尚膳潮州酒家 (已結業)

靜休了個多星期，首次二口子再踏足至愛的尖沙咀，卻不是為了吃，而是去聽講座。之後又於海港城購物，要知女人一買起來就不知天昏地暗，早前講座中的茶點，以及之後的XTC，早已消化盡殆，又要快快找吃的了! 選來尚膳來醫肚，主要是因為夠近，沒有其他!與老公初抵達時約7:30pm，店內仍然十分清靜，除了不用等位，進店後還可以隨意挑戰喜歡的寬大卡位就坐；不過再遲1-2小時，餐廳就開始多人，而環境也即時變得嘈雜有如酒樓!稱得是潮州小廚，例牌也要送上功夫茶，我在例行快拍後即飲，已經一點不熱.. 還是飲回本身的熱茶好了。隨功夫茶，阿姐又送上潮式酸菜，這個就甜甜的又夠爽口，幾開胃好吃。 是夜想吃魚，就點了所謂超值、但其實也不便宜的孖寶餐($228)。孖寶之一為油泡東星/龍躉球或涼瓜炆東星/龍躉頭腩，是晚聽阿姐推介選了油泡龍躉球，班球的確不會太油，肉質也算新鮮結實，調味也適中能帶出龍躉鮮味，不過就是份量不太多，只剛好供二人分享。也好奇的吃了點拌碟的海帶菜，輕薄脆口甚有韓式紫菜feel，不過這個真的較油，沒有多吃了。孖寶另包一款家常小菜，在八款選擇中揀出魚香茄子煲來。很欣賞此煲熱度十足，即使吃到最後仍是熱熨得緊，

平時去海港城都有去開尚膳，貪佢唔洗等位，快靚正今日如常去食晚飯，一入到去未坐低個waitress就介紹凍蟹，我地話望下個餐牌先到可以叫餸時，個經理埋來又講多次，話今日有好抵食，$550斤幾跟住我地問係邊隻,經理如廚房問師傅指比我地睇，隻蟹係插係個排蟹既中間，要係中間攞出來先睇到。我地話ok, 叫多左個苦瓜排骨煲同一個2人餐。隻蟹到先，經理話等我地食完先上其他。隻蟹都算多肉，蟹身剛切開望上去唔算濕潤但還ok,但係d 腳同蟹鉗，蟹蓋就真係超乾，完全無水，唔似係今日煮，應該係因爲隔左夜所以一路減價速銷我唸係想儘快賣曬d就快變唔新鮮既先，但係就會對早到既客人唔公平，我地9點零走時仲有3-4隻蟹未賣，可能就等聼日.....我唸我地隻蟹都曾經係好靚，如果真係賣左d無甘好既先就真係好浪費！$550食隻隔夜蟹我就真係覺得唔抵，仲好貴！其他餸都係一貫水準，清清地，又唔油值得一讚係餐個個蛋花糖水，夠熱又好好味尚膳唔算係超級好味既一間餐廳，但係平時唔想唸既時候係唔錯既選擇，但係唔會再叫凍蟹！另外，可能人多，我地食完隻蟹都等左好耐先叫到人來收野同上其他菜，之後茶無曬都要叫先添，平時好少會甘。

feb 05, 11,2人嚟dinner,叫咗 : 1) 2人套餐 (hk$288)-見到個套餐好抵,有湯,有主菜,有小菜,單尾同甜品添-新年時間,叫散餐,可能會等上好耐,而且呢個套餐都好合理又豐富 i) 湯羮 - 胡椒咸菜豬肚湯 x 2 -有2個選擇,當然揀咗個好有潮州特式嘅呢個啦-另1個選擇喺太極素菜羮-幸好胡椒味不過強,鹹度也稱職,味道都算濃,唔會好似水咁ii) 主菜 - 唐芹香茜魚露焗大虎蝦-蝦很大隻,肉質不叫爽,但也不能叫霉-鮮味我就唔多期望了 iii) 主食 - 潮州炒麵-本來想揀欖菜肉碎炒飯,但好似少食到潮州炒麵,所以叫呢個試吓-但味道比較淡,所以要+入食蘿蔔烙伴的sauce來食-麵倒是不腍,帶點爽,不過亦有些微鹼味iv) 小菜 - 潮州蘿蔔烙-本來想叫蠔仔烙,不過無晒-改了要蘿蔔烙啦-蘿蔔並非腍晒,有點咬口,不過蘿蔔味同甜度都不高-但煎的手勢也不錯,起碼無全塊油淋淋-伴來的似是魚露的sauce雖然是頗鹹,但就大大提升了蘿蔔烙嘅味道v) 甜品 - 紫米露 x 2 -合格* 當日樓面人手似乎不夠,但無煩法,新年時節,難免會人多...........不過侍應都已盡力招呼

兩公婆行街見到這家位於尖沙咀海港城裡面的"尚膳潮州小廚", 見都有人在門口排隊, 加上又未試過, 所以才決定試一試! 但食完整餐後, 發覺唔係想像中好味, 而且用油太多, 不太喜歡!!

琴日同左江門宅女去飲飲食食，咁我就帶佢去海港城嘅尚膳潮州小廚食晚飯。我要比佢知道我鄉下嘅地道美食，我都唔知道江門有什麼好吃？等佢下次帶我去啦。。我地等左十五分鐘入到去見到啲鹵味握。。真係好似好正所以我就叫左鹵水鹅肉加豆腐，肉好有鮮味，好多汁。。同啲鹵水打成一片！一定要叫O羅！哎呀，忘記了功夫茶同胡椒酸菜豬肚湯添， 飲完好熱架出下汗都好嘅，好評！仲有沙爹牛肉河粉。。。真正嘅潮州煮法，小時回憶嘅味道返番來啦！！！好，江門宅女都話正。。。HAHHAHAAAAAA

行到攰， 於是入咗去「尚膳」食lunch。 食物水準中規中舉， 唔太差但係無驚喜。 我們叫了春卷、欖菜肉碎炒飯、菠蘿叉燒飽、豬潤腸粉、魚旦河、韭菜煎餅和鹵水鵝片豆腐。 價錢唔算貴， 四個人埋單$350。

胡椒咸菜豬肚湯 $40(1位)好飲，好夠味，材料都不少飲完不會有口渴感覺。沙爹牛河 $68其實這個炒河好耐之前起電視節目有介紹過，全因想回味今日又過來食。味道相比其他餐廳沙爹的味道是不同，尚膳的是花生味較重，我覺得會比較香但牛肉就普通，不是每件都嫩滑。整體份量都不少。爽滑豬潤腸粉 $30其實他和隔離的廣東是同一個房，所以豬潤是一樣和廣東的味道，晶瑩爽滑好吃酥皮蛋撻仔 $23OKSummary:如果想試非一般的沙爹味道不況可以一試。

第2次黎呢度食，第1次食覺得好唔錯，可能今次叫嘅餸唔太啱，所以我覺得麻麻 煎蠔烙煎得唔燶，依然好食家鄉抄麵線成碟麵都係令身，即係勁多油，食到好膩豬腳凍仍然唔錯荔芋香酥鴨下面一層係鴨，上面係芋泥，最頂係炸粉，芋嘅比例多左dd，顯得鴨嗰層少除左豬腳凍，全枱都係油同炸，好膩，應該揀d 蒸嘅好d4個人食左$310

Last night five of us had dinner here. We ordered some traditional 潮州 food.The fried noodle is like a pizza and best served with Vinegar, I think that is the best dish after all.We also ordered the internal organs in Soy Sauce (Pig's intestine and Duck's tongue), so as octopus and goose slides in Soy Sauce. Both are very good.We enjoyed the nice environment, convenient location and quiet atmosphere. We had dinner during 7:30 - 10:00 on Thursday, unlike normal Chinese restaurants, the place has c

泊左車係一個海港只有一個海港城...行完DFS, 就返對面搵嘢食去左好多間都要等位"尚膳" 等3張檯...就食佢啦!老公鍾意食潮州嘢, 岩哂! 叫左個2人餐胡椒豬肚湯 我老公至愛, 初初覺得唔夠胡椒, 飲落其實好辣吓川椒雞球 好野味 鮑魚鴨掌 鮑魚太細喇!...不過都正欖菜肉碎炒飯 欖菜太少 都好味埋單 HK$288

叫了二人套餐胡椒豬肚湯 - 味道唔錯，比例幾好羅白烙 - 估唔到爽，幾好wor黃酒蛋白蒸蟹 - 小小花蟹，精華在底層蛋白，但不夠滑，酒亦不夠香，整體只算合格欖菜肉碎炒飯 - 香口，正，多Ｄ欖菜仲正不算很正宗，但都幾好味

一坐低就送上功夫茶同酸菜。酸菜味道不錯！要左個翅餐，每人２百左右薑蔥焗蟹－蟹夠新鮮！有薑蔥味，正！！魚肚燴翅群－魚肚入味唔腥，翅都足料，味道濃郁。川椒炒雞球－雞球夠滑！不過份量不足。欖菜肉碎炒飯－炒飯炒得香口唔肥膩，無呢個飯真係唔夠飽呀。價錢合理。招呼勤快，不斷加水。雖然茶味一般。。會再來食呀！

每次幫襯叫的食物都差不多,有以下幾款:鹵水鵝翼 ------ 之前有食過鵝片(味道也不錯),自己較為喜歡鵝翼但份量少煎蠔烙 ------ 好食皮脆,但比較多粉沙爹牛肉炒河 ------ 沙爹汁一流,無得頂!!叫炒麵也一樣好食蠔仔粥 ------ 蠔唔會腥,料足!!!不錯韮菜鵝紅 ------ 比起一般大排楢檔差,不夠入味只有咸味椒鹽白飯魚 ------ 鬆脆香口,炸得岩岩好!!!總括所有菜色略咸,需要改善這點~

四個人....食左:方魚芥蘭 - 無乜特別...芥蘭有D硬...好似未熟咁....川椒雞球 - 味道唔錯....送飯一流....雞肉夠入味.....沙爹牛肉河 - 個醬好好味....牛肉嫩滑...我鍾意....青瓜烙 - 從未見過青瓜烙....水瓜烙...金瓜烙就食得多....青瓜烙好清新....又少少爽脆.....好好味......下次會為左佢而再黎....

上星期六朋友o既囡囡兩歲生日, 打算搵個人唔太多, 住得舒服o既地方食飯, 於是就去左呢間野, 由於小朋友生日, 我地就打算買個蛋糕去o個到切, 都未坐定, 個侍應就話如果你地個蛋糕係度食, 就要收100蚊. 就當我大鄉理, 我真係未試過帶蛋糕去食飯要收"切餅費" !!! 到叫餸, 我地7個大人, 一個小朋友, 原本已經叫左8個餸, 個侍應仲不停講: "我地d餸好細碟, 你地最好叫多一兩個". 最終叫左9個. 最後食唔哂 食物質素 : 蠔餅無鑊氣, 鵝片肉質"鞋", 其他菜質素仲差過大排檔.埋單 900幾蚊, 尖沙咀地方食900幾蚊唔算貴, 不過咁o既食物質素同服務態度. 完全唔值