山野日本料理 (已結業)

約媽咪去九龍城行街發現九龍城廣場開咗間新野喎見價錢唔貴又多嘢食我哋入咗去試下個放題我地0630pm前入去每位$208價錢唔貴呢度啲職員非常之細心一入到黎就提我哋行入少少有熱食同有沙律吧同埋有提我地邊度有得攞嘢飲同攞甜品由於我地坐近門口位真係唔知原來行入d仲有野食攞門口登記嗰位靚女好好人同埋好熱情招待佢見我哋喺個位度係咁影相佢主動走埋嚟話幫我地揸機影合照真係好啦原來有三個upgrade plan：加＄88松葉蟹段任食加＄98任食蠔加＄118任食蠔同蟹我地見太多野食怕食唔到太多所以無upgrate到呢度環境相當闊落坐得好舒適兩個人比四人檯你so good啊！設計上個間隔非常之唔錯就算坐滿晒人都唔會有一種好擠迫嘅感覺因為有屏風做咗間隔坐低食野時唔會咁容易就望到其他位d人呢個設計都幾好wor就算好爆都唔會人頭湧湧咁估唔到放題有超多款雪條啊真係好想試曬不過食到兩條應該都好夠lu真係花多眼亂啊行入d有熱食區如果d野未到都可以食住先有瑞士雞翼、鰻魚炒飯、娃娃菜等估唔到中式糖水都有添啊呢個唔記得攞啊食其他甜品食到忘左型另一邊有個沙律吧放題啲嘢食選擇都唔少上菜速度好快唔駛等好耐已經成枱都係嘢食啦同埋冇出

今次是第一次寫食評.因为觉得這餐厅的食物，十分抵食，味道也不错，而且服务非常好。訂台時告訴服務員小姐，我們是7位的，她已經很細心的告訴我們如果有八位會更加抵，因為八時半之後，是第二位半價。八時半准時到達餐廳，服務員立即已經為我們預備好了。並细心的告诉我们所有食物都是任点任叫的，饮品甜品也是自己随意可以隨意選取。點餐之後食物很快就送上，魚生很新鮮，我們很滿意。三文魚很肥美，尤其是鮑魚魚生很鮮甜呢。火炙三文魚壽司是我們最喜愛的。牛肉壽喜燒，南瓜天婦羅，燒牛舌都很不錯。飲品有不同牌子的啤酒，生果味啤酒，韓國果汁，各式汽水，選擇很多。甜品也不錯，除了布甸，啫喱之外，又有中式嘅雪耳木瓜糖水。最窩心的，還是我我的小姪兒，因事遲來了，只剩下半小時可以吃。多位服務員，都很細心的來問是否要再替他点菜，也不催促我們要埋單。在這裡實在要多謝一班服務員的細心服務。謝謝！

好耐無食放題..今晚約左朋友一齊去九龍城廣場呢間試下..環境好寬敞..飲品前菜任拎..飲品仲有apple cider..大部分仲要係韓式飲品..果然係神級放題.. 一開始我地就係出面既沙律吧..自製左d沙律..仲拎左d雞翼串燒既熟食..然後當然少不了放題既主角-刺身啦..份量唔算好多..可以叫2/3 round..三文魚好大好肥美..係我既最愛…仲有壽司手卷任揀.. 仲有好多炸物既選擇..不得不提呢個榴槤炸彈..黎到既時候..你聞唔到有味..但一口咬落口..就知入面幾甘足料..食完成口榴槤味..但鐘意食既朋友一定唔可以錯過.. 另外仲有鍋物同拉面烏冬揀..食到我地個個捧住個肚走..$200幾蚊好抵..原來8點半後入座..第二位仲要半價..下次可以又黎挑戰一下食量…

今日去左九龍城行下 晚餐就唔係食泰國野 而係食日本野 間野門口就已經有好多飲品擺曬出黎 入到去比我地既卡位都幾闊幾舒服.食物種類都幾多元化 因為有好多唔同類型既點餐紙可以畫 坐低就開始肚餓 叫左好多野食 炸蝦天婦羅 蝦餅 甜蕃薯 支豆 雞串燒等等 炸得都幾脆 幾香口另外一定要叫刺身 份量雖然唔多 勝在新鮮好味 三文魚好軟好淋 都幾肥美下之後梗係唔好比佢停 叫左d熱野 叉燒拉麵 牛仔粒 我覺得拉麵唔差 味道都好大陣豬骨味 而且叉燒唔厚身 好容易一口吞到 牛仔粒就好重蒜香味 岩曬重口味既我.最後叫左個炸野 我覺得算係甜品 叫榴連炸彈 聞就無味 食左一淡 榴連味飄曬出黎 勁香濃 外脆內軟 正.食左勁多野 拎住個肚腩走 飲埋呢度可以自己任拎apple cider 簡真爽

每次經過九龍城廣場，都見到呢一間山野放題，從外面望入去見到呢一間日式放題店都非常大，今日收工終於有機會同朋友去試吓。環境闊落舒適，一次過叫到成枱都係嘢食都有位房😌😌😌果然食物嘅種類真係好多！有卷物啦壽司啦手卷燒物啦鍋物諗到嘅嘢大致上都有得食！😌😌一坐底就叫左架船，三文魚同埋生蠔都好鮮甜🤗呢個只番薯好甜，叫左三份！特別推介呢個蒜香燒蠔！真係好香，叫完又叫哈哈辣酒煮蜆好開胃，我同朋友都食吾停！不過最令我驚喜一定係佢有酒飲！！唔係一般嘅啤酒，有Hoegaarden ！OMG 😱😱😱好少食任食有呢種酒飲，吾食濟飲都係返度👏🏻👏🏻👏🏻

今晚約左舊同事係九龍城食飯....次次黎親九龍城都係食泰國菜，今晚舊同事係帶我食日式放題！呢間餐廳係九龍城廣場，易搵到。一入門口我已經好興奮，因為佢有很多平時好難搵到既雪條！例如藍戰士、又有韓國的雪條及榴槤雪條！仲有一個甜品櫃...有我鍾意既泡芙～飲品櫃都係門口，有韓國飲品、啤酒，仲有jolly sandy 同可口可樂系列！！！食物方面.....首先當然係食刺身啦如圖.....有連頭甜蝦、帶子、三文魚、希靈魚、油甘魚同榮螺片樣樣都好新鮮！所以encore 左2次😋壽司類都整得好精緻最鍾意火灸壽司！芝士三文魚、汁燒左口魚邊同埋牛油玻璃蝦細細舊一啖食晒，正！蒜蓉焗蠔同埋串燒都整得好好食串燒牛舌大大塊，又剛熟爽口！蝦又好大隻同新鮮，燒完殻好香脆👍🏻天婦羅多春魚....略嫌炸粉較多，但多春魚好多春，口感一流😍辣酒煮蜆餐廳好重本，一大鍋蜆，蜆又肥美！辣湯唔算好辣，岩唔係幾食得辣既朋友

放工同朋友去九龍城廣場食放題， 放題嘅種類都有十幾樣畀你選擇， 雖然兩個女仔係眼闊肚窄但都每樣想食下試下。食放題一定要食刺身壽司， 啲刺身都幾大片而且都算新鮮， 壽司都適中，唔會好似出面有啲放題店咁細細件。但個人嚟講比較欣賞呢度啲熱食同炸物， 叫咗份辣酒煮蜆， 呢個係圖文不符， 但不符嘅係佢畀張點菜紙大份好多， 辣酒煮蜆成個鍋仔咁上， 而且蜆嘅數量都好多， 至少都有四五十隻喺裏面，辣酒湯底都幾開胃， 個湯底 小小微辣鹹鹹哋幾好味。另外熱食好似串燒，雞翼等等， 味道都幾好食喎， 串燒蝦不會燒到太乾縮曬水， 燒雞翼個皮脆卜卜好好食， 但重點唔會燒到啲雞翼肉乾爭爭， 天婦羅都好大件同好新鮮， 特別係啲蝦肉都食得出佢材料新鮮嘅， 其他嘅天婦羅好似南瓜茄子等等都好大塊， 欣賞佢外面嗰層薄薄嘅粉漿， 因為炸粉漿太厚的話就會好難食㗎喇!另外好欣賞佢呢度啲甜品, 我食咗個紅豆果子, 紅豆菓子裏面嘅紅豆餡好多㗎 , 楊枝金露杯同埋啫喱杯, 全部都甜而不腻， 特別係楊枝甘露杯個楊枝甘露味道好突出， 下層嘅mousse 都幾易入口, 如果唔係食得太飽都會想試曬所有嘅甜品, 細細件兩三啖就食完。因為我哋係七

平日忙得滯太少出街食飯，咁岩朋友叫到，幾忙都要出黎聚下，今次食我最愛既日本菜，重要係任食既放題添。叫左唔少刺身，北海道帶子刺身同甜蝦都唔錯，幾彈牙既口感。天婦羅有大蝦、番薯、南瓜同多春魚，外皮炸得香脆，炸粉唔多唔易散開，食落一d都唔膩。手卷方面，點左鰻魚手卷，好的骰好可愛，令人忍唔住一啖食落肚。味道都幾好，脆脆既紫菜配上鮮嫩既鰻魚，係一種享受。螺肉充滿蒜味，醬汁多，口感彈牙得黎幾開胃。甜品同飲品選擇唔少，飲d茶可以解膩添。我同朋友都拎左好多盒解茶。佢d甜品都多到唔識揀，泡芙好好食，入口即融。

剛剛逛完九龍城寨, 又到了搵食時間！九龍城一向以泰國菜館為主打, 想不到九龍城廣場找來了 "山野日本料理放題" , 餐廳環境舒適，而且樓底比較高, 空間感十足! 點餐前先看了一下各式各樣點心紙, 種類繁多! 朋友已急不及待, 首輪先隨意點下了多款魚生和各式美食（油甘魚、吞拿魚、三文魚、象拔蚌、甜蝦、鮮帶子...）。最爰的三文魚, 晶瑩剔透, 脂肪紋平均分佈, 入口細緻綿化.😋象拔蚌看來柔滑, 㗳落稔香軟彈牙, 輕輕在芥未和醬油一拖，簡直是人間美食. 😘 炸物和燒物: 芝麻雞翼、榴槤炸彈、蕃薯仔、炸蝦餅、燒羊架.. 通通不可錯過.👏🏻芝麻雞翼, 香噴噴肥美雞翼, 金黃外皮包住嫩滑而富有水份的雞肉, 調味得宜.榴槤炸彈, 果然有料到, 流心榴槤炸彈, 味道清香. (溫馨提示: 流心榴槤, 大家小心辣咀).燒羊架, 肉質軟腍，不太重羊膻味, 肥瘦均勻. 酒類也是多款選擇, 清酒、梅酒、各地啤酒汽水任飲唔男嬲 (酒係針對18歲以上😼)👇🏻 牛肉鍋, 一連吃了三個, 嫩滑牛肉, 入口溶化, 加上湯底更是靈魂所在, 非常惹味!👍🏻👍🏻刺身、壽司、炸物、天婦羅和燒物等通通都在都 Encore,

朋友生日，就她住在九龍城這邊慶祝，她雖然外表好fit，卻是大胃王一名，所以我們常常約食自助餐及放題，今晚就約食這間「山野日本料理」擦番餐慶祝。晚市8:30後第2位半價，已有很多人在輪候，店員安排我們坐卡位，地方十分闊落環境也很舒適。放題時間2小時，我們坐下就馬不停蹄點食物，這裡食物選擇豐富：刺身、壽司、鍋物、手卷、拉麵、卷物、一品料理、炸物、沙律、天婦羅，真是花多眼亂，點完食物之後，我就出去拎飲品，我和朋友都覺得放題就是無的放矢，可以飲些平時少飲的飲品，難得有SOMERSBY Apple Cider，外面賣一罐都唔平，所以一於唔好放過佢。食物陸續送到，我們都認為食物質素不錯，蟹粥、羊架、炸蠔、三文魚、吞拿魚、牛肉粒、芝麻雞翼等，無一不喜歡，不過記住份量要叫少啲，以免眼闊肚窄，因為之後仲有大量甜品及雪糕雪條供選擇，我就推介韓國粟米雪條，內有粒粒粟米，口感十足!整體來說，食物質素不錯，價錢合理，與朋友約定再來擦多次。

九龍城出名多美食，除了著名的泰國菜，潮洲菜及特色甜品外，依家仲有呢間日式放題給大家朝聖！餐廳座落於商場角落，地方非常寬趟，座位闊落舒適，日式裝修清雅脱俗，以卡座為主，並以多幅日本壁畫作點綴，生色不少！晚市放題任食兩小時每位$228，如8:30pm後入座第二位半價即$114 , 更抵食！ 食物分類清晰明細，由A至K頁任君選擇。多款飲品包括Apple Sider, Hoegarden Radler, 梅酒及清酒任飲。 頭盤當然是刺身， 有我至愛的象拔蚌, 北海道帶子, 甜蝦及必食挪威三文魚。 每款刺身都鮮甜美味，尤其是甜蝦和北海道帶子, 肉質通透，光澤誘人，令人一再encore 壽司和卷物方面， 較一般特別的有法式黑松露帆立貝壽司， 火炙芝士松葉蟹棒壽司, 火炙牛油玻璃蝦壽司, 秋芝鴨胸卷等。全部滋味滿分, 尤以必食的火炙芝士松葉蟹棒至正。壽司size細細, 一口一壽司，令客人可以試多些不同口味和款式呢！另一必食之選是芝心獅子狗天婦羅，炸得脆脆的外層包裹著軟綿綿獅子狗，內裡更有香滑芝士，口感豐富，令人一試傾心 其他的蕃薯及南瓜天婦羅也有相當水準。牛油炒雜菇香氣四溢，惹味非常！蟹子沙律及胡

歌名：朋友主唱：譚詠麟 「🎵繁星流動🎵和你同路🎵從不相識開始心接近🎵默默以真摯待人。」歲月就算走得多快，友情始終常在。今晚和自小相識的好友來到這間「山野日本料理」舉杯飲聚舊一番。餐廳主打日式放題，之前吃了幾次，是經網上團購而來食，現場環境舒適，座位寬敞，食物選擇豐富，而且質素不錯，印象很好，所以今次我主動提出去這間餐廳。「🎵人生如夢🎵朋友如霧🎵難得知心幾經風暴🎵為著我不退半步🎵正是你。」這裡的經理見我來了幾次，所以有點熟稔，他殷勤招呼我們進內，說了些客套說話，並介紹他們的包房服務，如果人多可入房自成一閣，吃喝玩樂悠然自得，然後又說即將增設食物枱，提供不同小吃，讓食客有更多選擇。這位經理這麽落力推介，如果我是老闆，定必給他加薪😎。「🎵遙遙晚空點點星光息息相關🎵你我那怕荊棘鋪滿路🎵替我解開心中的孤單 是誰明白我。」食物方面，其他的先不說，這個魚生旗艦船也真夠吸睛，就算幾專心都好，見到這個總會分心吧，來自愛爾蘭的生蠔，肥美且帶有淡淡的鹽水，夠鮮味。另外，魚生也很鮮甜，點些醬油及芥末就更加提升味道層次了，十分不錯。說回這班好友，童年時大家在同一條邨長大，每天著對拖鞋就走落公園玩，所有頑皮嘢都

食物差，服務更差...食到一肚氣未食過咁難食嘅刺身，魚又霉又腥，成盤垃圾...係得飲品正常😡😡😡😡😡😡😡😡😡😡😡😡😡😡😡😡😡😡😡

今日同朋友慶祝生日, 朋友最愛吃放題, 於是我地選左呢間位於九龍城廣場裹既一間日式放題餐廳, 未入去我地已經比免費任飲SOMERSBY 蘋果酒呢個牌吸引住, 即刻心心眼呀, 哈哈…..除左蘋果酒, 仲有其他特色啤酒&飲品.我地一坐底一D都唔客氣架, 即刻點野食先, 首先緊係點放題必食既刺身啦, 有甜蝦; 北海道帶子; 非常鮮甜. 吞拿魚; 挪威三文魚; 日本鮮油甘魚; 非常肥美. 榮螺; 象拔蚌; 非常彈牙. 另外仲有蜜汁鮑片; 希靈魚; & 玉子刺身.跟住都叫左少少壽司, 有火焰芝士蟹柳&火焰芝士三文魚, 入口即溶, 仲有加州卷, 正呀. 仲點左個粟米沙律手卷, 哈哈, 細細件好得意, 仲唔太大件可以食多D其他唔同既野. GD!!之後叫左沙律同前菜, 有中華蟹籽沙律, 胡麻沙律, 泰式刺身蝦沙律, 份量一D都唔少, 沙律菜新鮮. 前菜叫左辣味螺肉 & 支豆.之於天婦羅方面我地叫左大蝦天婦羅, 蕃薯天婦羅, 南瓜天婦羅, 多春魚天婦羅, 炸漿不太厚, 剛炸起, 熱辣辣, 又不太多油, 讚!!另外叫左一D都幾飽肚既野食, 哈哈….有蟹粥 & 雞扒烏冬, 烏冬係讚岐黎架, 所以都OK架.

免費都不會去吃魚生唔新鮮炒牛肉，羊架又硬又難食連炒雜菜, 枝豆都不好食海瞻手卷又冇，又唔通知客吃完一round後冇野值得再叫第二round環境又有一陣味只有罐裝飲品是正常