岩手 ·建 (已結業)

最近發現，歌賦街盡頭新開咗間日式小店，無論店面，定內裡裝修都甚有日本嘅味道，啱哂思鄉情切嘅我😌✨岩手•建廚師發板壽司定食 $258我地點咗廚師發板壽司定食，由廚師安排用上最新鮮嘅材料而整成，我地除咗可以唔駛為食乜而煩惱，仲可以一次試哂十款。手扼壽司即點即做，壽司飯實淨唔鬆散，另外壽司已用醬油調味，所以唔洗點豉油都已經夠味！刺身大大塊，好新鮮！伴碟嘅壽司薑亦好唔錯，薑片細嫩冇渣，口感爽脆，味道微酸帶甜，唔會有生薑嘅辛辣，而且食落好清新。✨黑醋薯仔牛肋肉野菜煮定食 $158賣相好colorful嘅健康野菜牛肋肉定食，牛肋肉好入味，醋味香濃，味道唔會過酸，肉質結實有咬口。麵豉湯入面嘅豆好滑，好有豆香。