岩手 ·建 (已結業)

這天來蘇豪區辦點事，心血來潮來歌賦街搵食，就在街的盡頭發現這間日本料理，門面是幅日本畫，大門半開，引發了餓底的好奇心，進去一試究竟。 看看menu，有omakase！餓底相信有omakase的日本料理一定有返咁上下，叫了一set鹿兒島牛助肉來試試。 蕎麥茶好飲！ 等了一會兒，御膳來了，除主角鹿兒島牛肉，還有麵豉湯＆茶碗蒸，先喝湯，嘩，那個湯碗幾重手下，除了食物質素，餐具也一絲不苟，這裡就看出正宗日本料理對細節的要求了。茶碗蒸，兩個字：滑！鮮！必用上湯，內有雞肉，正宗也！鹿兒島牛肉，以為是軟淋質地，非也！是介於軟硬之間，非常有肉感的質地！味道濃郁，很對餓底的胃口！那碗珍珠米飯不一會就消失了！ 吃罷這個御膳，無比的滿足，有機會再來！

好耐無食日本野, 黎到中環呢間岩手 ·建, 行錯路搵左一陣先搵到XD一入到去已經覺得好有日本FEEL, 好RELAX!2個人叫左3樣野SHARE, 季節魚生丼入面除左常見既三文魚同TUNA, 仲有梳子魚同其他唔COMMON既魚生, 平時好少食, 覺得幾好味!同埋刺身好新鮮, 特別係隻帶子!! 最吸睛係佢既飯粒, 粒粒分明, 而且每一粒都調左味, 比一般既魚生飯好食好多!鰻魚丼呢到既燒鰻魚同平時既唔同, 魚皮特別脆同厚, 口感好好, 魚肉部分又滑! 值得推介!!串燒拼盤拼盤每款有一串, 好多選擇, 全部都好食! 

中環歌賦街稍稍遠離車來車往的商業區，小小社區熱鬧程度不比蘭桂坊遜色，尤其是星期六日的中午，食牛腩麵的，食茶餐廳的，食brunch 飲咖啡的應有盡有。食高級日本菜的也有，就在歌賦街街尾 - 岩手. 健。餐廳著實不大，但很有日本味道， 慢版的背景音樂，木系傢俬家具， 營造溫暖的場景。慢慢享受星期六的下午也不錯。午市套餐每款都包括茶碗蒸， 麵豉湯及薯仔沙律。茶碗蒸口感滑滑溜溜， 入口有蛋香， 加入白果以及雞肉， 還是超嫰的。味噌湯麵豉味香濃， 喝一口暖湯可以 喚醒味蕾。角切魚生飯千萬別以為這裡的角切魚生飯是廉價吞拿魚八爪魚切頭切尾的普通貨色，一看魚肉就知道師傅以上等肉材上菜，金目立，石恆鯛，油甘魚，池魚，倒池魚和三文魚。新鮮立魚刺身外表為淡紅，肉質爽口鮮美，淡淡甘甜，有獨特的清爽口感。石恆鯛肉質細膩，油脂豐富，味道鮮甜。油甘魚肉厚肥嫩，啖啖都充斥著魚油香氣。島池魚質感爽口鮮甜，油脂較多魚味也較為濃。每一款刺身都 色澤 亮麗，新鮮度十足，只看壽司刺身的豐盛與種類， 已經值回票價。鹿兒島牛肋肉鹿兒島牛肋肉條肉汁豐富，爽口位置油香四射，牛肋條炆至腍嫩入味，連筋帶肉口感邊位同時又帶嫰滑質感，口感非常

自皇后大道中登上石梯便是靜謐的歌賦街，往左看是岩手·建，門面一幅日本風情畫，門後傳來以三味線奏出的純音樂，一番傳統日本味道油然而生。推門而入，位子不多，師傅在開放式廚房作案。點過牛肉定食便安靜地等待，是多久沒在這般日式傳統氛圍中用餐，所以當天特別愉悅。以沉重腳步登上楷梯，卻以輕快步伐離場。-#鹽麴味噌燒十勝和牛肩定食 $178以午餐而言，價錢不低，但看食材及環境頗為值得。和牛雖帶脂肪，可是吃下不會滿嘴油膩，反倒突出牛肉羶香味，搭配微鹹、黴紅的鹽麴味噌而吃又是另一種美味; 也可以小吃一口白飯，緩和吃和牛到最後的膩感。漬物為馬鈴薯沙律，綿密蓉中帶洋蔥幼絲及薯顆粒。蒸蛋除鮮菇及雞肉，還含一顆白果，是為驚喜點，帶點甘味。吸物為麵豉湯，攪拌後初嚐味淡，爾後漸鹹，竟喝出層次。菜都清了還有白飯，倒一點醬油令飯濕潤，完全不鹹，也是可口。-

Long time no decent Japanese lunch! My lunch partner was so nice to bring me to this new Japanese restaurant in 歌賦街. Sometimes I do like walking a little bit farther uphill from Central CBD as there are many hidden yet very nice restaurants offering great food at very reasonable prices. This restaurant was at the end of 歌賦街 with a very special entrance! I really loved the painting on the entrance!It was quite a small Japanese restaurant renovated mostly in wood with wooden chairs and tables. The

中環lunch time不嬲好多人，想食好啲又唔想等咁耐位，黎呢間岩哂。係歌賦街盡頭，門面仲好靚。食日本野心情幾時都咁靚，冇得去旅行，黎呢間食個正宗日本菜就fit啦😆睇睇有咩食先Lunch menu唔岩食都可以散嗌，或者搵店員介紹下有咩岩食都得。我地最後嗌左角切魚生飯丼$178，配沙律、麵豉湯、同茶碗蒸。丼飯魚生好新鮮，魚生份量多，連wasabi都好好味，新鮮既wasabi配靚魚生，絕配。個茶碗蒸好滑，食到停唔到口。.我個frd就嗌左十勝黑豚，仲配滑蛋，呢間日本野既蛋真係好出色，個汁甜甜地好好味。舊黑豚肉炸到外脆內軟，仲鎖住哂啲肉汁，冇諗過吉列黑豚都可以咁好味！.呢間岩哂同朋友黎慶生/farewell，環境又靚又坐得舒服，要再encore!!

朋友帶我喺歌賦街食飯，話喺條街盡頭有間日本嘢好正，一定要帶我試下。間舖頭裝修好日式，而且非常之易認，門口就係一幅好靚嘅日本風情畫。裡面裝修非常日式，好有心思，單係杯碟器皿就勁靚，好似藝術品一樣 ，我已經對呢度嘅食物充滿期待! 感覺到係一間非常有誠意嘅餐廳。 我哋叫咗： 岩手建串燒拼盤， 松葉蟹清酒鮑魚 ，吞拿魚三色盛，飲品方面我叫咗乳酸梳打，朋友叫咗梳打水。第一樣嚟嘅嘢食係吞拿魚三色盛，有赤身、中拖羅同埋碎蔥拖羅。 一嚟到非常之有神秘感，係一個印咗鋪頭招牌嘅木盒。打開係三款非常精緻嘅吞拿魚丼。 連個碗都一絲不苟勁靚，擺盤亦都非常精緻，靚到有種唔捨得食嘅感覺。我哋先試咗赤身。 魚味香濃，赤身非常厚切!  第一樣嘢食已經好有驚喜。 之後食嘅係碎蔥拖羅，充滿油脂香嘅拖羅，連埋香蔥一齊送飯食，簡直係完美嘅配搭。 最後食中拖羅，勁肥美! 接近入口即溶，吞拿魚肥美甘香嘅油脂味，充滿喺口腔，齒頰留香， 香味久久不散，係極品呀 !吞拿魚三色盛嘅飯已經調咗味，真係唔使點豉油 都好正。下一道嘅係串燒拼盤，有京蔥薩摩雞，牛脷芯，雞軟骨，鹽燒黑豚，山椒秋葵同埋燒手羽。每一串都好好食呀，燒到啱啱好，保留到肉汁，

喺中環做完嘢同個朋友周圍行，竟然係歌賦街尾見到呢間好隱蔽嘅日本餐廳唔知係唔係個晚都夜， 8PM得我哋同另一檯客，成晚都可以靜靜哋又坐得舒服咁食飯 我哋叫咗廚師發板 壽司10貫 $599唔使煩由師傅挑選新鮮食材！侍應上檯前會介紹壽司， 亦有建議食用次序， 好細心！壽司飯已經沾上赤醋， SASHIMI亦有芥末，調味剛好，我食咗當中嘅北海道帶子， 真鯛， 牡丹蝦， 同海膽，全部都新鮮好味！ 串燒拼盤 $199六款串燒分量睇落都幾多， 有： 京蔥薩摩雞、牛脷芯、雞軟骨、鹽燒黑豚、山椒秋葵、燒手羽每樣食落都好好味， 最緊要係一D油膩感都無， 師傅功力真好！當中嘅雞翼燒得勁好味， 肉質鮮嫩得嚟個皮酥脆！其他都中上LEVEL， 呢個真心抵食， 必點！ 睇到LUNCH MENU 都抵食， 下次要試埋先！

今日中午不想在公司吃公司飯決定到位於九記牛腩附近的一間日本餐廳吃午餐，餐廳大約坐七至八台客，很有日本裝修特色。我點了三色刺身飯，刺身為石垣鯛油甘魚三文魚，石垣鯛感覺很特別，令我驚喜的是油甘魚，入口甘甜及有魚油的香味，三文魚也很肥美，另外餐廳前菜也有水蛋入面還有雞肉令我聯想起親子丼這種配合。還叫了時間慢煮鹿兒島牛肋骨，執好很軟，不像平時一些牛肋骨很硬，更加上日本醋及甜味令人很醒胃。除此之外還有另一前菜是栗子。

岩手·建 位於上環歌賦街嘅盡頭，主打日本菜！餐廳面積不大，大約只有二十個坐位左右，最好預先訂坐！岩手·建 廚師發板 壽司10貫 $599壽司用上赤醋飯，所以壽司飯呈琥珀色，比一般的白米醋飯更具酸度！而且壽司已加入wasabi 及已調味，所以師傅建議不用點醬油！師傅會用當日新鮮食材製作！我當日品嘗的十貫壽司包括有： 梳子魚、北海道海膽、北海道帶子、秋刀魚、真鯛、黑鯥、油甘魚、象拔蚌、深海池魚 及 石垣鯛！北海道海膽味道濃郁甘甜！北海道帶子厚身軟綿，鮮甜美味！秋刀魚肉質細緻爽口，配上薑蓉，味道更佳！岩手·建 串燒拼盤 $199有六款串燒，包括有：京蔥薩摩雞、牛脷芯、雞軟骨、燒手羽、山椒秋葵 及 鹽燒黑豚！牛脷芯牛脷芯牛味香濃，質地柔軟，爽滑不韌，好味道！燒手羽即係燒雞翼，雞翼皮燒至金黃香脆，內裡肉質保持嫩滑多汁，好滋味！

是日放假，不能外遊，只好留在香港消費。所以，最後決定外出覓食一天！今次就去遠少少，嚟到中環食日本菜！呢間餐廳嘅門口非常eye catching，感覺好特別所以就決定喺呢度食午餐！ 入面嘅裝修好日式，好似去咗日本嘅居酒屋。今次點左兩個午市定食。岩手建廚師發板壽司定食($258)賣相 5/5味道 4.5/5價錢 3/5性價比 4/5呢個價錢可以食到廚師發板真係好難得，全部即叫即整，總共有10貫壽司。除咗平時食開嘅三文魚同埋帶子之外，佢仲有池魚，鯛魚等。壽司飯唔係普通嘅醋飯，而係用咗赤醋，飯粒亦都分明，軟硬適中，不會太黏。因為廚師都係揀當造嘅魚做壽司，所以魚生都十分新鮮，完全冇腥味！廚師仲好細心咁為每一貫壽司配上適當嘅醬汁/調味！味增燒十勝和牛肩定食賣相4/5味道 4.5/5價錢 3/5性價比 4/5定食包括白飯一碗，蒸蛋，漬物同埋味增湯。十勝和牛肩燒得恰到好處，大概是七成熟，口感軟腍。配上醬汁，更加能得出和牛嘅味道。此和牛肩脂肪不是太多，食落唔會太油膩，一流！ 另外配菜係黑醋沙律菜，酸酸地，好爽口，可以中和主食嘅濃味。蒸蛋非常滑溜，入面有香菇雞肉同埋白果，有加入到高湯去蒸，食落更加鮮味！

第一次來到上環的岩手建日本料理🇯🇵餐廳，實在是正宗到不行。這裡的裝潢等同於日本高級料理餐廳，整個環境恬靜舒適，播放著日本歌曲，也有日本廚師👨‍🍳炮製日本料理，聽著有人講日文，感覺特別像在日本吃飯一樣。我們點了10貫（十件）的廚師發板，這個廚師發板才$599， 是很不錯的價格吃到超一般的美食，很快壽司🍣上來多款不一樣的壽司讓我歡喜，而且全部質量特別好特別新鮮，我最喜歡海膽和帶子，帶子肉好厚好有口感，海膽份量多十分超值。再來了一份蒲燒生鰻魚，鰻魚🈶️四大塊，送飯剛剛好，兩個餐分別還有湯，蒸蛋，我們還點了杯啤酒🍻配日本餐，這頓飯吃得寫意開心。

午餐一百蚊至三百幾蚊不等，歌賦街嘅餐廳之中算貴，質素又掂唔掂呢？午餐包括麵豉湯、前菜、茶碗蒸、主菜，前菜係味噌青瓜，味噌豆香濃郁，唔會太鹹，少少味噌連埋爽脆青瓜食剛好，食剩嘅味噌仲可以撈飯。茶碗蒸熱辣辣，主要配料係雞肉，蛋同雞肉都幾嫩滑。🍴岩手•建三色刺身 HK$178明明寫住三色刺身，最後有四款，廚師對我真係好。帶子厚身細密，相當鮮甜。赤身望落已經與別不同，比坊間一般嘅赤身更紅潤同更有光澤，吞拿魚味都幾濃。另外兩款唔知係乜魚，問完先知係星鰹、眼仁奈，星鰹油份好高，表面輕輕燒過，油香更突出，魚味濃郁，唔算好腥。眼仁奈肉質緊緻，幾清甜，廚師建議配搭紫蘇花一齊食，份外清香。🍴北海道醬燒十勝豚肉 HK$148豚肉用上厚切豬扒，側邊有一條脂肪，應該係西冷扒，燒得好香，尤其係脂肪，表面焦脆，入口即溶，平時唔會食，今次真係忍唔住，肉質亦夠彈牙，豬味幾濃，燒汁香而不膩。📍岩手•建中環歌賦街51A號地舖

最近發現，歌賦街盡頭新開咗間日式小店，無論店面，定內裡裝修都甚有日本嘅味道，啱哂思鄉情切嘅我😌✨岩手•建廚師發板壽司定食 $258我地點咗廚師發板壽司定食，由廚師安排用上最新鮮嘅材料而整成，我地除咗可以唔駛為食乜而煩惱，仲可以一次試哂十款。手扼壽司即點即做，壽司飯實淨唔鬆散，另外壽司已用醬油調味，所以唔洗點豉油都已經夠味！刺身大大塊，好新鮮！伴碟嘅壽司薑亦好唔錯，薑片細嫩冇渣，口感爽脆，味道微酸帶甜，唔會有生薑嘅辛辣，而且食落好清新。✨黑醋薯仔牛肋肉野菜煮定食 $158賣相好colorful嘅健康野菜牛肋肉定食，牛肋肉好入味，醋味香濃，味道唔會過酸，肉質結實有咬口。麵豉湯入面嘅豆好滑，好有豆香。

#中環美食 #日本餐廳 #歌賦街中環lunch time 一向都好難搵野食 一黎人多要勁排隊 二黎坐得唔舒服 鋪頭好細間 今日原本想去中環歌賦街食牛腩 點知又要排長龍 激激地氣睇下附近有咩食 又真係比我搵到間新開既日本🇯🇵餐廳 .餐廳位於歌賦街尾尾段 鋪頭細細 只有約20座位的小店 午市有lunch set 由$98起 午市定食都包括：前菜、主菜、漬物、蒸蛋、吸物。.▪️滑蛋吉烈熟成十勝黑豚$168簡單來講就係炸吉列豬扒配滑蛋汁 但呢個豬扒唔係普通豬扒 係黑豚豬 要夠肥身既豬扒經過吉列炸炸完先仲保留到個肉汁😋 厚切黑豚配上超薄炸醬既吉列粉 重點是滑蛋夠滑身之餘加上味琳 好Juicy又酥軟 👍🏻.▪️季節刺身三色丼$268即係當日刺身邊樣新鮮就由廚師發辦 是日有𩶘魚 鯖魚 帶子 石垣鯛 三文魚 🍣 Sashimi 刺身新鮮之餘 幾欣賞個米飯 用日本米就必須既 但日本米煮好之後仲要細心加上醬汁 讓刺身飯少了一份單調.小店細細間 有日本師傅坐陣 中環黎講性價比合理👍🏻唔使排隊值得try try . ..💰價錢：約$150-$250(lunch)👅推薦指數：👍🏻👍🏻👍🏻👍🏻（5星為最高）—————