尚膳潮州酒家 (已結業)

seating oktemp okclean & spaciousservice - ma ma, waitress give strange answer most of the time; but politefoodim sum - pineapple bbq pork chop bun - too famous - just ma makung fu tea - goodchiu chou vegetable dumpling - okchiu chou desert - a bit disappointed, taste too sweet, portion too small

三女子相約出來食飯兼聊天, 一坐便三小時, 幸好侍應不太趕客.鹵水鵝片併墨魚 - 鵝片切得薄, 肉質不錯, 入味之餘也不鞋. 墨魚就比較硬, 鮮嫩度一般.煎蠔餅 – 煎得不太油, 但總覺欠缺鑊氣, 不及一些大排擋有風味.四寶蔬 – 排得靚靚整齊, 有紹菜, 小棠菜, 磨菇, 冬菇, 咸火腿. 材料豐富也清新不油.沙茶牛肉炒河 – 沙爹不香, 也杰撻撻, 味道咸了許, 潮館比這裡做得好.甜品要了馬蹄綠豆清心丸和水晶飽. 前者不過甜, 清心丸煙韌但略嫌細粒了些. 後者有兩款餡, 分別是蓮蓉和豆沙, 水晶皮不夠煙韌, 個人較愛吃豆沙餡.等閒真的要和朋友呻一呻, 如果唔係遲早屈到病.

等不到鼎泰豐，去了這裡。點了蝦蟹朿味道一般、潮州炒面無味、沒有蠔仔所以叫了鯧魚粥但有少少腥、炸芋頭帶子尚可、鵝片底是雞腎不是豆腐，鵝片普通雞腎都算入味、普寧炸豆腐無味又不脆。食完沒有開心滿足的感覺。沒有下次。

攝影發燒友要到東企業廣場搞佢既攝影器材，完事後，大家在尖咀一帶搵食。談起，大家都好耐未食過潮州菜，於是便立即往尚膳方向去。睇睇餐牌，商議一番，決定了要鵝肝凍、三拼(鵝肉、墨魚片、鴨舌)、煎蠔仔烙和四季豆，兩個人應該夠食了吧！先來一杯功夫茶，功夫茶是我小時的至愛，不是愛其味道，而是小時覺得能喝這苦味的茶是很威風的。而這功夫茶味道唔太濃，飲完沒有一種甘的滋味在口中。是我現在的口味改變了嗎？鵝肝凍，端上來時與預期中有些少出入。鵝肝味只一丁點，那凍的口味也不是想像中般清新；三拼算是可以，鵝肉幾嫩口，墨魚片都爽，鴨舌淋，不過三者皆不夠入味。煎蠔仔烙份量幾大，如pizza般。上檯時是金黃色的，色澤對辦。吃下，蠔仔數目也不少，亦算肥美。但係，論及鑊氣，始終不及街邊的潮州檔。四季豆炒得不乾身，感覺有如食豆角咁，不值一提。平均每人百五蚊，雖不算貴，但質素普通，下次食潮州野都係去創發等地方較有風味。

這裡真的沒有什麼特別, 味道非常一般. 點了川椒炒雞球$ 65 , 連一粒辣椒也沒有, 說是普通炒雞球會更貼切, 味道也尚可. 太極素菜羹$ 35 , 只夠一個人飲, 沒有菜味只有咸味. 百花蒸釀魚標$ 98 , 第一次吃, 幾得意, 不可以分開吃, 味道會有些奇怪．　腿茸紹菜$ 55 , 沒有什麼特別. 芝麻灌麵$ 38 , 有些像擔擔麵, 是用花生醬煮那款, 好普通. 白飯$ 6 一碗, 差不多啦. 福果芋泥$ 20 一碗, 平過外面的甜品店, 也可以試一下.唯一的好處是這裡人不多, 坐耐一點也沒有問題.

是日一早回港, 工作過後已經好疲倦, 但也要二人吃一餐的, 就隨意行到這裡晚膳.地方還幾好, 雖然要搭張六人臺, 但只有四個人坐, 也坐得舒服的. 飲完功夫茶後, 揀了以下三樣食物.鹵水鵝片$78: 4分, 來到吃潮州菜, 叫鵝片當然係正路之選. 想不到的係這裡的鵝片水準係甚差. 看圖也見到大部份的肉係死實實的, 老到不得了, 係點咬都咬唔開, 也不太入味. 只有小部份連肥肉的係好一點.潮式蘿蔔烙$58: 8分, 係好大碟的, 成個碟滿滿的, 真係剩吃而碟也飽了不少. 不太油, 香口, 不叫蠔烙, 叫了蘿蔔烙, 比較清新一點, 係稍厭比較粉.蠔仔肉碎粥$38: 7分, 來這裡, 都係唔食飯食個潮州粥. 雖然只係$38的價位, 蠔仔係幾鮮的, 也足料, 不俗.實在太飽, 也吃不下甜品了. 除了鹵水鵝片之外, 另外兩樣食物都不錯的. 埋單$100多一點, 合理, 係附近沒有頭緒吃甚麼, 也係個選擇.

出名蠔餅..但係一定無出面街邊檔咁有風味,不過如果你想坐得舒服d食蠔餅,呢度都ok,d蠔唔算細粒,無沙..蠔餅做到咁都算有60分啦....仲有一碟一上檯就諗起pizza hut 的perfectto..佢叫糖醋麵...但係唔係橙色汁果d,係真係有糖同醋另上比你點的

星期六晚同學會, 會長選了這個比較方便各大同學的海港城...其實選這裡實在不智, 地方狹窄, 味道又非常的不潮州, 但勝在價錢相宜, 又冇人催促, 牆雖然密集但又不會聽到鄰台說話, 食得盡興!! 川椒龍鳳球是雞和蝦, 冇乜特別；煎水瓜烙就不錯；鵝片墨魚鵝腸不能算做得差, 但真係出面好多家都好佢多多；梅骨羔其實只是甜酸味排骨, 過甜, 炒飯幾好味!!食物不算太差, 服務又不能說肥佬, 只是覺得這裡比較適合兩個人的晚膳多過一家大細或是親朋好友飯聚...

見到間舖裝修得咁靚，我都幾鐘意食潮州，所以試！1) 百花蒸釀魚鰾$98味道太淡，但賣相好靚，魚鰾唔夠淋。2) 潮州炒麵$68炒得幾好味，又唔會太油，有蝦、肉絲等，都唔錯！3) 普寧炸豆腐$42冇咩特別驚喜，與普通炸豆腐無異。地方寬敞，坐得舒適，但我都係鐘意食傳統潮州飯店。

又係阿蘇極力推介既餐廳，上次食過一次覺得d鵝片幾正，而且阿蘇話正既掌翼賣哂，食唔到!今次終於食到傳說中既掌翼，不過佢好細隻，而且肉唔多，冇想像中咁正。另外叫左冬瓜伴時蔬，有少少雲腿，個味又較得好合味，正! 相反其他菜式如蠔餅(有陣怪味又多粉)、瑤柱蛋白炒飯(普通)、椒鹽九肚魚(唔夠熱)，最驚訝既係佢出名既掌翼竟然冇人吼! 雖然佢係尖沙咀算係一間比較又食得飽既食肆，但係d水準應該保持下，唔好再令客人失望!

15-8-2007同4 個中學同學0黎食dinner:- 鹵水鵝片/豆腐/蛋: 鹵水汁味道一般; 豆腐唔入味, 不過好滑; 鵝片幾韌, 麻麻; 蛋反而唔錯.- 欖菜肉鬆炒飯: 味道唔錯, 不過炒得唔夠乾身.- 潮州炒麵: 呢個好好食, 麵條彈牙, 唔會太油, 濃淡味道適中!- 冬瓜夾: 清淡, 冬瓜唔多夠腍, 火腿味道ok, 不過份量太少, 食0左好似無食.原本想食反沙芋條, 不過當晚售罄.環境service 都一般, 味道又係一般, 整體真係好一般... 相信無乜原因會再0黎!

行街行到倦又肚餓, 於是來個早鳥晚飯.小食是咸酸菜, 正合我心意.再來杯功夫茶, 清清口腔.叫了三樣餸:1.鹵水鵝翼–有點坤水, 鵝中翼只得三舊, 其餘是鵝腳, 墊底是豆腐. 鹵得不算入味, 淡淡的, 不太香, 豆腐倒是滑溜.2.炸普寧豆腐–炸得唔夠乾身和脆, 少許油, 用來點的葱粒鹽水偏淡, 使炸豆腐吊不出味來, 還是我爸煮得出色啊!3.九肚魚青瓜烙–這味反而不錯, 幾大餅, 煎得不油膩, 啖啖可吃到嫩滑九肚魚肉和清爽青瓜條, 配上魚露更見惹味.4.西瓜汁–新鮮搾的, 凍些更好.5.清心丸綠豆爽–侍應知我們share也主動給我們一個碗, 服務算係唔錯. 糖水很熱, 但綠豆馬蹄粒粒使人食下感覺清爽, 清心丸煙韌, 可以的.

又係一家三口嘅晚餐。咸菜豬肚湯- 似乎好岩內子口胃（佢胃寒，鍾意d野暖肚），佢淨係俾咗一件咁大把嘅豬肚我喫，不過件豬肚好厚身好淋滑喎。太極素菜羹- 呢個係特登叫俾個女食嘅。一叨起就已經覺得好滑，入口亦覺個雞湯底好濃好香。滷水三拼（鵝肉/珍肝/鴨舌）$8x - 首先個滷水都好香好夠料，而且鵝肉滑、珍肝香、鴨舌味道清雅。個人最喜歡鴨舌，因為入面隱隱有一陣玫瑰露同香料味，但整體又唔會太過濃、膩。麒麟冬瓜夾- 係蒸金華火腿片釀冬瓜件，澆上蠔汁，伴以菜心草菇。一向都喜歡呢個做法，而呢度亦都做得中規中舉。玉蘭菜圃炒河$6x - 呢個反而普通咗d，雖然河粉靚、菜圃芥蘭脆、蛋又好香，可能加幾滴辣椒油吊一吊味會好d。清心丸綠豆爽$18 - d綠豆好大粒好好味，又唔好太甜太淡，good。以海港城計，呢度收費唔算貴埋單都係$319。茶錢都只係$2位，招呼又好，今次我坐到卡位，地方亦都算濶落，所以唸緊再來同外父做生日。

星期六去試呢間新潮州食店等左廿分鐘位先有位坐低第一個感覺係個裝修咁似隨園小館枱與枱既距離好近可以好清楚聽到左右兩枱既對話加上枱比較細同通道窄侍應同客人路過都不時撞到枱邊既碗同牒雖然只係8:45 但係點菜時已經係點乜無乜食物不過不失要讚既係服務雖然各侍應都好忙但仍然保持笑容主動幫點菜加菜

因為亞SO介紹過所以去試一試, 不過去咗幾次,掌翼都賣晒, 望門輕嘆！今日下午終於食到, 不過非常失望,連餐前小食(咸酸菜)居然係甜嘅好難食,我點了以下三樣菜,食過後連甜品都唔敢叫。1. 掌翼好滑, 但滷水唔夠味。2. 沙嗲炒河汁好味, 但好咸。3. 韮菜鵝紅好滑, 好油勁味精。