉有少少朱古力醬非常鬆化的冬甩幾特別

今日同朋友去了Mega box溜冰，之後去了朋友極力推介嘅medium Rare 食鐵板牛柳，門面裝修很特別，在入門口嘅地方有一個滿佈燈膽嘅巨型牛頭形狀＇很有特色。門外亦放了多款靚靚牛肉嘅相片，令人食慾大增🤩我點了一個鐵板牛柳套餐，包括300 g牛柳，一個木魚絲三文魚子溫泉蛋丼，沙律和可樂。嫩滑嘅牛柳在熱辣辣嘅鐵板上不斷舞動，我急不及待已經將牛柳放入口內，朋友果然冇介紹錯牛柳入口即溶，嫩滑冇渣，果然係高級貨，店內嘅玻璃櫃亦見到一張表彰狀寫著優良賞👍👍另外蛋丼也非常出色，我把三文魚子和溫泉蛋混在一起，再加上白飯和鮮味嘅木魚絲一齊食，簡直係一絕，這兩個都係我必食嘅推介。

生熟自己控制，牛肉高質又唔韌😋這間位於將軍澳中心，餐廳裝修很有日本風味，店員有禮，高質牛扒凍櫃放近門口，非常吸引，睇到都想食😄牛扒種類繁多，有肉眼扒，牛柳，西冷，配搭都有不少，有白飯，溫泉蛋飯，沙律，餐湯..我叫了一個肉眼扒300g，大小和鐵板一樣，睇到已經很滿足，鐵板非常熱，切小小，生熟完全可以自己調校，牛扒好高質，充滿牛味，又冇渣，令人回味無窮🤤

🥩肉眼扒Rib-eye 1g=$0.56 (200g起）因為我哋都比較鍾意食淋身嘅牛，所以叫咗肉眼扒。去到櫃檯，店員會問你要邊一個種類同埋重量，喺你面前磅好同切肉，即時睇到肉質係咪新鮮。由於岩盤好快傳熱，提醒番大家記得叫3成熟，番到位即食都差唔多5成熟，再耐少少就變7成，唔適宜放太耐，因為好易會over-cook變到唔好食架喇！🥩櫻花🌸牛肉丼 $70 本身諗住呢個牛丼係普通野，點知食落有驚喜喎！肉質好淋好滑，大概做左6-7成熟，唔會係滲血嘅狀態，又無覺得太熟，加上佢特製嘅醬汁，好惹味，整體來講性價比相當之高。🐷🛎️ 必試指數 : 8/10🌟📍岩盤牛扒@將軍澳中心1樓173號（有分店）#自選牛扒 #將軍澳覓食 #wingwingpiglife #wingwingpig_tko🅆🄸🄽🄶 🅆🄸🄽🄶 🄿🄸🄶 🄻🄸🄵🄴

將軍澳中心新開左呢間鐵板牛扒，見幾多人食，就試一試首先你揀要邊款牛要幾多g, 再揀配料，有洋蔥蒜蓉揀，仲可以加$30要湯汽水雪糕我叫左日本和牛，呢度200g，大概$400，塊牛扒好薄，食完好似冇食過咁，但係佢好有油脂好有牛味，但就唔係好值呢個價錢因為用鐵板上，越嚟越熟，加上佢咁薄，基本上你未食完就全熟另外嗌咗西冷都係200g呢塊就厚身啲，亦都係因為佢嘅厚度，所以呢就未至於會去到熟晒，都有牛味，但就乾身左啲鞋嗰啲總括而言，下次嚟應該唔會再食牛扒，但可以試下啲鰻魚丼飯