山葵日本料理 (已結業)

見到前面好多朋友話佢0地水準不定, 我都有同感~ 不過我就覺得好食0既時候比較多~記得頭幾次食軟殼蟹, 又鮮味又香口, 所以之後次次都會點呢度菜,但有次食落有苦味.......亦都唔脆口, ,, ,, , , 不過我食0左五六次, 只係得一次係咁0者~~咖喱炸蝦飯0既咖喱唔會太辣, 炸蝦就其實普普通通, 反而有次食咖喱豬扒, 塊豬扒就多d肉汁, 炸蝦就略為乾0左d~~推介甜蝦壽司, 爽甜, 有小小膠但唔會"梅"~另外, 中華冷麵賣相唔錯, 望落唔會街坊feel~~值得一讚再讚係佢0地d服務態度, 101分!!!!

可能老婆聽到我話，0係openrice到有人話山葵回復水準，所以就話去食個lunch。咁我就打個電話去山葵到問問做唔做午市，原來一向都有做的，做到3點就休息到晚飯。咁我同老婆就出發LU，今日天氣真係好到不得了，個太陽晒到..........好在一去到就有位，入面仲好夠冷氣。咁我地就叫0左2件壽司、魚生飯、滑蛋豬飯、南瓜天婦羅，0野食就......不過不失啦，但係就係無舊時咁好食，而家好似佢地著重0左大件多過好食。$130兩個人食到飽飽咁先走。

因為九點幾唔知食咩好近近地就去美樂度食.叫左1. 三文魚蟹籽炒飯 $45 好熱好好味好多三文魚成碟飯好似成座山咁高已經好努力食但始終食唔晒2. 三文魚刺身 $38 4塊 因為食物等得太耐就叫個刺身食下.好厚不過嫌佢唔夠新鮮冇咩味3. 山葵烏冬鍋 ( 唔係好記得個名) 等左佢半個鐘先黎.入面有一隻炸蝦同雜菜.照計應該唔洗等咁耐.總括黎講食物ok la.服務都算細心.不過食物真係要等好耐...冇食咁耐都係咁真係要改善下 !

這天,和女朋友去山葵食飯她說這一間日本餐廳是非常不俗的但我起初對山葵的期望並不高因為openrice上大家提及山葵的文章都偏向似是負面的但這晚一試,就把我的疑慮一掃而空我們點了三文魚手卷,粟米壽司,豆腐皮壽司,雜錦天婦羅,豬軟骨拉麵及野菜湯拉麵先談壽司,係不過不失之作,材料係新鮮既,唯係紫菜無咩脆味但係整體而言係有水準接著談一談這個雜錦天婦羅上枱時是剛炸起既內裡咬落唔乾,味道十足很脆口香口,最後就是談兩碗拉麵十分入面都有7.5分麵同餸都唔算少味道不太濃太淡適合我的口味服務方面,店員會不時主動加水及走來問我們需要七味粉嗎服務的態度是令人感到滿意的整體而言,我覺得這一餐是不俗的,比我預期好的一餐,並不如大家所說的一面倒劣評這是可能因為經大家的意見反映後,山葵作出了改善總結來說我們是喜出望外的希望山葵可以繼續努力改善,回復水準吧

之前男朋友黎呢度食過話好味所以帶我黎呢度試食完係超失望男友都話唔會再黎我地叫左幾款壽司炸生蠔地獄烏冬 ...點知無樣野掂三文魚壽司既魚生切到又薄又爛容容成塊地布咁舊飯又硬又大炸蠔炸到乾爭爭仲要薄到成塊餅乾咁乾到食完都喉嚨痛到個最簡單既烏冬都有本事煮到熱都唔熱下認真唔掂一定唔會再去

上星期日同老公去山葵食lunch, 好耐無去過, 諗住趁晏晝無夜晚咁迫人, 所以去捧o下場, 但點不知去到剛剛好有位, 原來已滿座, 估唔到lunch都咁多人, 但係食完就極失望!三文魚壽司: 水準之下, 飯又硬又乾又大舊, 又無醋味, 三文魚超薄, 得個長字! 差!芥辣八爪魚壽司: 第一次食, 無芥辣味道, 無元氣咁好味! 紫菜淋o既!蟹子沙律: 唔知係咪轉佐師傅, 切工無以前咁好, 青瓜切到又粗又幼, 味道無以前咁香口, 沙律醬落多佐, 食落無咁清新, 好漏!滑旦鰻魚飯: 難得水準之作, 旦汁夠香又滑, 滲晒落飯到, 好惹味! 鰻魚有兩大塊, 較厚身, 鰻魚汁好香甜好好妹! 送飯一流!壽司飯o既問題, 我係找數時已同老板娘反應過, 我相信唔止我一個曾作投訴, 希望佢如果有心想做落去, 應該請番個有經驗有穩定水準的師傅來坐陣吧!

呢度我都間中會到來吃野架地方, 它真係無咩改變, 餐單上架食物都係由開鋪到現在都無咩轉變.我每次去吃都係叫個D款, 有次吃醉酒蜆, D蜆有沙, 跟住無再叫啦.三文魚子炒飯: 叫左幾次都有水準, 好味.三文魚骨: 都叫左幾次, 多油.山葵火鍋: 間中有吃, 一般

我都係一樣啦~佢頭頭開個兩三年係覺得好好架,屯門都竟然有間咁上下水準既日本料理,點知到左依家??完全唔掂....好似係咁係度諗橋點慳錢咁,最明顯係三文魚壽司由又厚又大塊變到依家魚又薄飯又大又易散,好似超市3蚊件個D咁~炸南瓜又係,就黎外面D粉厚過中間塊南瓜,冷麵重難食=_=水嗲嗲咁,點得架~所以我地一家都冇去好耐LU~

回想2005 年我係頭幾個俾評語呢間餐廳o既食家,我仲讚過佢係全屯門最好食o既日本菜事隔數年, 今日我竟然要俾個劣評佢, 希望老闆會好好檢討......晚飯中, 叫o左個牛肉火鍋, 牛肉全部都係好肥又好勒, 真係完全食唔落>.<招牌的長長三文魚壽司, 比以往的薄了一半, 好似紙咁薄, 我們一家人見到都目瞪口呆.......鰻魚壽司的鰻魚又乾又硬, 仲要係d 頭頭尾尾部分, 叫人點食?食完呢一餐, 我o地都真係好失望!我寧願佢加少少價, 都唔好就貨就價到咁o丫! 真係好離譜!雖然服務員仍是親切可人, 但低劣的食物已叫人怕怕。恕我呢個長期老顧客都要同佢講再見了!

上年因節省成本而改面底由日本製拉麵改成國內低價拉麵一間對食客不尊重的餐廳拉麵的質素好緊要日製的蛋份量較多,使用麵粉麩質較高質素一定有保証...反觀國內的麵底, 小弟真係唔知佢點整可以整到回復原本的粉團一樣, 泡在湯中蛋味欠奉, 麥味欠奉, 尊重欠奉唯一讚是雪糕的牌子正宗雪印雪糕, 味道不錯...不過都唔關餐廳事, 只是識入貨(單指雪糕)他們處理雪糕手法極之不當一,溫度雪櫃太凍, 令員工"不"雪糕有困難第一下, 耗力非常....第二...第三.....好不容易才"不"到一球雪糕所以上台時, 第一"不"已經化成奶昔員工"不"完又唔清潔雙手就放上食具匙羹又點會唔痴lop lop如果大家叫兩碗或以上就一定有排等其中一碗會溶左一半二,唔新鮮可能長時間又開又關雪櫃關係雪糕積存著很大的雪粒雪糕的key factor就係雪粒細密及氣孔適中平均這裡的雪糕遍向半溶沙冰質感多小弟食兩次海膽都痾到不似人型他們處理刺身的手法都好大問題一來員工手腳慢唔專業所以魚生飯的魚生都只係低過室溫少少二來入貨質素下降,可能貪平賺多D 呱

我都算長期幫襯的客仔,這處的侍應算有禮貌,不是好似投訴的兩位食家講得咁差,而且老闆娘時常笑面迎人,侍應要值得一讚時常來收取枱上食完的食具及時常加茶(有時加到我都覺得有點煩),不過除了繁忙時侯就要叫侍應加茶外,所以都要為他們說些公平說話至於食物,我認同一些食家所說時好時差,尤期繁忙時間,不知是否多人的關係,要等得耐先有得食,有時食物煮得太過火,不是是否趕住給要久等的客人,這點要留意留意,不過這處的廚房食物比壽司食物比較出色,總覺得壽司比其他壽司店稍為遜色,不過三文魚魚生飯好抵食,面頭鋪滿三文魚,而這處炒飯真係好大碟好抵食,每次食都食唔晒要打包呀,而清酒煮蜆的湯很好飲,要多謝位超熱情的男侍應推介記住蜆湯要少咸酒濃,還有燒青魚,雞扒拉麵,炸蝦卷,芝士曼魚卷都好出名其實客人有批評都是一件好事(無論好與壞),可以給你們一個參考,令你們不斷進步,好讓我們客人食到好的食物及得到禮貌熱情的招待,不要令我們長期幫襯的客人失望呀!

因為家姐住屯門,所以每個星期都總會黎呢度食一兩次飯,但食物水準時好時差,但都總算過得去,d三文魚每次都幾好幾新鮮,不過侍應服務就好差,成日掛住傾計,仲傾到大大聲,叫佢地又扮睇唔到,總之就係十問9唔知.....算罷啦,睇黎都係要轉下食第間.

食物冇咩問題, 但係衛生就好有問題, 我見到個長面女仔同個男仔係度玩(佢地係待應生), 個女仔冇野玩, 飲水都玩餐飽, 玩玩下個口噴水出黎, 佢第一時間就用手掩住個咀, 但係D水都仲係佢手指流出黎, 跟住有食物係廚房出黎, 佢手都冇洗就咁送上台比客人食, 我當堂眼核都飛埋出黎.......

刺身唔新鮮D飯仲熱既綠茶冇味待應對眼生係額頭我以後都唔會再去

一直有食開,一直覺得沒問題,我今次真係極度失望,今次係叫外賣,其實這間店的外賣一直都很差,水準跟堂食差十萬倍!!!最簡單的三文魚刺身, 每次叫外賣都是唔靚,唔完整,一忽忽咁! 已經好失望,已經唔敢再order刺身點知連平日食開既炸蠔斬炸到黑碳咁真係好離譜, 你收我咁既價錢,炸碟咁既野比我舊蠔已經縮水,仲畸哂形咁,你要我將舊咁既野放入口!?打開個盒已經好嬲!!平時堂食既水準都無問題,一外賣就整d垃圾出黎你係故意迫人去食堂食,定還是根本無心做生意?以上都未完...外賣仔送完外賣,我同佢講得五百蚊無散字佢都話無,((你聽電話果時唔識問下人將會比幾多錢黎預算拎定幾多錢上黎找比客人架咩??最少出面既餐廳係識咁樣做)),咁我的確係無散字係果刻,佢就打電話番去問老細,點知番轉頭再黎同我講,唔得,叫我搵下!!於我走番入房搵, 的確係無,問我老豆,都話無,我就提議不如我比五百零二蚊你拎落去,你轉頭再找比我。((我想講呢個方法最大損失者將會係我自己!!))點知,佢再打比老細,同我講,佢地外賣唔收五百蚊紙!係咪傻架??!!真係好難相信呢間野會咁唔識轉膊!!都唔知你驚d乜野? 你唔係驚我張五百蚊紙係假呀馬??