小金井日本料理 (已結業)

喺將軍澳返咗工半年終於都黎到呢度食…前幾日ｌｕｎｃｈ同兩個同事去食，好耐都冇食小金井喇，一直對佢個玉子雞念念不忘，所以今次都係食返玉子雞定食（全部定食都只係＄３０）。同事都食玉子類定食。好鍾意佢ｄ滑蛋同好"林"嘅洋蔥浸喺ｄ汁度，好入味！我同事都話個麵豉湯好味，唔味精！我地３個都食晒全部，勁飽…好想下星期又去食um...感覺好似長沙灣嗰間好食啲

前排收左工都會同朋友去食,最鐘意食佢既咖哩豬排定食!入面既天婦羅真係好好味,係其中一個吸引我食呢個定食既原因,而面鼓湯都唔差。令外最鐘意食既就係「小金青口」，份量雖少，但食完足以好滿足,佢係用左沙律黎焗呢個青口,食落去非常之香,而且暖暖地,味道夾落去好match!而炸蝦卷壽司就冇其他壽司店咁好味,不過都過得去仲有叫左一條洋蔥炒牛柳粒係意外地好味,可惜又係份量太少。總結,以食物質素黎講,整體都幾滿意不過服務就一般,員工的服務態度只係過得去仲有想講既係,呢間店出餐太慢,經常要客人等好耐如果可以改善一下呢方面會更好

成日放學無野做,都會同朋友黎呢到食下lunch或者下午茶!!最鐘意呢到既下午茶,抵到笑!!只係$20左右已經有一碗烏冬+ 4件壽司, 加多幾蚊仲可以有2-3片刺身tim, 不過d staff既服務態度就真係麻麻, 打瀉左樽豉油就即刻黑晒面, 埋單又耐wo~~環境都OK啦, 幾乾淨, d staff成日都會掃下地, 執台都執得幾快手

當初吃的時候, 都幾好, 但過多三兩年,d水準由85分,去到得40分,唔合格!!! service, o.k. food 就no no no尤其個個蟹皇粥!! 麵同壽司都一般啦,紙火煱就麻麻地,環境就普通,街坊生意多, 唔會專登去囉!

吃過兩次...第一次去叫好多野食, 跟住又有飲酒, 兩個人食左6百幾, 服務好好, 初時只係坐二人位, 之後仲主動幫我地轉四人位坐第二次去, 又係兩個人, 因唔係太肚餓所以只係叫左好少野, 埋單二百幾, 今次既服務明顯比之前一次係差左呢間野既服務指數係睇你叫幾多野, 再幫襯既意欲真係大減

今日同男友去tko睇戲，夜晚黎左哩度食。因為睇戲時食左pop corn同一d零食，都幾飽下，於是只係order左一個壽司盛同一個天婦羅烏冬。講真，d壽司飯真係唔係好得，而個烏冬都算幾好味既。service就麻麻，d食物黎得好慢，但收野就收得好快，我地岩岩食完就收晒d野，催人埋單。其實出面都冇人等位，使唔使咁急呢? 仲有呀，我食完出黎有好大陣油煙味>"<

service....睇下係邊個la~有1個哥哥爆好人+好笑...有個女ga 就好串食方面牛肉火鍋+肥牛拉面+叉燒拉面好食> <牛肉火鍋.....牛肉份量ok~+有1定ga 菜+d 湯底ok 甜...只食個火鍋已經飽lo~

d食物一般,侍應態度差,倒瀉茶整污糟我對鞋.....d野食唔係特別好,叫咗野要等好耐......

完全不好吃!!! 壽司普通, 不是特別好吃~ Sashimi 唔多新鮮, "魚立" 魚仲有d 黐刀! 個芝麻豆腐都ok ~ 有個叫"營光墨魚"... 真的非常難吃! 好大陣醬油味~ 口感又肉酸~ 真係難以形容咁難食! 整理都是不好吃-_-~ 不想再來!

我每一天都去,,好平,好平但有一次,我去到深水O的價錢就貴好多唔知點解

第一次來,叫左二人套餐B $218蚧子沙律x 2份(唔係撈定架,所以青瓜絲是爽脆的,好清新,正!)刺身:三文魚4片,劍魚2片,吞拿魚2片,八爪魚2片,北寄貝2片(新鮮喎,又唔係細件,正呀!)天富羅:2只蝦,4片什菜(ok)燒帆立貝x 2份(好味, 不過太多日式沙律醬了)肉碎炸豆付(幾好!)鹽燒三文魚腩2件(好肥美,我怕肥所以冇食哂)牛肉鍋(牛肉太韌,麻麻)鐵板炒飯或炒烏冬1碟(我地要左炒烏冬,油膩左D...)麵豉湯x 2份(味濃,幾好幾好)雪米'米茲' x 2粒(正常)另叫左2只生蠔$16 x 2 (雪味重,冇乜蠔味)人手幾夠,服務幾殷勤,添茶都密.坐得唔迫,環境幾好幾舒適.我地食完見門口有好幾'木台'等緊...

見到咁多食評話正,所以今晚走去試試,食完都係一般,三文魚刺身夠新鮮,不過得三件...,炸蝦手卷係新鮮炸,但蝦件頭唔夠大,銀鱈魚定食都係一般,刺身定食都OK,鰻魚手卷可能mass production,所以紫菜稔咗. 埋單約$250 我諗可能lunch/宵夜會抵食D ~~

帶o左我爸媽呢兩位傳統中國人去食生野我地食o左好多~四色前菜併盤- 度度食都係咁. 冇咩特別梅刺身併盤- 好新鮮. 都幾大塊架. 唔錯唔錯築地壽司併盤- d飯好乾爽, 壓得又實, 唔會食到周圍都係! 幾good呀大蝦天婦羅- 好正! d蝦熱辣辣, 咬落去好鬆化, 冇麵粉味. 口感味道一流, 好耐未過咁好味既天婦羅!黑豚肉紙火鍋- 黑豚肉肉質幾好, 類似煙肉既就麻麻地, 湯既味道我唔係咁鍾意囉. 但都可以既北海道壽司薄餅- 好多人話好好食, 但我唔覺有咩咁\"超好食\"囉. 但塊餅係脆bor bor, 口感都好好既.成日加水!好好呀.佢\地仲俾你帶自己野去飲! (不過要你唔好咁\"羊\"囉) - good service!all in all,大家都食得好開心, 好滿意!!會再去的!!每人: $157

27-12-05我們一行六人三個大人，三個小朋友，叫了二個假日兒童餐包括有义燒烏冬細碗、炸魚蛋、菜絲蟹柳沙律、一杯飲品。另外再叫北海道拉麵、吉列豬扒拉麵同一客雜錦壽司配餃子。服務佳，價錢平，味道好埋單都係百餘元，抵!

之前o係呢頭番工幫襯過味道不過不失份量都唔算少至難忘係環境好服務亦好