小越廚

營業中

休息中

小越廚呢間越南餐廳好味得黎價錢都好抵，有二人套餐包兩款小食同飲品，絕對食得夠曬飽，小食既選擇都好多🤤  二人套餐（$168） 包兩款四十八蚊或以下既粉麵/飯/法包，過左既話補翻差價就得。另外可以係八款小食入面揀兩款，仲跟兩杯二十五蚊以內既飲品。  1⃣️蟹膏湯檬粉（+$8）呢個我好推薦，好大碗，湯底係海鮮蟹膏湯底，飲落好鮮甜，有啲蕃茄味🍅入面有好大片蟹膏煎蛋，好特別😲第一次見，食到蟹膏既鹹香。另外仲有兩片越式扎肉、豬紅同埋豆卜。豬紅唔腥，豆卜好索味，成碗麵食完好滿足😌  2⃣️青咖喱牛腩飯呢個就普通啲，首先個賣相已經麻麻🙈見到啲椰汁係面，青咖喱既香味唔係好夠，椰香味都唔算好出。牛腩正常，冇乜特別。對比個蟹膏湯檬呢個失色好多。  3⃣️河內炸春捲夠曬脆，入面既餡料有啲豬肉、胡蘿蔔咁。  4⃣️越式蔗蝦有三件，蝦肉夠紮實🦐  5⃣️牛油果奶昔（+$20）牛油果奶昔見好多人推薦，所以就嗌左。牛油果好creamy🥑食到啲沙沙地既質感，感覺好足料，推薦要嗌。  6⃣️泰式奶茶泰式奶茶茶味好香，而且夠奶夠甜😍  7⃣️米紙蝦卷（+$42）呢個好好食🤩米紙既皮煙韌而且唔會好厚，入面超足料，大大隻既鮮蝦🦐加埋啲米粉、九層塔等等，

今次下午茶時段，去左試位於荃灣&荃灣西之間嘅越式餐廳「小越廚」，大概由荃灣地鐵站沿天橋行10-15分鐘就到啦🍲 我既下午茶就係上圖生牛肉湯河&小越廚自家製既羅漢果茶（$45） 🍶 提提你👉🏻係下午茶先至會跟嘢飲咋🤣我一向都好重視個湯底，所以食湯麵、粉麵類既野食第一件事就係飲咗個湯先🤓 一入口「嘩～係好濃郁嘅肉味🍖😱」唯一要抱怨嘅就係佢個河粉比較厚同埋淋身，咬落口亦都無煙韌嘅感覺😢 對於好鍾意食河粉嘅我來講…呢個河粉可以話係唔合格嘅👉🏻👈🏻而生牛肉亦幫碗粉加返少少分🤭至少啲牛肉份量足、唔會多筋同埋難咬🤔

今晚🐑話想食越南菜，所以帶左去黎尼間小店食～位置係內街比較唔係太顯眼。店內環境擺設都好有越南風味，掛左好多獨有吊飾。我地今次去，目的就係想試下佢傳說中既蟹膏海鮮湯檬粉！🍜蟹膏海鮮湯檬粉 $56🦀湯底滿滿蟹膏味，一面食到蟹膏味，一面聞到海鮮味，一個字，正！🤤 仲有香茅同其他香料同檸檬味～配菜都好豐富，有越式扎肉，蟹膏煎蛋，番茄，豬紅同豆卜。大部分配菜都有驚喜！扎肉口感唔錯，會有少少軟骨。蟹膏煎蛋幾特別，蟹膏加蛋好夾。豬紅都好出色，夠入味，彈牙，口感好好。最出色係豆卜，佢唔會好似其他鋪頭將佢切一半，佢會成粒上，一咬落去爆汁！成個口充滿左蟹膏海鮮香茅味🤣🤣兩粒唔夠喉🤣檬粉份量超多🤣女仔應該好少人食得曬，彈牙，唔會好淋。UMAI: 8.5/10🍜越式三寶湯河（香茅豬扒、越式扎肉、越式春捲）$59湯底都發揮幾好，都有好多香料，毫不吝嗇。河粉都仲有口感，煮得岩岩好。一個河粉可以配上3種招牌小食，真係好正🤣果然係三寶！春捲炸到好脆🤤，豬扒有少許過熟，但味道酸甜咁，係唔錯既。UMAI: 7/10牛油果奶昔都好出名，大家可以試下，但我地唔係太好牛油果所以就算啦🙈 無曬椰青，唯有飲其他。叫左杯雜果梳打，正

突然想食越南野，又去左呢間隱世小越店，每次去親都見生意唔錯，位置唔就腳都咁好生意，可想而知味道好。今次試試火車頭，升級左食安格斯牛肩肉，再加杯凍咖啡，上次試完凍咖啡就愛上左，所以再加碼。牛肩肉有啲生，可能係我食唔慣，如果湯再熱啲，應該就岩岩好，但牛腩真係比較無敵，強烈建議大家一定要試牛腩，無論叫飯定麵定法包。牛腩夠淋又易咬，入口即化的感覺好正，我覺得仲好食過安格斯牛肩肉，等我下次試試咖哩牛腩配法包先。

第三次光顧這間小店了，每次來價錢也會漲價一兩元，加價程度也頗密。不過這條街只有這間做越菜。這種炎炎的夏日，店內的冷氣有點不足，吃起熱東西來特別的熱。越式椰香咖喱系列青咖喱雞扒法包 - $48咖喱最愛就是青咖喱，特別加入食用新鮮的青辣椒，帶有酸甜的味道，同時使色澤呈綠色。香氣濃郁的咖喱再加入椰奶，降低辣椒的刺激度，使口感更溫順，集酸、辣、甜於一體，極惹味。雞扒份量很多，肉質厚實多汁，雞皮煎得香脆，帶點焦香。配法包質地特別煙韌，沾滿咖喱汁也不失彈性，表皮非常酥脆。

🌗越式手撕雞法包 $52（外賣+$1）法包表面尚算脆口但內層偏韌；餡料豐富，雞肉份量對得住價錢，配上生菜同蘿蔔絲，感覺清新爽口。味道方面比較清淡，牛油太厚兼且未有塗抹均勻，略顯暄賓奪主😅；蘿蔔絲味道唔夠酸。個人比較喜歡濃味雞肉配搭配較酸嘅醃菜，夾係外脆內軟嘅法包入面。下午茶有飲品送，另外店員（後生女）有禮貌👍🏻（睇其他人食評話服務唔ok，好在無比我遇到）。有得填紙仔，不過我都係外賣去少人嘅地方食😛。

生牛肉河正，下午茶的時間超便宜$45送飲品湯底濃郁好好飲，有東南亞的風味生牛肉有好幾遍而且不是肥的而且瞓啦好多食完之後飽飽豬下午茶去到不用排隊就可以入座而且這裏的服務很好，有一個女服務生他的態度值得尊敬

同朋友行開荃灣，要搵一間越南餐廳開餐唔係一件易事🤦‍♂️今次CK要介紹既呢間餐廳，雖然位置有點偏僻，🤯不過絕對值得花點腳骨力！☺小越廚 ₗₑ ₛₐᵢgₒₙ Cᵤᵢₛᵢₙₑ餐廳上下都是越南華僑，🧑‍⚖️環境方面，裝修比較似茶餐廳，有卡位也有圓枱，但坐得不太舒服，🤕不過服務細心，見到其他食客點越南咖啡時，侍應會指導顧客需焗多久，令味道更完美，很有小店的溫馨。😇餐廳主打湯濛、越式三文治等近三十款越南街邊小食。以河粉最出色，口味濃重。😋一向鍾情海鮮既胃Foodie 點左蟹膏濛粉，湯底甜鮮濃郁，啖啖都嘗到番茄酸香及蟹膏濃鮮，湯底加入豬皮扎肉、豬紅等，很足料。🤩而我點了個越式豬手飯，豬手煲到好淋，入口即溶的感覺，還貼心配了幾款蔬菜，食都不怕太油膩！😗地址：荃灣享和街49號都城大廈地下D鋪電話：2687 6988營業時間：星期一至日 11:00am-9:00pm黎緊我會一路為大家試食各樣美味佳餚，大家記得留意我地最新作品同訂閱啦☺

已經無左外賣自取9折，外賣$50,可能係+2蚊，不過我無主動分湯，佢自己分左。蟹膏湯河滿滿一碗餸，有豬紅，有舊細牛腩，蟹膏蛋，蕃茄，札肉，好多豆卜，好多餸，食完個肚都好滿足，不過味道上無驚喜，湯底主要蕃茄湯味，好微既其他味，蟹膏味未見突出，唔特別。蟹膏蛋鬆軟，都ok，蛋味為主。牛腩好淋。整體多餸，湯底唔突出,都有心機整架，不過未到要突登去食程度，可能其他野食會越式d.

越式炸魚餅+豆卜撈檬粉天天熱熱地，唔食湯河就揀撈檬🍝😋好多配菜，味道好濃，偏鹹，跟埋一小碗撈檬汁，唔夠可以自己出面refill, 但我覺得剛好有多☺️魚餅好入味！大大份好抵食⭐️

小越廚環境一般，格局比較似茶記🤣可幸店員服務親切☺️~ 餐廳主打越南菜式，睇返資料原來店員都係越南華僑黎架，唔知野食味道又正唔正宗呢⁉️我地揀左二人套餐($188)，包2款主食、2款小食、2杯$25內飲品，外賣自取仲有九折‼️折完唔使百七蚊，人均八十幾蚊黎講幾抵食!🤩1. 越式三寶撈檬(原價$49) 🌟4/5分三寶分別係香芧豬扒、2塊越式扎肉同2條春卷，先唔講味道，淨係比料都已經超大方👍🏻成個外賣碗係塞滿哂!😍豬扒食落惹味，大量生菜、紅/白蘿蔔非常清新，搭配住炸物都唔會滯!🥰醬汁酸甜開胃，如果比多少少就更好😛2. 越式法包(原價$52) 🌟3.5/5分法包好細心咁分開左一半💕食個時更方便啲，又可以分享👍🏻內有蘿蔔、青瓜、肉鬆、扎肉等，味道不過不失，勝在用料豐富又大份!☺️相信堂食熱辣辣會更吸引!3. 泰式炸蝦餅(原價$44，跟餐3件) 🌟2.5/5分蝦餅比較薄身，外賣關係就唔脆啦🥺不過都彈牙~4. 河內炸春卷(原價$44/5件，跟餐4件) 🌟3.5/5分春卷反而仍然香脆，炸得鬆化😳口感亦豐富!5. 泰式奶茶/ 泰式青檸茶 (原價$22) 🌟🌟2.5/5分兩杯都茶味唔夠重😜前者如一貫既泰式奶茶較

年三十食團年飯放工的時候 到附近外賣添餸黄咖哩 寓意新一年金銀滿屋#小越廚 #黃咖喱 #咖喱雞 #法包去到的時候滿座，也有人排隊等入座如果可以有更多人手更好今次等了頗長的時間食物方面正正常常keep到水準法包香脆

特登嚟到荃灣，梗係要搵D好嘢食，但荃灣好多好嘢食，但胃就得一個，當然要搵好想食既菜式再要高評價的餐廳啦!去到大概下午三點左右，小小的餐廳，加上限聚令，人數不算多，但枱上未清走的碗碟不少，可能得一位亞姐負負樓面，見到她很忙，我們自已找位坐好了.發現有下午茶，叫了一客越式法包，及蝦餅肉碎湯檬粉.法包好脆口，一口咬下去，面層的面包碎便跌下，是即叫即做，而包內夾著的料亦很多及很新鮮.蝦餅肉碎湯檬粉，我食了一口，也找不到肉碎，他們發現了漏了，待了很久才用另一個碟了給我，但我已經吃完了碗無料的檬粉. 檬粉看似蕃茄湯，但並不是蕃茄湯，只能說味道不過不失. 蝦餅很細件，與正常一般的尺寸比較大約細1/3. 見到呢間叫小越廚好高評價，當然對佢既期望亦相應很高，但往往都是失望.可能我在不對的時間幫襯 ? 不過我想我不會再幫襯第二次了!

在荃灣區返工了一段日子嘅我，平時都係去愉景新城比較多，今日趁住要幫公司做嘢順路買埋個lunch先！呢條街都好多餐廳，見到呢間食越南菜門口餐牌幾吸引而且外賣做緊9折都幾抵食✨泰式豬手湯檬粉✨打開見到份量都幾多，豬手都幾淋，湯底食到有少少牛味，喜歡食牛嘅我就幾鍾意❤️除了檬粉，可以配搭飯或者河粉！另外可以優惠價加嘢飲或者係小食，不過我唔係食得好多就冇加到不過佢座位會比較迫，如果住喺附近嘅朋友建議外賣會好啲！

荃灣好食越南粉 🥰Lunch 食咩好 呢間凍檬都好好食 我地久唔久都黎食 2餸檬粉都係$5x 左右我就食左 酸辣鳳爪 + 雞扒 凍檬 老公就食左 炸蝦餅 + 雞扒 凍檬 雞扒 係百搭, 每次食都一定會有雞扒 😍仲有我最愛嘅越南咖啡不過我唔記得影相😂😂😂