山葵日本料理 (已結業)

次次撘輕鐵經過, 都想試下, 所以今晚就去左loo入到去, 自助order, 款式唔算少, 但感覺上無乜特色, 都係人有乜佢有乜. 一路諗食乜一路「裝」下人地叫左既野食, 三文魚壽司係長, 但係係薄切, 半透明=_=, 要7蚊一舊, 我見刺身34蚊, 所以都係要左三文魚刺身. 跟住仲要左鰻魚壽司同甜蝦壽司, 之後又「裝」到人地d 炒飯個份量好多, 所以都唔敢叫得多, 就order多一個牛肉炒飯就算了.個炒飯送一個面豉湯, 都係落粉沖水個隻啦, 無乜意見. 之後黎刺身, 佢係切得好厚, 個刺身係好甜, 不過係邊皮個d 位, 又唔切走佢. 我估個度應該有約1/4磅既, 即係呢度賣緊130$$ 一磅, 都唔算抵. 之後個鰻魚壽司幾好, 條魚都幾好味. 不過隻甜蝦好幼好細條, 無乜味, 好「梅」.... 舊飯大舊得滯. anyway, 我都仲覺得接受到既.跟住個牛肉炒飯, 多到我諗兩個人都食唔哂. 料同飯都成正常比例, 都好味既, 40$$, 算係好抵.送果個糖水好好味, 係我成晚覺得最滿意的野食.服務衛生都算合標準, 不過不失咁.呢度平有平食貴有貴食, 但呢度唔係貴食之選. 如果想平平地過下

是這間食店的常客常常跟朋友和女朋友來這間食店吃的吃過許多日本料理雖然這間地方小小食物的選擇不多但好在近女朋友的家有禮貌食物質素又穩定夠踏實每次來都必吃的有:-蝦味吉列炸蠔: 這個一直都很好吃, 通常有4大隻, 小的有5隻, 很香蝦味, 是價錢有少少貴! -三文魚刺身: 肥美, 大, 厚, 鮮, 通常4片一碟, 你可以因應幾多個人去叫佢切唔同數量, 服務好-帶子壽司: 大, 非常鮮甜, 不錯! 少少貴-鯖魚飯: 這個真的燒得很好, 很好吃, 魚亦大條, 燒得剛好有少許魚油, 跟飯一起吃真的一流! 至於其他都很不錯, 好像炒飯或者其他飯, 都很抵食, 份量都很足夠, 已經味道不錯。壽司例如三文魚都頗長, 飯挺大的, 如想吃其他美食的, 就不要點太多了!至於服務方面, 亦很好, 老闆娘一早已認得我們了( 由開店至今已經光顧), 很有善, 如果跟多幾位朋友去吃,還會有優惠券送, 下次便會有免費贈吃了! 吃完飯後, 還會有免費糖水, 雖然常常吃完飯都飽得很而不吃, 但這真是貼心的服務! 總括來說, 有少許貴, 不過如果你將穩定的食物水準, 不錯的服務態度加起來, 都值得你成為常客。說真的, 真希

我在這裡吃過兩次晚餐，兩次都是滿意的。這個價錢在屯門區中的確是貴了一點，不過服務不錯。食物質素不能說是超卓，不過勝在穩定和新鮮。最貼心的是最後有甜品，像劃上一個完美的句號。我吃過的有：三文魚壽司、地獄拉麵、北海道天婦羅拉麵、酥炸軟榖蟹．．．．．．還有我最喜歡的是：什麼什麼蝦味炸蠔！哈哈！

難得齊人食LUNCH....叫左蒜香牛肉炒飯..豬扒飯..拉麵...清酒煮蜆...鯖魚..炒飯同外賣一樣...大碟到嚇死人...但都幾好味...清酒煮蜆好味呀..隻蜆勁大隻勁肥美..淡淡酒味..個湯有好濃牛油味..GOOD...唔知係咪食多左..又同青森比較多左...覺得無左新鮮感...都係青森好味好多..不過山葵都絕對係水準之作..GOOD

見食評不錯..個人喜好日本菜..加上地點方便..於是一試..再試..三試..第一次去食..叫左三文魚壽司..玉子壽司..縵魚壽司..蟹子沙律壽司..同一份鹽燒鯖魚..壽司一般..雖然三文魚係拖尾好大塊..但飯太大舊..玉子太凍..其他都係一般..但個鯖魚真係無得頂..皮好脆..肉質好好..唔會太熟..有好多肉汁..仲要超大條..都係40蚊..係我食過最好既鯖魚.....第二次打去叫佢整定..二十分鐘後去拿番公司食..叫左燒鯖魚飯..紅豆冰..炸蝦卷...個定食轉飲紅豆冰都係38蚊..諗住舊魚無上次咁大條啦..點知其實差唔多咁大..只係無左條骨..但就平左..又多左飯同飲品..好抵..燒魚仍然係超好味..好多肉汁..又唔油..紅豆冰一般..炸蝦卷幾好..唔太多飯..好過D壽司第三次又打去叫佢整定..個老闆娘己經認得我..今次叫鰻魚炒飯....一打開..嘩...大盒到嚇死人..色澤好靚好多鰻魚...面頭仲有木魚飛下飛下..食落好好味...好香..飯好乾身但又好軟熟..D飯真係有縵魚味..唔似有D地方食豉油炒飯加鰻咁....個飯真係水準之上..熟食好好的..但壽司一般..飯太大..但價錢幾抵

上星期同朋友慶祝生日，見呢度成日都有人等位，應該都唔錯，於是提議黎呢度食，大家都無異議．我地叫左個赤貝，非常新鮮，不過好似唔係成日有得食．其他魚生同壽司都好新鮮，同埋睇得出係有諗過點樣present得靚D佢地有個炸蝦卷（係壽司黎架，唔知係唔係咁叫！），好好食，蝦炸得好脆，飯包得唔太多，剛剛好，個賣相仲好靚添．我最鍾意係個鹽燒青魚，有好多所謂高級日本料理都燒到好乾仲有D火農，但係佢地燒到剛剛好，個皮脆脆地，魚肉仲有好多肉汁，一定要試咖哩豬排飯，豬排炸得好香好脆，D肉仲好軟，咖哩汁都幾香．炒飯都好好食（不過唔記得係咩炒飯），炒得好香口，又大碟，真係無得頂，仲好多材料，有魷魚，魚子，魚肉，總之好多，唔會好似有D食肆D炒飯得幾條蛋絲同肉絲咁孤寒．佢個紅豆冰都好好味，豆煲到起沙，但係又未爛晒，仲有得咬下，又唔太甜，加埋D奶，好味！好耐都無飲過咁好味既紅豆冰．呢餐大家都非常滿意，埋單之後仲滿意，一人都係80蚊左右，請埋個朋友都係100蚊，一定會再黎．最後要讚一讚，老闆娘好好，非常好笑容，不時走過黎問下我地對D食物滿唔滿意．我仲見到佢好有耐性咁教D員工做野，淨係呢樣都抵加多幾分俾佢啦！我仲八到，呢間

山葵（晚餐）因為媽咪要陪個親戚既朋友去街街，連晚飯都唔煮ｌｕ，晚飯就各自‘搵食’放左工我又唔想去市中心食飯，記得早幾日睇開飯，先知道原來美樂有間好食既日式料理店。月初出左糧身痕＞＜雖然比較貴都照去試下食＾＾６點半左右入去，好多吉位啊（可能未到食飯時間啦）一入到去，咦．．．個格局咁熟口面既？腦海中既回憶突然歸位（汗）原來呢度我係黎過架！幾年前，中學生既我帶小學生既阿妹黎呢樹食過一次ｌｕｎｃｈ（乜以前我咁豪爽既？哈哈）不過唔知呢樹叫山葵．．．OTL一望ｍｅｕｎ，啊！真的很貴耶＞＜本來想吃壽司點知一叫要叫成幾件，我又唔想ｗｏｒ定食係叫最抵架喇，３０幾蚊就湯有飯，不過冇理由晚餐都食定食咁普通掛。咁就要左個山葵烏冬煲＄４８，好貴呀以為好多料咁就叫囉～等左十分鐘度黎喇，嘩！乜得咁少材料既？除左１條天婦羅蝦同１隻蛋係肉類之外，其他都係蔬菜＞＜好唔抵食呀！我餓到連平時唔食既天婦羅出面個炸漿都梗埋（陰公）食完仲有ｄ餓，就叫左件（係一件）玉子壽司＄６。等件壽司都好耐下，點知唔好食既，玉子好凍！又硬又細件＝＿＝呃錢最後叫左杯紅豆冰做甜品，點知甜品比主菜更好食＞＜食完紅豆冰老闆娘過黎問我要唔要糖水（下？！），

第二次去食，今次食晚飯，好多人，等陣先有位...兩個人叫:五目茶冷麵餐- 想食冷麵，唔知哩個係乜所以試，冷麵汁加蔥花、薑蓉& 生鵪鶉蛋，麵夠凍，都幾好味螺肉- 夠凍，大大粒，好味芝士鰻魚卷- 個樣已經吸引，食落真係好好味，飯卷住炸芝士& 青瓜，面頭係鰻魚、日本沙律醬& 黑芝麻，配搭新鮮，其他鋪一定食唔到，必食推介烏冬鍋- 估唔到咁多料，炸蝦、冬姑、日本魚旦、蘿蔔、雞蛋& 菜，個日本湯底甜甜地，加埋隻蛋，好好味，已經好飽，但都忍唔住飲晒哩餐好滿足，真係好好味，雖然咁多人，但老板娘同侍應仲好好禮貌，一定會再去...

牛肉火煱 好大, 我地2個人食到好飽壽司幾費, 男朋友話一般我覺得最好味係燒雞軟骨, $22 四串, 幾平好多人呀, 九點都好多人

見這間食評咁好, 所以走去一試......可惜...極度失望壽司- 唔新鮮價錢- 貴一句講晒- 無一次p.s. 回到家仲肚痛tim

因為在碼頭返工，遇然也會到山葵食Lunch，set lunch由二十幾到三十幾蚊。我最推介o既係三文魚魚生飯，$35，好大碗，及好多魚生，加上面豉湯，非常飽。不過呢到上菜比較慢，可能我地每次都好多人一齊去，等得比較耐﹗如果係學生，仲有其他優惠!

見食平咁好，成日去屯門緊係要試。男朋友話之前食過鰻魚蛋飯覺得麻麻，水汪汪，佢今次食咖喱豬扒飯定食，我要吉列豬扒拉麵定食，三文魚壽司個個讚當然要試。三文魚壽司，拖尾，$7一舊抵食，不過塊三文魚係邊皮位，所以食到尾有少少腥。塊豬扒幾大塊，好脆好好味，不過個湯底冇味。咖喱都幾好，好大碗飯，但汁比較少。定食0既麵豉湯&薯仔沙律都好味。見到隔離芝士鰻魚壽司同一隻唔知係乜0既壽司卷好靚，好好味咁，下次要再試其他。

今日同阿媽及細佬去食dinner, 叫o左三文魚壽司$7一件),甜蝦壽司($9一件),炸蝦什菜天婦羅($45),炸軟殼蟹(好似$40左右),肥牛火鍋($55)同埋什錦魚生飯($70).先o黎拖晒尾o既三文魚同甜蝦壽司,夠新鮮,d蝦爽甜,好味!炸蝦什菜天婦羅有多款蔬菜,熱辣辣,正!肥牛火鍋o既湯底甜o左少少,而份量都幾多!什錦魚生飯就有甜蝦,帶子,八爪魚,甜蛋,北寄貝,三文魚同三文魚籽,好多料,好新鮮,抵呀!!個炸軟殼蟹都幾大隻,不過最唔好o既就係軟殼蟹入面大大個腮都無清除,食落口有D"鞋",同埋因為腮係幾污糟ga,所以感覺好唔衛生囉!搞到我都唔係好敢食喇!我o係其他地方食o既軟殼蟹都唔會有腮ga嘛!基本上食物都唔錯o既,份量又多! 不過大家叫軟殼蟹時要留意下喇!!

係度食過日本野之後, 我唔會再去o個d連鎖式既日本食肆度食野, 事關單睇三文魚壽司,d元乜元物簡直冇得揮, 可以話山葵一件做得佢地三件咁滯, 而唔比份量, 我亦唔覺得d元乜精巧得黎係好食law第一次係山葵食野, 都唔記得點左d咩,但最記得係三文魚壽司,真係大到你唔信,拖尾架,可以足足圍住成舊飯,而最重要係大之餘仲要係新鮮同好味嘛,之後我帶我媽媽去,我媽媽食野一向都好醃尖下,但佢都大讚!其他推介: 雜菜天婦羅(好多款料, 好新鮮)肥牛旦飯,勁大碗,又滑又多料壽司定食(有6件,分別係3件三文魚,1件鰻魚,1件魷魚,1件唔記得係乜既白色魚)好似係$36倒,係一個定食黎既,跟1個面豉湯或加$2轉罐裝汽水(星期日及公眾假期暫停)燒雞扒拉面: 之前有位留言者都有提過,佢d雞扒係即燒, 所以要等耐d, 但好脆,值得等!(都係定食有湯跟)服務方面簡直係一留,老闆娘笑容可掬,仲全日免加一仲有獨立男女廁所,雖然只得一個,但好乾淨雖然唔係鄰近市中心,但咁抵食特登搭車入去食都抵位置: 可搭輕鐵到美樂站下車,美樂花園7-11o個條街行到差唔多街尾,近單車舖, 或在屯門碼頭總下車,向啟豐商場方向直行約10分鐘

我都幫襯o左大大話話兩三年, 我而家唔係住屯門, 但都特登返去食!1. 服務excellent, 老闆娘超nice, 侍應的服務態度十分好2. 食物very good! 約$6-$10 一件壽司, 都係好似元朗o個d 超大件拖尾壽司, 三文魚/鰻魚好長好大件, 甜蝦新鮮湯麵同飯o既配料好多好足; 最鍾意佢o既牛肉火煱, ~$60 可以三個人食到好飽炸軟殼蟹亦好多好, 又大隻, 多肉仲有時有蟹膏, o係第二度從來未食過咁正o既軟殼蟹3. 飯後會有糖水送, 每次都覺得好美滿~極力推介!!!