影片
更多
2020-11-14
101 瀏覽
午餐一百蚊至三百幾蚊不等，歌賦街嘅餐廳之中算貴，質素又掂唔掂呢？午餐包括麵豉湯、前菜、茶碗蒸、主菜，前菜係味噌青瓜，味噌豆香濃郁，唔會太鹹，少少味噌連埋爽脆青瓜食剛好，食剩嘅味噌仲可以撈飯。茶碗蒸熱辣辣，主要配料係雞肉，蛋同雞肉都幾嫩滑。🍴岩手•建三色刺身 HK$178明明寫住三色刺身，最後有四款，廚師對我真係好。帶子厚身細密，相當鮮甜。赤身望落已經與別不同，比坊間一般嘅赤身更紅潤同更有光澤，吞拿魚味都幾濃。另外兩款唔知係乜魚，問完先知係星鰹、眼仁奈，星鰹油份好高，表面輕輕燒過，油香更突出，魚味濃郁，唔算好腥。眼仁奈肉質緊緻，幾清甜，廚師建議配搭紫蘇花一齊食，份外清香。🍴北海道醬燒十勝豚肉 HK$148豚肉用上厚切豬扒，側邊有一條脂肪，應該係西冷扒，燒得好香，尤其係脂肪，表面焦脆，入口即溶，平時唔會食，今次真係忍唔住，肉質亦夠彈牙，豬味幾濃，燒汁香而不膩。📍岩手•建中環歌賦街51A號地舖
午餐一百蚊至三百幾蚊不等，歌賦街嘅餐廳之中算貴，質素又掂唔掂呢？午餐包括麵豉湯、前菜、茶碗蒸、主菜，前菜係味噌青瓜，味噌豆香濃郁，唔會太鹹，少少味噌連埋爽脆青瓜食剛好，食剩嘅味噌仲可以撈飯。茶碗蒸熱辣辣，主要配料係雞肉，蛋同雞肉都幾嫩滑。
🍴岩手•建三色刺身 HK$178
明明寫住三色刺身，最後有四款，廚師對我真係好。帶子厚身細密，相當鮮甜。赤身望落已經與別不同，比坊間一般嘅赤身更紅潤同更有光澤，吞拿魚味都幾濃。另外兩款唔知係乜魚，問完先知係星鰹、眼仁奈，星鰹油份好高，表面輕輕燒過，油香更突出，魚味濃郁，唔算好腥。眼仁奈肉質緊緻，幾清甜，廚師建議配搭紫蘇花一齊食，份外清香。
🍴北海道醬燒十勝豚肉 HK$148
豚肉用上厚切豬扒，側邊有一條脂肪，應該係西冷扒，燒得好香，尤其係脂肪，表面焦脆，入口即溶，平時唔會食，今次真係忍唔住，肉質亦夠彈牙，豬味幾濃，燒汁香而不膩。
📍岩手•建
中環歌賦街51A號地舖
張貼
