小草十八怪石鍋米線 (已結業)

自選9樣餸石鍋米線 $85所有餸菜上到枱，自己放落石鍋煮熟，店員好細心咁我哋落邊樣先，讚👍🏼我哋揀咗肉骨茶湯底，好香，餸菜一般，正常無伏，特別提一提個炸醬幾好食！呢種食法嘅好處係食到尾仲出緊煙～蟲草花雞荷葉飯 $4x勁鍾意呢個飯！勁香，飯入面仲有瑤柱、蝦米、冬菇，好入味，豉油都唔使落，估唔到呢個價錢可以食到咁好味嘅荷葉飯😳出色過米線！應該用呢個做主打嘛😂以上兩樣仲可以+$12叫特飲，特飲係超大杯，上枱嗰下真心嚇一嚇😂其餘仲叫咗啲涼拌皮蛋、炸蝦膠豆卜嘅小食，又叫咗燒茄子、翠肉瓜、雞軟骨、扇貝、娃娃菜、牛舌，燒物整體落得太多調味，有啲咸，但價錢係勁平😂叫咁多總共$333，無加一，係抵食嘅～