小鍋米線

營業中

休息中

小窩米線算係元朗一間比較出名嘅米線，我中學嘅時候已經開始食。地址係千色附近嘅巷仔，唔熟路可能有啲難搵。但係野食價廉物美，叫米線仲有杯豆漿送添。當然環境就比較逼啦，坐得唔係太舒服，要同人搭枱，食完唔好指意可以坐得耐，似老牌風味小店嘅風格。講返野食先，呢到有好多唔同嘅米線底，例如有成都米線、招牌米線等等都係比較多人食嘅米線底，之後再送多一款餸，仲可以加餸添！我唔食得辣，所以一向都食招牌米線走辣，淨係有呢度嘅甜酸菜都夠我食一碗米線🍜餸方面，車仔麵檔有得食嘅呢度都有，值得一提嘅係呢度嘅南乳雞件應該算係招牌餸，最多人嗌，香可惹味又夠脆。不過我就嫌棄佢太燶，所以我通常都淨係食大眾啲嘅雞扒，炸完皮脆肉嫩，味道不過不失，算係對得起個價！加埋杯檸茶，呢餐41蚊！黎元朗食粉麵除咗士林同永年，都可以試下呢間小窩。