小草十八怪石鍋米線 (已結業)

位於旺角新開的米線店，門口的霓虹燈光管及綠色的燈光十分耀目奪目，店在二樓，整個地方十分大，燈光光亮。除了主打的米線、車仔麵外，還有其他蒸籠仔荷葉飯、串燒等。十八怪特色小食：涼拌鮮枝竹涼拌的枝竹，醬汁集麻酸辣的味道，尤其腐皮枝竹特別吸味，加上一些芫茜，很惹味、開胃。石鍋米線九宮格陣，配麵條或改成白飯。食材配料多樣化，海鮮、肉類、蔬菜都有，石鍋經已燒得熾熱，自選9款配料，自己放材料、湯底及米線。跟據指示牌上的教學程序，先倒入菜蔬，再逐一倒入其他肉類、海鮮的食材，然後倒入熱湯，蓋一分鐘左右湯滾了就可加入米線，然後便起筷。湯底：馬來肉骨茶肉骨茶味道不太濃明顯，米線又不太掛湯，顯得不太入味。湯底：香辣金湯湯底金黃，但不算辣，可以額外要求加辣。串燒推介：墨魚丸、韭菜 、扇貝有些串燒加點蒜蓉、孜然粉等調味再燒，特別香口、美味。特飲：芒果凍頂烏龍基本上每枱都有一杯巨型玻璃杯盛載的特飲，真的比正常的杯大兩倍。芒果味淡淡的，加入了烏龍茶包，果汁底添上淡淡茶香。

今日喺旺角行咗成日街好鬼死肚餓，夜晚就去咗食米線，經過通菜街嘅時候見到一間新開米線鋪，平、靚、正，啱晒填肚車仔酸菜魚湯米線$89由於真係極度肚餓，所以叫咗勁多餸滷水雞翼、梅肉片、貢丸、金菇、腐皮、生菜配酸菜魚湯同米線滷水雞翼必叫，好入味、容易食、夠肥美個湯底夠酸好開胃，仲有少少辣，正呀石鍋米線$85$85就可以食到九個料，抵食石鍋嘅特點就係可以keep住米線嘅溫度，餐牌有仔細教學點樣煮個石鍋米線一早啲湯落去成堆蒸氣就噴出嚟，熱辣辣嘅米線最好食串燒叫咗幾款串燒試味，最鍾意佢個司華力腸，脆卜卜浸埋啲辣粉，好滋味

經過女人街，發現有間新開的石鍋米線，即刻想試試。有一般的米線、石鍋米線、串燒、小食等。叫咗杯芒果凍頂烏龍茶飲，超級大杯，甜度剛好有茶味，不錯。石鍋米線，選擇9個餸，有豬軟骨、豆卜、蝦、黑栢葉、梅肉片、麻辣炸醬、羊肚菌、牛肚、響鈴。自己煮米線，以高溫的石鍋，先放蔬菜、肉類倒湯後攪拌所有配料蓋上木蓋，等待一分鐘有蒸氣冒起，再放入米線，再等30秒就可以。米線非常熱，質感好滑，湯底是火腿瑤柱肉骨湯，米線掛湯入味，配料豬軟骨夠腍、蝦肉爽口、炸醬好夾湯底。另外也點了車仔米線，香辣金湯，有入味緻滑的雞翼、通菜、豬大腸。原條茄子燒得好香好惹味牛柳串夠滑多肉汁

有時候有你們在也不錯好好好 去吃車仔麵找找看有哪間好無意中看到肉骨茶就直接選上了這家店本來以為只是一定普通的車仔麵店原來還有串燒 有飯 有小食 有特飲現在香港生意真的越來越難做 😅也看來那個荷葉飯是滿受歡迎的好幾枱也出現它的蹤影只是我們今天只想吃麵看一看Menu就會發現除了車仔麵外還有一個東西叫石鍋米線坐下時在下也注意到桌面有張教人吃用石鍋米線的指示牌那就試試吧任選9款餸..9款..🤯花上點時間 在下選了冬菇 蘿蔔 豬皮 府皮 花膠支竹 響鈴 蟹柳 小草麻辣炸醬終於選好了😅石鍋會燒得能灼死人才會拿出來所以必須要點時間這時在下就玩玩電話吧～九款餸 湯 熱死人石鍋 米線 會一一放在你眼前店員說在下可以自己玩 😆好啊 先放蔬菜後放肉。。呃。。沒肉。。加入肉骨茶湯底😋還有別忘記把米線放進去 😅因為在下全都是蔬菜店員說可以不用蓋上蓋嗯…看著湯在眼前滾起在下的貓舌有點害怕但又有點急不及待想要吃於是在那邊一直吹..吹到被隔壁桌的客人笑😶總括來說 好好玩😆肉骨茶湯底在下好喜歡某程度上肉骨茶是一個不想被遺忘的記憶碎片也是那次開始在下注意了這東西然後配料因為都是自己選自己喜歡吃的想必不會不喜歡吃質素正常

路經旺角，和朋友做完facial找找有什麼新店好吃，找到了這家名字很有趣的米線鋪！而且就在我們附近，所以想也不想，直接去了！小草十八怪靈感應該是取自白居易的《賦得古原草送別》，所以店內大大隻字把古詩印在樓梯牆上。這裏主打石鍋米線，當然要試下，所以點了2個！見到仲有串燒，當然也不可錯過！比起一般米線店，這裏多了份新意，仲有籠仔荷葉飯！之前也食過石鍋米線，但米線和湯已經預先準備好，但這裏的全由自己動手，石鍋、米線、湯、材料都是獨立的上，枱上放了製作歩驟，自己DIY！十分有新意！石鍋米線可配9種食材，放在盤內送上，很齊整！石鍋很夠熱，首先將芽菜和葱放入鍋，再來是生肉類放進去，其餘的就按個人喜好！放完材料然後倒湯，再蓋上湯，等大概一分鐘，最後再放入米線，那便大功告成！我的香辣金湯金黃色，睇落似南瓜湯，但辣度剛好，那種微辣由口滲出來，但又不會過辣。我的有墨魚仔、柏葉、豬肚、豬軟骨、腩肉、鯛魚片、牛肚、羊肚菌等配辣辣地的金湯好夾，食材已經預先醃好味，所以好入味，加上米線彈牙，令肚餓的我食唔停口！朋友的沙嗲也一樣，好好味！串燒比我想像中細串，但燒得惹味，尤其愛孜然羊肉！我們仲點了燒扇貝、炸雞和豬扒，

經常性食米線，因為快靚正，無意中我發現左一間個名好特別既米線，叫小草十八怪，除左米線仲有串燒食，見到menu價錢仲好抵食，就決定去食lunch。石鍋米線$85佢主打係九宮格石鍋米線，可以自選9款配料同湯底。我叫左香辣金湯，佢既味道好惹味，比平時食既酸辣米線多左一份鮮味。而材料選擇都多，封門牛柳同羊肚菌比較偏門都有。石鍋上枱後，店員會幫手係我地面前煮，加埋視覺享受。土魷馬蹄香菇肉餅荷葉飯$48呢個係屋企食到家常菜既味道，加埋荷葉蒸，鎖住肉汁，而重點係好大籠，呢個價錢竟然份量咁大，超抵食。凍頂烏龍茶$22呢個特飲真係好大杯，我覺得2個人都無問題，食完辣野同串燒，飲杯冰凍烏龍，即時降溫，無咁熱氣。原條燒茄子$25呢度既串燒真係物超所值。燒茄子非常大條，而且火候控制剛好。加埋蒜蓉辣椒，少少孜然粉，既有風味，再加上茄子軟軟嘅質感超好食。呢間小草18怪嘅質素真係好出乎意料。除咗燒茄子，佢嘅司華力腸，雞軟骨等等都相當唔錯，而且價錢都合理，服務態度唔錯，下次我會夜晚帶埋朋友再幫襯。

行開旺角攰攰地搵嘢食，女人街食肆臨立久唔久就轉新餐廳，見到呢間好似新開就試下，黃色搶眼地下門口玩味夠濃。🤟🏻🤟🏻樓上雅座到閣樓等咗約10分鐘獲排入座。餐牌眼花繚亂好多選擇，主打石鍋米線 ($85起)🍲、車仔米線 ($35起)🍜及籠仔荷葉飯 ($40起)，仲搭配埋串燒，選擇困難症患者應該要花好耐時間先點到餐。想試多啲嘢食，所以兩個人寧一碗米線兩份食加勁多串燒，並無揀食碗米線。見到石鍋九宮米線幾吸引🤤🤤又特別就選咗再揀咗九款配料(封門牛柳🥩、豬軟骨、冬菇、蘿白、花膠、蝦仁🍤、炸醬、雞翼、墨演)跟肉骨茶湯底。隔咗10分鐘左右侍應送上一盤鮮配料、米線及湯底，有啲似打邊爐感覺，幾得意🤩🤩！再隔咗一個字左右送上埋石鍋。侍應姐姐就好似炒餸，將配料逐碟落入石鍋炒拌，再加入米線及湯，蓋上蓋，提我哋可以一分鐘就食得，如果想米線腍身啲就焗耐。說時遲那時快，焗緊米線之時，幾款小食紅油皮蛋($18)、南乳雞翼($20)、煎餃子配泰式辣醬($15) 同串燒陸續上枱，失控叫咗好多串燒： 茄子($25)、脆肉瓜($10)、金菇($10)、雞軟骨($220、雞腎($15)、扇貝($20)！碟碟都好吸引，開動！😋😋紅油皮

朋友帶我來新開的石鍋米線「小草十八怪石鍋米線」。位置係旺角女人街，好方便！叫咗兩個石鍋米線套餐同一個小食。小食紅油皮蛋率先上枱。皮蛋夠濃香。而石鍋米線就要稍等一陣先上枱。石鍋上枱時表面好熱，要小心唔好掂到。套餐包咗石鍋米線一份加九個餸，九個餸唔可以重覆揀。湯底有5款口味，香辣金湯、沙嗲湯、馬來西亞茶、火腿瑤柱肉骨茶、酸菜魚湯。而麵底有米線、公仔麵、飯。第一次嚟職員會教我地點整，記得蓋上蓋子後要留意有無出大量蒸氣，一見到就要拎起個蓋，唔係就會overflow～香辣金湯微辣，有南瓜同鹹蛋味，湯底好濃郁。酸菜魚湯好香酸菜味。九餸之中最正就係腩肉，好入味好軟腍。同埋特飲好大杯！我一個人飲唔哂🤣

石鍋米線：香辣金湯配九款(自選)配料，黑牛柏葉、大腸、酸辣炸醬，花膠、鮮魷魚圈、貢丸、腐皮和羊肚菌。由於石鍋達致200度高溫，店員會先問問要否幫忙還是客人自己參考製作步驟圖體驗烹煮。我見店員首先加入蔬菜，其次就是需要烹調的配料，最後加入高湯，很快便會聞到香味和聽到咋渣聲的聲音。香辣金湯有咸蛋味，薯粉軟硬適中。瑤柱蒜蓉海鮮荷葉飯：海鮮包括扇貝、鯛魚片、蟹柳和魷魚等等，啖啖飯香有荷葉香味，整體賣相不錯，建議加入豉油提鮮。蝦膠釀豆卜：蝦膠份量一般，外脆內軟，建議大家趁熱食，沾上泰式酸甜醬更加惹味。青檸薄荷梳打：目測估計有一公升，只是盛惠$25，配合煮食只需要加$15 ，青檸薄荷味很不錯，由於份量太多，最後還剩下半杯。小草特色串燒：原條茄子，絕對是招牌串燒之一。茄子厚肉，配合一些蒜蓉調味非常香口。

今日嚟到旺角一間新開嘅樓上餐廳。餐牌多元化得嚟仲要掋食，下次一定再嚟石鍋米線（$85）- 任揀九款餸配幼薯粉，好豐富。湯底揀咗馬來肉骨茶。有石鍋滾住，保持熱度keep住美味，真係連湯底都飲晒。枱面仲有埋step by step guide，一定唔怕岀錯喇。瑤柱蒜蓉海鮮荷葉飯（$65）- 用咗荷葉所以好香～啲海鮮份量好足，有魷魚、魚、扇貝同珊瑚蚌，飯又多，性價比好高。我哋仲叫咗啲串燒蒜蓉燒扇貝（$20）原條茄子（$25）牛油粟米（$10）翠玉瓜（$10）紅油皮蛋（$18）- 對我嚟講唔算好辣，仲係溏心，好好味😌佢哋嘅特飲都係勁大杯🤣 芒果凍頂烏龍茶（$25）就有啲過甜，杯青檸薄荷梳打（$25）就好飲解渴。

今日試左呢間小草十八怪石鍋米線，我同朋友食完都大讚，仲話一定會再黎。呢度既signature就係石鍋米線，我地嗌左$85米線set，可任選九種配料，選配米線/幼薯粉/公仔麵/飯，再揀湯底。 我地就揀左: 美國肥牛、腐皮、枝竹、豆卜、蘿蔔、鯛魚片、五香辣豬軟骨、香辣蕃茄牛肋條、小草麻辣炸醬，配香辣金湯米線。所謂石鍋米線，就係利用已經燒熱左既石鍋既熱力將啲配料煮熟，因為第一次試，我地就叫左店員過黎教我地。依次序，就係將本身配有既芽菜同埋韭黃落鍋炒一炒，然後就放生既配料，例如生肉、魚片，輕輕炒到半熟，就放啲蔬果類同埋本身熟左既配料，再落米線，加埋湯就冚蓋焗半分鐘。呢個米線食法新奇，整既過程聽到炒野吱吱喳喳既聲，落湯滾起果時覺得自己好似打緊邊爐咁，米線想淋d硬d都可以自己控制，呢個體驗幾特別。籠仔荷葉蒸飯係呢度既另一個signature。我地嗌左$65既瑤柱蒜蓉海鮮荷葉飯。我自己就好鐘意呢個飯，海鮮足料唔馬虎，飯底好香蒜蓉味，重點係佢係原個木盒上檯，打開蓋果刻出哂煙熱辣辣，好岩feel。除左米線同飯，串燒一樣出色，我地叫左翠肉瓜、司華力腸、雞中翼、蒜蓉燒扇貝。火喉控制得好好，每樣都燒到皮脆肉嫩

一間新開樓上米線舖本身以為米線頹廢同埋唔係好環境估唔到入到黎裝修幾好好綠色啊～都是草草招牌石鍋米線🍜 $85可以有9款配料滑牛肉、魚片、金菇、蟹柳、雞肉等等上到嚟係自己倒落去，再加入熱辣辣嘅湯配酸菜魚湯跟米線，好酸好開胃同埋個辣都唔係好辣定唔住！新鮮熱辣辣嘅米線唔會凍，石鍋一直發熱！仲有佢地荷葉飯都真係好唔錯估唔到一間米線鋪整得好好味蟲草花蒸雞荷葉飯，雞肉滑而且分量十足，配上荷葉嘅香味撲鼻仲有唔可以唔讚就係呢度小食韭菜豬紅、仲有口水雞，非常惹味蝦膠讓豆卜炸到好脆再配上酸甜醬～好正呢度仲有串燒推介茄子同埋韭菜兩個都好入味仲好新鮮嘢飲可以加大！芒果凍頂烏龍茶同埋梳打都分量十足

自選9樣餸石鍋米線 $85所有餸菜上到枱，自己放落石鍋煮熟，店員好細心咁我哋落邊樣先，讚👍🏼我哋揀咗肉骨茶湯底，好香，餸菜一般，正常無伏，特別提一提個炸醬幾好食！呢種食法嘅好處係食到尾仲出緊煙～蟲草花雞荷葉飯 $4x勁鍾意呢個飯！勁香，飯入面仲有瑤柱、蝦米、冬菇，好入味，豉油都唔使落，估唔到呢個價錢可以食到咁好味嘅荷葉飯😳出色過米線！應該用呢個做主打嘛😂以上兩樣仲可以+$12叫特飲，特飲係超大杯，上枱嗰下真心嚇一嚇😂其餘仲叫咗啲涼拌皮蛋、炸蝦膠豆卜嘅小食，又叫咗燒茄子、翠肉瓜、雞軟骨、扇貝、娃娃菜、牛舌，燒物整體落得太多調味，有啲咸，但價錢係勁平😂叫咁多總共$333，無加一，係抵食嘅～

第一次米線石鍋，所以唔記得影配料.......自選9款配料石鍋米線 $85 ＋凍檸樂 $9 （跟餐 ）火腿瑤柱湯底米線紅燒牛肚鮮魷魚圈腐皮黑毛豬腩肉片十八怪昭通炸醬香辣豬軟骨牛丸第一次玩,自己將配搭倒落石鍋到，有啲興奮所以唔記得影相。但佢哋入嘅配料都幾新鮮，所以都唔錯，只喺有啲貴，所以 唔喺啱成日去食，但間唔中去食吓/打吓卡都幾得意同唔錯。

我2:22到，寫完野落左單叫海鮮荷葉飯+一個石鍋米線，條女收左張野寫枱號15又無覆單，之後等左半個鐘，隔離周圍枱上晒野食，隔離枱到左即上飲品，我地咩都無上，咁我叫佢上飲品先啦，佢先上，遲黎既伯伯落完單即上野食，我真心嬲左，白等半個鐘，無野飲無野食無人理服務差勁👎🏻哩間垃圾服務，以後都唔會黎試，諗住黎試下新野，勁差既體驗