小金井日本料理 (已結業)

我覺得d 野好抵食~而且即叫即煮...真係唔錯囉~員工服務態度都幾好!總之食得過...

經常從坑口特地來寶琳吃這家日本菜，每次一定要吃北海道壽司薄餅！不過，這里的麵很普通。

我覺得暫時將軍澳區最好食的日本菜, 之前我食過長沙灣總店果間既咖喱豬扒飯, 絕頂好味! 呢間就唔係咁激, 但都算好味, 手卷紫菜仍脆的, 真係呢區搵唔到...野食又唔係太貴, 碟碟三四十蚊! 薄燒牛肉卷/網燒牛肉片都好好食

見其他食家講到呢度咁掂,所以今日入開將軍澳就o黎試下.我地叫左鹽燒鯖魚便當,天婦羅便當,同埋牛肉定食.牛肉定食好大,重有漬物,前菜,味噌湯同一大碗飯,一個好大食o既人都肯定夠飽,不過肥牛就真係肥左d;鹽燒鯖魚就新鮮燒好,外皮脆脆地不太鹹;天婦羅亦係新鮮炸好,有蝦,番薯,茄子同芋頭,味道好正.便當都有前菜,味噌湯同飯,另外重有三文魚刺身.全部o野用料都好鮮同好好味,又食得好飽,一個字:"正".下次入開將軍澳一定會再o黎幫襯!

我同D friend成日都食呢間野...我地住果頭仲有都幾抵食...我地多數去食宵夜...$20一碗拉麵, 加埋一都係$22試過有一次食到一個麵佢無整散咁...搞到一餅野咁...其他都ok, 仲有lunch學生好抵!

2個人食左3色剌身total 9片~ 好厚juicy 又肥美一個生牛肉拉麵~ 多料$39十件0既sushi拚盤~ 普通3個串燒: 冬菇墨魚咀雞頸肉~ 普通朋友好推介

食ｌｕｎｃｈ真係好平，可能位置較隱蔽．牛肉火鍋－＄２４足料ｌａ，ｄ湯都唔錯，前菜麻麻．秋刀魚定食－＄２６好驚訝地真係即燒，好味呀！一句講－－－平得來又唔差，　又唔洗加一．

食過幾次.....都係保持到水準~ ~ 又平~ 1) 燒牛舌- 鐵板上, 好香, 上台既時候, 熱熱既板, 放D 蘿蔔蓉, 燒到好香, 再混埋D 牛舌~ ~超香~ 超正~ ~ 又香肉味~ 自己一手一腳整~ 唔錯!!!2)天婦羅定食- 有件三文魚壽司, 有蝦天婦羅, 有南瓜天婦羅......都只係三十多元~ 平!!3)天婦羅- 因為人多, 而且又好味~ 粉唔太多~ 薄薄一層, 剛剛好份量, 有冬菇, 茄子, 蝦, 南瓜, 蕃薯......又係三十多元~ 其他刺身, 壽司價都比出面平~ 而且都幾新鮮~ 一條普通既刺身船都係二百大元~ 有找呀!!! 超平~

Ｄ野係幾好食，我都幾鐘意食ｓｕｓｉ同定食，都幾抵。最鐘意牛肉火鍋定食。但係Ｄ服務態度就好差，特別係女侍應，做野慢，又鐘意傾偈，唔多理我地Ｄ客，加一真係覺得好唔抵。呢樣搞到小金井好唔完美，好可惜。我好希望果Ｄ經理要好好教訓下Ｄ女侍應。

每次放左學必然同朋友一齊去小金井食宵夜，晚上十時候，好多樣特價野，我地例牌叫一個廿五蚊的海鮮粥同一個二十蚊的拉面，食到飽飽咁返屋企訓覺。若不是特價，野食都不是太貴，三十九蚊sushi拼盤o岩小朋友，韓式炒面就小辣o岩重口的朋友，仲有耶菜豚肉鐵板燒係我的最愛。未食過魚生, 但見隔離枱叫過, 賣相相當討好。

今日去左食ｌｕｎｃｈ喇～！叫左牛肉窩定食！～有菜有豆腐，ｄ牛肉分量都唔算少～好好味呀個湯，又夠飽！正！學生價＄２１，加一都係＄２３　ｊａｒ！又平又好味，都係我地班學生ｇｅｉ福音！

早幾日去食, 本來安排坐二人枱, 但覺得好迫, 要求轉四人枱都好樂意, 唔太肚餓只係叫左三樣野x魚刺身($98) - 唔記得叫咩名, 切得薄薄一片, 麻麻地鮮味, 骨就拿來做湯, 好清甜一口牛肉($38) - 有d un, 麻麻地壽司盤($38) - 有8件壽司, 算新鮮月桂冠($60)可樂埋單$27x, 都食得過既

小金井好平! 26蚊一個餐! 其實食一個餐都飽傢啦!我去過咁多間日本野! 呢間最好! 又平又好食!入面果d 定食我全部都食過哂! 除左咖哩(我唔鍾意食)因為拉面冇咁好食! 所以我只係食過一次! 我會比滿分佢!

三十蚊(包加一)可以食到好味0既日本0野去到一定叫牛肉火鍋set lunch有大津白、豆腐、金菇、牛肉、生蛋跟飯賣相討好，味道好

因為住開呢頭,一路都有0係呢度食開lunch,拉面麻麻地,最正係有關牛肉的定食,推介係牛肉火鍋定食,加埋一唔駇$30,和風牛肉定食同玉子洋蔥牛肉定食都幾好ga