小越廚

營業中

休息中

座位不多，座位都有少少迫，不過出名平平地，味道唔錯。有套餐可以配搭唔同小食、飲品，選擇豐富。本來我想試佢個招牌安格斯牛肩片配湯河，可惜未返貨🥲唯有食住個蟹檬先———————————-蕃茄蟹膏湯檬粉 $48 蟹膏蕃茄湯清甜，配料有越式扎肉、蟹膏、番茄、豆卜 ，足料👍🏻最鍾意佢啲餸夠大份，特別係個蟹膏🤤檬粉分量多，我最後竟然食唔晒🙈好飽🙈越式墨魚肉卷 （3條+$9）有墨魚粒，口感幾好，唔算好油。加$9抵食🥳—————————————成張單加埋飲品都係$63，唔收加一👏🏻又大份，糧尾恩物🤣係荃灣附近既可以一試《❗️實用Tips❗️》1️⃣繁忙時段，限時用餐1小時，不過都絕對夠時間食2️⃣只收現金歡迎去我IG Follow 我，有更多美食分享🥰IG : Eat_Ho_D

今日黎到荃灣行街突然好想食越南菜咁啱醒起之前有朋友介紹過呢間越南菜平靚正超抵食之餘質素都好好一睇餐牌價錢都非常合理仲有$168二人套餐，超抵食！可任選2款$48以下粉麵飯及選2款指定小食另外仲有好多小食都好吸引又抵食！蕃茄蟹膏湯河呢款湯河勁鮮味，旨因佢加入了蟹膏配菜更有越式扎肉、蕃茄及豆卜每一啖都食出蕃茄及蟹膏的鮮甜味超香濃又帶點鹹香非常惹味越式椰香黃咖喱牛腩配法包咖喱香香甜甜牛腩又淋又入味法包外層香脆內裏鬆軟點咖喱汁真係絕配無得彈小食有「泰式炸蝦餅」及「泰式香辣魚餅」份量二人食用剛剛好，炸蝦香脆彈牙魚餅帶點咖喱香，啖啖魚肉超香口牛油果奶昔鍾意食牛油果嘅朋友一定要試呢一杯牛油果奶昔飲落好似雪糕咁幼滑仲有濃濃的牛油果香味，必飲！

位於荃灣享和街好多的士大佬聚腳之處，價錢當然是平民之選，早更收工有点肚餓，行過路過吾好錯過，食番碗越南河顶頂肚。小店店舖不大沒有奢華裝修只有抵食嘅價錢，員工也不多只有勤力嘅90後姐姐忙過不停，所以大家落单要比點時間等候🙏🏻火車頭越南河 $48材料非常多有生牛肉、牛腩、牛筋丸大量洋䓤及越南香料，個湯非常清甜牛味濃牛肉嫩滑吾會太熟美味可口😋只欠些爽口牙菜仔。招牌生牛肉併越式扎肉 $40同樣牛肉冇渣嫩滑，扎肉有超香檸檬莱味口感Q彈和同事開心share 左2個小食越南小併盤$38蝦餅新鲜炸香口弹牙、米纸春卷吾油，雞翼咸香好味乾身椰香咖哩法式豬扒包$38咖哩椰味香濃吾辣跟香脆法包食一流👍🏻越南滴溜咖啡$25 (跟餐)☕咖啡香濃醒神吾酸，味道不過不失。龍眼凍$8 🥤(跟餐)龍眼肉清爽少甜，吾系蚂蟻人啱晒我D口味

小店的抵食越式二人餐，$168已包兩款粉面飯及兩款小食，還奉送兩杯飲品，真心抵。到店當日目測有不少街坊光顧，不乏捧場客。我點選了以下食品：「火車頭湯河」（單點$48）：內裏包含生牛肉、牛腩、牛筋丸，湯底以大量越式香料及新鮮骨湯熬製而成，難怪湯底如此香濃。「越式孜然豬扒湯河」（單點$48）：孜然味一放上枱就聞到，豬扒與河粉分開上，孜然香料不會過分留在湯底中。小食我選擇了「炸蝦餅」、「炸春卷」，各有四件，熱辣辣夠晒熱氣又惹味。

某日放工同朋友去荃灣西行吓搵到呢間越南餐廳，細細間感覺幾簡約😌見到有個二人餐超級抵食，只係$168 包兩碗粉麵兩個小食兩杯飲品🥤火車頭湯河(生牛肉、牛腩、牛筋丸)湯底以大量越式香料及新鮮骨湯熬製而成🤩湯底好濃郁，一啖河粉一啖湯非常好食，另外配料分量十足，牛腩牛肉都唔會柴，牛筋丸好彈口😋番茄蟹膏湯河(扎肉、蟹膏、豆卜)呢款幾特別之前未食過😙蟹膏番茄湯底有少少杰身好似加咗奶咁，入口有蟹嘅鮮味同番茄味，配料都唔錯，蟹膏蟹肉餅幾好味😋泰式炸蝦餅及越式炸春捲小食每款有四件，炸得香脆而唔會油膩，配甜酸醬非常開胃🤤泰式奶茶及牛油果奶昔加$20兩杯都好大杯👏🏻👏🏻傳統泰式奶茶甜甜地有啲香料味，牛油果奶昔入口好滑，淡淡牛油果味唔算太濃整體來講呢度嘅湯底做得好出色，平時單叫一碗只係$4x，非常抵食👍🏻

越南菜始終小店會有驚喜。嚟間越南小館位於荃灣中心地帶，本應價錢可以貴些少，但湯麵類五十元左右，認真抵食。生牛肉湯河食得多，將牛肉清湯轉了蕃茄蟹膏湯底，有新鮮感。湯底濃稠，鮮茄味顯著，鮮甜帶酸，開胃。尤其檬粉吸收到湯的精華，特別滋味。牛肉薄片，牛味濃厚。追加小吃鳳爪和雞翼。鳯爪夠晒入味，爽脆有嚼口。雞翼質感就比較實了些少。牛油果奶昔好豐富啊！充滿著牛油果果香，好飲。晚餐平均每人百多元，真係區內少有，讃。

“二人套餐”($168)荃灣有間人氣越式小店2人餐非常抵食,唔怪得到夜晚8點都仲要排隊🤑$168包咗2個小食,2個主食同2杯飲品☺主食首先要咗嘅蕃茄蟹膏湯河🍅🦀用上蕃茄蟹膏湯底配上扎肉,蟹膏,蕃茄同豆卜超級超級香濃🤤好好味🤤唔怪得咁多人推介😍另一個要咗招牌安格斯牛肩片湯河🐮牛肉份量比得好足😚牛肉嫩滑😚配上紫洋蔥,青蔥更加香口😋2款小食分別叫咗泰式炸蝦餅同河內炸春卷小食新鮮炸起,香脆可口🥰點埋甜辣醬一齊食就岩哂😆飲品方面叫咗青檸可樂同+$20要咗牛油果奶昔🥑牛油果奶昔飲落順口,帶淡淡牛油果香而且仲大大杯好抵飲😝

雖則話一分錢一分貨但真係再平都唔想食多次，免免強強俾到一個⭕️中評。<越式三寶湯河>我真係未食過咁難食嘅🐷豬扒1. 豬扒外面嗰層粉好失敗，又唔係炸到乾身，食到粉嘅感覺，有啲位仲要係一Pat白色粉喺度🙉救命～～～2. 越式豬扒唔知點解會有一啲類似墨西哥定孜然粉撒喺上面 （完全唔係香茅味），覺得想用呢個咁濃味嘅粉 蓋過豬扒陣騷味 （介紹返、我條脷好sensitive ）3. 炸春卷好油 （或者鍾意食超級香口又唔怕太油膩嘅人會欣賞但有好食嘅扎肉，不過係凍嘅最正常係碗麵啦～另一碟係<越式三寶飯>做咩啫～～乜越式飯有辣椒醬㗎咩？我哋以為係呢間餐廳嘅特色，無叫佢換過碟食完諗諗吓真係後悔搞到碟飯好油，個辣椒醬又唔係好食唯一值得讚係位小妹妹嘅服務態度52蚊一碟三寶飯真係平到無朋友嘅，小店係要支持下嘅～但今次真係唔得呀~👋👋 希望你哋可以加油進步啦

呢排成日OT，做完嘢就喺荃灣一帶搵吓有咩食，呢間小店門面唔算太吸引，但係原來內有乾坤。餐廳佈滿各式各樣充滿越式風情嘅裝飾😇⭐️蟹膏湯檬 見到每張枱都必嗌，當然我都唔執輸~~湯底除咗有蟹膏嘅鮮味，仲加入左蕃茄，混雜左酸甜味，增添幾分開胃感🍅另外有舊外貌似豆腐嘅物體竟然就係蟹膏🦀，食落都幾鮮味，另外仲有越式札肉、豬紅、豆卜，都幾豐富！而且檬粉都好掛湯🥰⭐️小食（班蘭葉包雞、春卷、米紙扎肉卷）呢個做法令到雞肉有好香嘅斑蘭味，但稍嫌雞肉炸得太耐，肉質偏乾硬。春卷就正正常常，不過不失啦。米紙扎肉卷個皮好煙un，包住扎肉同其實酸蘿蔔同菜，夏天食好岩，夠fresh。⭐️牛油果奶昔我自己覺得幾好飲，打得夠滑，牛油果同奶嘅比例都適中，但係覺得有少少甜。

因為要準備趙bb k1 interview, 又要整番個 page😔, 趙c9 呢排真係日日都好忙😣行過荃灣想食越南野, 見到有間小店 - 小越廚就入去試下先🥰 店舖細細, 座位唔多, 裝修簡單, 仲有啲越南帽, 好得意🤗叫左兩個粉同幾個小食🍜火車頭湯河- 🐮大碗, 足料, 湯濃!🍜鮮茄蟹膏湯河- 🍅鮮茄湯加上蟹🦀既鮮味, 非常濃, 仲有塊蟹膏餅, 好味!🍤越式春卷, 斑蘭葉包雞, 泰式酸辣鳳爪, 越式庶蝦-炸物非常脆口🤣 熱辣辣好惹味!

🌞🌞《小越廚》講到食😋，荃灣簡直是天堂🥳！只是搬了新界東，荃灣區就較少注足😭。今次難得朋友聚舊🍻，就吓荃灣又有咩所謂😆，朋友，係要見嘅😙！🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🟤 人氣二人套餐 HK$178〰️〰️〰️〰️〰️〰️〰️〰️〰️🔻 招牌生牛肉湯河********************生牛肉河🐮的湯底不是一般的清湯底，而是用牛淆出嚟的濃味湯底😍👍🏻！超香濃😙。加上它本身應該有些檸汁🍋在湯底，少少酸好惹味😚。牛肉份量不少，河粉就直情超多😂，一個女孩子應該吃不完的😗。🔻 越式扎肉法包 ******************越南法包🌯本身因加了粘米粉關係，比單純用小麥做的法包更酥更輕☺️！加上小越廚將它的外皮焗到超香脆可口✨，這點真的要加分🎉。法包餡料豐富，有醃製過的紅蘿蔔🥕、青瓜🥒和扎肉🐷等等🤩。但如果入面嘅靈魂——肝醬可以多返少少就更有風味🙂。🔻 泰式炸蝦餅****************呀大人最欣賞呢個蝦餅👍🏻，外表做得很夠酥香💥，內裡的蝦餅肉夠鬆軟有蝦🦐香味，彈牙爽口。🔻河內炸春卷***************即點即炸🔥，上枱時非常熱辣辣！春卷餡是芋頭芋蓉，外皮炸得夠香脆👍🏻。

《 荃灣抵食推介》喺享和街幫主子買完嘢 跟住到自己開餐La~😚呢條街度 有各國美食 這間越式小店 茶餐廳格局 裝橫簡單中也見到有細微位👍主打越式料理 也有泰式嘢食~正一次過食齊回鄉餐 一解鄉愁呀~~午市套餐款式多 還可配搭特價小食👍#越式三寶湯檬粉大大份 一次過滿足曬我嘅肉望🤤孜然豬扒唔算重口味 食落幾惹味👍越式春捲 鬆脆香口 越式扎肉 肉爽彈牙👌#越式烤肉串第一次食 有少少煙燻味🤔 外皮脆脆地 香口肉味濃😋#泰式青檸茶回鄉茶飲🍹梗係好😆

今晚又落黎荃灣搵食順便入下貨甘，呢間位於內街嘅小越廚價錢都幾相宜！見唔洗等位就入去試下啦。有選擇困難症嘅我一望到就揀定要二人套餐啦 $178 已經包左任選2款粉麵飯/咖喱都可選擇、有兩款小食、奉送兩杯$25內飲品！凍咸檸7 （不用加錢）泰式熱奶茶 可惜是比較細杯一點，調味偏甜奶味較少！食品方面就真係幾吸引越式三寶撈檬 補差價 $2有香茅豬扒、越式扎肉、越式春卷 3款餸，感覺豐富！扎肉口感紮實，胡椒味幾重！豬扒醃得入味唔乾柴超大塊，有兩塊～火車頭湯河 $52 （牛肉、牛腩、牛筋丸）湯頭帶點蒜味，牛骨湯清甜顏色偏深。牛肉牛味濃，無咩肥膏但唔會韌。河粉質地爽滑小食選了蝦餅、蒜香魚露雞翼每樣各4件雞翼超大隻挺juicy,醃得超入味!

見到有2人套餐好抵食，$178兩人份量，於是入去食晚餐。.二人套餐有2個主食、2個小食及2杯飲品，十分豐富。越式車頭湯檬粉 - 湯底濃郁好飲，是可以把一整碗湯飲完的。份量好多，有牛腩、牛丸、生牛肉，非常適合牛魔王的胃口。黃咖喱牛腩飯 - 牛腩煮得很冧身，咖喱入味。泰式香辣魚餅、斑斕葉包雞 - 魚餅香脆沒有魚腥味，連不喜歡吃魚的朋友也可以試試，口感十分彈牙。雞肉燒得很入味，滿滿的越式風情。飲品我們選擇了青檸可樂、原樽裝豆漿。加$38可追加越式扎肉蒸粉卷 - 這個是很有特色的越南美食，沾上酸辣汁之後更加滋味。

今次去了路德圍附近，很多餐廳都排隊，眼看這間人不算很多，都差不多滿席便進去嘗嘗。古人的智慧都是沒有人的食肆就不要進去，我也有這種感覺。越南河粉等多不勝數，偏愛吃咖喱的我叫了一個咖喱牛腩配法包，一來到香氣十足，加上椰奶臨尾直接在面，比一般咖喱多牛腩，份量十分足夠，牛腩夠唸，惟法包不硬又不軟，不過也很掛汁還好。此外，叫你斑蘭包雞塊，外面炸得酥脆，內裡雞較散只是加$30的小食。另外還叫了越式三寶飯即春卷、豬扒及扎肉，豬扒及春卷不錯，網絲春卷夠惹味，但扎肉雪味夠重。畢竟兩個主食各$50 不過不失，小食就份量較少。