小肥羊 (已結業)

服務員有些態度好好, 有些唔知係咪大陸,好無禮貌。食品ok,羊肉、墨魚滑、炸魚皮好味。赤貝、蝦丸、墨魚丸不用試!

第一次去的時候, 覺得是驚喜第二次再去, 都仍覺得okay~辣湯底正, 唔辣0個邊都好正, 直頭可以當湯飲~羔羊肉好好食, 仲有:冰豆腐, 豬紅, 羊羔粉, 雞脾姑唔錯, 吸入了湯味好好食~ 佢地d甜品亦唔錯~好似雷沙湯圓好正,食0個陣時仲熱熱地, 入面0既花生好好食, 仲有煎堆同有糖的脆麻花都好好食~羊脊肉反而麻麻地, 羊肋骨更無咩肉食~6個人去, 埋單平均每人$150人越多就越平, 可以試多d0野okay啦~ 會再去

試過去他們的下午茶，價錢只是四十八，但服務真是十分之差！記得那天本人和其餘四位朋友約在小肥羊等，由於當日本人遲到，因此本人自己上去。他們當時已點了一些食物，但本人根本不知他們點了甚麼，所以再一次點了鳯爪。朋友甲見有兩碟鳯爪同時來到，就說：”我們只點了一碟！”我就說：”但我剛才也再點多了一碟，是不是合共兩碟一齊來呢？”朋友甲後對待應說”那沒事了，應該是點兩碟．．．．”那個中年女待應竟然狠狠的矋着我的朋友達十秒之久，還不時回望又不知說着甚麼似的。我們覺得只是一個誤會，又不是做了甚麼大件事，怎可能如此對客人？難道是把國內的沒禮貌傳統也帶來香港？再者，下午茶價錢是平但質素也絕對成正比（差）！加上超低水準服務，怕且沒機會試他們的火鍋了！

在烏魯木齊分店吃過一次，在銅鑼灣分店吃過兩次，始終保持高水準，嗜羊者不可錯過．該店的羊肉鮮味得很，加入雞髀菇之類香菌，更能吸收湯底精華，一絕！建議各位集中一點吃羊肉，免得湯底太混雜，失卻風味．香港的小肥羊人均消費要$200-$250，在烏魯木齊便宜得多，本人今年八月到絲路旅行時光顧，三個人捧著肚子走只需人民幣90 元．如果你要到國內旅遊，見到小肥羊記得吃一頓，好過買手信！

收到內幕消息，知道晌18.11.2004 去呢間小肥羊，d火鍋料(海鮮類除外)、湯底可以有食$100，得$100 coupon (於17.12.2004之前用)，所以我一個星期前就book左一張檯，同男朋友同埋佢細佬一齊打邊爐啦。我地order左一個羊肉拼盤(包括3種唔同o既羊肉呀)、帶子片、蒙古肥牛、小肥羊粉皮(熟左之後，有d似河粉)、魚皮餃、冰豆腐、脆鯇腩、羊脊肉、魚皮同埋羊肉小籠包(有6隻)。我自己本人就鍾意佢地o既冰豆腐，好特別，將d豆腐雪到結冰，放落去"錄"左之後，ｄ豆腐有好多細孔，食落有ｄ似臭豆腐ｏ既質感，好特別。至於其他火鍋料都好好，好新鮮，好靚。講真，真係可以試下晌呢度打邊爐，不過價錢就唔平啦，差唔多要$780埋單（不過，今次有$500 coupon俾番），位位$260，真係唔平law。

今日同媽媽去食飯,下午茶$88 兩位任食.都有很多選擇,但水準就很........有高有低.好的有春卷,黃金大餅,五香豬肚,其他的點心,大部份太多油.傳菜的呀姐又時常錯單,真的一分錢一分貨!!!

中秋節去,照開到零晨三點,整體感覺好好.火鍋:鴛鴦鍋- 幾好.麻辣唔太辣,等冬天先食會好d.羊- 可以叫$11X果個拼盤,試過邊隻o岩自己口味再散叫.我就比較喜歡肋腹.天氣再凍d食羔羊應該都會正.蒙古肥牛- 交足功課.間唔中同d羊味互換下.無咁寡.花膠仔,牛骨髓,菇四拼- 都好.菇新鮮,不好菇不叫都無損失.唔知乜乜粉- ok.但連名都無用心留意.不吃無損失.小菜:羔羊小籠包- 講包就包得好,好多汁.但味道唔多夾,怪怪咁.食完一粒唔想食第二粒.烤羊"隻(唔識打費事搵)"串- 肉質得意,好多調味料,留番個肚食火鍋好d口水雞- 雞好滑,調味幾特別,食左一件,都係留番個肚食火鍋好d飲品:西瓜汁- 真係西瓜汁,唔係紅色有西瓜味既水.其他:平時peak hour我唔知,但今次我第一次去,半夜一點,環境服務都好好.唔識d羊既部分問灰色衫果位姐姐,都好親切咁教我地分,食個次序.黑色衫哥哥又提我地花膠仔要早d落.人數方面,兩個半人(因為第三位朋友係黎"食少少" 傾下計),都係大食怪,不嬲都係兩三個人食五六個人份量.埋單$86x."正常人"應該會平d的.

由於妹及妹夫食過番尋味又極力推介, 上星期同家人一行七人去食火鍋; 點了麻辣及上湯湯底- 湯底有很多料,起初見麻辣果邊大家都有點'餚底'... (我喜歡吃辣但也頂唔住寧記既麻辣湯底) 膽粗粗一開始就食麻辣果邊...ok喎,辣得黎好易入口... 火鍋料點了羊的拼盤(有四款),羊肉丸,肥牛,帶子,冰豆腐,魚皮餃,溫室豆苗,皇帝菜,墨丸..etc另外點了口水雞, 甜品...etc除了冰豆腐及杏仁豆腐令人失望之外, 其他的都很滿意, 有機會一定會再幫襯.

今日去左食晚餐, book 左檯都要等半個鐘先有位~d 野食好好味呀, 雖然無咩特別, 但質素取勝~推荐: 冰豆腐, 魚皮餃, 蝦丸~~

琴晚同daddy去左呢度食~ 我同佢都係鍾意食羊既人, 亦都係第一次去食!我打電話去訂, 個知客ok喎~ 我早到左, 雖然唔係即刻有位, 但係張枱都準時俾到喎~兩個人叫左:鴛鴦湯底$78 (正)蒙古羔羊$58 (比高級羊肉有羊肉味但肉質粗糙)高級羊肉(唔記得咩名) $88 (肉質敕但冇羊肉味)羊脊$88 (一定要試!)羊肉小龍包$28 (6隻) (好食! 好抵!)凍豆腐(一定要試!)大白菜(唯一一樣野失望, 因為d菜唔靚)肥羊粉(寬) (一定要試!)魚頭(無特別)3支氣水(因為未有酒牌, 得氣水)2位茶錢$16埋單$530如果以食既質數(我覺得我叫既每樣野都好食, 個湯底最正), 服務態度(好多伙記, 仲好照顧周到), 環境(乾淨新淨), 咁既價錢係ok! 因為我地兩個人食到勁飽, 仲係食唔晒d野~呢間絕對可以一試! 雖然貴左少少...但係如果有人請就死都去呢間! haha

都ok啦, 唔係好好食, 又唔叫做好難食, 可能同屋企人食有老人家, 唔試到好多新野囉! 我個人覺得太貴, 不過羊肉小籠包都幾好食, 個皮幾薄。

去完美食博覽, 唔知食咩好, 一早已經想食小肥羊, 咁想去試下啦, 因為真係未去過, 又冇電腦係手, check唔到地址, 打去電話公司check 佐個電話, 想問個正確地址, 一打到去, 一個廣東話唔係好正既女人接聽, 我問地址, 佢問我有冇訂臺, 佢話幾日前已經book 滿佐, 唔再接受訂臺(佢好惡, 講野好似鬧緊人咁>.< , 咁我問佢黎等會唔會有臺, 佢話, 你咪黎囉, 咁我問佢地址, 佢就叫我等等, hold 佐我條線over 5 分鐘, 我只好收線再打過, 打到去, 又係佢聽, 我問個地址係邊, 我唔識黎, 佢就問我點過黎, 我話坐地鐵, 佢就同我講係邊度出見到好大個牌就係, 完全冇講街名同幾多號no. 其實我好想食, 但我男友見我全程唔該前唔該後, 而對方既態度就好似好冇禮貌同超惡, 最後我男友唔肯去食>.< 我打電話時未到6:00, 唔知會唔會咁早就好忙呢?我問佐人大陸邊度有得食, 我好相信我唔係香港食啦

見到咁多位人兄講到香港分店咁貴,我諗我都唔會試喇,要食,我真係寧願返大陸食,計計埋埋d車錢,我都仲有賺,上面真係平好多囉!~ 車厘推介: 肥羊粉,上台時以為冇料到,點知一放入窩到一6,慢慢咁會變半透明,嗱嗱嗱...呢個時候好食喇,因為剛剛好,煙煙un un ,如果太耐,會好淋,個人就唔會好鐘意,不過點食都咁好食!! 三鮮餃,正到死!!!入面一D都唔似出面0個D死實實,勁juicy,入口D汁多到必出黎,所以食0個陣要小心D,在加埋佢地D辣湯,好食程度真係要你親身領略先知~冇得頂! 其他都唔講喇,水準都幾高,幾好 p.s.以上推介只限大陸分店,香港小肥羊我仲未食過,不過我諗都唔會爭太遠gra?

食物質素普通，價錢偏高。羊肉依然有羶味。湯底有嚴重味精。要飲好多水，環境不太好，不過服務不錯。但唔會再有幫襯。七個人幫襯小肥羊，結果做左大肥羊，仲送羊入虎口tim。

鴛鴦鍋, 兩面都有好多藥材類物體. 味道好夠. 麻辣果面, 初頭唔覺好麻辣, 食到最尾既肥羊粉至知死. 不過淥羊既話, 我地一致認為用清湯果面比較好. 麻辣會掩蓋左羊肉既騷味, 反而個清湯既藥材味同羊好夾.羊肉組合(好似$118), 有腰腹、肋腹、特級同精選四種(其實後兩者既名唔記得, 總之就係至貴果兩種羊肉啦). 擺埋一齊食, 就感覺到其中分別. 前兩者比較有咬口, 至貴果隻騷味最顯著(不過都無想像中咁騷), 次貴果隻質地比較鬆散, 相比起其他就無乜特別.里脊肉, 有咬口, 淥得耐都唔會好un.冰豆腐, 索埋湯黎食, 一流!見佢餐牌有好多野菜, 但唔見點菜紙有, 問個waitress, 得一種叫紫貝葉既(附圖). 果然唔同普通蔬菜, 味道濃烈, 不過唔係人人都岩, 在座就有人覺得陣味怪怪地喎.肥羊粉, 煙煙un un又索湯, 好味~~另外叫左牛骨髓、皇帝菜(無乜特別)、四串羊肉(都係無乜特別)、三枝細啤酒、一渣甘蔗汁, 埋單$560. 坐得幾舒服, 無想像中咁多人同混亂, 不過部分侍應既服務態度依然有待改善. 總括黎講都值得一試既.