尚八日式燒肉店 (已結業)

呢排有開心的事情慶祝，所以了這一間燒肉放題 我們點的是a4和牛放題。 我哋好奇心比較重所以都點咗啲普通嘅牛同a4和牛作比較。係呢啲相入面睇到啲a4和牛真係會有好多雪花紋，所以食落口會有種入口即溶嘅感覺， 同埋真係好重牛味㗎！ 除咗有牛之外，佢仲有好多海鮮食！我份人就比較鍾意食蜆可惜佢顯係季節限定，只係有佢送嗰個海鮮盤嗰兩隻蜆！我就食咗其他海鮮，種類都有好多㗎！我就食咗生蠔，帆立貝，蝦同埋青口，全部都好新鮮好！除咗嘢食好好味之外，最重要嘅就係佢有兩碟和牛送！除咗食之外仲可以帶埋正嘢返屋企同家人分享真係好抵食呀！！呢個係新開張優惠，遲d 唔知仲會5會送。

之前都有幫襯過尚八燒肉都覺得質素幾唔錯，難得係我屋企附近開左新店，當然要去幫襯下啦依家仲有新店限定優惠，二人同行仲送一隻毛蟹添有著數最啱我，即刻捉個朋友一齊去踩踩場先！新店空間感夠哂大，坐得舒服，唔洗逼逼狹狹。我哋揀左早鳥時段去，比起黃金時段平好多，都係$368 (另收加一) 呢個時間可以食A4和牛放題都算幾抵A4和牛有六款部位揀，包括有和牛三角、和牛前肩、和牛外腿、和牛胸腹、和牛冧肉同埋一口牛。每碟和牛都會有個牌仔放係到話俾你知佢係邊個部位，咁樣做其實幾好，唔洗撈亂哂唔知自己食緊咩部位綜合咁多款，和牛外腹最肥美，和牛三角雪花紋就最靚。不過無論邊款都好，肉質都係相當靚，入口甘香肥美，真係做到入口即溶嘅質素！雖然明知和牛係極度邪惡嘅分子，但我哋都唔理咁多啦，一於同佢激戰二百回合！除左和牛都有叫海鮮、牛舌、沙律等等食物特別一提有個岩鹽厚切牛舌都幾出色肉質爽口但唔會難咬，每一口都非常Juicy多汁！質素拍得住A4呀！建議唔洗燒得太熟，燒八成熟就剛剛好帆立貝同蜆都好新鮮好好味，唔會好大陣雪藏味同埋無沙。雞腿肉都好嫩滑，香草汁都好特別，同雞腿肉係幾夾，仲醃得好入味。臨走既時候侍應哥哥俾左個銀仔我

話說見到好多好評就去試下⋯普通定和牛就梗係試和牛啦！OK⋯第一諜送既和牛係好食嘅⋯送嘅刺身都好食⋯毛蟹有點腥不過送都OK⋯好啦⋯入正題⋯見餐牌寫住和牛梗係叫和牛吾叫其他牛啦！點知一上已經覺得色水唔對路⋯再燒完之後一D都唔覺得係和牛⋯又唔香又唔鬆化⋯完全feel唔到係和牛⋯D海鮮又係腥到不得了，連我男朋友對食無咩要求都覺得唔好食⋯overall要成400幾蚊一個人⋯食緊D無和牛味既和牛我覺得真係唔值⋯荃新天地平3分1價錢唔係和牛都好食過「和牛」⋯我真係唔明點解有咁多好評⋯無下次！

近期得知荃灣開咗間尚八，仲知道佢兩人同行有毛蟹送啊。仲係限時優惠嚟嘅，於是嗱嗱聲約埋好友去攞著數啊！食燒肉多數都係食牛，所以我地毫不猶豫地揀咗和牛放題。毛蟹作為前菜，挑起了我們的味蕾神經，讓我們為接下來的和牛放題做好準備。唔係講笑，真係好大隻。之前食牛都唔知自己食緊咩部位，呢度就幾好啦，會標明唔同部位的名稱，咁以後就知道自己鐘意食咩部位啦！見到和牛佈滿雪花的紋理，就知道我地無揀錯，和牛係唔同啲嘅！雖然價錢係唔平，但偶爾食一次都接受到嘅。我就比較中意食牛前肩，燒到啲油分吱吱聲，食落嫩滑，牛味濃郁。正啊！除咗和牛都有好多唔同肉類選擇，我就中意揀調味嘅肉，食落就咁惹味！除咗燒肉，佢呢度嘅前菜和熟食都唔執輸架！款多之餘，又好味。我自己就係咁叫芝麻雞翼同雞軟骨，好滋味。真係多嘢食到唔捨得走，可惜只係食兩個鐘。不過佢都算時間長噶啦，同埋比起其他放題，食物質素都算高質，食物種類也比較多。以呢個價錢嚟講都食得過嘅！以後荃灣就多咗個放題選擇，唔駛次次都係去旺角啦。

都聽過「尚八」個名，一直以為係平價燒肉所以不了。早排上youtube睇過下覺得可以一試，就去左。荃灣應該新開，地方幾乾淨。當晚星期六，個場都算多人，但都唔太迫夾，坐得都舒服。一坐底會問你食普通燒肉定和牛燒肉，我就簡左和牛，$400up一位。好快就會上左一碟和牛，有晒名牌話你知咩部位，咁你覺得好食都易再叫過👍🏾食落去油脂有，唔多根，牛名重。A4和牛對得住個名。海洋同刺身都有，唔係主打，正正常常啦。普通牛都有叫，有鹽味、果汁、燒汁。做得唔錯 ，味道幾好。牛舌比想像中好，唔會太難咬。有個壺漬xxxx咁既肉，果個就差D，唔入味，食落好一般。飲品種類比較小，呢一part就比較差啦😅甜品都係，話晒都唔係收得平，竟然係比雀巢🙅🏻‍♂️ 另外有雪條，無試到。仲有個奶凍，都係一般般。兩個人食左$1000多D ，價錢有小小高，但質素係和牛到，有機會會再食🤝

荃灣開咗間新嘅餐廳，今日經過見到所以決定試吓！呢間燒肉好店面裝修好靚，睇落都幾高檔，唔似一般燒肉店好多油煙或者好嘈。門面已經見到佢展示左唔同嘅肉，再入啲就見到展示左毛蟹，裝飾之餘仲令人感覺佢啲食材好新鮮足料。空間好大，每張枱唔會好迫，裝潢亦都好新同乾淨，坐得非常舒服。餐牌主要都係兩種放題，一種係普通燒肉，另一個就包括和牛，亦都可以再追加刺身和壽司。我哋當然就試咗食和牛放題啦😁 因為新開張嘅關係所以今個月有promotion，就係會送一份毛蟹，正呀！🤩好多蟹膏，好肥美。食完毛蟹之後，就上左最期待嘅和牛頭盤，有名牌介紹，咁之後鍾意食邊隻就可以再嗌啦，唔會浪費！見到啲雪花紋都覺得吸引！！雖然刺身唔係今日嘅重點，但係啲刺身都幾新鮮，而且重點係竟然有海膽！！呢度落單都好方便，佢俾咗個QR code我哋，入到去個畫面就可以俾我哋點嘢食。雖然係燒肉放題，但係竟然有好多唔同嘅嘢食揀，就算肉類都有好多唔同款，和牛，牛肉，豚肉，雞肉，而且每隻肉都有唔同味道揀，仲有海鮮同埋蔬菜同埋熟食，睇到眼花撩亂樣樣都想試。試左咁多嘢食，真係樣樣都好高質！有幾樣覺得特別好食同大家推介！😜1. 和牛平時出去食和牛一碟都好貴

之前朋友都有向我推介過呢間燒肉放題，係尖沙咀同旺角都有分店，我就嫌稍微遠咗啲。本身都決定遠少少都去食，點知上OR見到佢竟然係荃灣又新開咗分店，佢咁就我，我點都要去試下佢噶啦。而且身為業餘小吃貨的我可以感覺到，新開嘅餐廳通常都有一啲著數可以攞嘅，真係要趁早去，所以嗱嗱聲約齊班friend去食啦！果然如我所料！新開張有優惠，二人同行即送一隻日本凍毛蟹。真係開心到想打橫行一圈！食放題主要係食一種豪邁的感覺，所以一定唔可以就住就住，所以我地一致決定叫A4和牛放題！A4和牛一共有六款，包括牛三角，牛前肩，牛外腿，牛胸腹，牛冧，一口牛。我自己就最中意牛三角同牛胸腹啦，牛三角夠嫩滑，牛胸腹就有咬口，兩種唔同口感，各有各滋味！除咗不停食呢幾樣之外，我地都叫咗好多其他嘢，有燒汁牛肋骨肉，柚子薄切黑豚，鹽燒牛舌，香草汁雞腿肉……等等。食燒肉放題食到中間會食到有啲攰，我就會開始食啲小食調劑下。呢間放題啲小食都幾多下，例如前菜有芒果車海老紙米卷，胡麻凍菠菜，香煎牛小排漢堡，軟骨餃子，焗薯角，雞軟骨……等等。仲有豆腐同漬物，我最中意就係淮山漬，第一次食，幾好味，食落感覺幾健康。飲品我要求唔高，只要有忌廉溝鮮奶就

今日同屋企人一齊過黎荃灣探親戚 ，太耐冇見啦過黎一齊食個飯啦 ， 懶得煮飯 多人又麻煩 一於岀去食好嘢啦 ！！！ 呢間用電話落單 ，五洗寫紙仔咁麻煩㗎 ，掃描QR code 之後落單就搞掂幾簡單 。 我地揀左A4和牛 ， 真系冇揀錯，一共有六種A4 ，全部雪花紋都勁靚 分布得超級平均 ，薄既牛燒幾分鐘就可以 ，入口冇根 牛既油香味充滿整個口腔呀 ！！！ 正爆 意外驚喜，新開張有凍蟹送呀 ，嘻嘻嘻 ，真系幾好食喎 打開有蟹膏呢 蟹肉勁鮮甜一絲絲架真系估五到 高水準 ，新開張先有冇得單點㗎 。海鮮🦞 ，熟食，魚生 ...... 等 呢到都有 細細份幾岩多人一人食少少 ，羊肋 大大件 羊肉味勁夠 夠哂so ， 芒果米紙 幾特別 酸酸甜甜幾好食。

終於終於終於開張啦之前佢裝修嗰陣已經有留意而間野架啦！！見佢開張即刻約人去食啦開餐啦一上枱职員就好快手拎左盆刺身過黎啦刺身極級鮮甜特別係甜蝦同海膽！！真係冇得頂呀 之後陸續嚟咗好多和牛同海鮮拼盤不得了不得了呀！！和牛好好味呀~~簡直係食就停唔到 雪花溶係口腔入邊爽啊 ~而且最好嘅係食完可以繼續encore㗎~而海鮮拼盤方面都唔錯~ 海鮮都算新鮮下！我自己就最鍾意食燒蝦啦 啲蝦燒完香噴噴好正啊！！不過最值得一提嘅係餐廳因為新開張嘅關係~每台都會送一隻蟹㗎 蟹肉超級鮮甜而且仲超級超級肥美！一打開望一望超級多膏啊好吃好吃喺燒肉等緊嘅時間~仲可以嗌少少餐廳嘅熟食 芝麻雞翼就一定係必叫之一啦 新鮮即炸熱辣辣好味嘅程度唔使解釋啦最後餐廳仲送咗d代幣俾我哋等我哋出去夾肉肉夾中就免費送俾你架啦 hahaha ~我哋呢就唔中啦所以食埋個雪條就走人嚕

尚八喺荃灣開咗新店，之前幫襯過尖沙咀店，質素非常高，有新店當然要去捧下場啦！門口Display了原塊和牛肉，見到啲咁靚嘅雪花，未食已經流晒口水了！新店採用QR Code落單，唔洗剔紙仔，既環保又方便。手機落單不到5分鐘就上菜，極有效率！頭盤包括：刺身，A4和牛拼盤，豬雞海鮮拼盤，同埋毛蟹一大隻！刺身極為新鮮，帶子、海膽同蝦真係鮮甜都你唔信！A4和牛拼盤包括了六個部位，款款都極盡肥美，一燒就標晒油，入口即溶，肥美可口！豬、雞和海鮮也很高質，仲跟埋香草牛油，可以成隻蠔放落去兜牛油度一齊燒！新張期內每兩位送一隻毛蟹，毛蟹的Size頗大，隻隻腳都有姆指咁粗，勁好肉，啲肉拆極都有！毛蟹肉質結實鮮甜，食極都唔厭！肉質鮮甜都不特止，隻蟹仲要勁爆多膏！蟹膏濃郁甘香，令人食唔停口！基本上食完嗰幾款頭盤已經飽咗大半，但係咁高質嘅放題，必需要食䀆佢！我地再order多咗一啲蔬菜類，同埋Encore咗幾次A4和牛！食到一半，店員俾咗幾個銀仔俾我地，話可以去夾公仔機度夾和牛，我初時以為自己聽錯！真係有部夾公仔機，夾到個盒就可以換領和牛，而紅色盒大獎係和牛西冷一塊，價值幾百蚊！通常啲夾公仔機都係呃人，但呢部係童叟

🐷🐷🐷▪️ 上次去完旺角嗰間尚八，決定一定要試埋佢嘅和牛放題！🤪 知道荃灣新開左一間分店，就去左試，估唔到有意外收穫。店員同我地講，新開張有優惠，二人同行即送一隻日本凍毛蟹😍 雖然係贈送品，但質素一啲都唔差！Size上已經好impressive，兩個人一定夠食，而且雖然係凍蟹，但都幾新鮮(當然不及活生生煮既) 蟹肉鮮嫩，美味可口，而且超多好香既蟹膏！終於食到和牛放題，所以食咗勁多round🤓 今次牛肉嘅質素大大拋離旺角分店，果然一分錢一分貨！每種牛肉都會有個sign指示係牛既咩部位，唔會食咗都唔知自己食緊咩肉🤭 大多和牛都係一食落口，脂肪甘香嘅味道就喺口入面擴散開去，好幸福但...減肥應該短期內唔會成功🤗臨走之前，仲可以用店員比嘅硬幣去夾禮物。你無睇錯呀，真係有得夾😹 夾中就有得拎靚牛肉返屋企自己煎，可惜我隻臭手夾唔中🥺 唯有下次再挑戰🤷🏻‍♀️〰️〰️〰〰️️〰️〰️〰️5/5🐷〰️〰️〰️〰️〰〰️️〰️🔸Overall ($486+1/person)📍尚八日式燒肉店 (荃灣)荃灣川龍街118號百悅坊12樓

荃灣新開左間燒肉放題 聽朋友介紹話開左都未夠半個月😼 趁食物新鮮未加價快啲去試吓😹😹一上到去見到裝修好靚好日系 環境好大喎 一啲油煙味都冇 新開果然唔同啲😼因為係新開依家有優惠 兩個人就送一隻凍毛蟹 仲有一大盤刺身😻 毛蟹啲腳好鮮甜 蟹膏就唔算多 不過食得毛蟹就梗係食蟹腳為主啦😻😻 刺身嘅海膽超正 夠乾身 入口即溶😻 甜蝦都鮮甜 整體刺身都食得過😽不過我今日嘅主打係食A4和牛 職員都會先上一碟A4和牛 有齊每個部位俾你試咗鍾意食咩位置先😸 一睇個雪花紋 就知和牛同普通牛嘅分別啦😼 油花分布均勻好食多啦😻外腿位置充滿油份 咬落去牛油滲出黎 油腔滿溢😽 中意食juicy肉汁既一定要叫外腿😻牛胸腹 即係近五花位置 食在口中超有牛味 輕輕燒一燒就食得 唔會太老😻 我覺得牛胸腹最適合切片食燒肉😼牛冧 好有嚼勁 油脂雖然少啲 但食落比較彈牙😽😽除左A4和牛 羊架同鹽燒厚切牛舌都好正😺 羊架勁重羊味勁臊 足足有成隻手板咁大隻 簡單用香草🌿調味 原汁原味😺 鹽燒厚切牛舌真係好厚 喺出邊未食過咁大條既 點少少燒汁食最啱 肉味都好濃😼食完牛 仲有好多海鮮揀 燒蠔 帶子 蝦 食到勁飽 不過我都係出力食牛多啲

好姊妹今日生日🎂專程帶佢去食好野‼尚八呢間日式燒肉放題其實之前都有聽過話性價比好高‼見荃灣開新分店，一於就嚟試試佢😋✨呢度嘅環景真係要比個讚👍🏻😆門面放左好多日高見牧場直送嘅黑毛和牛，感覺好專業😆入面嘅裝修都整得好靚，座得好舒服😌唔會迫迫夾夾👍🏻👍🏻一嚟先上咗個好勁嘅刺身拼盤🤤‼全部都好新鮮！尤其係海膽！超級鮮甜！勁勁勁好食‼😆因為新開張🎊兩個人就送左一隻價值$188嘅日本直送毛蟹🦀，店員好細心俾左鉸剪方便我哋剪開嚟食😆‼啲蟹肉勁鮮甜👍🏻最正係有蟹膏😋之後就上咗個和牛拼盤🐂我哋可以試完覺得邊隻最好食，跟住再嗌‼我自己就覺得A4和牛外腿最好食，因為脂肪分佈得好均勻，識落唔會覺得好肥膩😋如果鍾意食脂肪多啲嘅朋友，可以選擇A4和牛三角🐂食得太多肉，或多或少覺得有啲漏，所以都叫咗個蟹子沙律🥗食返啲菜中和返😂沙律入面有啲蟹柳絲，夾埋一齊食勁好味‼之後仲有重點推介✨香草牛油帆立貝✨隻帆立貝好夠份量‼👍🏻先係自己倒左啲香草牛油汁落去然後再燒✨燒完勁香勁香🤤因為啲肉吸收晒個牛油汁，食落啖啖肉超香口😋👍🏻估唔到除咗和牛之外，呢度嘅周邊小食都非常出色‼呢個紫薯，我真係要比滿分💯真係必試‼通常出面嘅放題都只

旺角店就食得多，今次試下新開既荃灣分店啦入出lift 就俾玻璃房放咗好多和牛陳列室咁，好吸睛環境裝修確實比旺角店靚坐位夠寬敞，我地四人安排坐圓形sofa 枱，好舒服荃灣店有兩款放題選擇，平時食開燒肉放題一款，呢間就多咗"和牛"放題，高級版喎，緊係試新野啦先送上四人份量既刺身併盤好新鮮，尤其海膽，真係不得了食食下，侍應送上北海道毛蟹2隻，Oh My God ,真係日本空運既北海道毛蟹侍應話係新張期內送既，嘩～真係太感動凍食重要好鮮甜，無hea 我地，真係有誠意北海道毛蟹雖然好出色，但都搶唔到個和牛既主角一上枱，個個嘩嘩聲，全部都係"A4和牛"呀每款A4和牛都有牌寫上不同部位，好貼心啊和牛肉味好濃，脂肪分佈好平均，入口即溶，好正呀仲要其他燒肉，小食，熱食，飲品等等都係任點任食，實在太多選擇，真係肚皮塞唔落，淨係專攻A4和牛都已經好飽食飽之後黎個甜品，我最愛韓國蜜瓜雪條，真係圓滿太滿足既一餐，個個朋友都讚不絕口，話每個月都黎食盡佢臨走經過見到有兩間VIP房，好靚呀，下次可以約埋一班朋友黎食又有獨立空間我地點嘈都得啦

今日放工同女朋友去食嘢，咁岩見到荃灣開咗尚八，咁就去試一下😂 上到去，成間餐廳都好通爽，等咗唔洗5分鐘就有位，入到去都唔會好大油煙，坐得好舒服👍🏻我同女朋友就叫咗個A4和牛燒肉套餐，原來頭盤係送刺身，真係超正，三文魚同海膽都好新鮮🥰跟住店員就話因為新開，所以我地兩個人就送咗隻日本毛蟹比我地食，毛蟹又大隻又鮮甜👍🏻👍🏻跟住就嚟咗個和牛拼盤，每款和牛都好靚好好味，特別推介一口和牛粒😎一放入口入口即溶真係好有口感，仲有黑毛豬都值得推介🤩女朋友叫咗一份羊架食，嚟到嘅時候有少少嚇親，因為真係好大份原隻上。除咗肉，仲有唔少海鮮同小食揀，特別推介日本甜番薯🍠因為真係好甜😋簡直好似去咗日本咁。餐廳仲有驚喜比我哋，原來而家消費即刻會有硬幣比我哋夾和牛，點知又真係比女朋友夾中咗，最後帶咗一份和牛返屋企🤗至於甜品方面就有雪糕同雪條比你揀，好似仲有密瓜雪條同埋椰子雪條。最後總結一個價錢食到咁多野簡直係超值。