影片
更多
2020-11-29
74 瀏覽
朋友帶我喺歌賦街食飯，話喺條街盡頭有間日本嘢好正，一定要帶我試下。間舖頭裝修好日式，而且非常之易認，門口就係一幅好靚嘅日本風情畫。裡面裝修非常日式，好有心思，單係杯碟器皿就勁靚，好似藝術品一樣 ，我已經對呢度嘅食物充滿期待! 感覺到係一間非常有誠意嘅餐廳。 我哋叫咗： 岩手建串燒拼盤， 松葉蟹清酒鮑魚 ，吞拿魚三色盛，飲品方面我叫咗乳酸梳打，朋友叫咗梳打水。第一樣嚟嘅嘢食係吞拿魚三色盛，有赤身、中拖羅同埋碎蔥拖羅。 一嚟到非常之有神秘感，係一個印咗鋪頭招牌嘅木盒。打開係三款非常精緻嘅吞拿魚丼。 連個碗都一絲不苟勁靚，擺盤亦都非常精緻，靚到有種唔捨得食嘅感覺。我哋先試咗赤身。 魚味香濃，赤身非常厚切! 第一樣嘢食已經好有驚喜。 之後食嘅係碎蔥拖羅，充滿油脂香嘅拖羅，連埋香蔥一齊送飯食，簡直係完美嘅配搭。 最後食中拖羅，勁肥美! 接近入口即溶，吞拿魚肥美甘香嘅油脂味，充滿喺口腔，齒頰留香， 香味久久不散，係極品呀 !吞拿魚三色盛嘅飯已經調咗味，真係唔使點豉油 都好正。下一道嘅係串燒拼盤，有京蔥薩摩雞，牛脷芯，雞軟骨，鹽燒黑豚，山椒秋葵同埋燒手羽。每一串都好好食呀，燒到啱啱好，保留到肉汁，
間舖頭裝修好日式，而且非常之易認，門口就係一幅好靚嘅日本風情畫。
裡面裝修非常日式，好有心思，單係杯碟器皿就勁靚，好似藝術品一樣 ，我已經對呢度嘅食物充滿期待! 感覺到係一間非常有誠意嘅餐廳。
我哋叫咗： 岩手建串燒拼盤， 松葉蟹清酒鮑魚 ，吞拿魚三色盛，飲品方面我叫咗乳酸梳打，朋友叫咗梳打水。
第一樣嚟嘅嘢食係吞拿魚三色盛，有赤身、中拖羅同埋碎蔥拖羅。 一嚟到非常之有神秘感，係一個印咗鋪頭招牌嘅木盒。
打開係三款非常精緻嘅吞拿魚丼。 連個碗都一絲不苟勁靚，擺盤亦都非常精緻，靚到有種唔捨得食嘅感覺。
我哋先試咗赤身。 魚味香濃，赤身非常厚切! 第一樣嘢食已經好有驚喜。
之後食嘅係碎蔥拖羅，充滿油脂香嘅拖羅，連埋香蔥一齊送飯食，簡直係完美嘅配搭。
最後食中拖羅，勁肥美! 接近入口即溶，吞拿魚肥美甘香嘅油脂味，充滿喺口腔，齒頰留香， 香味久久不散，係極品呀 !
吞拿魚三色盛嘅飯已經調咗味，真係唔使點豉油 都好正。
下一道嘅係串燒拼盤，有京蔥薩摩雞，牛脷芯，雞軟骨，鹽燒黑豚，山椒秋葵同埋燒手羽。
每一串都好好食呀，燒到啱啱好，保留到肉汁，非常juicy! 我同朋友最鍾意係 燒手羽，外面鹹鹹地， 燒到雞皮香脆，而且啲肉仲好滑，一啲都唔乾。 另外，牛脷芯亦都好正，牛味幾濃， 而且一啲都唔韌但又有嚼勁。 呢個串燒拼盤好高水準呀!
飲品方面，我杯乳酸梳打甜度適中， 味道好開胃，我覺得好好飲。 朋友話佢嘅梳打水都唔錯。
最後嘅嘢食係松葉蟹清酒鮑魚，賣相又係好靚，好似藝術品一樣， 面頭有金箔點綴，放係一個金色嘅碟上面。
松葉蟹非常香，蟹味香濃， 真係一試難忘!
鮑魚彈牙，同個汁非常夾，勁好食，而且鮑魚份量唔少。
旁邊仲有舊飯㗎，索咗個汁勁正，真係成碟每一樣都係美食，我哋將佢清到好乾淨，非常滿足!
食嘢中途，師傅會問我哋覺得啲嘢食點，又向我哋展示頭先我地食嘅吞拿魚，係新鮮成舊運嚟，嚟到先切嘅，絕對唔係急凍嘢，難怪咁好食，原來用料咁有要求。
喺度食嘢好享受，有去咗日本嘅感覺，同埋呢度有居酒屋feel，非常適合喺度食下嘢飲下酒傾下偈。 好開心朋友帶咗我哋呢間隱世日本餐廳， 成餐入面真係高級享受，亦都見到餐廳對出品嘅要求，同時師傅亦都有高水準嘅功夫廚藝，帶比客人難忘嘅體驗。
張貼
