小鍋米線

營業中

休息中

如果作為一個米線躉，位於窄巷中嘅小鍋米線，相信無人未食過，未食過嘅元朗米線愛好者真係要反省下今日叫咗個招牌小鍋米線，走麻小辣，配上招牌小食南乳雞件同蒜香雞扒，米線入面嘅酸菜我諗係鎮店之寶，酸中帶甜，好好食南雞有好香嘅南雞味，不過唔鍾意lur骨嘅朋友就唔好叫喇，雞扒皮脆肉嫩，值得推介叫埋凍奶茶，埋單一共$53，午餐嚟講都算係正常價錢啦不過小鍋米線最大特色係間鋪頭夠晒細夠晒迫，想坐得舒舒服服嘅就搵過第二間啦

今日經過附近，終於可以食多次惦掛左好耐既南乳雞件。1點半去到都仲要等位，好彩等左5分鐘就有位，反而等左10分鐘左右先有米線食。南乳雞件小窩米線(中辣)($43+$2汽水)今次既南乳雞件南乳味唔夠強，雞件既皮炸得太過，偏硬較乾身，有d失望。反而覺得小鍋米線本身既配料：雞肉、鮮菌、酸辣肉碎、炸醬等，同米線一齊食仲正，仲好味。上次食左小辣唔辣，今次就叫左中辣，不過都唔係好辣，或者下次可以挑戰下大辣？大大碗既米線都俾我清哂，食到超飽。(個人口味: 4/5)蒜香雞扒小窩米線(走辣)($43+$2汽水)似普通炸雞扒。有少少蒜味，但唔夠濃烈。奶茶普通，偏鞋。(個人口味: 3.8/5)食緊既時候仲見到好多人幫襯，好多枱都係叫南乳雞件(應該真係招牌?)。總括來說，小窩米線係好味既！不過南乳雞件就有d失望。有機會再試下其他特別湯底。

元朗小鍋米線數數手指開左都十幾年以前曾經一度係飯堂黎🤣呢日經過就戚起條筋入去回味一下睇下係咪仲咁正😋 成都酸辣米線 $40 隱約記得以前成日食先$27😨呢個係一款已經先定好所有配料既米線料就好足既👍🏻最愛佢秘制甜酸菜同有筍絲不過略嫌唔夠酸，唔夠過癮🤫南乳雞件 跟米線$8/5件本身好愛南乳🤤以前熱辣辣既南乳炸雞翼好令人懷念但好可惜！！佢上枱係凍既😪微暖都稱唔上😭😭😭佢好食個陣真係好正😢退步左啦！好味指數：

本來我係比較喜歡食麻辣米線，但今日朋友 喜歡不食麻辣的，佢比較喜歡酸辣，所以由佢選擇邊到食米線，佢邊行邊介紹話食過好多間南乳雞件都係呢間最好食～原來係呢間起碼有十多年的米線鋪～我地點左兩份一樣的餐～佢小辣，我揀左中辣～佢既酸菜米線配料有酸菜，雲耳，芽菜，我點左中辣，但感覺似小辣，因為我食開麻辣的，必推係南乳雞件，需時製作，所以比米線遲少少送上，入口香脆，南乳味香濃，沒想到，十年來水準仍然保持著～難怪在元朗這個美食區也能屹立不倒 ～

最近食Lunch外賣，已經食厭咗酸辣米線😹今日揀咗《小窩米線🍜》嘅番茄湯底米線，配好大塊嘅吉列豬扒，個湯底酸酸甜甜好過癮！最重要係分湯上嘅！仲有豆漿，加埋$44，都算抵食嘅～

小窩米線算係元朗一間比較出名嘅米線，我中學嘅時候已經開始食。地址係千色附近嘅巷仔，唔熟路可能有啲難搵。但係野食價廉物美，叫米線仲有杯豆漿送添。當然環境就比較逼啦，坐得唔係太舒服，要同人搭枱，食完唔好指意可以坐得耐，似老牌風味小店嘅風格。講返野食先，呢到有好多唔同嘅米線底，例如有成都米線、招牌米線等等都係比較多人食嘅米線底，之後再送多一款餸，仲可以加餸添！我唔食得辣，所以一向都食招牌米線走辣，淨係有呢度嘅甜酸菜都夠我食一碗米線🍜餸方面，車仔麵檔有得食嘅呢度都有，值得一提嘅係呢度嘅南乳雞件應該算係招牌餸，最多人嗌，香可惹味又夠脆。不過我就嫌棄佢太燶，所以我通常都淨係食大眾啲嘅雞扒，炸完皮脆肉嫩，味道不過不失，算係對得起個價！加埋杯檸茶，呢餐41蚊！黎元朗食粉麵除咗士林同永年，都可以試下呢間小窩。

上個月嚟食過一次，覺得味道好吸引今日要再返嚟食多次，很多人黎呢間隱世嘅米線小店，真係做得好成功👍🏻這個入口並不明顯，因為是在小巷入面，嘉城廣場後巷😬米線選擇都有好多款，入邊有風扇同冷氣，但是冷氣不是太涼爽，所以食完就要走😅太熱了自選米線加咗魚腐，炸醬,而米線入邊有酸菜，我問職員想加一啲酸菜，她話冇得另外叫只可配米線😬太可惜了！原來酸菜是自家製的魚腐有三大片，有少許魚肉味，不腥😍好味加兩蚊就有一大杯凍柑桔蜜, 好抵飲😁夠濃郁，不過冰就多咗一些，下次再叫要叫職員小冰😬

今日我和老婆行街行到六點幾鐘，有點肚餓又去了這間小鍋米線食嘢我點了一個招牌小窩米線價值＄43，他的材料有雞肉，炸醬，鮮菌，酸辣肉碎，腐皮，芽菜，菜，秘製甜酸菜，還有南乳雞件，很多材料點內地方比較狹窄經常搭枱座，大約8分鐘左右米線已經送到，熱辣辣的米線我先嘗試他的湯底，酸酸辣辣十分開胃，他的雞肉是切絲的比較幼細，本人食米線喜歡連湯一齊食，他的秘製甜酸菜，食兩塊還可以丶超過兩塊就會很口渴，不宜多食這個南乳雞件是剛剛炸好，皮真是很脆，肉不太老都尚算好食，這杯凍柑桔蜜，雖然買現成的來冲，但是味道調校得好，都算OK，

元朗美食眾多，街知巷聞，我本身不太喜歡食米線，但是我朋友極力推介這間小店的南乳雞件是非常出色，即管一試😬地方非常窄，而且放手袋的地方也沒有, 人流好多，不停出入，感覺我食完就即刻要走了，坐得不太舒服南乳雞件真係好好食，帶有少少南乳味，而且鹹味是夠，入曬味，炸到卜卜脆，雞肉不乾，仍然嫩滑👍🏻米線份量不多，配菜有很多酸菜，芽菜和肉碎😝米線會跟一杯餐飲，熱飲不用加錢，我叫了一杯熱檸水

今天突然間想食米線，跟住就搵了這間很多人食的小鍋米線，門面不大，裏面座位也不闊落，先叫了一碗招牌小窩米線小麻辣，另加蒜香雞翼，米缐有很多材料雞肉，鮮菌，酸辣肉碎，炸醬，芽菜，秘製甜酸菜，豬軟骨，整體來說都很好味，我最喜歡就是秘製甜酸菜，另外蒜香雞翼亦炸得皮脆肉滑，加柸凍0茶今餐十分滿足

元朗的美食相當之多，尤其是米線小店😁很多人都自己出來嘗試經營，但是這一間我認為在元朗之中是最值得去的！每次到來都要排隊，今次我們四個人食也不例外，等位大約20分鐘😝一定要食的是南乳雞件，炸得非常脆口，雞件並不乾身而且南乳味好重，我到這間小店必叫的小食，我今次揀了自選米線，然後配上炸醬，魚腐，再配雞翼👍🏻米線份量非常足夠，湯底亦非常濃郁，配料有芽菜，酸辣肉碎，菜，秘製甜酸菜，混在一起味道香濃🤩凍飲只加兩蚊就有！我叫了凍檸茶味道不甜，啱我口味👍🏻👍🏻

特意入來元朗搵好野食，喜歡食米線的我當然又周圍搵正的米線啦！來到這間小巷內的街坊人氣米線，相信當地居民應該對它很熟悉，價錢真是很街坊價，長期都有幾個人排隊進店，晚飯時段等候大約十分鐘左右也差不多能進去了。這裡的米線湯底很濃郁，很香口惹味，適合喜歡食濃味辣的朋友。

自選炸菜肉絲米線 包一餸（蒜香雞扒）加皮蛋(+$4) | 凍飲 +$2 （9/10）我最愛的元朗米線店 💕 真係好食又抵食👍湯底有好多款 仲有料添 如炸菜、酸菜、肉絲、木耳等等～ 好惹味！😍 而餸既選擇亦好多～ 最抵食當然係揀8蚊的餸 例如 蒜香雞扒 、蒜香雞翼、豬扒等等。以上都係即叫即炸😎 好好食 雖然好邪惡... 🙈（有唔少人都叫南乳雞件 但我就覺得麻麻 炸得好勁 冇乜肉食到）整體都係好值得去食架 而去開元朗可以試下✌ （利申：常客😂😂）

未識呢間店之前，熟悉我的人都知道我唔、鍾、意食米線！！！除非係lunchtime 大班同事拉隊硬夾要食，否則一般我係絕對唔會食米線囉！！自從一次俾姑仔夾左去食呢間店之後，我就開始愛上食米線啦，並慢慢去接受其他米線連鎖店～通常我都點這個$39自選炸菜肉絲米線，包自選餸一款，我當然係選最貴丁個part餸，感覺划算賺到嘛😂如果唔怕要啃骨的話，極度推薦試南乳雞件，入味咸香，未曾係別的店吃到這種美味。蒜香雞中翼/蒜香雞扒/香炸豬排也不錯，比較沒那麼重口味。這家的炸物都是分開上的，一嚟唔怕炸物浸腍，二來是即點即炸，所以和米線上枱時間不一致～這家的秘制甜酸菜真的很下米線，爽脆且微酸微甜的滋味，假如有得零售賣，我一定棒場掃個3、5罐！！而且湯底吃罷不會有口渴的感覺，相信不會是用味精粉之類調出來的～

店舖裝修左後係第一次黎食，上次食過佢既「大理米線」一試難忘！估唔到湯底都可以整到燉湯咁！而且好濃郁，所以今日又登係九龍區走入黎幫襯佢，可惜，換黎失望……紅日既下午茶時段黎，到都要等位，不過好快上次食過「大理米線」，今次就試下其他，都好花多眼亂，款款都好吸引咁，最後揀左「江川米線」。江川米線　$43佢既材料有：蟲草花、野菜、木耳絲、皮蛋、豬肉、金華火腿、芽菜、腐皮、秘製甜酸菜。材料夠哂多，我就當然係睇中佢既蟲草花所以點呢個！本身好中意飲蟲草花既湯，湯底比我預期中淺色，一呻，還不賴，比較清淡，但沒有很驚喜的感覺，而米線亦索唔到湯汁，冇融為一體，比起上一次，湯底稀左好多，同樣都冇加辣，唔知點解差咁遠？而友人則點左石林米線　$43材料有：手撕雞、茶樹茹、杞子、金華火腿、韮菜、腐皮、芽菜、雞脾茹、秘製甜酸菜、珍珠荀。試左個湯底，比我既出色一點，較重味和酸少少。係每款湯底濃度都唔一樣定係小店裝修過後退步左呢？我當然希望係前者，所以我都會特登再入黎食多次大理米線比較返同第一次食有冇分別。再者，今次食完之後，好口渴，飲左好多水，但第一次食既時候冇呢個情況，會否湯底加了味精？我不會給差評，因為對佢既第一