尚八日式燒肉店 (已結業)

今次試左尚八既A4和牛放題真心 • 佢不論和牛同其他海鮮都覺得好正入座後，佢泥左個頭盤比你試左牛既唔同部位，先再選擇叫咩好真係好貼心個人認為牛前肩比較冧一口牛就麻麻地另外仲狂叫左。。。。當然佢仲有蝦，蠔果d啦另外認為大家必試係個牛舌因為佢牛舌有個厚切超有口感佢仲有鹽燒，同青蔥牛舌都好正

平日5點場去的 都滿左大半場 我係睇有碗話碗介紹吸引 揀左A4和牛放題 一黎好快比一碟A4同一碟海鮮仲有一碟魚生 （忘記影）都係三文魚八爪魚吞拿魚刺身 有海膽 魚生質素好一般 我的心已飛去A4 食左一轉知道自己鍾意邊款就encore 呢間店服務好好 適時黎收走碗碟 員工笑容動作都好自然 唔係為趕客已收碗碟 而叫幾多片真係跟返足比你 不多不少 亦好快送到 落左好多次單 最多唔會超過10分鐘 放題黎計食物做到咁樣真係諗唔到有咩批評真係要隔硬諗唔好既會係坐位 有d枱一張長枱咁 用板分隔就當分左枱 其實同隔離坐得好近 不過香港既食店大家都明白🤷🏼‍♀️ 而且唔係所有坐位都係咁 睇食客個日彩數飲品任飲可以去雪櫃攞 呢餐好滿足 性價比好高 過一排又再去幫襯過

今日聽朋友推薦荃灣新開張的日式燒肉放題，一心去試，過程都好滿意，𠲍食都上得快，環境都唔錯👍🏻只係當侍應過黎提點last order時候，我地都order左野食都未到，侍應話「唔該埋一埋單吖」，我地都好配合💳過左20mins野食先到，侍應已經一直催話「差唔多夠鐘交枱喇」，我地都話「啲野食岩岩先到，我地燒埋就走」侍應都話ok過左5mins後，野食都未食完，侍應就一直催，「夠鐘交枱喇，你地已經過晒鐘」，至少唔同的人過黎講左6次啲侍應唔知啲野食要時間煮熟，無食物常識都算，催命符咁款但出面並無人等枱🤷🏻‍♀️(距離關門時間仲有3hrs)如果你過黎講last order但又唔俾時間人燒既話，不如你提早1hr講啦💁🏻‍♀️野食又咁遲先上客人係黎食燒肉，唔係食生牛肉囉總之呢間放題唔會再去第2次敗筆在於員工身上👎🏻

趁天時仲未開始凍，去食餐燒肉先！其實天氣溫度只係藉口，我只是想食餐燒肉姐！數下數下大家都有成半年無見啦，難得聚埋一齊，實要食餐好嘅！食西餐又太悶，中餐又食到厭，打邊爐又無咩創意，食燒肉就就最好啦！（其實係我自己特別想食燒肉！）燒肉店係旺角周街都係，荃灣就少見啦，尚八我之前係旺角都有食過，咁朋友就話想試下和牛放題。人均係三四百蚊，貴定唔貴，咁就睇你點睇啦。荃灣呢邊嘅環境好似闊落啲，加上新開，環境好新淨，坐得幾舒服。和牛係A4級嘅特選和牛，有多款部位可選。我地都幾滿意嘅，覺得無伏，就算叫咗幾round，都無出現話質素下降嘅情況。任食嚟講都算係咁，當然比唔上單點嘅日式餐廳質素咁高，但以呢個價錢去睇都尚算可以。必點推介：牛前肩，牛胸腹，芝麻雞翼。

和牛放題菜單內容豐富多款A4日本和牛、內臟、牛舌、牛肉刺身、豚肉、雞肉、海鮮、前菜、沙律、野菜，仲有湯及飯超多選擇，根本無可能試得晒所有食物食到一半已經好厲害㗎啦餐廳提供幾款醬汁 - 燒汁，檸檬汁，蒜蓉汁不過日本和牛肉質非常優越唔點汁都已經好好食應該先食原味，感受肉香及油香品嚐日式燒肉，好似品嚐紅酒一樣，從氣味、色澤至入口都是一種講究及享受豐富肉汁加上帶有嫩滑的口感，越咬越香如此良好的肉質，大大啖食肉真係令人超滿足

去咗荃灣新開嘅尚八店內裝修簡約，設計精緻的燒肉店店員安排在寬闊卡位入座立時對客戶服務加分食和牛應該係享受，唔應該坐到逼逼夾夾日本和牛點了多款亦都係今日我地點餐嘅主打如果怕和牛食得多會heavy，其實可以點平D嘅普通放題啦咁我地就叫晒和牛嚟試：牛胸腹、牛三角、牛前肩、牛外腿、一口牛可以滿足想吃部位的口腹之慾牛胸腹及牛三角最軟淋，多肉汁厚切牛舌有厚度跟超有彈性的口感，好好味成隻牛包括稀有部位都食過，油花分布均勻，肉味不算突出不過日本和牛嘅特色唔係肉味濃任食價位可選擇到咁豐富嘅菜式，實在物有所值啦

佢地依家就做緊A4和牛放題，早鳥時段17:00-19:00都只係$368，當然要另外收加一啦~如果星期五六日同紅日就再加$30以呢個價錢黎講可以任食A4和牛其實都幾抵，出面餐廳叫兩三份A4和牛都差唔多呢個價錢啦~更何況呢度可以任食A4和牛果然無欺場，真係肉汁豐富之餘仲入口即溶!!推介大家食A4和牛三角!! 真係正到食過一次返唔到轉頭....以後無得食咁靚既牛肉點算呀?!和牛冧都好正...油花靚到呢....真係諗起個種滋味都流口水...除左A4和牛好食之餘，佢其他食物都好出色例如一口芝士、香煎牛小排漢堡、岩鹽厚切牛舌、香草牛油帆立貝...牛舌食落爽口得黎又唔難咬，仲好JUICY另一推介就係香煎牛小排漢堡，唔知點解硬係對漢堡有種情意結~呢度既漢堡做得好好，唔會乾爭爭，咬落有豐富肉汁爆出黎，就咁食已經好正！不過個人角度覺得一定要配白飯食先過癮...加單到第三輪已經飽左9成...終於捨得放低筷子...奉勸各位黎食之前要留肚~

今日試左呢間新開張冇幾耐既尚八燒肉放題，主要係比佢個A4和牛吸引左！係A4呀！仲要任食呀！唔係唔去麻...🤤入面環境都算大，座位都算寬敞，唔會迫！一坐低唔夠五分鐘，店員就會比碟海鮮拼盤，同埋A4和牛，A4有唔同部位（佢會有個牌仔寫住），總共2碟野比你燒住先，另外仲會送刺身比你，但大家要留意，刺身係冇得再叫，如果要加埋刺身放題，係要另外收費的！整體黎講真係唔錯👍🏻A4果然係A4，油脂分佈平均，入口陣陣油香味，好滿足呀😍而海鮮我就覺得冇咩特別，都係同平時出面食既差唔多，另外餐廳仲會有一d熟食比大家叫，例如芝麻雞翼，一口芝士，炸生蠔等等既炸物，仲有湯類、麵類，每樣種類唔算話太多，但都足夠👍🏻因為我地主打係和牛🤩埋單後仲有雪糕雪條甜品比你選擇，真係飽到上頭頂😂

如果想食燒肉，預算唔高，誠意推薦尚八，今年7月開張，主打日式和牛燒肉放題。裝潢好靚grand同佢所在嘅位置相比，好impressive,座位亦好寬敞。A4和牛放題$438，仲可以無限量追加，牛肉真係好新鮮同juicy.唔洗牛嘅都可以食豬/雞，羊架亦是推薦。店鋪仲提供好多日式小食同刺身，性價比高👍🏻👍🏻

之前睇過有YouTube介紹過佢依間，個YouTube介紹人係出名口臭，並且有碗話碗嘅，我望到佢嘅餐牌早段時間最平，所以特意去試吓，慶幸就係我有訂位，因為我發現今天係閑日都全場爆滿，個環境都舒服嘅，咁員工都好多，一坐低就比杯茶你，再介紹套餐俾你，咁因為初次是我就試咗個普通牛先，都是用QR code落單，佢會送一盤刺身俾你先咁其實望到刺身都幾好，尤其是海膽超正，牛就好快到啦，咁其實除咗牛之外仲有好多海鮮俾你選擇，普通牛都好好味，咁當然啦我見到旁邊啲人都係食和牛，不停咁話好正好正，所以我下次一定要試，總結來講值得推介，下次一定會再來

同3個朋友去食，試左A4和牛放題。一黎先有3碟佢畀你既和牛+海鮮同其他肉類+刺身🤤和牛真心好好食，顏色好靚，好多雪花，入口溶！不過勸大家唔好一味食和牛，因為都幾「溜」。除左和牛，仲有雞、羊、豬、熟食、海鮮、日式冷盤等等。不過個人認為海鮮類唔新鮮，可以唔叫都得🙈刺身要另加$48先可以任身，我就冇加，淨係食左送個盤，不過不失，可以接受既。食完可以問佢拎雪糕食，野飲方面係任飲，不過選擇小，最失望係冇酒類飲品😂成餐平均每人$480，如果真係好鐘意食牛既，真心推薦！

之前看到宣傳片，覺得價錢合理，而且是新開，環境及食物應該較佳，所以趁早一試。星期五的下午五點場，提前10分鐘到達，已見很多人排在門口等安排入座。我們二人被安排到一張長枱要與另外兩對客人同枱，但幸好枱上放了木板隔開，算是保留了私隱。由於怕和牛很油和肥膩，而且知道會送一碟和牛，所以我們選了沒和牛的價錢，外加$48任食刺身壽司。這是未點菜前送上的一碟雜錦，有牛、豬、雞、海鮮，全部都新鮮好味。刺身跟平時食日式放題的差不多，好像不太鮮味，但都算新鮮，食完沒肚痛。元貝大粒，配香草醬燒，豆腐好味牛舌有點鞋，牛肋條有點韌金菇配醬汁燒極好味，秀珍菇和雞肶菇配牛油香草，感覺較油膩小食米卷蟹子蟹柳沙律，好味，菜新鮮，蟹柳亦多炸芝士脆口不油膩，芝麻雞翼大大隻好多肉，肉嫩而入味，比要自己燒的雞翼好味，必食附送的和牛壽司，可惜牛肉趙唔爛，吐了附送的一碟和牛，原本是 給食客拿走的，但因我們食完後要睇戲，不方便，所以決定即場燒了。和牛肉的肉味比普通牛濃很多，牛粒亦不覺肥膩，好味!炸雞軟骨，係最好味的小食，蒜香入味，口感脆而不油每人還送一條韓國雪條或雀巢雪糕，當然揀雪條啦。總結:環境: 空間感足，要搭枱亦不會覺得不自在

If you are a big fan of Japanese wagyu beef, the Japanese Wagyu Beef Dinner Buffet Set cannot be missed. It was great value for money and good services. The sashimi platter at the beginning was a nice appetizer before digging into yakinuku. They offered a variety of cooked and uncooked options on this buffet menu which was standard. One suggestion is to label the different cuts of the wagyu beef for the first order so that people can repeat ordering what they prefer subsequently without both

好耐無食日式燒肉，趁著月頭仲有錢，一於食豪D入到去地方舒適，唔駛同好多人逼埋一齊，食放題一定會點到成枱都係碟，所以闊落嘅空間係緊要嘅。如果張枱細到要層層疊咁去放置D碟就感覺唔良好啦先試火炙和牛壽司開胃，少少焦香加上燒汁，一啖一件，好味點咗多款和牛牛三角 - 油脂分佈好似雪花，又淋又滑 牛胸腹 - 都好夠油花，有牛味一口牛 - 比較有口感，不過都多油，食多幾粒就覺得膩都叫咗其他好多唔同嘅肉類，牛舌 - 薄切較好，厚切燒得唔好可能會韌壺漬 - 牛同豬肉都好，燒完很香，推介羊架 - 我無食岩鹽雞肉 - 都好滑，又夠入味掛住食都無影相啦

開新店喎，忠粉梗係要支持下啦！已經係第三次食尚八！對上兩次喺尖沙咀分店今次就係荃灣新開嘅分店！menu好似多咗食物但係價錢就冇變，第一次食完之後我就覺得都係值得食，因為食物質素係高嘅！呢道環境超大，全層可能有尖沙咀店嘅兩倍，我估計...不過呢道開揚好多，有多張大枱、門口仲有大大個透明雪房放牛，超特別、超吸引呀！仲有新點餐方法～scan qr code 手機落餐真心方便，無漏過單！A4和牛係任食一共有六個唔同部位，一坐底之後會先送齊六個唔同部位嘅A4和牛，邊part啱食就再點。我最鍾意食就係牛胸腹，油脂相對較少(?) 所以會多d咬口、牛味重dd，不過亦都無咁油膩。最後牛三角油脂分佈多而且均勻，燒一燒放入口就有種入咩即溶感覺，不過對我黎講都係兩三片就夠了。新店多左唔少新食物😉例如赤身壽司、和牛筋拌溫泉蛋、香蔥和牛反卷等。赤身好靚粉紅偏紅好新鮮，不過...其實食完我都係唔知赤身係咩黎～海鮮一樣咁鐘意食！點左好多件嘅當然有廚師推介：蠔、帶子，配埋蒜香牛油一齊燒，夠曬入味之餘仲要非常之濕潤呀！呢兩樣燒熟左之後都仲係好大隻，啖啖肉呀！新開張首月仲送日本毛蟹同埋A4和牛一盒，返企可以繼續食～