小肥羊 (已結業)

25/3，一行5人2點鐘黎開餐，叫左好多點心，野食都幾好，侍應都好有禮貌，抵讚。我地坐到4點幾，之後去左行時代廣場。大家都食得好開心，會再黎。

前幾日去左試食下午茶任食,未去之前睇到D食評都係壞多過好,真係有D驚,不過諗住可以間間分店水準唔同,試下先啦~~2點鐘去到,都唔使等位,可能係平日啦!$40一位~~平日黎食唔使$5茶錢,幾抵,環境比酒樓好D,無咁迫同嘈,都幾舒服。叫左好多樣野食呢!有蝦餃(好鮮甜多蝦)、羊肉春卷(長長地都唔少羊肉,好脆口)、羊肉餡餅(好似D油鬆餅咁好食不過漏左D)、灌湯餃(OK入面有D海鮮粒)、喬麥千層糕(好好食,似馬拉糕)、九菜盒子(一塊好似蛋包煎香包住D粉絲冬菇)、素粉果(好多粉但個皮有D林)、椰汁馬豆糕(好香椰味,馬豆都唔硬)、龍珠西米糕(好煙UN)、雞絲粉皮(D粉皮係一條條粗身,都OK,辣辣地),總括來講,都值得去GA,可以慢慢食,食到4點半。

Lunch buffet $50 only, food is quite good. Worth to go. Dinner around $200 per head, quite expensive. Not worth.

前幾日都女友2人第一次去試試.....都幾多人, 越來越多人等添.....等左差不多一個鐘, 終於有位了....叫左個"冤央"窩, 原來此窩已規定是麻辣湯底同藥材湯底。食物方面: 個個咩咩羊肉配極品肥牛, 手打羊肉四寶丸, 珊瑚蚌, 牛骨髓, 生菜及肥羊粉(寬)。每碟的份量都ok, 唔算話好少呀~ 羊肉同肥牛真係切到好薄。肥牛片响藥材湯那邊烚兩烚, 食時真的覺得好甜好鮮, 好好味。四寶丸都幾好食, 比較鐘意其中一款羊味重d。珊瑚蚌都幾鮮甜。牛骨髓就普通, 難以入味。生菜在藥材個邊煮, 吸到好多個d薑味。羊粉都好彈牙, 但覺得一般鐘意食。唔知係唔係天氣凍, d 茶好快就凍晒....不過, 覺得都幾貴下......

最兩日食小肥羊，超多人，訂左位，去到再等多半個多鐘頭先至有位。個湯真係好正，好多料，未滾起已經好香。叫左0既火煱料之中，羊肉四寶丸、花膠仔同蟹子墨魚滑比較特別。花膠仔加埋個湯底，真係好好味，d 丸都好爽又彈牙。不過三個人食要成五百幾蚊，都幾貴，唔係好抵食。

食物質素與價錢不符. 即係"又貴又唔好食".

小肥羊的午市任食真係好抵, 星期六計埋茶錢加一兩位都係$121。我們兩女子準時十一點到, 一個鐘頭之內已經食左廿五款共廿七碟, 小休一下響1:45pm夠鐘之前, 再來兩個甜品、一客羊肉水餃同一碟菜, 超級飽飽哦呵呵呵; 除左食剩兩個奶皇飽, 碟碟照鏡好靚女亞呵呵呵。必食: 瑤柱湯包, 羊肉水餃(乾身的一粒粒)推介: 蒸大腸, 牛栢葉, 春卷不必食: 雞絲粉皮, 口水雞, 奶皇飽, 羊肉餡(酥?)餅注意: 兩位是冇得訂枱的, 要walk-in。

去過好多次~ 都係咁鍾意~ 下午任食點心款式夠多~ 又好味~ 而夜晚火鍋更加唔洗講~ 記得第一次去,冇醬料比人'點'..真係有d唔慣~ 但之後發現個湯底真係咁濃咁正, 所以都覺得冇醬點都唔係問題o既~先幾晚同3個朋友去, o岩o岩好4個人,又見到有一個4位用o既健康精品羊排鍋套餐~ 先係$300幾...所以就點左~ 不過份量其實唔係太夠~ 如果散叫可能仲好~ 又可能因為表榜健康啦, 所以個湯底好似比平時叫開o個d淡左少少... 不過個set度有個好好味o既餅..唔知係唔係叫黃金大餅啦~ 真係好好呼~講返火鍋d料~ 一定會叫o既有蒙古乜乜羔羊片($50幾o既)..仲有寬羊粉同手打墨魚滑~ 真係好得~~

在此website 看到Comment 所以去試.叫了以下Dish:小羊排steamboat :湯非常之有味,like 個waiter 話真係吾需要soilsauce.inside有好多羊排同菜,highly recommended $118頂級羊肉: 一個字,好!!! $88石斑:好新鮮,同個湯好夾!! $88Crab粉餃: 似福建丸外皮,不過入面係好足料的Crab粉,so nice........!! $38黃金大包: 見人叫我又叫,不負所望,soft and Yummy,入面有小小springonion,正!! $１0 only黑柏葉:可以吾要,因其他野太好:$38加2支大啤連茶芥加一:$495......for兩個人,我覺得oK ar!!會再去同再試其他新野,因為我見個menu都有好多選擇。同記得Book!!!

服務~~可以話ok啦!!!食品~~ 好似食黎食去都係果d

除了湯底及多款羊肉外，其他食品一般。對我經常回祖國的人來說，用這個價錢來吃這些"特式"，實在太貴了。

我是第一次到小肥羊打邊爐，一步入大門已傳來陣陣香味，令人食慾大振!叫來幾碟邊爐料，碟碟新鮮兼份量足。最特別在於只在湯底滾熟不用醬油已味道十足。而且食後完全無口渴感覺。最令人開心不只是食物美味，而是正當眾人埋首品嚐美食及談笑風生之際，一名有禮的服務員(員工編號197綽號建靈公主)幫我一位口沬遮攔正說兼食得忘形的好同事拾回LV銀包。不單要盛讚他路不拾遺的高尚品格，而且他相當健談向我們推介下次可試什麼食品(因我們已叫了滿桌都是食物)。23:00過後"建靈公主"沒有那麼忙碌，他和周主任(同樣健談)與我們大說飲食心得。不亦樂乎!

星期六訂了位7點, 但都唔算多人, 一入到店好勁酥味, 點了鴛鴦鍋叫了7樣野, 頂級肥羊(無傳聞中咁好), 金菇(比平時的粗d, 很有口感), 魚頭, 石蠔(可選擇生食, 但落鍋好食d), 冰豆腐(吸了湯汁, 味道唔錯), 冬瓜, 蟹子墨魚滑(侍應會主動問要否幫手攪拌)總括來講味道都唔錯, 而招呼亦無傳聞中咁差, 叫人同加湯都好快, 而侍應們都很有禮貌, 雖然價錢唔平, 但耐唔耐食一次都可接受題外話: 食完後, 成身, 包括個袋, 都好勁味, 如果食完要去蒲, 先奇唔好食呢間

星期日午市至1:45pm $50位任食飲茶下午茶2pm就開始﹐$40位再加$5茶錢。我覺得都ok抵。我2:10度去到都係等左5分鐘檯度﹐不過D野食真係黎得極極極慢﹐起碼等左25mins先有d d野食。如果你唔係好肚餓或者好多時間'hair'既咁先好考慮。D點心普普通通啦﹐起碼無一碟我地覺得難食﹐羊肉既點心唔算多﹐我覺得OK 但我婆婆就話好酥頂唔順。

佛誕補假，同屋企人去深圳，又聽聞小肥羊好平，所以就試試﹗7點幾去到，都幾多人，不過唔洗等，地好好大，叫o左9碟生料，份量比一般香港的打邊爐多。四個人都食等好飽，埋單都係191蚊，真係幾平。材料特別，好多不同的羊，羊的不同部都有得食。羊片好多﹗不過湯底就好多味精﹗