岩盤牛扒 ミディアムレア ステーキ (博文街) (已結業)

同朋友仔響旺角睇完戲夠鐘食飯唔想等位同人逼人行過少少去左大角咀搵食行過博文街見到新開一間日式牛扒店係按重量計錢既方式賣扒既牛扒亦會預先煎至一成熟 其後自己控制生熟度既餐牌貴精不貴多 只有三個部位既牛扒可以揀食到最貴既西冷扒 價錢1g都唔洗五毫子除左食扒 仲可以配埋套餐加$25就有飯/湯/沙律/飲品 任選三樣另外店鋪係先點野食後入座既去到門口可以揀定食邊款扒 幾重 要唔要set然後店員就會即場響你面前切肉 磅重我塊扒咁大咁厚 加埋飯沙律同湯都$200有找之後就會比一部機仔你等呢個時候就可以入店自己搵位座啦鋪面分左幾區 但主要都係二人同四人台既組合冷氣都幾夠既 不過由於開放式廚房既關係店入面油煙味都比較濃烈調味品方面就有黑胡椒同埋粉紅岩鹽等左大概10分鐘左右就有得食喇我揀左400g西冷扒 調味就要左蒜油牛扒響熱石上面不停飄出勁濃蒜味 好香牛扒上台時會比較生 可以自己決定煎到幾成熟響熱石慢慢煎熟黎食 食到尾到keep到熱 唔錯不過原來400g都幾多架！細食既朋友可以唔洗配set都得因為可以就咁單點野飲 咁就唔會太飽

今日同朋友去開大角咀行街，途經依間叫medium rare steak 牛扒的鐵扒食店。店外已有鐵板燒的香味。而且裝修好日式風情，好特別，印象好深刻，於是決定入內進食。要先點餐，在拿取電子牌，等待響聲，才取鐵板餐。店內冷氣非常凉風。坐位也夠舒服。店員好有禮貌。叫咗鐵板牛柳餐。牛柳份量十足。而且很新鮮，牛柳質感嫰滑，又不乾。口感很多。個人認為是必食的食物，而朋友叫咗西冷牛扒鐵板餐。西冷牛扒同樣有水準，份量也很多，西冷牛扒熱熱地，味道好入味。式多味俱全。口感好嫰，很好食的。另叫肉眼鐵板餐。未食也很有香味。好醒胃的感覺。同樣好食好新鮮。肉質口感也很好。飲品有韓國可樂，味道都幾特別。综合各方面，绝對是物超所值的一餐。

近來在大角咀博文街新開的 Medium Rare Steak，經常有一條小龍，原來真是名不虛傳，這裏的牛扒真是很有質素。原來未俾錢買牛扒不能內進，於是先在點餐區選擇，就試試肉眼啦。 最低消費 300g，$87左右。但是切出來永遠多過300g，我這一份最終是$109。相信有$10左右是根部。不過真的很大大大塊，剛剛三成熟放在鐵板上，煙還不斷冒出。真心說，吃入口的時候，肉質是非常鮮美，香而鬆軟的牛肉味，而且非常 juicy。剛剛吃是三成熟，隨着鐵板的熱力，一邊吃肉眼一邊已經變成半成熟，吃到最後的時候，差不多是全熟。吃來有點趕，這樣高質的肉眼不能慢慢享受，要趕在全熟之前來品嚐真正的牛肉味，哈哈。最令人以外的地方，牛柳雖然比肉眼貴，但最終這一份牛柳比我這一份肉眼還便宜幾元。而且非常厚身，多肉多汁！真是神經刀！這樣的快餐式經營，的確有點新意，完全將重點放在牛扒上，大大塊牛扒已經很飽，不用升級加飯。到黃昏的時候我還是覺得很飽。價錢方面，還算是合理的，但不是非常便宜，因為永遠都比預期重磅。不過質素的確有保證，高質的牛肉，物有所值。

公司附近開咗間主打三成熟牛扒，前身係德國餐廳，裝修保留，點餐既方法同森美介紹日本時推介抵食夾大件牛扒餐一樣，水準都好相近，見到門口凍櫃側邊就係收銀，排隊前要諗定肉眼、牛柳定西冷，段克計300g克起加$25蚊有埋飯、沙律、麵豉湯或汽水烏龍茶四選一我揀350克牛柳加䓤油，店員即時切出一塊放係磅埋單$141，俾完錢記得拎返部機搵位坐，一入餐廳已經充滿煎牛扒既香味，由於已經兩點人唔算多，大把位揀部機一震就出去攞餐，店員提示有個柚子醋跟餐，不過唔好倒落塊扒要食先點，冇揀幾成熟餐廳就會預設3成熟，呢個係最好既安排，因為塊鐵板有200度高溫，如果揀太熟好快就會變well done，建議食幾多切出嚟煎出自己，攞餐個位有圍巾就唔怕食嗰陣整污糟件衫牛柳稔得嚟唔會陣陣梳打粉味，反而肉味都幾濃，只係食完成身牛味，返到公司噴咗好多下除味劑先可以搞得掂

今日happy friday 同朋友去咗奧運食好西，奧運地鐵站出面有條街係好多嘢食嘅，之前經過有間新新地嘅牛扒好似好正咁樣，今日就走去試下啦首先要喺門口點左餐先入座，有西冷、牛柳or肉眼揀，咁我就揀咗西冷，因為口感好易咬啲，朋友就揀咗牛柳，可以揀300g or 400g, 我揀左300g都已經好大份，加左set可以四選三，揀左沙律、味噌湯同烏龍茶，牛已經fix 左係medium,叫咗之後就會比部機你坐喺度等，響既時候就自己出去攞餐廳有埋圍裙俾你，唔驚整污糟，攞上枱嗰陣啲煙仲喺度咋咋聲，就等一陣先可以食，本身驚生生地，原來都熟，都咬得開，幾有口感，幾juicy有肉汁,又大份，唔錯朋友就叫咗牛柳，比較厚身同埋乾，都好大份，個人認為西冷比較好食，牛柳都唔錯，一個人食其實都已經好飽，因為塊扒好大塊好抵食

今日同仔仔去大角咀整野，順便喺果頭食埋晏，阿仔上open rice 見到尼間餐廳，話一定要試，因為佢上㳄同同學仔喺大埔已經食過，讚不絕口，於是話一定要同媽咪一齊分享美食去到門口已經見到有少數人排緊隊，冰櫃放着三款不同種類嘅牛扒，賣相已經相當吸引，不過價錢就更吸引， 300G 一百元都不用，400G 都是百多元，加多$28套餐仲有湯有飯,唔怪得阿仔話好抵食阿仔點左牛柳，我就點左個西冷牛扒，尼度係先點餐，後自取估不到400G的牛柳又大塊又厚身，部份超級厚，厚度長過一節手指，淨係睇尼個份量，已經值回票價，入口無筋，肉質軟腍，煎至三成熟再放係300度嘅鐵板上，鐵板熱力令牛扒食嘅時候成熟到剛好西冷牛扒也是大大塊，咬落煙韌，牛脂充滿口腔久久不散，喜愛食西冷就是這種煙韌口感和香濃嘅牛味沙律用椰菜切絲加上麻醬，可口開胃，食完咁大塊牛扒，飲碗清淡嘅麵豉湯，將油膩感減少了！尼餐真係抵食又好食，下次一於去大埔果間食個勁！

日式鐵板燒肉尼排大行其道，得知大角咀開左一間有水準的店，於是去試一試此店前一手係一間西班牙餐廳，裝修格局依然保留著，雖然有點格格不入，但欣賞店主環保的一面門口有立食，最啱趕時間但又想食好西的上班族，仲有圍裙提供使用，咁就唔怕整污糟D衫點餐時店員會從冷藏櫃取出，然後即切即磅，有300g同400g任君選擇，睇落西冷油脂均勻，牛柳軟腍，肉眼嫰滑，真係令人心大心細，都唔知揀邊款好，最後叫咗個西冷牛扒，一睇尼個油花分佈就知好鬼正👍🏻等左一陣，已經聞到牛扒嘅香肉味，真係令人流晒口水， 大大塊嘅西冷扒上面鋪著乾蒜，洋蔥粒，除左食落較有咬口， 入口香滑嘅牛脂香味，落單時選擇左用洋蔥油，雖然食落唔多覺，但洋蔥油跟牛扒又幾協調感，西冷牛扒始終油脂比較多，吃多幾塊會有油膩感，但配上柚子燒汁，就可減少油膩感套餐組合有麻醬椰菜沙律，麵豉湯白飯和飲品，四選三，最怕食椰菜有苦味，尼度選用優質椰菜，清甜爽口，可樂雖然細罐裝，但係食到咁飽嘅情況之下，份量細細就最啱👍🏻400G百多元嘅價錢，就可以食到中等質素嘅牛扒，真心推介值得一試

我好耐都無食牛肉，突然之間好想食。禁男朋友就同左我去大角咀一間專門食牛扒既餐廳，佢話間餐廳係新開既！平得黎又有質素我地去到門口已經見到有好多人排隊，我地大約等左20分鐘到啦呢間餐廳分別有三款唔同既牛，包括肉眼，牛柳同西冷，每款價錢都係唔同，不過都係以G計算同每cut由300g起，姐係每份牛扒最少要買300G擔心食牛唔夠飽，仲有得加錢嗌沙律/白飯/飲品/湯，價錢都好合理！入座前要先點餐要簡好要邊款牛同份量，餐廳就會係你面前切牛，即時磅牛既重量，唔擔心會比人呃原先唸住叫牛柳，但可能我地太夜到，已經買曬！禁我地嗌左300G既西冷同400G既肉眼，兩個人一齊食肉眼本身油花豐富好好味！但我食完西冷會鐘意西冷多d，因為肉味最濃，佢油花不算多，但分佈平均，好正呀！值得推薦！另外，我都鐘意加少少鹽一齊食味道更上一層次。男朋友介紹呢間牛扒餐廳好掂，下次再黎食先

今個星期四要外出工作，辛苦左一日當然要食d好野獎勵下自己但我又唔想去太遠，禁岩係大角咀附近見到間食牛扒，門口好光猛，二口不説就決定試下呢間首先係去點餐區嗌食野～我就簡左最抵食既肉眼部位，1g要HKD$0.29，雖然佢最少要order 300g，但我實在太肚餓啦，所以最後決定嗌左400gD肉係用雪櫃雪住，有order先拎出黎切點完餐，佢就會比個牌仔你等，順便就入去搵位啦餐廳會預先安排左圍裙，禁就唔擔心會彈到周圍都係，幾細心超大塊既肉眼扒睇見都流曬口水！肉眼板係用石板上，所以一開始d肉仲係有d紅，要靠石板既熱力再整熟d牛每枱都有胡椒同鹽去調味但我覺得d牛再加上跟餐送上既柚子汁，味道更加正除左嗌牛，我仲加左$25要白飯.沙律同湯，係$25已經包左3款，除左呢3款之外，仲有得簡要烏龍茶或汽水，真係好抵食完要自己汁返好枱，好有日本既文化feel我一個女仔食曬全部野，因為真係好好味又抵食！如果再有外出工作，我都會再食

愈黎愈多鐵板牛扒既餐廳，尼間分店開業冇耐，lunch time好多人黎食。主打肉眼、牛柳，及西冷，仲可以加$25有set，4選3個配搭。先落order俾錢，拎‘嘟嘟機’，後入座。叫左牛柳300g配洋蔥油(價錢$0.33/g)，重量會有少少出入，睇師傅手勢切多/少左俾你。亦會放個磅出黎，俾你睇到幾重。師傅將牛柳煎成3成熟就上鐵板。一大件肉送上，外層帶d焦脆，內層仲係紅色，冇過熟呀good。肉汁勁多，一切流哂出黎。而且非常厚身，如果唔鍾意太生，可以趁鐵板仲熱，就切開煎下。另外，有柚子醬可以醮，令肉更清新。肉唔‘鞋’，而且因爲係牛柳部位，所以瘦肉比例佔多，一d都唔膩。但如果鍾意半肥瘦，揀西冷就岩。重點係，冇用好多油去煎，所以鐵板見唔到出油情況，good。跟set配左沙律，麵豉湯，汽水。沙律配有芝麻醬，開胃。而麵豉湯用昆布煮，有幾塊係湯入面，食完咁大塊牛，飲啖中和一下。整體，牛柳生熟程度拿捏得好好，肉汁多而且味濃，大食既人又可以叫大份d。最重要冇加一，食到好牛肉，抵食。不過，係自助形式，食完記住自己放番好個托盤。

昨晚吃飽才經過這間餐廳，當時已立心第二晚要回來据扒🤣🤣🤣這間餐廳的賣點是平價牛、而且你不用揀牛扒的成熟度，統一medium rare🤗🤗🤗🤗客人先排隊於門外點餐（你要多少牛都會於你面前即磅）、入座、自行取餐，離開時清理盤子。餐廳內部設計跟上手西班牙餐廳基本是一樣的，老實說，枱與枱之間的安排比較親密，窗活動範圍不算寬敞😅我們2人點了個450g的西冷和300g的牛柳🥩🥩🥩加2個飲品，價錢尚算相宜🤑其實每1g的西冷比牛柳只貴了💲0.16，但真是很...值...得...的！西冷相比牛柳更有牛味、而且口感💯。而牛柳的肉質則較散。汁醬也沒有平時的黑椒汁、蒜蓉汁之類，但你可選蔥油、洋蔥油或蒜油，另配柚子汁，甜甜的。其實不太喜歡甜汁，最後還是原汁原味的比較好😂😂😂男生吃一份400g多的牛扒也不夠飽的話可加💲25要個set！白飯/味噌湯/沙律/汽水或烏龍茶4選3，包你撐著肚子離開🤣😂🤣

最近新開hit爆嘅Medium Rare Steak，意思係三成熟，依度嘅牛扒都係以三成熟作為烹調標準，務求煮出最佳嘅口感同口味。餐廳一共提供3款牛嘅部位 – 肉眼、牛柳、西冷牛扒。客人可以因應喜好同食量黎揀選要幾多g嘅牛扒。肉眼$0.29/g牛柳$0.33/g西冷牛柳$0.49/gSauce方面有蔥油、洋蔥油同埋蒜油3款選擇。仲可以加錢配白飯、沙律、味噌湯、飲品，而加$25可以係4樣之中揀3樣。顧客首先要排隊點餐，方可入內就座。點完餐後店員會即切即磅，有機會會少咗或者多咗重量，會按番重量黎計個價錢。今次我揀咗西冷牛扒400g，最後切咗430g左右，大約$215，配蒜油，再配沙律、味噌湯同汽水。之後等機器響就可以拎餐喇~牛扒以鐵板形式上，本身係3成熟，外面煎香，鎖住肉汁，經過鐵板嘅熱力，牛扒會慢愯變成5成熟，肉香四溢，肉質嫩滑，軟熟得黎又有口感。隔離仲有一小碗柚子汁，將味道升華之餘仲可以解膩。餐枱旁邊仲有黑椒同玫瑰鹽俾客人調味。如果唔想牛扒過熟，建議盡快享用~一開始嘅熟度~5分鐘後~

每次行過都會聞到鐵板牛既香味終於約左幾個朋友去呢度食lunch我自己點選左400g肉眼 因為唔想飲湯同食沙律只係加左飯同烏龍茶細包裝烏龍茶收12蚊的確係有d貴由於佢係跟佢切出黎舊肉既重量黎收費 所以塊排大概420g左右牛+飯+烏龍茶 大概hkd235友人覺得自己食唔晒想切細舊d店員都會配合只要最少300g就可以等左5分鍾左右就有野食 塊排的確幾大塊牛味當然無和牛果d咁香口不過都唔係差 我覺得都算中上水平而且熟度大概3-5成左右 切完再用塊鐵版熱一熱就岩岩好朋友果塊上台就接近7-9成熟 同店員講都可以換過塊總括黎講除左野飲太貴同太少選擇之外都唔錯幾抵食 不過如果再幫襯我就唔會再簡烏龍茶

超平！$87鋸高質牛扒！ 近期最hit嘅牛扒店，開到嚟大角咀喇！呢間 Medium Rare STEAK 以非常平民嘅價錢，就可以食到平靚正嘅石燒進口牛扒。可以自選部位同份量，比你望住即切即磅， 真係即切即磅同埋石燒，真係第一次試！我揀嘅牛肉部分係肉眼，同埋特製漢堡扒，仲可以配意粉，同加隻太陽蛋㖭， 牛扒汁就可以叫用黑椒汁， 牛扒好軟熟好好味又夠淋，漢堡扒都做得好好味道唔錯，太陽蛋一睇就知道係用扒爐煎而唔係用 pan fried，黑椒汁好惹味但係比較水汪汪，夠辣但係冇黑椒味。