尚文潮州菜

營業中

休息中

為慶祝朋友攞第一，一於去食好野，我哋揀咗灣仔既「尚文潮州菜」，貪佢交通方便，而我哋又想食下潮州菜。服務員態度非常好，經常走過嚟幫我哋斟茶、換碟。經理又會問吓我哋啲菜好唔好食，真係好貼心嘅服務呀。而且坐低左一陣已經座無虛席。佢仲提供4間房，最低消費視乎房間大小由五千至一萬。功夫茶一坐下來侍應做送上熱乎乎的功夫茶，味道似特濃的香片。招牌紅燒翅 $420好足料，每一啖都係滿滿的翅，味道特濃，完全非常十分之滿足😌，食到舔舔脷，值！碧綠川椒雞球 $168雞肉的調味偏淡，但雞肉好滑，最驚喜係個伴菜，炸得好透，好似食緊紫菜的口感，超正👍🏻蠔皇原隻鮑魚（三頭一隻）$338蠔皇汁香味四溢，鮑魚淋滑可口又帶有香濃的蠔皇汁，冬菇嫩滑，西蘭花🥦新鮮海參 $150平時食過既海參都係爽口的，但今次食既海參係漿口的，查詢經理，他說是因為炆煮過，才有這個口感，真係好考功夫啊！滷水鵝片（鵝肝兩片、鵝腸）$350知道滷水鵝片係招牌菜，點會唔試吓，鵝片不肥，味道適中，我覺得沾醬會好食啲。鵝肝唔會覺得肥膩，口感順暢綿密，因為是慢煮才有這種口感。鵝腸爽脆，非常驚喜。福果綠豆爽食完濃味餸菜後，吃個清甜綠豆爽，滋潤養顏，為這頓晚餐

先講結論，侍應服務殷勤有禮，勝過不少酒店，可惜菜式味道跟不上服務水平鹵水鵝拼鵝肝：鹵水略帶回甘，不會過咸中上水平，鵝肉略乾，反而驚喜是墊底的豆腐，嫩滑有豆香，鵝肝都夠嫩油潤，以為今餐開個好頭，但原來係高開低走椒鹽白飯魚：炸得香脆，椒鹽略淡沙茶牛肉炒芥蘭：芥蘭爽脆，但沙茶味偏淡，香氣欠奉，而且敗筆係非常之油，成個碟底都有一層厚厚嘅油檸檬燉鴨湯：鴨香欠奉，睇番啲湯渣鴨嘅份量其實唔多，大部份都係豬瘦肉，相比之下其姊妹店嘅燉鴨湯就出色好多骨香大英鯧：分兩食，炸魚骨同炒球，魚骨炸得酥脆，都合格，炒球嘅豉油太甜，唔夠惹味，最令人失望嘅係魚肉，貌似不太新鮮，肉質鬆散，魚味油香欠奉，而且炒得略過火，肉質偏鞋，全餐最貴呢道菜，但係亦都係令人最失望嘅潮式四喜魚標：如部份食評所言，口感就像酒樓點心吃到的魚肚差不多，魷魚乾韌欠鮮味，蝦仁亦一般，相當普通的一道菜色值得一讚的是服務水平，侍應殷勤有禮，不會硬銷貴價菜式，會就菜式份量提供合適意見，斟茶換碟亦勤快，絕對係酒店級奈何菜式水平着實一般，也許店家主打的是高檔菜式吧，如果只吃普通小菜的話，就不要有太高期望

喺灣仔區想食優質潮州菜，「尚文潮州菜✨」絕對係好好嘅選擇，餐廳提供高級潮州菜式，好多名人都光顧，菜館位於灣仔地鐵站附近，位置十分方便，餐廳提供各式各樣嘅潮州菜，包括滷水鵝片、煎蠔餅、蠔仔粥、凍蟹等等潮州菜經典美食，款式十分齊全，味道夠正宗，仲有各樣點心。「潮式蝦餃王🦐」皮薄餡靚，蝦味十足！🥟「尚文燒賣王」每一粒都飽滿，同樣充滿蝦肉，口感豐富！🥢「潮州粉果」薄皮包住鮮美餡料，沾埋潮州辣油，好味😍「潮州糯米卷」香軟可口，糯米夠軟夠香。🍽️「傳統韭菜盒」外皮夠脆，香氣四溢🌿「滷水鵝肉、鵝腸、鵝肝」鵝肉嫩滑，鵝腸乾淨冇肥膏夠爽口，鵝肝又香又濃，每樣都係潮州經典，味道一流🍗「沙茶牛肉芥蘭」牛肉嫩滑，沙茶醬香濃，配上芥蘭，完美🥩「尚文潮州菜」非常高質素，無論係食物質素、環境定服務，都好有水準👍🏻

尚文潮州在灣仔開業多時, 老闆是西營盤尚興的後人, 大哥尚盛選址萬宜大厦做老主顧生意, 細佬尚文開在灣.仔盧押道. 各有各的客路.今在尚文午飯, 看看廚房的功力, 結果...平心而論, 非常一般. 先來一壺老闆私伙的單叢茶, 喝著喝著與ー般普洱無異. 鹵水本是潮菜的靈魂, 可惜它的鹵水鵝肉全冇特式, 一字言之 ”鹹”, 没有鹵水的甘香, 鹅腸清潔得像一片薄薄的長螺片, 淡然冇味, 相比街邊的潮州小店還不如. 完全是敗筆之作點心還算可以, 潮州炒麵線, 煎蠔烙尚算合格. 倒是那椒鹽九肚魚炸得酥脆可口, 不油不膩, 是全餐較有代表.相對大哥的尚盛店出品差距甚遠, 尚文的團隊還是要加把勁了.

經理同店員都好nice，好願意推介特色菜，仲送咗桂花糕同埋綠豆爽！潮州炒魚麵 $168第一次食魚麵，好有驚喜！鑊氣好足好香口！魚麵嘅質感好彈牙，好似食緊條狀嘅魚蛋咁～配埋肉絲、芽菜、芹菜一齊食，口感好豐富～滷水鵝腸/豆腐/頸/鵝肝 $240滷水好入味，唔會過鹹，豆腐最有驚喜！鵝腸好爽口～潮州炸雙棗 $160係蝦馬蹄丸同蟹馬蹄丸，丸本身肉質彈牙，蟹丸稍微比蝦丸稔身，個人更鍾意蝦丸，馬蹄令口感更有層次～椒鹽去骨九肚魚 $168椒鹽唔算好香，但炸衣好香脆，九肚魚好綿～潮州反沙芋條 $138鍾意食芋頭嘅人必食！外面個層薄薄嘅糖衣脆脆哋，中間芋頭微熱，好香好粉～桂花糕質地好動L！好濃郁嘅桂花味～綠豆爽糖水質地好似落咗藕粉，有少少濃稠，綠豆祛曬衣，入口好清爽～

家人常聚餐的食廈開了新店，我們是一間潮州菜館，店名「尚文潮州菜」，今午相約媽咪專程去淺嘗。環境光猛開陽，也許因為附近有不少寫字樓，中午滿座，氣氛熱鬧。兩個人撐枱腳，點了兩款點心，［潮州蒸粉果］與［潮州糯米卷］，做得唔錯，味道不俗。滷水是必點的項目，我們選了雙拼［滷水淨鵝片配鵝腸］，滷水汁清新，味香不過鹹，鵝腸非常爽口，鵝肉連皮有點脂肪。最後來了一個［潮州炒魚麵］，魚麵很粗大，有魚味似魚蛋，乾濕度剛好。走中高檔路線，服務態度良好。

今天老闆請客可以食餐豪😋-滷水鵝片豆腐 $220滷水鵝片的肉味亦非常香濃，伴碟的豆腐亦因為滷水很入味而非常好吃🥰-潮式蝦餃皇 $60蝦餃皮的厚度適中，蝦肉非常新鮮，配上潮州辣椒油更加滋味😋-潮州粉果 $48粉果有很多菜粒和花生在裡面，爽口又惹味☺️-高湯雞燉翅 $380 湯非常清澈又清甜😋 魚翅份量很多，抵食😍🫶🏻-招牌紅燒翅 $420湯濃稠度適中，入口非常香滑。魚翅份量很多，非常入味🥰-餐廳的功夫茶也很好喝😋職員服務一流，餐廳環境舒服，很適合聚會👍🏻👍🏻

招牌紅燒翅（潮州翅），味道ok，魚翅既份量亦算多。蟹棗比蝦丸出色，蝦丸略嫌唔夠彈。鵝片差，肉質鞋，反而墊底既豆腐出色，又滑又夠味。炒豪爽（好似係叫）夠味道，又香，因為味道偏重口味，所以要用生菜包住食就啱啱好。重有一個唔記得叫咩魚鰾，普通。我記得呢碟餸要三百幾元，其實就係飲茶果啲棉花雞嘅棉花，我個人覺得碟餸味道又普通，唔知食咗啲咩，所以唔值得食。最後送咗碗綠豆爽俾我哋，係我食過最難食嘅清心丸，唔食過都唔知九龍城果間潮式糖水店嘅清心丸原來係咁好食。

今天中午我和老公相約在灣仔品嚐一頓美味的潮州菜，名叫尚文潮州菜，地點選址方便，餐廳環境十分優雅，中環裝潢具傳統古典風，座位寬敞舒適，絕對是一家大小，親朋好友聚餐的好地方。😋😋我們點了幾道招牌菜🥢🥢勇哥傳統炒蠔爽✨✨勇哥炒蠔爽鑊氣十足，炒得剛剛好，蠔仔肥美鮮甜，保持了海鮮的鮮味，配上生菜包吃，健康之選。發財卷✨✨發財卷鬆脆的外層包裹醬香噴噴的餡料，由蝦膠和髮菜做餡料，特色小菜，口感豐富。滷水淨鵝片✨✨滷水蒸鵝片是筆者最愛，鵝皮薄而不膩，鵝肉嫩滑，配上豆腐及特製的醬料，真是絕配。胡椒鹹菜豬肚湯✨✨鹹菜豬肚湯胡椒味十足，豬肚爽口彈牙，配上酸酸甜甜的咸菜，有多重層次感。十分滿足暖胃。糖醋伊麵✨✨糖醋伊麵煎得香脆，內裏煙靭無比，有別於一般的食法，配上砂糖，豉油及醋一起點來吃，好好吃！潮州蒸粉果及潮式蝦餃王✨✨最後是潮州菜必點的中式點心，點心外皮薄透，餡料鮮味。

尚文潮州菜 (灣仔)灣仔盧押道23號THE PHOENIX 2樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐食物推介：鹵水淨鵝片加鵝肝(2片) $240，沙茶牛肉炒芥蘭 $168，高湯雞燉翅$380， 潮州蒸粉果 $48鹵水淨鵝片加鵝肝：鵝片鵝肝外觀色澤紅潤，鵝肉片切厚薄而均勻，排列整齊，配以光滑的鵝肝，味道鮮美，肉質鮮嫩，鹵水的醬香撲鼻而來，是鹵水美食的極品！😄😄😄沙茶牛肉炒芥蘭：這道菜色彩鮮豔，牛肉片呈現誘人的棕紅色，與翠綠的芥蘭形成鮮明對比，沙茶醬的香氣濃郁，帶有微微的甜味，與牛肉的鮮嫩相得益彰！👍👍👍高湯雞燉翅：外觀呈現金黃色，味道鮮美，雞翅在長時間的燉煮中吸收了高湯的精華，肉質滑嫩，湯汁醇厚，加進少許醋及香茜後更散發出誘人的香氣，每一口都是暖心的滋味！😍😍😍潮州蒸粉果：外觀呈現半透明的薄皮，讓人可以隱約看到內部色彩繽紛的餡料，口感滑嫩，沾點辣椒油，更添豐富口感！😋😋😋

朋友從英國返嚟，話好掛住食中餐，我哋就試呢間名人飯堂。 一入到去，環境有格調，雖然走中高檔路線，但餐牌上都有唔少大眾化嘅選擇。一坐底店員就送上功夫茶，即刻打開個胃。經理仲主動介紹招牌菜，又不時幫手斟茶，問下啲菜合不合口味，服務周到。 潮州粉果有驚喜！我平時唔算好鍾意食，但佢外皮好薄透，餡料豐富，有韭菜、木耳、豬肉碎等等，食落鮮美又清爽。 招牌嘅鹵水鵝片配墨魚都唔錯，鵝片肥瘦適中，肉嫩又有濃郁鵝味，帶啲鵝油香，蘸埋醬汁，層次豐富。墨魚彈牙，炸豆腐吸滿鹵水味，嫩滑可口，推介。 酥炸蝦丸金黃香脆，搭配桔柚醬汁，一甜一鮮，味道幾夾。主角~堂灼海螺盞好大塊，螺片好新鮮，配埋香橙片同芽菜，食落好爽口。勇哥傳統炒蚝爽就每枱必點，火候控制得啱啱好，蠔仔肥嘟嘟，鮮味十足，用生菜包起嚟食，一啲都唔覺膩。 呢間潮州菜既有傳統潮州菜嘅風味，又有創新嘅菜式，值得一試。

每年都同呢個朋友一齊提早食團年飯，今年都唔例外。朋友今次帶我去咗喺灣仔嘅尚文潮州菜招牌紅燒翅（每位$420 x 2位）：唔係講笑，佢個湯真係做得好濃郁。而翅嘅份量都好多。魚翅吸收曬濃湯嘅味道，點會唔好食。我就食到一滴都冇得剩，hehe.凍魚飯（原條馬友$400）：馬友好鮮味。喺佢嘅魚肉度睇到佢有黃油，魚香味十足。食落感覺濕潤。肉質有彈性，唔會死實實。潮州蒸粉果（$48）：呢個粉果，比起我哋一般喺中式茶樓食到嘅粉果皮更加軟熟透亮。配埋潮州辣椒油就更加惹味。潮式蝦餃皇（$60）：呢個蝦餃嘅包法同我哋一般見到嘅唔一樣，幾特別。蝦肉大隻得來好彈牙爽口。餐前小食- 鹹菜（$20），潮州椒醬肉（$30）：佢嘅鹹酸菜爽口，鹹甜適中。第一次食椒醬肉，內有小豆乾，豬肉粒，同埋菜脯，無論口感定係味道層次都好豐富。配埋潮州粥食就啱晒！

今天中午，我和朋友相約在灣仔，品嘗了一頓美味的潮州菜，餐廳名叫尚文潮州菜。這裡的環境優雅，讓我們一進門就感受到濃厚的潮州文化氛圍。我們點了幾道招牌菜，首先上桌的是潮州蒸粉果，外皮薄透，內餡鮮美，讓人一口接一口。接著是發財卷，酥脆的外層包裹著香噴噴的餡料，口感十分豐富。然後是鵝片鵝肝，鵝片滑嫩，搭配鵝肝的濃郁，簡直是絕配。最讓我們驚喜的是招牌紅燒翅，魚翅足料真材實料，味道濃厚，令人陶醉。而勇哥傳統炒蠔爽則是另一道亮點，炒得剛剛好，保留了海鮮的鮮甜，配生菜包著，每一口都充滿了鮮味。整體來說，這頓午餐大滿足，也讓我們在繁忙的生活中享受了一段悠閒的時光。下次一定會再來，品嚐更多的潮州美食！

✳️今次同老婆去咗灣仔PHOENIX 2樓嘅尚文潮州菜，試吓佢哋嘅港式高級潮州菜。✨值得一讚的是店員殷勤先奉上4杯功夫開胃茶，真的有消滞效果。第一道菜系招牌紅燒翅，$420一位。紅燒翅嘅湯底濃郁香甜，翅質滑嫩，食落口感一流。跟住試咗鹵水鵝肉(連骨)同鵝腸，$250。鹵水味道入味，鵝肉同鵝腸都非常嫩滑，食得出用心制作。✨最驚喜嘅係潮州凍大紅蟹，$1,440。呢個價錢有點偏高，蟹肉鮮味不過不失。幸好，另一道菜~勇哥傳統炒螃爽，$188，炒得好香，螃蟹肉鮮嫩，值得推薦。✨我們點了一壺茶菊花茗茶，每位$26，清熱解渴，名目齒留香。✨總體嚟講，呢次喺尚文潮州菜嘅用餐體驗滿意。

月尾出咗糧，約好友撐枱腳食好啲，去咗灣仔新開不久的尚文潮州菜，開開心心，食咗招牌紅燒翅，非常滿意，值得介紹：招牌紅燒翅，每位 $420，味道非常好，因為落咗豬油，食起上嚟質感更加黏稠條，感覺好多骨膠原，幼細嘅魚翅半溶口感，極之滑溜，每一口都是享受。另外必吃滷水鵝片鵝肝掌翼三拼仲有豆腐等於四拼，鵝肝夠粉嫩，滷水汁清香唔會過鹹，高級潮州菜嘅做法。中午食咗兩款點心，潮州蒸粉果皮薄餡靚，潮州煎韭菜粿煎得香口。餐前有潮州茶及鹹菜小食，水滾茶靚，傳統潮州菜館佈置，光猛企理，服務態度好好。