岩盤牛扒 ミディアムレア ステーキ (博文街) (已結業)

最近興食石燒牛排今日就黎到好多隱世美食既大角咀覓食食呢間即切石燒牛口水都流晒啦大約要幾多，店員即刻切比你磅比你睇下夠晒均真價錢極平，最平1G先$0.29我點左約300G既西冷跟套餐牛排汁點左蒜油，套餐跟左白飯、沙律同烏龍茶沙律菜好新鮮爽口最重要係麻醬超多鍾意多醬既我食得好爽牛排上台已經聞到好香牛排唔會全熟上比你，因為石板仲好熱（所以要小心唔好掂到呀）咁你就可以按自己喜好燒到唔同熟度雖然佢係西冷，但唔會太硬連我鍾意食淋身既都岩食最重要係佢牛味好濃郁，完全發揮到西冷既特點蒜油本身夠晒惹味加埋粒粒既蒜片配埋牛排一齊食味道互相提升

喺大角咀見到間石燒牛感覺上好吸引咁啱嗰晚我哋去到佢係得返西冷店員即刻係我地面前磅塊牛扒我哋兩塊total$287轉套餐加$25 會有一個飯 湯或者沙律同埋嘢飲最後我哋仲加咗$10要咗一罐好細罐asahi 佢呢度都係半自助形式當部機震動嘅時候我哋就去取餐牛扒望落去好吸引 仲有好多粟米墊底塊石板都好熱 快牛扒一路燒一路彈啲油出嚟當我去拎紙巾嘅時候店員竟然話餐廳冇紙巾提供 如果要紙巾要自己買一包好難想像一間食牛扒嘅餐廳會吾提供紙巾比客人😦😦😦😦😦 因為啲油會彈到啲碗同餐具全部都油淋淋一切落去塊牛扒嗰陣 已經有啲失望好難切 有啲靭 然後食落去嘅時候冇乜牛肉味而且仲有好多肥膏 😥😥整體係失望 😣😣😣😣

近期興起石燒牛但好食既唔算多今日黎到呢間會一會佢見到都流晒口水因為係逐Ｇ計錢，有個磅比你睇你塊扒幾重，明碼實價我點左300G洋蔥油西冷牛排跟餐沙律好爽口，而且芝麻醬好香，仲好多醬，正又大又厚既西冷牛排洋蔥油非常之香洋蔥炒到半透明，令佢甜味出晒黎又唔會太辣牛排上果陣大約三成熟，可按自己喜好燒熟呢塊西冷牛味香濃，而且有咬勁得黎唔會硬佢既燒汁用黎點牛食可以好好咁發揮牛既香味另外仲有牛既好朋友：岩鹽同黑胡椒，必落！呢塊石板食左好耐都仲熱熱地令到Ｄ牛唔會失溫

lunch time係大角咀搵野食，見到呢間宜家好興既自選份量即煎牛扒餐廳，係門口附近已經聞到牛香味，係門口廚窗先落單，成件牛扒放喺廚窗，你要幾多切幾多，用重量計價錢好均真，切好份量就選醬汁，包括蔥油、洋蔥油同蒜油3款選擇，另外加$25可轉餐四選三項目，包括有白飯、味噌湯、沙律、氣水或烏龍茶，因為太肚餓關係，要左300g西冷蒜油再跟餐配白飯、沙律加烏龍茶，落單後有個機比你安坐慢慢等，一響就可以出去自取食物，牛扒以鐵板上，會先煎到3成熟左右，你自己可繼續用鐵板熱力再煎到自己啱心水既熟度，西冷好濃牛既油香，面頭鋪滿蒜片好香，肉質比想像中軟，無根易咬，以呢個價錢食到呢個質素真係抵曬

嗰日同朋友去大角咀食呢間牛扒 去到門口就見到一大舊 職員會磅牛扒保證係啱嘅份量 坐低之後就見到店舖好窩心咁準備咗圍巾 嗰日着淺色衫真係啱晒 嚟咗兩份牛扒第一份嘅牛樓非常之軟熟 而且有淡淡嘅柚子蜜味 好有驚喜！ 不過個人鍾意食蒜片 如果可以再多少少就好啦之後叫咗份肉眼都好大舊 對比起牛柳來講呢個牛味會重啲不過就冇咁軟熟 不過都唔會好老 我哋叫咗五成熟都見到粉紅色嘅 反而因為個版太啲粟米就燶晒唔係好食到至於套餐方面份量非常足夠個沙律就正常冇乜特別 不過個人係幾鍾意佢個醬汁嘅都係有淡淡的柚子味 唯一唔係幾好嘅係店入面嘅抽風系統唔算好好好大煙 隻眼有少少澀澀哋嘅感覺 不過食物方面以呢個價錢來講係好唔錯嘅 可樂就唔知係甘啱包裝定係佢真係喺日本入貨 飲品嘅選擇唔算多

今晚嚟到大角咀食晚飯 🥣 一直都想試下呢只可以即切即磅即燒嘅牛牛餐廳！感覺上會新鮮d又抵食d🥳🥳 我地揀左一個係牛柳(300g) 🥩🥩🥩 看上去亦幾靚仔，咁大份都唔洗100蚊！平食牛係抵玩嘅🥁🥁 亦要左蔥油做個seasoning 💁🏻‍♀️ 佢上面仲有d蒜片，其實都幾重口味，但配上牛柳亦幾配合到，牛味適中，肉質不老易咬👍🏻👍🏻 仲有d粟米添🥳 另一個叫左400g嘅西冷🐄🐄都係跟左味噌湯、沙律同飲品。韓國嘅cola第一次飲，好似冇咁甜，但細罐d🐾🐾 沙律唔錯，又可以中和下d肉嘅油膩感😻 西冷真心幾正，首先受熱面積平均d.所以個三成熟係做得比較好，切落去已經睇到個種半生不熟嘅美好🤤🤤 而食落牛味加蒜味十足，又夠腍，唔鞋口🥴 亦可以點下柚子汁，成件事會fresh jor🤗

今晚帶食肉獸男友去大角咀食呢間medium rare steak 🥩 自己揀咩肉同份量嘅，價錢公道，最平肉眼都係80幾蚊已經食到300g！女仔食都有d多😅😅男友就叫左400g嘅西冷🤩🤩 即切即磅嘅，冇花冇假😍😍 然後揀左落蒜油同跟沙律、味噌湯同汽水😚😚 佢煎到3成熟左右就會放上熱石板上，令件扒再熟小小🥰🥰 上面d蒜片都好多！西冷切落去幾淋，唔會好肥，牛味適中，配上蒜油好重口味好正！沙律超多芝麻醬！沙律菜爽口嘅😚Miso soup 有d海帶 另外叫左牛柳跟蔥油☝️牛柳幾淋，肉感好重，仲有d粟米係底 另外又可以點下個柚子汁 即解膩又refresh!

同朋友成日都想試下石板牛，個朋友咁岩係依頭番工，所以就約我過去試下，平時都見到有好多鋪頭賣依啲牛，但都係有吾同既肉質。去到鋪頭外面就見到佢提供咗吾同既牛類比我地選擇，有肉眼、牛柳同埋西冷。其實計最貴既肉，要300g都係一百五十蚊有找，所以真係幾抵既。佢仲可以揀肉既醬汁，有蔥油、楊蔥油同埋蒜油，我揀咗蒜油，佢有好多生蒜放係石板比我地一齊煎，同牛扒一齊煎，所以都會幾入味。仲可以係白飯、味噌湯、沙律同飲品揀3樣。我揀咗300g牛柳，佢係好厚身，一嚟到只係得一成，所以要即刻切開佢，之後放平煎番中間既位置，但係都要好好控制個牛肉，因為煎得太耐會過熟，所以如果煎到咁上下，就要將佢放係碗，因為石板既熱力會將啲牛好快煎熟。不過依個既好處係可以完全地選擇自己想食既生熟程度。依個係我朋友叫咗既300g 西冷牛扒，佢就比較薄，所以更需要快啲將佢放岀個碗，因為一嚟到都已經三成熟。

作為最中意食牛嘅牛魔王，我同朋友一直都好想試下食近排好hit嘅鐵板牛。所以特意黎呢間餐廳試下佢嘅牛扒！我同朋友3個6點左右去到餐廳，可能時間尚早，所以唔會叫需要等好耐。餐廳主要提供3款部位比大家選擇，有肉眼，牛柳，西冷。揀完肉類記得揀埋想要嘅油同配菜！之後就可以去點餐區落單啦！望住店員切大大舊牛肉，真係忍唔住留曬口水呀！我叫左份西冷，300g大大塊，配上蒜油香噴噴！配菜上有麵豉湯，沙律同一包烏龍茶。店員好好用碟裝起左一碟柚子汁，方便我地食嘅時候可以點汁。因為叫左蒜油，所以有配炸蒜。蒜片炸得脆卜卜，中意蒜味嘅朋友一定要叫！西冷扒上鐵板切開可以見佢大概3成熟，怕生嘅朋友可以用鐵板再煎一下，唔怕嘅話基本上都可以食！牛肉嫩而不會老，有牛味，好正！朋友叫左份牛柳，配菜一樣。牛柳大大舊，一個人食絕對足夠！切開後牛柳熟度大概2至3成，大家可以切開再煎一下，當然唔怕嘅都可以食左先！牛柳肉質比西冷更嫩，軟林林又有牛味，好好食！順帶一提，餐廳好貼心係每張枱都會提供鹽同胡椒，如果大家中意食原汁原味，可以用下呢2款調味料。當然大家都可以試下餐廳提供嘅柚子汁，一樣好食啊！

一直都好想食鐵板牛，咁岩見到網上推介呢間，公司又係附近，所以約左朋友放工一齊去食。門口有個大餐牌可以睇叫咩食。有3個部位既牛，有肉眼、牛柳同西冷，重可以揀咩配料係面。另外，加$25就有埋set，飲品、沙律、白飯同味噌湯，四選三，好抵！係點餐區排隊，同職員講，佢會幫你切塊牛扒同磅重，好有趣。之後就拎部機，等廚師煎香就會響，可以拎。枱面重有胡椒同粉鹽揀，可以落係牛上面。我同朋友都叫各自叫左300g西冷，加set配沙律、味噌湯同烏龍茶。拎完發現個set都幾多野，塊牛又大份，真係正。重有陣陣蒜香味，牛扒個面又煎得好令。因爲餐廳驚鐵板會傳熱太快，令牛太熟，所以只會煎到3成熟，我地可以根據自己喜好再煎熟佢。我個人鐘意5成熟，所以好快就要拎起。西冷幾有牛味，食落肉質吾會太冧，幾好。重有柚子汁配埋，可以點牛扒食，好清新，吾油膩。而朋友重叫左300g牛柳，都加左一樣既set，估吾到會咁大舊，所以煎既時間會長少少。

難得今日收早，係大角咀搵食先~ 行過見到呢間排房唔錯啵，裝修日式同日本立食牛扒一樣feel!首先係門口點餐, 可以見到唔同種類既扒係你面前, 新鮮即cut! 睇落西冷唔錯，跟餐要飯+沙律先，加多包烏龍茶。上餐速度好快，10分鐘300度高溫鐵板熱辣辣送上, 口水不其然標出黎西冷口感好軟腍，以3成熟上枱, 我就必開後輕輕辣一辣佢變成最愛既5成熟, 超正~ 加上有少少脂肪，牛香味十足，再係上面加少少鹽同黑椒，味道再度昇華，沙律菜加份量十足既芝麻醬，非常醒胃，我想講呢個白飯係最好食之一，煙韌有口感~ 白飯+ 牛排呢個真係世紀大絕配食完要自己將餐盤放係呢個位, 之後就可以捧住個肚走架啦

朋友介紹話大角咀開左間鐵板牛扒好好食要帶我去試下😍不過收工去到有d遲要排左陣隊，埋到收銀好簡單咁落餐，首先要揀肉眼，牛柳定西冷。識食一定食西冷，因為有d筋位先香，所以最貴係有原因😏最好叫300g，原因之後講。其次就牛柳，軟林林似面珠登。第二步就揀油，我揀左洋蔥油可以令塊扒更軟。最後跟餐就揀ABC。落完單就拎住個bibi入去坐住等，塊扒煎好就會震同嚮，可以欣賞下個紅磚裝修先。出面有個banner講解何謂medium rare，姐係三成熟。枱面有黑椒同岩鹽，都同牛係好夾既。成個餐係岩岩好放滿個盤，都真係幾日式😂不過食鐵板牛板最緊要係快，如果你唔想咁生。因為一切開佢真係得三成架姐，所以把刀顯得好重要😝利申我係廢手都好輕鬆切開晒煎返到7成。不過呢我叫左400g個鐵板其實就唔多夠位用。飛左勁多粟米出鐵板😅切完之後鐵板都開始變暖。e個時候先開始好開始食個沙律。沙律菜爽口，醬汁夠，唔會最尾幾塊乾哽。白飯質量ok唔會太多太少。牛扒兩面煎得夠香，配埋洋蔥同炸蒜，外香內軟。食完就得送返個盤去歸還處唔好掛住走人丫🙈

係奧運站行過去勁近，呢間咁hit 就去左試，結果真係冇令人失望，抵食到爆炸！ 事不宜遲，俾啲相大家睇下先，冇呃大家，真係勁多人排隊 Oh my god !!! Medium rare 果然名不虛傳，一切開真係好生，但我好中意！ 我要左300 g 牛柳，再加餐！ 鐵板一黎到，見到牛只係兩邊輕輕煎一煎，趁住鐵板熱，切完出黎再煎煎佢就岩岩好！ 牛柳好林，啲蒜蓉勁正，佢側邊仲有汁可以點，好夾！ 跟餐嘅仲有三樣野揀，我揀左沙律、湯同埋飲品，配菜就不過不失咁，係罐可樂特別啲，未見過！ 同行友人叫左個西冷400g，牛味真係重過牛柳，仲要有少少筋，啲牛香一咬開散曬出黎，我地兩個係嫌個鐵板碟太細，當你切扒嘅時候，啲粟米粒好易跌曬出黎！ 採用自取同自己還方式拎同放，非常好！

平時最鐘意食牛之前開咗個d既自助售賣機既牛扒店都會就去試早一排見朋友某社交平台po咗出黎幾特別我就黎試下啦呢度都係先點餐既不過唔係用部機佢係人手既咁首先簡咩肉 幾多gram用d咩油最後跟唔跟餐你簡咗咩肉店員會拎d肉出黎秤既秤到幾多gram就照翻價錢乘咁我要咗牛柳既我話要300g 但都秤咗341g同埋我都要set咁就4簡3我要咗可樂味㬝湯同埋飯簡完會有店員安排入座我見有個立食區應該係如果太多人就俾人企係度食唔洗等341g真係好大舊牛好有鮮味仲一d都唔韌啱啱燒到5成熟就啱啱好啦味㬝湯同飯對一個女仔黎講 食完個牛扒再食埋個飯真係會好飽我都係盡食都淨翻少少飯食完記得自己放翻去返卻口啦回頭度:8/10

上星期食完呢間超正快餐扒房之後，返去介紹俾老公，咁就趁今日星期日，孖住去再食啦實不相暪我同我老公都係食肉獸，而我老公對牛扒嘅要求都幾高，今日人係比平日多，但係店員落單嘅速度都好快，排隊排咗5至10分鐘就到我哋喇，我地兩個每人點左一個餐，搵個位坐定定等左10分鐘就有得食啦。今次嘅肉眼係比上次多根左少少，但係對於我老公來講佢就勁讚，因為唔似出面啲扒房咁葉到啲牛肉完全係無口感，超有口感嘅肉眼，再配上佢個蒜蓉汁，真係超正！各位食肉獸其唔可以錯過！