居食屋「和民」 (已結業)

係咪好難請人呢，落任何order都係要等勁耐至有侍應生應你，叫杯野飲等5分鐘，再叫佢加湯再等5分鐘，旁邊個枱客個女侍應倒瀉左湯等佢拖地，係到佢地走都冇人做，問佢地加水，又係到走都冇來到（佢地已經叫過晒全鋪嘅侍應，可惜。。。）對這間和民只有八個字：一試無紡，再試投降

周末時分，趕住醫肚原故就黎左呢間不用等位嘅和民。套餐有部分set都唔係甘岩食，價錢與散叫相差不遠，決定散叫吧。豪華刺身飯（ R）$58, 細到不能再細。一個碗仔，刺身沒特別新鮮可言。芥末脆糖雞翼$43 味道尚可，夠熱和脆但未至於稱好味。明太子蛋卷$58樣子不俗， 但只有中間三件蛋卷先有明太子夾心。沒有夾心的蛋非常淡味。鰻魚飯 （R）＄68飯夠熱，但好細碗。鰻魚並不特別好味。埋單＄2xx, 相信會有另外更好選擇。

見到有鹿兒島和牛，價錢又不算貴，便叫了一份來試試，結果上桌怎麼看都是2種不同的牛，問了服務生，回答說是不同的部位，最好是騙人沒吃過和牛...，怕人吃就不要賣!!

係外面做野遲左收工,男朋友黎接我,都已經9點半都唔會諗住有咩食 行到去始創中心諗住望下有咩未閂就去食見到和民個staff,佢話10點半就last order都仲有半個鐘就去食-可能阻住佢地收工,佢地d面口唔多好不過我真心係會快快食完快快走打開menu見到岩就叫我地分別叫左個細牛肉鍋另加烏冬+番茄湯底我地好鐘意食呢個因為似足打邊爐有個gas爐,所以野食一定夠熱睇到個鍋除左有牛肉,仲有其他配菜同粉絲留意返係會送2隻雞蛋,做蛋花或者整到隻蛋浪下浪下甘隨你喜愛牛肉大概一人2-3塊,最最最讚既係個湯番茄湯好濃郁,而且係有辣味,係出面真係未食過番茄湯有辣味我自從第一次試過之後,次次黎到都叫呢個湯同埋個湯係可以加到食完D野食就可以落個烏冬烏冬完完全全吸左湯既味真係又甜又辣 好過癮-另外我地叫左個壽司組合分別係三文魚,蝦同帶子 三樣我都鐘意食而且每樣都有2件 齊齊食唔使爭師傅係上面再加沙律醬同蔥花有好多顏色 賣相唔錯味道果然新鮮 而且壽司既飯都無散到 值得一讚-我地叫左2樣野埋單好似係一人$100左右價錢合理同埋都已經好飽冬天已經到啦,唔想同人迫又想打邊爐可以黎食鍋物,暖粒粒架:>

星期六晚旺角人流較多，唔想等位食晚餐，我們選擇了早點吃(6點左右)，所以不用等位便能入座，正！囝囝嗜牛，愛火鍋，一次滿足他的兩個願望，所以點了牛肉火鍋。牛肉片、豆腐、大蒜、粉絲、蔬菜，加上雞蛋，便組成了這個牛肉壽喜燒。薄薄的牛肉片，在火鍋中灼一會便可進食，菜蔬頗多，配合健康原則。可追加烏冬，既飽肚又不會浪費了火鍋的餘香。魷魚燒得不錯，香，又不會燒得太乾，仍能保持魷魚的味道，蘸一些沙律醬來吃，帶點甜及更滑。日式料理，當然一定要吃壽司。這個壽司盛盒，有鮭魚、鰻魚和金槍魚，保留了魚的鮮甜味，壽司飯亦有水準，值得一試。這個滑蛋豬柳飯很失敗。賣相已經不大好，蛋不夠滑、豬柳不夠脆、飯又不夠熱，乾涸涸的。這個鐵板牛柳粒，能鎖住肉汁，但味道偏鹹，吃完後感到口渴。這個芝士年糕，味道調教得不錯，芝士和年糕都是煙煙靭靭的食材，吃起來一絲絲欲斷難斷的，感覺不差。但最好趁熱吃，冷了很黐底，要花費很多力氣才能把年糕捲起來。

食物尚算正常，但服務極慢，有些上勁快，有些等一小時，叫上兩球雪糕等半小時，埋單又1分鐘即到，乜忍野態度。 投訴又態度照舊，根本唔想做生意，建議如果有其他選擇真的不要不要不要來。

Sushi time with my hk poly friends The price is quite expensive with quality is so so. But the atmosphere is ok.

因為諗吾到食咩，求其搵左間日本餐廳食點完餐等左陣，野食上枱首先三文魚壽司，又簿又有根，市面3蚊件壽司店仲好食過佢。然後個天婦羅，同幅圖兩樣野黎既，樣樣都縮左一半水，唔講以為廚師偷食左一半先拎出黎，食食下食左個雞天婦羅，無錯係雞，可能我見識少第一次食。叫左個串燒拼盤，無雞軟骨都吾講聲，求其比串雞翼補上。個串燒雞柳凍既，好似放左好耐都無人拎出黎咁，個雞翼微溫，冬菇串燒正常。一口牛肉，我天真既幻想係四四方方咁，點知係一團肉肉，鐵板牛。。又吾係炸炸聲，食落口又係吾係熱既，仲有啲生生地，我見到血。。。雖然好林，但林得過份，有啲似霉左咁，又有啲漢堡扒咁整體黎講，係差到無倫，4百幾蚊值得食更好。。

我不嬲都冇寫食評，但今次佢令我特登去開一個account，去寫個批評佢嘅食評，佢哋實在太叻了！夜晚10點幾，同老婆響屋企附近，諗住舒舒服服食個日本菜，揀咗和民，諗住唔使要霹靂咁好食，但都唔會太差丫，好耐之前黎食都ok。其實仲有點咗個期間限定嘅鮎魚壽司，一碟5件，一黎食落口，勁！多！骨！嘗試好努力咁食，但真係唔掂，太多細骨，壽司咁樣真係食唔到落去，叫咗經理黎希望可以取消，好彩佢答應。ok, 之後大阪燒，仲有燒三文魚，兩樣都乾爭爭，一口咬落去個感覺好假，唉，好彩個鰻魚飯都叫爭氣食得落口，比咗＄238，錢都係其次，諗住食好少少，唔使日日都食茶記，點知瀨咗嘢⋯ 好啦，打完之後出咗氣。bye bye和民，諗起你以前要勁多人排隊，而家實在太唔爭氣了。

服務其差，招呼慢，上菜超慢，找數都好慢...服務其差，招呼慢，上菜超慢，找數都好慢...服務其差，招呼慢，上菜超慢，找數都好慢...服務其差，招呼慢，上菜超慢，找數都好慢...

炎熱夏天，朋友愛食日本菜，決定去食和民。餐點太多種類，選擇太難。我們點了壽司卷，大阪燒，冷蕎麥麵等。豪華壽司盛合有三文魚，帶子，和熟蝦。好好味！可惜飯粒有d鬆散 。大阪燒份量大，炒麵不油膩，餡料厚實。軟殼蟹卷送到時有的冷掉了~有的失望。天婦羅蕎麥冷麵天婦羅炸得香脆，配蕎麥冷麵撈汁食，解除油膩感。友人的芒果乳酪沙冰我的水果紅茶

今日約左朋友黎太子行街，血拼之前先醫下個肚先！我地黎到都2點幾，過左午市唔駛等位我叫左個午餐，滑蛋雞扒定食黎到個賣相都唔錯不過食落就有少少失望個雞扒有少少雪味，個炸皮厚左少少，同埋無浸到汁o既地方都好腍個滑蛋一d都唔滑，老左d餐飲熱情果綠茶尚算ok,幾清新有熱情果肉

和民很久以前和民剛剛進軍香港時常常去因為小五那時去過日本那間(但日本的menu跟香港的完全不同)所以那時在香港開時補完習放學後常常去時代廣場那間和民去到多到侍應也認得我們之後時代廣場那間結業後就沒有去了最近因為去花墟買花於是也會去光顧和民的太子分店Menu上很多經典菜式例如一口牛肉,和民沙律,和風比薩等也沒有變但也加了很多新菜式今次寫下最近那次嘗過的菜式食評和民沙律★★★★☆基本由蝦,南瓜,照燒雞, 車厘茄,生菜,紅生菜,粟米脆片,青瓜加上芝蔴沙律醬所組成(蝦是有鮮味的海蝦而不是味道偏淡的河蝦)中間有吞拿魚蛋沙律我最為欣賞的就是中間那個吞拿魚蛋沙律與菜mix在一起吃非常好吃芝蔴沙律醬加的比例剛剛好令到整體酸度剛剛好少少酸挺開胃沙律菜種類也多只有一點不好是中間的吞拿魚蛋沙律份量不夠不夠整個沙律撈來吃大阪名物 炒麵燒餅(豚肉)★★★☆☆因為大阪燒醬所以酸酸甜甜燒餅主要成份是生菜和炒麵少少大阪燒粉連着麵條側面有點煎得很脆的麵(應該是因為本身用來煎的那個煱的形狀加上油聚在側面令到側面特別脆有點燒焦)Menu上寫含豚肉但我真的吃不出豚肉在哪表面也看不到中間也找不着媽媽說可能是minced了跟普通

六點左右，念唔到有咩好食，但又想食日本野，就去左附近既和民我地2個人都叫左6，7 樣野, 都係4百幾埋單叫左件鰻魚壽司，壽司賣相精美，單看已經流曬口水。食落去肉質都非常肥美，脂肪豐富，鮮味可嘗，塊星鰻肉質柔軟嫩滑，吃來感覺甚佳海膽豐滿肥腴 將海膽以火槍輕輕灼熱，吃上去帶點微鹹海水味，配上青瓜味道和合。刺身都好多選擇同新鮮，三文魚厚肉又新鮮上等貨，脂肪十分均勻咬下去口感十足，十分有咬勁!甜蝦夠大隻厚肉地d 蝦肉好彈牙, 好味~,北寄貝幾爽口，整體刺身都好豐富而放都靚靚地、三文魚及帶子，三者都是新鮮的。蝦好大隻，蝦肉爽甜，好滋味整體而言 十分抵食 而且要大贊服務員態度很好

環境舒服，適合同朋友聚舊。 和民沙律和海鮮沙律各叫了半份。 和民沙律是胡麻汁，材料有青瓜，生菜，南瓜，紅洋蔥，算新鮮，無爛菜。 還有不太好吃的豬頸肉和蝦。 海鮮沙律是柚子 wasabi汁。 有 三文，吞拿，八爪魚，蟹子，生菜，都好新鮮，碟底有少少水。 牛肉葱串燒，牛肉香口，鞋，無肉汁，包住個啲不是京葱，只是一紮普通蒸魚個啲葱，老到咬唔到。明太子年糕pizza. 明太子唔會唔好食嘅，餅底唔脆，稔嘅，年糕硬，無味。 鰻魚壽司都係普通，唔係特別好食，都唔係難食。