小金井日本料理 (已結業)

2007年10月16日，小金井。與另一半來晚飯，其實已是宵夜時候，那當然叫宵夜餐啦。一口麻醬肉碎拉麵$16: 個碗太細，好難撈勻，麻醬太傑，比較jel口。雜錦炒飯（一人前）$28：不油，但炒得不太香，好似無乜料。$28---貴!串燒意外地好吃，免治雞肉串$10：雞軟骨雞肉似D。翼串$10：好香，無雪味。牛舌串$10：都好腍，好食。北海道帆立貝$16：最麻麻。記得以前食過叉燒湯拉麵，鹹。日式滑蛋豬扒飯，又好鹹。典型港式和食，不能求太高。

問多小小野個經理已經有火,同佢理論又話係咪想攪事,仲話報警,咁都有

星期日晚,我地一行5人,未夠七點已經拎飛等位,果小姐話有4張枱會到我地,果陣都係得幾班人等緊,咁ok啦,心諗都唔會好耐啫,於是我地就幾個人打住機等啦,一等就等左半個鐘,回頭一望,已經有好多人等緊位,但係佢叫親都係2人枱,一張大枱都未叫過,初時都不以為意,後來我地其中一位朋友,見到佢地,明明有張大枱,都特登拆開嚟變哂做2人枱,嘩~!咁咪等到宵夜都冇得食?於是我朋友就問門口果個姐姐仔,佢竟然唔出聲,好似聽唔到咁對我地毫不理睬,咁我朋友都算數,冇話到個女仔就走入去問d 着 西裝(睇落去好似高級少少)o既人,了解下點解會咁,我地都好聲好氣,並唔係質問,又唔係同佢嘈果d,只係想攪清楚啫,點知果個人,佢自稱係老闆,態度好差咁話番我地點解要嚟質問佢,仲鬧我地話唔鐘意可以唔好嚟 幫襯,呢間野完全離哂譜,老細見多人幫襯唔憂做,唔理人客投訴,仲惡言相向,呢d咁o既待客之道,真係第一次遇見!!有咩理由响 度鬧番d客架~!!最後我地梗係唔食走人啦,一來無理由俾錢佢賺,二來知道呢間野唔可以投訴,投訴會俾人鬧o既,一陣佢落錯單又唔投訴得,d野唔執又唔投訴得,總之客人唔滿意o既都唔可以出聲,咁我地食嚟都冇意思啦~

次次都係十點打後黎有得食宵夜時段..便d叫左個和風牛玉麵..正叫左好多壽c..比5十南好多多聲..正

上星期....同3位朋友食晚餐...1) 食牛肉拉麵- 等好耐...(可能人多..可以原諒...)- 有小昆蟲(連對唔住都冇聱...換左就算...不能原諒....)- d牛肉一舊舊...又好韌...(好難食..)基本上大冇食過碗野就走左...2)食2人飯...- 同1人飯既大小差不多...- d飯涼的...服務方面更唔得...- 冇人加水..要叫好多次先可以飲水..(真可憐!!!)- 埋單都十分慢...到我忍無可忍...走出去reception同佢講時...佢就不滿地同我講左句"已經黎緊"啦"..."我覺得完全係貼錢買難受....永遠不想再去!!!!!! 印象極差!!!!!!!!!

今天去到這間小金井, 看到menu已經覺得好多東西好像很好食, 我們三個人各自叫了定食, 點知原來咁鬼多野既, 有面豉湯, 兩件三文魚壽司, 前菜(芽菜, 枝豆, 漬蘿蔔), 天婦羅(炸蝦, 番薯, 紅蘿蔔), 主菜及飯我們再外加一個七味田雞, 真係飽到嘔呀, 太多了!!可能由於我們去得比較遲, 9:15左右, 所以無乜人, 都尚算寧靜, 服務也不錯, 它還有一個大房, 可以坐十多人添

我幾個月前去過此間食日本嘢，我覺得都唔錯，所以今次月同d舊同事再去食多一次，點知今次食物差連d服務都差咗，首先講食物先，壽司的飯散，又沒有了壽司船，到服務仲好笑，我哋本來想叫雞軟骨串燒，點知個侍應好似好好人話比我哋知可以等到10:00叫平點，我哋都沒有所為因為果時都9:55左右，所以等到10:00再叫個侍應再落單，點知個侍應話沒有啦，咁即是點呀有叫人等但係等到果時又沒，算啦沒有得吃未埋單，我哋見到另一張桌埋單後有糯米糍送我哋未問個待應係唔係有得送，個待應話要問吓人先知，咁我哋未等一陣，點知我哋等左10-15分鐘仲未有人答，我哋再叫個侍應來問吓，佢先去問個高級d，佢回覆話要食套餐先有，我同佢講唔緊要沒有都無所為，但係你要答我哋先得，唔好要我哋等，我哋唔係一定要食，今次我覺得此間店完全唔得。

聽人o地講呢間店食物ok,尋晚冇煮飯唔知食乜,所以同朋友去此店晚膳.去到坐底見隔離檯客黑晒口面狂追單,我已經有不詳之兆...我o地叫了拉麵,鰻魚定食,炸蠔,牛舌,等了很久只來了個拉麵,見越等越耐叫侍應跟一跟,隔一陣佢話order的食物冇落電腦,佢正想解釋時我話全部o野我唔要,唔該埋o左張單.個經理行過o黎say sorry又解釋,我都冇理佢,開得門口做食店,竟然仲有d咁o既事發生,仲有乜好解釋呀??浪費我成個小時o既時間,成晚仲要冇o野食過.唔知點形容呢間o野,總之非常之差,咁做生意同趕客有乜分別?唔識做就提早結業啦!唔好要d消費者咁慘坐咁耐都冇啖好食.

第1次去小金井已經係3,4年前既事, 當時覺得發現左間唔錯巴日本料理, 佢\唔係非常正宗, 不過質素唔差, 裝修幾別緻幾有\"日本feel\", 食物多元化, 而且價錢相宜, 午市同tea time更加可用抵食兩字形容! 以前去親新都城都幾乎去呢度食野ga!最近(可能都唔係最近, 只係我太耐冇來)呢度改頭換面, 格局\"現代\"左, 唔算唔好, 只係個人鍾意以前既\"日本feel\", menu都改左d, 以前既壽司船唔見左, 取而代之既係9蚊12蚊兩件握壽司, 似乎係想變成元綠元氣style。早兩日都算係特登去食野, 原本想去食平tea, 不過遲左d出去, 5點半先去到, 佢\既tea time就係去到5點半, 見佢\都收左tea set既menu, 只係問下仲可唔可以叫tea, 點知個肥妹侍應\"另\"2下頭就走開, 冇唔係問題, 如此service實左令條氣有d唔順, 之後有個呀姐拎本午市menu比我, 算, 唔係我就真係唔q食(奇怪tea set去到5:30但係lunch set去6點...)最後叫左個30蚊玉子雞飯lunch set, +12蚊(以前只係+9蚊)要埋吞拿魚刺身

1) i had salmon sushi & sashimi, i got sick a few hours after that. My tummy was in so much pain! I had to see doctor and take medicine..Probably the raw salmon was contaminated.2) Food preparation time was SOOOO slow, we waited for half an hour for the first dish to come. The guy who\'s making sushi is RUDE. bcos it was busy he had bad temper, i sat near him and could hear him swearing at other waiters. It definitely ruined my dining mood..Becos it took so long for him to make some sushi, i saw

同M小姐臨時飯局, 見佢唔太開心就就下佢入將軍澳食. 由坐底到走間野都唔滿, 可能係依家呢度開左幾間新日本野卦希靈魚子($48) - 有5件, 魚子上有D魚肉, 好爽口但唔夠鮮味牛舌串燒($28) - 燒得有D膿, 但咬開仲有汁, OK雞頸肉串燒($28) - 普通炒牛肉定食($48) - 肥牛加埋青椒, 洋蔥, 蘿蔔絲炒埋, 個汁好濃味用來撈飯唔錯. 個餐仲有兩件三文魚壽司, 炸什錦天婦羅, 同麵豉湯, 呢個價錢算抵食月桂冠($58)x 2價錢唔貴本來都唔錯, 但食食下好多蚊飛來飛去, 衛生方面要改改

我去o既係元朗分店, 一見到餐牌, 叫左1)蟹子沙律壽司2)三文魚壽司3)辣汁三文魚壽司4)蟹皇卷5)豚肉焗烏冬辣汁三文魚壽司比較特別, 一般刺身類壽司都只靠刺身本身的鮮味, 而加了辣汁後比較惹味.蟹皇卷是炸軟殼蟹卷外加上蟹子, 令它看來更吸引, 味道也不錯.個人特別推介豚肉焗烏冬, 一上菜便聞到它的香氣, 真係唔想等即刻就試呀! 一試味道非常好, 只有一個字---"正!" 烏冬沒有焗到硬左, 條條都又滑又彈牙, 肉醬配入青辣椒和蘿蔔粒混入適量的沙律醬, 味道較得o岩o岩好! 面頭仲有一層芝士, 更惹味更好的口感!食完唔夠我同女友再叫多4個壽司'可能我坐的位置被附帳的高枱遮住, 所以叫人落單都要叫幾次.飽嚐一頓美食, 194元落樓, 唔算貴! ^^

個次同屋企人來食TEA (其實都唔係TEA,都5點幾)因為趕住離港,所以食有得O的衝忙.不過我同O的侍應講可唔可以上菜快少少,因為趕時間,佢地都儘可能配合,加荼都好密,抵讚!拉麵,壽司,同牛肉煲都係個人推介抵佢晚晚夜晚都要多人到門口等位,等下都值啦

去過2,3次第1次去同mami食,印象中食左個拉麵好好味食到好飽好開心咁走賣單都係好平!!好似$6x對上果次同2個fd食~叫左個飯,仲有sushi唔記得咩飯啦=.=不過食得好開心,service都好好有人不斷加茶good呀,

感覺上壽司很不錯魚生很大片而且有一定厚度喜歡吞拿魚鱆紅也不錯清湯烏冬的味道就比較淡了生牛肉拉麵：生牛肉在豬骨湯變成熟牛肉嫩嫩的很不錯叉燒拉麵：我嫌肉不夠嫩不過湯很多很好呀因為我喜歡喝湯我覺得小金井的價錢不算便宜不過tea下午茶的價錢還不算昂貴而且食物味道好像進步了