小豆町日本料理

營業中

休息中

有朋友住泥圍附近，新年去佢屋企拜年！跟住朋友帶我去搵食，行下行下嚟咗豫豐花園，原本呢度都好多食店，第一次嚟呢頭覺得唔係好就腳，但原來都好近輕鐵站咋由藍地輕鐵站行過嚟唔洗10分鐘店鋪入面好大好多位，每枱之間空間都闊落，坐下來無壓迫感！以現今香港嘅店鋪少見難怪佢地仲有6:00後任飲壽司🍣選擇多，有啲都幾特別刺身炸物鍋物串燒樣樣有劍魚厚切肥美甘香甲羅燒蟹膏甘香三文魚子卜卜脆好新鮮呀！中間嘅海膽入口香濃唔腥鹽燒牛舌唔臊味道剛好野菜牛肉鍋有豆腐同韓式粉絲7點盛軍艦呢個極力推薦$98超新鮮好抵食軟殻蟹牛油果🥑卷軟殻蟹唔 會炸到好油膩呢度每日都有不同新鮮食材埋單$480以食物質素同店鋪環境絕對性價比高，同朋友一邊飲一邊食飯呢度絕對係首選

今日開車去屯門搵食。搵到哩間「小豆町」見到餐牌食物都幾啱口味就入左去。店員推介左飛魚 （又名「魴鮄」）兩食（刺身+壽司）比我地。飛魚刺身未食過滿心期待，因為知道很考刀功。上枱時見到飛魚的頭和尾巴真驚喜。肉質實淨而且很新鮮。蘸上特別的醬汁更能提升味道。讚！之後我哋幾多round刺身「極上自選刺身」，我地揀左：三文魚、北寄貝、虎蝦、油甘魚、帶子。我最喜歡的是帶子，非常鮮甜肥美。另外三文魚亦十分美味。我們都十分滿意！之後叫了三文魚手卷和加州卷。兩者都處理得味道剛好，材料很足夠，壽司飯很紮實，看得㕑師用心。朋友想食天婦羅了「天婦羅盛」。有四隻炸蝦及五片蔬菜十分抵食。水準很不錯，炸粉味道好而且不太厚。炸蝦味道尢其好味。算是頗出色的天婦羅！另外還叫了兩杯白桃梳打。有白桃味的清香，配上梳打味道剛好太甜，底部還有爆珠珠，勁好喝！此餐廳的食物質素實在出乎意料之外的好。而且侍應態度友善，座位闊落，一定會再來的！

今日難得阿妹可以放低個女，咁我當然又陪佢勁食啦！今次係揀阿妹屋企附近的日式餐廳吃飯，阿妹話今次佢揸主意，由佢發辦，我就樂得等食。牛肉他他$98。因為冇小朋友在場，阿妺話終於可以吃半生的牛肉了！係幾好食嘅，小豆町的牛肉他他不是生牛肉碎，因為牛肉只是外層有輕微煎熟，所以肉質很嫰，吃前記得沾上酸汁，蔥花。沙律燒蠔$88一客有四隻燒蠔，沙律醬略為多了一些，但入口酸甜的，燒蠔剛剛好，不會縮水變成蠔仔。海膽三文魚飯$188店員送餐上枱，份量真的比我想像中大份，幸好是同阿妹分享。三文魚除了份量多，亦十分肥美，海膽亦算鮮甜，三文魚籽帶鹹香，如果有紫菜就更完美！鵝肝壽司$32/1件毎人一件鵝肝壽司，鵝肝表面煎得很甘香，加上蔥花，一件一口。軟殼蟹牛油果卷$68阿妹勁鐘意食軟殼蟹，表面鋪滿牛油果，我食左兩件後，佢話佢一個人可以食哂啵！結賬連加一，共$557總結食材新鮮，附近都是民居同屋苑，所以定價不算太貴呢！

好耐冇黎藍地食飯啦，今日老婆過黎接我收工，順便附近食埋野，之前我都黎過小豆町食lunch ，今日就帶埋老婆黎食。雜錦魚生飯-每片刺身都有兩片，有三文魚、吞拿魚，油甘魚、海膽、海蝦、玉子，魚子，特別海膽，質感柔軟，沒有苦味，甘香濃郁，刺身亦非常新鮮。牛肉他他-其實我第一次食，牛肉肉質軟腍，肉香十足，沾上醬油、蔥、或炸蒜一齊食，估唔到咁好食，竟然令我愛上了這道菜7點盛軍艦-有海膽、三文魚籽、蟹肉蟹膏、蔥金槍、蟹籽、螺肉、芝麻八爪魚，醋與飯比例剛剛好，而且唔會一夾就散土佐豆腐-用木魚碎包住豆腐一齊炸，木魚碎炸得酥脆，香氣十足，入面豆腐非常軟滑

今日豫豐花園探完朋友，於是就近食飯，因為時間早，6pm，餐廳落完場剛開市，我們成為第一台客人，yeah。裝修簡潔大方，以木為主，很有東洋風格，一部大電視播放日本飲食節目。先要贊一下那個細細粒的女適應慇勤有禮貌，令人感覺舒服。一坐低已經有碟前菜免費品嘗，裡面有紅蘿蔔，白蘿蔔同牛舌，牛舌好好食。首先來了原條魴鮄魚兩食 $258擺盤別具心思，活像一個藝術品。魴鮄魚刺身肉質紮實而且煙韌，清甜。壽司飯握的有水準，飯量適合，軟硬適中，正！再來蒲燒鰻魚飯 $118鰻魚肉厚肥美，重點要贊個鰻魚汁調得惹味。加州卷 $56加州卷用料新鮮，蟹子bobo脆，而且份量十足，好抵食。天婦羅盛 $88有蝦，秋魁，茄子，蕃薯，個粉漿開得軟綿綿，炸得乾爽唔油膩，好好食。極上刺身自選 $188這個刺身自選可以選六樣item，超出的都係加$30。我地叫左兩份三文魚，一份油甘魚，一份虎蝦，一份北極貝，一份帶子。出到黎個擺盤又系靚到不得了，師傅很用心思。由於用料新鮮，全部刺身都好甘甜肥美，食指大動，尤其個三文魚，回甘味濃，值得追加。三文魚手卷 $28由於三文魚刺身太好食，忍唔住叫多個手卷。最後飲杯日本綠茶，結束完美的一餐。

藍地我真係唔會點入黎，以排都要係藍地接老公收工，接完都已經食晚飯了，索性係藍地大街搵食，我同老公都鐘情日本菜，所以一見到日本餐廳就好自然行入去食。餐廳雖然簡潔，柔和既燈光，坐得好舒服。刺身三點盛（$158）每次食日本野都會必點，有活赤貝、吞拿魚、海蝦，活赤貝第一次食，食落肉質爽口，而至愛既海蝦，好大隻，肉質緊實富彈性，三款刺身都非常鮮味牛肉稻亭烏冬（$72）牛肉不夠軟腍，湯底味道不太夠味，如果濃返小小就好了。脆骨餃子（$36）新鮮熱辣辣炸起，炸得金黃香脆，食落去脆卜卜。

間中會到豫豐花園樓下的『小豆町』食下日本菜，這餐廳有好多款式供客人選擇炒飯、烏冬、壽司⋯⋯真係應有盡有！一坐底店員就會送上前菜，螺肉、芽菜、醃蘿白都有機會化身前菜。個人覺得上前菜嘅時間好好，食客可以一路食前菜一路睇餐牌，而且每款前菜嘅味道都唔差，但係份量太少了一般嘅套餐會跟麵豉湯同飲品，今日點了「和風牛肉飯」配熱檸蜜，個飯勝左汁多，整體味道偏甜，好岩我胃口而且好多洋蔥和菇類，唔洗擔心全部都係澱粉質同肉，感覺上平衡啲，不過牛肉質地有點過硬，扣少少分。另外檸檬蜜其實都係即沖飲品，但係店員無提供攪拌棒，所以頭半杯味道好啖，但飲到底就勁甜整體來說都係抵食嘅，不用加一服務費又食到豐富嘅全餐

果曰星期日放假就到屯門闲游藍地水塘一帶行到攰攰地就到小豆町居洒屋吃吃嘢休息下。小豆町餐廳擺設日式居酒屋裝置，舒適雅致我地一口氣點左，豚肉鍋、三文魚、油甘魚刺身、清洒煮蜆、特上壽司。豚肉鍋做得不錯，豚肉嫩滑鮮甜，泡菜的野辣，甚是回味三文魚新鮮鮮甜、油甘魚入口魚油四溢充滿鮮味，清洒煮蜆，盛上已洒清味香爽口煙韌還有啖啖清洒芬芳的蜆肉，好吃都停不了口，特上壽司各有特色，特別做得出色是章紅魚壽司，我第一次食已愛上，它不鮮甜美味而且肉質嫩滑非常三文魚、吞拿魚、甜蝦、帶子都好有水準，這一餐好滿足

朋友住藍地帶我地幾個人嚟食日本野😳位置好多而且坐得舒服☺️唔係佢住附近我都冇留意到原來有呢間野係要喺輕鐵站行一段時間先會到㗎👀叫咗一個午餐定食蕎麥面，叫咗好多壽司，仲有全消一齊食三個人都好飽飽😊👍🏻估唔到呢度午餐都幾抵食😌佢哋嘅午餐份量都幾大魚生沙律加蕎麥面✅ 先至成為（ $48 ）仲有買基本嘢飲添👀魚生新鮮而且佢哋嘅飯❤️係壽司飯大有點酸醋味👍🏻喜歡係好有日本咁嘅料理屋👍🏻👍🏻👍🏻👍🏻三個人叫到一枱都係先至係成為唔使$400😻😊當中我最鍾意食嘅係火炙蟹棒因為上面有好多芝士好味☺️✅

><平時藍地食飯都係喺農家菜或者季季紅食好少行到藍地大街盡頭 估唔到有驚喜前菜 有大豆芽 辣辣地幾開胃蟹籽沙律($42)青瓜絲爽脆清新 蟹籽份量正常鰻魚飯($118)呢度嘅蒲燒鰻魚比起之前食過嘅都要厚身肥美好嫩滑 份量頗多 維起價錢都幾抵海鮮鍋($98)實物同照片一樣 材料好豐富大蝦 青口 蠔 金菇 娃娃菜 冬粉個湯底反而有菜嘅甜味><><><><><><><><><><><><><><小豆町日本料理屯門藍地福亨村路8號豫豐花園地下N號舖

諗唔到屯市有咩好食嘅時候，次次食黎食去都係個幾間餐廳，就會被人投訴好悶。咁岩醒起成條藍地大街都有唔少好野食，咁就帶媽媽黎試新野。餐廳座位幾寬敞，而且電視仲播住孤獨的美食家，係日本嘅美食劇，節目真係簡得好，睇住食實在食指大動。 火炙六點盛 六款壽司都係我至愛，咁又唔駛遂樣散叫咁煩。左口魚裙邊經火炙後油香更突出， 好鐘意魚油係口腔嘅感覺。海鰻嘅長度橫跨成個碟，海鰻曾經係出面食過好腥搞到有d怕，點知呢到一d奇怪腥味都冇。帶子雖然未到好大粒，但食落去係鮮甜 明太子雞翼 雞翼炸得勁金黃色，骨已經起曬啖啖肉，而且包住脹卜卜、鹹香帶微辣嘅明太子，佐酒一流。 燒油甘魚鮫 即使係魚鮫嘅位置依然有不少魚肉。夾出黎嘅魚肉微微反光，油脂豐富，肉質嫩滑。燒白鱔 一份有三串，皮係燒得焦脆，肉係肥美且柔軟。 蒲燒鰻魚飯 雖然用蒲燒汁，但醬汁的濃稠度剛好，唔會過甜。鰻魚帶微微焦香，拌上紫菜飯係經典但唔會厭嘅配搭

—入到店內 竟然播緊孤獨的美食家!!好鍾意睇呢個劇 非常治癒 食慾頓然大增黑板會寫上有咩新鮮運到嘅飛機魚而店員就推薦咗原條池魚($258) 仲可以炸埋骨($50加工費) 一魚兩味刺身擺盤好精緻 嘩會發光添肉質爽口 每咀嚼一下其鮮魚味滲出嚟 aftertaste好正 蘸汁連埋蔥絲 明太子一齊食又有第二個感覺炸魚頭魚骨酥炸完之後非常下酒 魚頭位有d甘甘地7點盛軍艦($98)海膽 三文魚籽 蟹肉蟹膏 蔥金槍 蟹籽 螺肉 八爪魚即叫即包 所以紫菜仲係好乾身唔會腍哂牛肉鵝肝飯($72)牛扒鵝肝就食得多 轉咗少少都繼續咁夾天婦羅冷麵($108)2隻蝦 蕃薯 南瓜 茄子蘿蔔蓉冇放埋落汁到 分開上👍蕎麥麵相對幾健康 好多蔥碎撈埋嚟食——————————————————小豆町日本料理屯門藍地福亨村路8號豫豐花園地下N號舖

呢日入藍地探朋友，大家都是無飯主婦，晚餐當然是出街食啦，朋友地頭當然由佢話事啦，知我喜食日本菜就帶我嚟呢間試吓門面裝修好有日式感前菜附去上辣藕片幾特別野菜豚肉鍋豚肉薄切的關係，入口鬆化，野菜湯底鮮甜極上自選刺身(六款)刺身有活赤貝1只，油甘魚2片，章紅魚5片，真鯛5片，馬刀貝5片，劍魚腩2片，六款共20片刺身都是賣$188相當超值，而且刺身件件都新鮮甜美，絕不欺場溫泉蛋牛肉飯牛肉粉嫩肥美，肉味濃，淋上自家調製的醬汁非常惹味火炙六點盛有三文魚，海鰻，鯛魚，左口裙邊，V形蟹棒和帶子，用火炙過略帶焦香，各有特色蒲燒鰻魚飯鰻魚燒得甘香肥美，肉厚滑嫩，入口即化西京燒銀雪魚魚皮燒得香脆，魚肉滑溜飛魚刺身造型相當有氣勢，閃爆登場，吸引全場目光，魚肉鮮甜滑嫩再蘸埋跟上的醬汁更能提升鮮味

以前藍地番學成日都會黎藍地大街附近食野今次行入少少黎試日本野坐底冇耐侍應就送上前菜；醃漬藕片口感爽脆微辛幾開胃刺身-極尚自選 六の盛二百蚊唔使就可以十二款刺身自選六款包三文魚、帶子、赤海蝦、油甘魚、活赤貝、甜蝦、章紅魚、北寄貝、虎蝦、真鯛、馬刀貝同劍魚腩而且每款都有二至五片好抵食飛魚刺身飛魚刺身聽過但真係未食過，飛魚細細條而且魚肉入面仲藏有唔少細刺處理起黎麻煩，加上肉質容易散開好難切成薄片，所以好少餐廳有得供應；小豆町嘅飛魚刺身原條連埋頭尾擺盤證明係新鮮料理，而且每片魚肉都切得又薄又透睇得出師傅刀功幾好，質感方面魚肉細緻軟滑味道清鮮配搭酸汁感覺清爽火灸六の盛六款壽司包括三文魚、海鰻、鯛魚、左口裙邊、蟹棒同帶子；其中左口裙邊肥厚爽彈火灸過後油脂甘香好正西京燒銀雪魚銀雪魚肉質嫩滑而且油脂豐腴配搭蛋黃醬濃香野菜豚肉鍋價錢唔貴但係野菜分量都幾多而且豚肉薄切唔韌蒲燒鰻魚飯鰻魚魚肉肥厚略帶膠質加上醬汁濃稠微甜好惹味溫泉蛋牛肉飯牛肉半熟中間色澤粉嫩而且肉質緊實；溫泉蛋流心拌飯啱哂

今日同屋企人去咗藍地呢度食日本野去到入邊已經覺得呢度好有日本嘅特色，首先我哋叫咗個蟹子沙律，你一個沙律相當唔錯，開始好多，而且沙律醬亦都好好味，作為前菜真係好醒胃呀，粒粒蟹子係我口中爆發。三民魚腩刺身，切得好厚身，而且足夠大件，入口充滿魚油嘅香氣而且夠晒肥美，淨係睇圖片，都已經覺得佢係一件藝術品，真係越食越想食呀牛油果一向都係我嘅最愛，呢一個牛油果加州卷點樣講都係最好嘅，賣相都已經好吸引呀，師傅做功紮實，而且配上沙律醬，直頭係畫龍點睛啊。牛肉火鍋，牛肉份量好多，而且牛肉半生熟上枱，入口口感充滿牛味，而且柔軟口，蔬菜嘅配料有好多，最緊要嘅係唔會覺得好油膩，我哋直頭連個湯都飲埋呀。