居食屋「和民」 (已結業)

和民在香港已經有相當歷史今天來試試他們的夏季餐單點了牛肉壽喜燒再追加烏冬連火爐一起奉上邊滾邊吃牛肉熟透後再沾上蛋汁吃配上烏冬食用就最好不過夏天的土用之丑之日是吃鰻魚的好時間我點了份量十足的鰻魚盒子飯鰻魚肉厚質感柔軟很美味但鰻魚醬汁過鹹有酒精味在千葉縣的和民農場有出產蕃薯據說甜度比普通蕃薯高一半點了菜單的超甜日本產有機蕃薯條入口香脆質感粉粉的甜味濃再點了香脆炸雞一客三件外皮香脆肉質細嫩多汁是香港數一數二的炸雞熱情果紅茶超級大杯酸酸甜甜份量十足夠二人開心分享

星期日晚同爸爸去了太子始創買野，買完之後打算搵間餐廳食埋個晚餐才回家。我們到了位於最低層的和民居酒屋，貪呢間咩野日式野食都有，選擇多今期推廣好多日本直送食材，睇見都流曬口水呢款pizza size不大，但批底十分香脆且薄，咬起來脆卜卜，而且上面鋪了芝士跟菇類，味道都很不錯仲有試了呢款是北海道直送的水牛芝士，經過炸之後，外皮金黃香脆，中間有大量芝士，濃味而仲做到拉絲架唔錯呀一啖一粒，如果想冇咁膩，可點上茄汁來吃，會帶點微酸，清新點食日式野點可以唔食壽喜燒鍋物呢呢度既鍋物有分small 或large size，因為我跟爸爸一齊share來食，所以點了一份大size鍋內放了不少雜菜、豆腐，菇、菜、仲有大量又薄又香既豚肉豚肉十分薄身，快熟，滋味而且數量都不少，可以配上烏冬、拉麵一同食用我們加配了一份拉麵，一份烏冬，各35元當烏冬或拉麵放到鍋內一同煮，麵會吸入了湯味，更為滋味而且我們都很喜歡這個湯底，担担麵風味，帶點點辣，十分惹味打埋隻蛋落鍋食完正餐後，點了一客甜品呢款都係日本直送既食材，有機蕃薯蕃薯切成粒狀，而且經過炸，外面仲淋上了蜜糖，仲有一球雲尼拿雪糕甜甜的蕃薯，外脆內軟，中間蕃薯又很甜我

晚上和朋友來到這裏吃個日式晚餐。餐牌上的食物款式非常多, 有壽司、刺身、pizza、壽喜燒、串燒等等。我們點了一些食物來分享。百香果綠茶裏面有很多百香果粒和珍珠。一邊喝, 一邊咬到煙煙韌韌的珍珠, 很有咬口。牛油果三文魚卷一共有六件, 每一個壽司上面也有一片三文魚和牛油果片。牛油果片也算是厚切的, 壽司裏面還有青瓜絲和蟹柳。牛肉火鍋壽喜燒裏面有牛肉、洋蔥、冬菇、蔬菜、紅蘿蔔片。我們另外再加烏冬和蔬菜一份。壽喜燒的湯汁非常濃味和惹味, 烏冬充分吸收到湯汁的濃味, 非常好吃。牛肉的份量也算多，相當不錯。

始創中心的和民餐廳很多坐位，星期日來吃中午，完全不用等位，亦無限時間坐幾耐，適合朋友聚會傾計。今期夏天和民推介饅魚食材，所以點了兩樣鰻魚食品。首先是鰻魚滑蛋飯，但味道很一般，太咸，吃不到鰻魚的味道，吃了一半已不想吃幸好第二道鰻魚薄餅令人重拾信心！還有驚喜，原來鰻魚加牛油果很好味，加上紫菜同照燒汁，很有日式風味餅底薄薄，內軟外脆，不太油脷，適合夏天食用至於服務員的效率就有點慢，很多新臉孔，始乎是新人，所以等餐要多些耐性。但態度不錯，不會影響用饍心情。

前幾日收工就同朋友去和民食晚餐🤣因為想咩都試吓 所以首先就叫咗個濃湯盛滿海鮮鍋🥘二人份其實都好夠食 有日本產嘅帶子同埋蜆👍🏻自己就另外加咗隻溫泉蛋 吸收左濃湯陣味都幾好食㗎🤣 _朋友話想食飯所以另外都叫咗個鰻魚和風牛肉飯😛我本身就唔太鍾意食鰻魚🤦🏻‍♀️原因係因為好怕有骨 但係今次基本上係冇骨嘅鰻魚 食落去都幾滑下👍🏻鰻魚汁配飯真係好夾 ☺️ _另外仲叫左個和風煙肉＆香菇比薩😎雖然只係薄批 但係pizza滿滿芝士 食落去好邪惡🙈同朋友一齊share食就啱啱好另外個人推介一定要試吓日本有機蕃薯條🍟蕃薯本身已經好甜 所以食落去都會有甜味 再加埋店員所比嘅蜜糖 食落去真係幾香而且當甜品都係一流🤤 -

特上鰻魚盒子飯（$138)都一段時間無黎和民居食屋度食嘢啦！夜晚收咗工過嚟呢度食下飯都坐得幾舒服，亦貪佢呢度咩都有得食下😎好耐無食過鰻魚飯，即刻叫個特上鰻魚飯嚟試吓。呢個鰻魚飯用盒子呈上都幾有日本feel。鰻魚肥美，肉質燒到啱啱好，加埋濃味嘅醬汁配埋日本珍珠米，都幾好食🤣 又比我過到口癮🤓豪華串燒盛盒（$98)你都居食屋最鍾意一定係食串燒！呢個全消成盒總共有七吋咁多，包括有雞翼、雞腿、雞胸、免治雞肉、牛柳、冬菇同青蔥牛肉串，燒得都唔錯，種類多又抵食。🍕和風煙肉雜菌pizza($48)呢個Pizza細細個，份量唔會太多食到好漏，餅底做到好薄好脆，味道尚可。🧀香炸北海道產水牛芝士($48)呢個炸芝士總共有六粒，一粒一啖啱啱好，芝士味都幾香，仲可以絲，唔錯。🐂橫濱風味噌牛肉火鍋（$198)有傳日本嘅牛肉火鍋係源於19世紀中期嘅橫濱，當時啲人一直都係用豉油同味噌黎做牛肉嘅湯底，因為好好食所以一直沿用至今，而呢個牛肉火鍋都用番呢個做法架。火鍋配料有各種蔬菜，大大粒嘅牛柳粒加上濃郁嘅湯底，唔錯！最後仲可以追加烏冬一齊食，好味又飽肚。🔆溫馨提示：落order嘅時候同店員講 #我要用秘技 ！就會有隱藏

午餐餐牌上的壽司無、鰻魚無，唯有叫豚肉盒子。15分鐘後又話無， 最後叫咗拉麵，再等15分鐘終於 有。 紫菜林曬，蛋黃熟曬， 唔知響廚房放咗幾耐。 豚肉只有一片， 味道普通。 唔怪得知呢間唔洗等，隔離牛一大把人等。永不再幫襯!

食物是不錯的，仲維持應有既水準。其中鮭魚忌廉可樂餅，幾好食，外面脆脆入面就好綿既鮭魚味既忌廉。但服務的話其中一個服務員好像神遊咁，咩都吾上心咁，畢竟都吾係快餐店，服務人員要再訓練下。

今晚同ar媽去撐枱腳，來到太子和民，叫左個烤雞沙律，個沙律汁好水，烤㰿淡而無味，另外叫左幾串串燒，分別有燒雞翼，冬🍄，帶子真係冇物香味，總括來講食物質素一般！

早幾日老公又來接我收工，因為唔知食咩所以就由旺角一直行，行到落太子，突然記得太子有一間和民，又好耐冇去食所以就去咗啦，喺門口攞完飛，好快就有人帶我地入去坐，1）牛肉壽喜燒，以前每一次幫襯我都可以食到兩碗飯🙈，因為當時佢個汁真係好出色，但係而家係唔夠味，連隻雞蛋都冇埋🤦🏻‍♀️，不值得推介，2）大阪椰菜燒，其實同大阪燒味道冇分別，不過不失，3）鮭魚牛油果卷，三文魚都算新鮮，可以一試，4）蜜糖味炸雞🍗，炸完之後，裏面嘅雞肉都仲好滑，不錯👍🏻，5）鐵板餃子🥟，冇咩驚喜，不過不失，6）鮮芒果乳酪沙冰，其實都幾好飲，但飲咗幾啖之後，發現隻杯裂開左😡，之後同個侍應生講，一句對唔住都冇🤦🏻‍♀️，之後仲要等左好耐先至比番一杯新嘅，7）巨峰提子梳打，還不錯👌🏻，整體來講，食物水準下降，服務質素差，如無必要都唔會再去幫襯

今日同友人路經太子～入左始創搵野食見到和民，就入去試下喇點知中左伏.........服務超差，叫個天婦羅面，因為唔食得蝦，同侍應講要走蝦，佢竟然可以同我講，「隻蝦係最貴既，你唔食隻蝦咪自己dump左佢」😡😡😡😡😡😡我個下真係嬲左！上菜速度又慢，態度差，野食味道差，仲要埋單$371！我地叫左幾樣野：第一樣，牛油帶子上菜個陣，呆左一呆，賣相咁既😱唔夠熱，無牛油味，無喇喇加左d菇，就少左d帶子，味道認真麻麻地！第二味，厚燒玉子⋯⋯⋯⋯極普通，係屋企做到既level🙄蛋味唔香，煎到好油🤢第三樣，鰻魚壽司都係好普通，無特別🤦🏻‍♀️第四樣，冷面又係普通，面質硬硬地，有d喊第五樣，豚肉拉麵，影都無影，好難食，d面一舊無揚開過，好求其，硬既，劣評！唯一ok既，係啤酒，唔洗佢地煮⋯⋯真心劣評！！！

因為元氣要等30張枱，所以先轉咗去食和民😂估唔到呢餐咁有驚喜！首推$138嘅刺身拼盤😋😋本身見到散叫三文魚同帶子刺身都已經$58/份，俾多30蚊左右就有多3款刺身（蝦、魚子、吞拿魚），所以先叫刺身拼盤，點知啲刺身勁新鮮！！😍😍我地2個都好鍾意食壽司，低至爭鮮，高至千両都食過。但和民嘅新鮮程度係極高！👍🏻$138有咁嘅質素簡直係超抵，性價比非常高！必食首選！好鍾意食魷魚嘅👦🏻仲大力推薦咗個燒魷魚😂話平時會同媽媽一人嗌一碟食😆我剩係食哂佢啲魷魚鬚😂😂另外我地分別叫咗2個石鍋飯同埋一碟$78嘅刺身，👦🏻果個飯有牛油味，香口啲；👧🏻我自己果個就冇咩特別，味道較淡。最後我地都各自叫咗甜品——👦🏻：芒果乳酪沙冰，👧🏻：軟雪布甸，但我地兩個都勁失望😭 布甸迷嘅我一望到個名仲以為係入口即融嘅口感，點知食落去似燉蛋白多啲，好實，完全唔係想像中嘅幼滑感覺。雖然只係十幾蚊唔係貴，仲好大碗，不過個口感同味道都唔係我想食嘅，唔會再嗌。至於芒果乳酪沙冰就大大杯，凍冰冰，芒果味都還算濃，乳酪味就相對少，👦🏻好鐘意芒果同乳酪既野，但呢個對👦🏻來講唔係話特別非常之好，但三十幾蚊有禁大，其實都抵極力推薦：$138刺身拼盤

今天到太子始創中心吃晚餐，原本想去元氣吃晚餐，點知要等60張枱，見和民等2張枱。入面其實有好多位，但侍應並沒有叫檯，等左一陣先有人出黎叫檯。點知入到去叫完野食等左半個鐘小食先黎，跟住再等半個鐘烏冬都未黎，因為趕時間，所以就叫侍應取消，一話取消，她就即刻把烏冬送上，一食落口，天婦羅（炸蝦🍤）和烏冬都是凍的，叫她取消左它並結帳，結果埋單都要等半小時，以後唔會再黎 太子始創中心的和民。😡😡👎🏼👎🏼

在太子區吃午餐，要想必定有座位的，一定要數和民這食店。地方較大、套餐組合不少、食物質素平均；所以不時也會光顧。若是要靜靜談天，這裡似乎也是一個很不錯的地方。同事點的餐，看來不錯。男生來說，應該足夠吧！份量頗多，另一位同事點的餐。有薯條的套餐，是不是很特別呢🎊其實最好吃的是甜點🤫 美好時光飛逝，這些歡樂的日子，真是令人難忘。就用文字好好紀錄下來，好讓日後來懷念一下！喜歡吃又懂得吃的同事們，常常介紹美食，我快胖到穿不過門口了😑

午飯時間想坐得舒服D, 食下壽司, 就諗起食和民啦, 始創呢間係第一次食, 結果係失望, 但明明之前知其他分別都好D架...set lunch餐牌, ,有兩款係無, 而是日限定(星期三)又係無. 朋友鐘意食滑蛋扒飯, 偏偏無, 問佢散叫得唔得, 佢話總之滑蛋的野都無..灰左餐廳好大, 但好似淨係得一個阿姐同後生仔, 叫左好耐都無人落單, 見到隔離枱都係, 想換杯熱檸水, 等到埋單都未唻最後喺咁少選擇下, 真係揀唔到兩個餐, 我地揀左一個拉麵定食+三文魚壽司，散叫一客吞拿魚壽司。碗拉麵好少, 迷你size好似d定食係飯+麵的size. 女仔都食唔飽, set lunch喎.三文魚壽司正常, 吞拿魚壽司無味, 見到中間有個洞, d 魚都填唔密.最搞笑到埋單, 個阿姐收完錢後講"bye bye", 好似想我地快d走, 不過我諗佢唔係既, 但聽落就搞笑, 點解唔係講"多謝"呢?諗返和民都曾經好風光, 今日見到環境又殘, 職員好唔夠, 野食又唔合格...好似隨時執的樣. 可惜.