山野日本料理 (已結業)

今天早左放工，去九龍城等老公放工過來食晚餐，見有時間就去九龍城廣場行下先，見到有間名叫山野日本料理，是食放題，店舖地方都幾大，座位寬敞舒適，門口放有價錢牌和介紹食物的版面，食物都好豐富，到了8點半價錢重底，第二位半價，我一向喜歡食放題，又喜歡試新店，時近8點多，一於等埋老公一齊入去試試！除了寫紙點餐外，還有自助區，有甜品、飲品、冷盤、熟食等，任飲任食，非常豐富！刺身拼盤：每次都用冰底墊住，保持刺身低温，Keep住新鮮度，刺身新鮮而且是厚切，所以口感非常好，挪威三文魚、油甘魚、希靈魚肥美，甜蝦、北海道帶子鮮甜，馬刀貝爽口。燒物都好好味，我試了蒜香燒蠔、燒羊架、鹽燒海蝦。特別是羊架，入味嫩滑，十分惹味！火炙壽司也做得好，壽司飯調較醋味和軟硬都適中，三文魚腩、縵魚、芝士松葉蟹棒，經過火炙後，味道更提升，美味極了！上圖是芝麻雞翼：皮脆肉嫩好入味，加上有芝麻，香味更濃更香口。下圖是在熟食區自取的瑞士雞翼，非常滑又入味，老公食不停口，還有芝士波波都好味！甜品有好多款，我最愛的是牛乳奶凍和芒果布丁，韓國雪條也有多種口味，我喜愛的椰子味和蜜瓜味，還有很多食品未能食到，因為我們已好飽了，期待下次再來食過

放題平時喺旺角食得多，今次朋友帶我去九龍城食放題，朋友話九龍城有一間好好味嘅放題，於是我地就去呢間放題。一行到門口就見到有一個甜品櫃有好多甜品好吸引，睇落好吸引好似好好味。仲有雪糕櫃啲雪糕，任食韓國雪條哈密瓜味系我最鍾意食的味道，仲有個飲品櫃好多飲品任飲正。食物種類有好多：壽司，刺身，手卷，天婦羅，燒物，鍋物，拉麵/烏冬，卷物等。。。 刺身三文魚好新鮮好鮮甜，希靈魚，蝦，帶子和鮑片都非常之美味。雞軟骨餃子和番薯仔都好好食👍蒜蓉燒生蠔，燒蝦，燒三文魚頭和羊架全部都熱辣辣好好味，蝦又好爽口唔會淋。辣酒煮蜆個湯底幾正辣辣地，雖然蜆細細隻但好入味索晒辣湯的味道。

約了位好朋友吃生日飯，由於少出九龍城，上次來附近吃過好東西，我便建議來九龍城，見這間價錢合理又多樣化的選擇，便訂了位。我們由樂富站行到來大約15分鐘，因為不熟路關係花多了一點時間，來到廣場一轉右就可以看到這間餐廳，廁所就在隔離，超方便呢！看看餐單，都挺多食物，刺身、壽司、手卷、鍋物、拉麵、烏冬、炸物、串燒等，我們幾乎每樣都吃了，已經超飽和滿足了！其中最喜歡灸燒類壽司，有燒香的味道榴槤炸彈，筷子一插已聞到榴槤香燒牛舌亦很爽和厚身燒羊架亦不錯，很嫩辣酒煮蜆亦很惹味，唯獨湯底像是味粉湯，蜆本身卻十分鮮甜再來甜品，奶凍類、朱古力蛋糕、泡芙和蛋糕卷，挺喜歡咖啡奶凍！還有不少得雪條類，十分多選擇，但太飽，我只能吃一條-藍莓乳酪雪條，有藍莓果肉，很好吃！這裡飲品選擇也算多，apple cider是最吸引，其次是碳酸飲品，要消滯還有烏龍茶和黑茶等。座位很舒適寬敞，餐單其中有些食物可以自取的，原本見到薯角我好想吃，但由於已吃了不少熱氣食物，已經忘了還有咖哩飯和薯角想試又無試到。我們7時半來到，相對少人，到8時半後多了很多客，應該是有優惠的緣故，第2位半價，個人覺得雖然會更抵吃，但不想太夜吃那麼多，還是早

同朋友行完山, 去左九龍城附近搵食醫醫肚, 一整天既勞動, 最好當然係任飲任食放縱一下。在網上一SEARCH之下, 找到一間位於九龍城廣場內, 價錢不貴, 評價都似乎唔錯, 於是我地鎖定目標前去食餐勁!門外有張貼價錢同埋任食menu款式, 亦可額外加錢升級任食生蟹同長腳蟹, 不過同行朋友對蟹有敏感, 所以今次沒有加錢升級。餐廳內環境座位寬闊, 沙律吧、部分熟食、甜品、飲品都是自助形式取。入座立即先click好order, 再把握時候出去自助區行一round。飲品款式都幾多, 以罐裝為主, 就連酒類都有任飲供應。甜品款式亦超級的多, 雪條款式味道比起其他放題餐廳多得很。自助熟食區雖然不算太多選擇, 但fill-in總算幾密, 不會出現"空殼"情況。拿了飲品後回位, click了既order已經很快送上檯, 效率幾高!先來一盤刺身船, 以冰墊底, 刺身色澤盡顯新鮮, 而且均為厚切, 特別是三文魚, 有一半份量都是三文灸腩, 魚油非常豐富!!!就連加單order, 都有三文魚腩啊!!! 對於我呢個三文魚腔, 絕對是讚口不絕!壽司: 飯不會太大舊, 多吃幾件亦不會太易飽炸物: 天婦羅蝦、芝麻雞

今日星期五，梗係要同朋友食餐好嘅。喺九龍城商場見到一間山野日本料理，價錢唔錯，又幾多人去食就一心試吓。入到去個環境好舒服，餐牌又靚。食物種類好多，除咗有得畫紙叫野食之外，仲有啲自助既小食。首先黎壽司，每件都細細件，一啖啱啱好。個份量唔會太大，可以試到好多唔同嘅種類鰻魚同煙三文魚壽司都入口即溶口感豐富。手卷細細件但上面嘅料都唔孤寒。魚生都好新鮮，而且仲係厚切嘅。燒生蠔真係原隻上，上面仲有好多蒜蓉，帶岀鮮味。另外炸物方面，真係即叫即炸。咬落去真係脆既，特別鍾意佢嘅芝麻雞翼，有埋雞翼尖，啲雞肉都好嫩滑。員工話呢度嘅咖喱牛舌，係日本師傅特登整嘅，試咗都覺得好爽口。我最愛既辣蜆，佢嘅辣粉係用韓國架，食落好似係泡菜味咁，個感覺好特別。自助甜品飲品都好多，仲有啤酒添。芒果布甸食落唔太甜，但又有奶香味。總括今晚個放題都食得好滿足，員工態度好，好有耐性，食物質素又唔錯。

九龍城一直都係食泰國菜出名，估唔到原來九龍城廣場呢到都開咗間日本放題 山田日本料理，價錢合理，星期五六晚都係$238一位，就同朋友試下。頭盤黎咗個好精美的刺身拼盤，我地叫咗挪威三文魚，油甘魚，帶子，八爪魚，馬刀貝，仿鮑片，甜蝦，希靈魚，每款都十分新鮮，肉厚，清甜，特別係油甘魚同甜蝦，油甘魚肉厚，咬落好香，完全無腥味，甜蝦剛剝殼，肉好淋身可以係出面自己揀啲熟食小食，有螺肉，菠蘿熟食方面我地點咗好多，燒生蠔，燒海蝦，燒雞軟⻣，煮牛柳粒，榴槤炸彈等，即叫即整好新鮮仲叫咗個芥辣八爪魚手卷同海膽手卷，細細件一啖食，好满足仲有雪糕，甜品，飲品櫃，有好多款韓國雪條任選，飲品有汽水，茶，同啤酒，甜品都有成五六款，奶凍，泡芙，芝士餅，朱古力餅。以咁樣的價錢食到咁飽，呢餐係十分值回票價。

以前每次黎九龍城都係食泰國菜，不過呢次黎到係想食日本野。一入間餐廳門口有好多飲品，而且飲品都係大牌子飲品，另外值得一提佢飲品仲有埋酒精類，有啤酒，apple cider, jolly shandy...等等，飲品方面絕對唔馬虎！另外好多雪條選擇，見到都興奮。💃🏻另外仲有好多甜品選擇，正入去坐低，原來餐廳好大，食物種類好多，不過每項種類入面選擇就唔太多，好彩刺身有既都係我同朋友鐘意食既三文魚、甜蝦、帶子、馬刀貝...因為得兩個人食，廢事晒野食，所以我地每round 都order 好少。 刺身質素不過不失，甜蝦係好'鯰' 質地👍🏻值得一試 叫咗幾round 就開始飽飽地壽司方面，我地揀咗少量試下，不過不失我地兩個叫咗壼熱清酒，酒精濃度偏低，易入口一路食一路聞到好香榴連味，係menu 搵搵搵，原來有樣榴連炸彈，即刻order 試，啖啖榴連味，好食👍🏻另外叫咗份清酒煮蜆，好大份，而且幾乎隻隻都有肉叫咗兩隻焗蠔，好入味，不過蠔就細隻咗少少另外原來間餐廳仲有個corner 係自助式，好多熟食，同埋自助式斟水Overall, 以呢個合理價錢, 食物質素又ok, 值得試試！由於太飽關係，我好多野都無試

今晚一班舊同事聚會，有同事一早book左呢度,話食過幾抵食同好多野食！一到門口已經見到有甜品櫃啦 ，兩個大雪櫃有好多款式嘅雪糕同雪條啦！仲有個冰櫃入面又係勁多汽水、紙包飲品同酒精嘅飲品任選！去到好頸渴，又唔想飲凍野住，見到呢款雪耳雪梨南北杏糖水，就即刻飲番碗先！落足材料好香！呢個季節好啱飲，又解渴又夠曬清潤！❤️我主打刺身，呢度係我一人前份量!!😂所有魚嘅刺身都係厚切好新鮮！帶子同甜蝦都好鮮甜！啲羊扒又好冧好夠味,一啲騷味都冇!個豆腐好滑啲湯好清甜！睇下幾多豆腐！！！正！仲有呢款牛柳洋蔥，洋蔥好爽甜！牛柳又夠淋，個汁醃得好好味！炸物方面，鍾意食榴槤嘅朋友就啱啦！呢度有啲榴槤丸，咬落好似糯米糍咁樣煙煙韌韌！另外我都好欣賞呢款雞翼！醃得好夠味 ， 肉質滑嫩 外層香口,又脆又鬆化！辣酒煮蜆,唔會好辣又有少少酒味，啲湯好好飲！蜆肉好多！埋單每人二百鬆啲，超抵食！！

今日朋友生日，約左佢去九龍城食放題。搵左間餐廳有沙律吧，同貪佢有hoegarden 飲😆去到餐廳的確好闊落，座位好舒適。同埋裝修都幾新淨，唔錯唔錯！因為好肚餓，行入黎既時候見到有熟食同沙律吧，即刻試試先！沙律吧既菜都夠新鮮，仲有蟹柳同螺肉！熟食方面有麥樂雞塊、滷水雞翼、咖哩雞等等。味道都唔錯，特別係雞翼夠冧夠入味！拎左啲小食，就係時候拎野飲。我同朋友主要想黎飲酒食野，所以即刻去拎野飲！飲品種類夠曬多，連Apple cider都有，正阿！！！講返嘢食啦，黎食放題最重要就係刺身！刺身種類都算夠多，寫幾多件就黎幾多！三文魚就肥美，帶子、甜蝦夠甜，仲有平時比較少有既馬刀貝。馬刀貝食落就比較爽口，口感似象找邦但味道似魷魚！刺身質素好唔錯，我地淨係刺身都叫左幾轉！刺身之後就食壽司！壽司好驚喜，好好食！飯團夠細，岩岩比魚包住。飯團亦夠暖，令壽司魚同飯一冷一熱，正！鰻魚都好香，表面仲要比火卓過，好食！之後天婦羅就叫左炸蝦同炸芝心獅子狗。炸蝦唔錯，蝦夠彈牙，炸粉唔會太厚。芝心獅子狗就有流心，好食！之後燒物都好出色，特別係燒蠔同牛舌！味道一流，牛舌應該用牛油燒過，好香口！之後就要講埋個鍋物！壽喜燒牛肉鍋夠

朋友仔聚會約咗喺九龍城廣場食放題，我第一次食山野日式放題，星期五收費每位$238加一都算經濟實惠🤑有10多款雪糕雪條任揀🍨🍧🍦飲品都係任飲，仲要有多款酒精飲品，🍺🍻🥂🍷🥃🍸🍹抵呀甜品區除咗寫紙揀食物之外，仲有自助沙律🥗同埋幾款熱食架刺身夠新鮮海膽手卷芥辣八爪魚手卷呢個要推薦一下壽喜燒牛肉鍋，湯底夠濃夠滑，牛肉肉質鮮美，連津白菜索咗d湯都好好食👍🏻蟹粥燒物最正係三文魚頭同魚鮫，魚肉超滑燒牛舌都有得食餐廳值得一贊係一定唔會漏單，叫既食物又比足，仲要上菜速度快👏🏻

今晚朋友約我去九龍城食飯，我以為九龍城剩係有泰國菜食，原本約我去食日式放題～朋友仔book左19:30，去到已經有人等位，好在有book位～入到去，地方算大，好多枱～95%既枱坐滿人坐底後朋友仔已立即order刺身、手卷、天婦羅、串燒、鍋物，而我就行左出去沙律吧睇下有d乜嘢食沙律吧有中華沙律、螺肉及雜菜沙律另外有d熱食，有瑞士雞翼、雞肉串、麥樂雞、炒飯、味噌湯落完單約10分鐘，已經有刺身上枱，d刺身好新鮮，又冇漏單、完全比足手卷即包，紫菜好脆、飯微暖天婦羅好食，熱辣辣，脆漿唔算太厚燒蝦、蒜蓉燒蠔都唔錯辛辣豚肉鍋正，微辣，豚肉入味配合價錢$238/位，唔算貴，質素唔錯，最重要係刺身新鮮

好少見九龍城有日式放題行到晚8有啲累即刻同人入去坐底休息下轉用肥肚肚開戰有你冇你，所以刺生都嗌曬3文魚好既我，當然嗌左大量3文魚啦超新鮮，勁厚切，超有咬口少有放題3文魚可以做到禁高質10萬個like吖款式都算多，出面有d普通熟食超like個瑞士雞翼同自配沙律（貪心既我加左大量既魚子，爽）拉面份量少岩放題食湯底一流但我嗌既係拉面就上左烏冬不過哈哈，都好好味，好滑牛肉粒出面放題偏硬難咬但呢到唔會呢到牛肉粒叫即做食落仲好juice 吖哈哈~我鍾意既蘋果酒仲要係免費任飲禁正都算啦～最正係雪糕雪條款式超多超開心平均每人大概260抵5抵食就睇同咩人食啦～

團購3小時放題，我同朋友倆人訂座6/11晚上7點半，入場時女職員(經理)叫我們可以食到10點; 之後坐到8點，有位年長男職員叫我們準備離場，話我們團購只可食到8點15分，我話之前同事不是這樣說，他話唔理總之我哋團購食到8點15分，即時收起order 纸，我話我付出4百幾蚊就係食45分鐘，點解我訂枱時職員冇提醒我，佢即話這是你自己問題，我哋職員點解要提醒你，冇必要這樣做，總之你哋就係要食到8點15分要離場，跟住我再找帶我們入場的經理及負責人，她們才說係佢哋攪錯，兩位同事，一個係新黎，一個係兼職，所以叫我們理解，現在可照之前說的坐到10點，我真的不明這大間食店，可以對客人這樣無禮，態度咁差，我高高興興到來食野，付出4百幾蚊，竟得對這待遇，實在很嬲！永遠冇下一次，如果他們繼續這樣對待客人，真的祝他們生意興隆！

你地有無食過好似牛排咁大既牛舌? 食物種類唔算多同埋唔吸引, 甜蝦食完一轉都唔敢Encore你就知有幾好味真係得有Apple Cider任飲最吸引.星期日食夜晚都無海膽手卷 咁幾時先有呢? 同埋BOOKING前又唔講.唉,2百幾當買個教訓. 我係睇到Openrice 咁少劣評先團購,點知中晒伏食完嬲到開左openrice account打呢個食評可能係我期望太高,好失望上食物速度快, 有酒飲

講到九龍城，除左覺得佢唔就腳(無地鐵就是唔就腳😂😂)或者就係諗到泰國菜。今次難得出開九龍城，朋友就話開左間放題想試下，於是二個女人仔就放工去食啦!坐位十分闊落，舒適👍👍門口放曬不同款式既野比大家睇，係門口慢慢睇再決定入唔入去。其實望落野食款式真係唔多，相對出面放題就真係少。不過勝在雪櫃野飲十分多，款式出面都好多好少見!!最重要係仲有好多啤酒款任飲😍😍蘋果酒，Hoegaarden 仲有二隻味!我一個人都飲左幾支😂😂😂👍超值餐廳最入原來仲有其他熟食如沙律等等……都係自助!!👍👍仲有茶同水。天婦羅樣樣大大件，唔係hea 你。炸粉唔厚， 榴槤波熱辣辣超好食👍 紫薯波都唔差!份量甜度岩岩好👍👍壽司類都唔錯！！普遍黎講都不過不失，刺身都好新鮮，樣樣都大大件，因為掛住食都唔記得影相😂😂甜品櫃相當足夠!!每樣細細件唔會浪費!味道不過不失，如果更凍會仲好食!雪糕款就更加唔洗多講，成二個雪糕可想而知你想食乜都有!!連雪糕三文治都有👍仲有韓國雪條👍👍👍總括而言,我覺得岩一班姐妹黎。由其食野唔多既，但鐘意飲下野，食下野，食下甜品雪糕咁。呢到就岩曬👍👍