尚膳潮州酒家 (已結業)

早前係阿伯生日月, 佢話想食中菜, 所以我地既gathering就黎佐呢度食. 我地叫佐個爆帶子, 糖醋伊面, 蝦球, 蠔餅, 潮州炒面, 豬腳凍, 金華四蔬, 好似仲有一樣但唔記得佐. 整體黎講食物係OK, 不過我覺得D野比較油, 尤其是個帶子同蠔餅, D油多到呀... 同埋個蠔餅麻麻地啦, 淋既, 唔好得過廟街廿蚊餅果D. 最離譜係個潮州炒面, 個menu張相都幾靚幾多料咁架麻, 真正黎果碟, 我以為係齋面黎添喎, 得幾粒細蝦仔, 小小菇類, 一碟咁既野賣六十幾定八十幾蚊? 求其一間雲吞面舖食個面都好食過佢.

昨晚，熊貓、藝術爸、藝術媽同我出街食飯慶祝媽媽生日。我們去了尖沙嘴海港城的『尚膳』食晚飯。點解會去『尚膳』？(1) 朋友好耐之前同我講過話去過『尚膳』在太古城鋪，覺得幾得；(2) 上兩個星期睇Cable，蘇絲黃介紹話果度D『滷水鵝翼』係one of the top three in Hong Kong同埋D『沙嗲牛肉河』都好味；(3) 我同熊貓上星期五六點半去到都食唔到『滷水鵝翼』，好唔忿氣；(4) 抵食。（如果去D貴夾唔飽但環境靚既地方食，實俾阿媽「依依哦哦」）我地昨晚叫左：『滷水鵝掌翼』：又真係幾好喎！通常好多地方鵝掌翼都係鹹到死或者D肉瘦猛猛實的的鬼死咁黐牙。喱度喱D完全唔係咁，有肉好滑仲冇黐牙。掂！『沙律明蝦球』：味道一般啦！雖然只得6隻蝦，但就好大隻。『排骨春菜煲』：爸媽鍾意食菜，唔可以碟碟都係肉，一定要叫D菜。我就覺得D春菜好味因為佢味道好似芥菜，而我不嬲都鍾意食重菜味菜。『沙嗲牛肉芥蘭』：沙嗲只係少少辣，至唔食得辣我。仲有，喱度沙嗲牛肉唔似其他地方咁，傑到似「張糊」。『蠔仔肉碎粥』：OK，幾好。『壽桃』：本來冇既，係我訂檯時問佢可唔可以幫我整，結果

之前試過隔離嗰間廣東茶居，嗰晚就同阿爸阿媽試呢間潮州菜。七點幾去度冇訂位就被安排坐咗去廣東茶居嗰邊，三個人叫咗:1.鵝肉拼鵝腸拼鴨舌- 鹵水味度ok，鵝腸好爽口，鵝肉都好味。2. 川椒龍鳳球- 好味，個汁味道好好，雞加汁好正，蝦又夠爽口，唔錯(好食過潮樓嘅川椒雞)。3. 豆蓉菜苗- 菜苗新鮮，不過呢碟味精超重(因為我一接觸重味精會有少少過敏反應，所以肯定落咗好多味精)。4. 苦瓜排骨煲- 成煲味精湯，有苦瓜咸菜同大約五舊排骨(係...得五舊仔)，不過啲排骨浸咗咁耐味精湯都幾好食，又夠"林"身。5. 魚蛋河一碗- 魚蛋似真係手打自家製，大大粒唔錯，個湯底好香大地魚味，好鍾意，啲河粉就一般啦。6. 甜品羔燒三寶- 需時製作(20-30分鐘)，其實係白果粒，芋頭粒同蕃薯粒蒸完再少炸，然後"林"透明糖漿上面，好"漏"，三種材料我都唔食，所以得阿爸阿媽食，當然食唔哂。味精算ok，服務就麻麻，因為當晚叫嘅鹵水三拼等到除甜品外所有嘢到哂都未到，覺得鹵水應該最快到，於是去追，點知個姐姐仔話"三拼會耐啲，因為要逐樣切"咁走行開咗，好明顯係非常敷衍嘅答案(我諗佢都睇到啲餸都到哂仲要食得七七八八，而且隔離遲

四人周六晚上八時左右等了約二十分鐘,約$400埋單.無鵝片,無鵝件,無凍蟹,無大腸.(才八時多! >.<)食物上得慢,好似去飲:續碟上.豆醬白菜還可以.椒鹽九肚魚太油太燶太細舊.蠔餅淡味,唔夠蠔味.鹵水墨魚片無味.菠蘿咕嚕肉芡汁(其實係固體)太杰,只得兩細舊菠蘿.潮州炒麵無炒過,只係無味蝦加幾條芽菜撈麵.食到尾聲已放棄食甜品嘅念頭.旺角樂園打冷好味一百倍!

4/26/2007 12:30PM同班同事一行5人食lunch, 貪呢度就腳. 之前我未黎過, 餸菜都係由佢地發板.環境優雅舒適, 如果早d訂枱仲會有卡位添~蠔餅: 望落好厚, 好多粉, 食落就一般, 唔夠香.鹵水鵝併墨魚片+豬腳仔: 鹵水一般, 墨魚都幾好, 唔un, 豬腳仔麻麻, 無咩肉. 墊底d豆腐最好, 吸了汁之餘又滑.糖醋麵: 做得唔錯, 金金黃黃, 煎得脆口, 加分! 切成pizza咁, 方便食. 欖仁四季豆: 幾惹味, 但份量不多.蠔仔粥: 一大碗, 蠔肉不多, 味道不突出, 謹謹及格.荔茸炸帶子: 我最愛芋頭, 呢味不容錯過. 夠香口, 不過好漏, 一個夠晒數.p.s 以上份量, 6個人係唔夠飽的. 係d野油頂住個胃…..

今日表姐帶我同男朋友去左呢間野到食晏,不過由於差唔多兩點半,成間野都冇咩人...點心正係叫左"蔥花炸兩腸"as好耐未食過,又幾好味wow,好脆呀!小菜:1/鵝片/大腸/豆付拼盆:大腸睇似好肥,但食落一d都唔肥膩;d鵝片又唔un,豆付都好滑2/豆醬"燕"菜:,用黃豆去炒菜好似好特別,不過食落一般,好普通3/瘦肉蠔仔粥:正,多d蠔仔仲正,都幾大碗4/椒鹽白飯魚:好大條又好脆,出面0個d正係食到粉多5/蠔餅:大到好似pizza,太少蠔同有d un,唯一抵讚係唔係似出面咁用炸粉炸糖水:我同表姐叫左紫米露:唔係好甜as我唔中意食太甜男朋友叫左芋泥:我就覺得怪怪地,男朋友就覺得幾好味Overall黎講都值得試架!

尋晚去左海港城,行行0下見到呢間潮州好似好多人,就黎試0下啦... 兩個人叫左: 鹵水拼盤(鵝片,大腸,鴨舌)--大腸好味,鴨舌都香口,鵝片就略為鞋d,反而墊底0既豆腐唔錯椒鹽白飯魚--呢個好脆口,好夠熱,d白飯魚比我想像中大條,不過無所謂啦,好味就得啦! 方魚肉碎粥--味道ok,不過不失咁啦煎蠔烙--唔算太油,不過唔算香口呢度d野食唔太貴,味道都算ok,裝修環境都可以,食得過既!!不過服務仲有好大改善空間, waiter0既服務質素麻麻地....

地方唔算大...不過坐得唔太迫...3人叫左鹵水拼盤(鵝片,墨魚,鴨舌) - 好入味...墊底既豆腐好滑...不過鴨舌來錯左豬利...魚飯(黃花魚) - 好好味...什菜煲- 份量多...沒有特別瑤柱蛋白炒飯- 幾香口..夠乾身..唔錯服務ok...

尋晚同朋友o黎o左尚膳潮洲小廚，由於我無咩胃口，只係叫o左: 一個糖醋麵- 唔錯，兩面都煎得好好一個菊花石榴雞- 石榴雞都幾好，係伴碟o既西蘭花煮耐o左口感唔好同唔好食一碗鯧魚片粥- 勁多味精！！！食完碗粥味精多到馬上同朋友走o左去惠康買罐可樂解"毒" ！