小肥羊 (已搬遷) 新店位置

今次用團購價$98+$30(要現場比)食佢原本$148+1既火鍋任食。咁多款肉只有羊肉係好食，其他肉除左個樣唔得之外味道都麻麻。可能因為平安夜前夕所以都等左15分鐘。座位之間既通道都幾窄，不過職員都有拎張椅子比我地放野。湯底揀左鴛鴦鍋(麻辣+清湯)。(唔好意思無影到相)本身$148個餐都會送既蠔、蝦、牛肉。牛肉蠔蝦一般(建議整熟先食)第一轉既肉。賣相味道一般啦。有牛肉、羊肉、豚肉、雞肉。第二轉既羊肉

最近凍凍地又身痕想去滾(邊爐)啦! 我怕肥，揀咗午餐去滾，原來小肥羊市任食做優惠，假日只係88蚊(另加一)，抵到一個點!原本阿妹話約咗朋友high tea唔食，我話叫佢響門口聞下陣味先，佢諗2秒唔夠就話要食XD至於食物同晚巿有少少分別，得豬牛羊雞係落單，其他出去自取，呢個價錢黎講依然抵食，去快餐店食加完配料都差唔多了，咁不如小肥羊啦，任食啱哂我呢d大胃妹。

今日難得天氣凍凍地,所以就同老友去左荃灣大鴻輝小肥羊打個邊燈! 大家都食得辣~所以叫左個麻辣湯底~相入面大家都見到限定拼盆入面既牛同蝦賣相都好唔錯,食落限定牛真係明顯比其他牛肉好食好多~可惜得幾塊!!! 不過OVERALL 黎講,其他食物質素都唔算差~好似圖入面既豬肉片咁,有賣相之餘,食落都唔錯~大家如果天氣凍凍地都可以黎打個邊爐試下啦~

如果食過幾年前既小肥羊，相信會知道同宜家有幾大分別，一直很鍾情小肥羊既湯底，夠濃和很香藥材味，不用沾豉油調味，雖然湯底依然香濃，但火鍋配料實在令我大失所望，選擇不但少，而便離譜的是比一般酒樓任食火鍋的還要少，雖然價錢比以前優惠，但我寧願比以前價錢，要回以前質素。愈做愈差，難怪全港執剩這一家

第一次嘗試這火鍋店，職員在加水的過程中不小心把麻辣火鍋湯彈進了我的眼睛，並不顧而去，我說了眼睛睜不開，很辣，很刺眼，沒有職員上前問候或幫助，只是站在旁邊看。嚴重失望。

本來有好多食材自助去選擇，突然有一日上去變到咩都無，價錢表面減左，實際無變，除非你選擇最平個set,睇怕都做唔住，不過見到其他分店執下執下，剩返荃灣一間就知有問題，大家都係落樓下選擇其他打邊爐

執吓執吓，全港得返呢間小肥羊，依家做埋平價任食，掙扎求存裝修高檔，地方闊落任食有幾個plan, 最平$118，有四款肉寫紙任點(咩價錢都一樣，所有丸類菜類飲品自助)，送串燒。我們選$148，也好像是最多人選的，多一款肉任點，再送和牛、蠔同蝦，而再貴嘅價錢都係送多少少嘢，所以都係$148最抵湯底醬料不用加錢，但小童只減$20，細路食唔多化算。啤酒加$18任飲，而免費飲品有汽水機汽水同一渣渣嘅銀菊露可能做平價任食無可避免將貨就價，湯底明顯退步了，以前濃烈的香料味沒有了，麻辣湯更連丁點辣都沒有肉類來得很快，送的生蠔和牛有冰底有伴碟，賣相吸引，質素也高。店員服務也不錯，熱情健談。可惜其他自助的丸類選擇很少，丸就只有一款貢丸，完全無餃類，而午餐肉那些也是平價貨，成口粉。推介芋頭，好香。

星期五啦工作倒數😚，張開手擁抱三日連假啦👻跟住3bad_foodies 食好西😛充充電啦！🔋今次大胃D就向大家推介 #小肥羊 辣妹子必食之選🤗..有3個價錢，我揀既就係中間價$148 肥牛 黑豚肉 雞肉 羊肉 #無限食 2個鐘 質素仲要唔差$148就有生蠔 澳洲和牛同蝦 每人2件 服務幾好 😚麻辣湯底有高質譚仔既味道😂絕對有下次😎

今日收工即興同朋友去左荃灣大鴻輝中心小肥羊打邊爐,入座收費為$138,一上到去就有位唔洗等,仲有卡位坐,一坐低二話不說就叫左個藥材湯底,由於我地唔食牛,所以每人加左$48任食羊同其他配料,之前都有去過旺角o個間,但相比下荃灣小肥羊服務較好,有笑容,雖然人手不足但都好好禮貌,等左唔係好耐,湯底已經到左,未滾已經嗅到好香既藥材未,好快點既野食都到埋,好鍾意d羊整到甘薄,好快就食得同埋又唔太羶,肥瘦適中,賣相新鮮,望到已經留哂口水!朋友最愛點烤羊鞍,好香既烤肉味,再加埋個芥辣,簡直係完美配搭,無雪味好香口!象拔蚌感覺不太新鮮,要留意時間,太耐會好似食緊橡根咁!生蠔真係比我感覺最唔好,其實我地好 鐘意食,但一入口已經要吐出黎,直頭係已經變左,相信下次我定唔會再叫!去到尾聲我地出去拎左d菜,其實真係唔太鐘意半自助,我本人覺得有D唔衛生,好似放左好耐比人揀剩甘,總括黎講,呢間服務.食材.環境質素都OK LA

少來了荃灣，連小肥羊由城市廣場遷移到大鴻輝也不知道，現在位於大鴻輝二十樓，設有不少卡位，座位寬敞而舒適，環境光猛而又有電視看。甫進店仍然嗅到經典的小肥羊羊羶味，而且看來抽風系統比樓下大鍋口較佳吧。湯底，一邊麻辣湯底許多辣椒，但起初都不覺很辣，後來愈滾愈辣。油條，竹笙最吸湯，當然最辣。奉送一盤羊肉，起初以為很少，原來這麽大盤也夠四人分享。薄薄的羊肉，羶香味濃，實在大快朵頤。三寶丸，各有三顆。鯪魚丸太多骨，打火鍋不應有食物多骨，雖只是小骨；羊肉丸？滾了許久仍呈紅色，吃落十分羶香。蒙古牛肉片，兩份，與羊肉份量差不多，同樣是薄切，涮兩下可以吃，牛肉味沒以往那麽香濃。墨魚滑，一大盤在外邊自助位置自取，但滾熟後竟然充滿許多粟米等其他雜質，口感欠佳。打從某次在友人家中火鍋，嘗過火鍋午餐肉後，便喜歡浸湯火鍋午餐肉，多於乾煎薄薄午餐肉，既能保持水份，亦禸吸取少許湯底味道。蝦，愈煮愈小；生腸，煮一會便完全縮水；相反，芝心丸、蟹子包等丸類都愈來愈漲。雲吞、燕餃均過於厚皮，皮多於餡則殆矣。油條蝦滑最奇怪，因為油條往往可一浸即食，但蝦滑要煮許久，所以經常會造成兩者分離千百丈遠。油條又軟又爛，但最吸辣味，吃了感覺

10月19日，又去了小肥羊，因為鍾意佢截單遲，我經常都係3:15去飲茶的，座下時唔洗太趕叫嘢食叫咗個～脆麵， 鴨腳扎拼盤， 咖哩魷魚，台式肥牛米線脆麵～ 剛好不會過燶鴨腳扎～鴨腳夠入味.腐皮夠簿.拼盤～嚟到要即食個曼頭夠鬆軟， 蝦餃無乜肥粒幾好，粉果普通，燒賣我本人唔 喜歡從來唔食，所以唔知 咖哩魷魚～勁入味咸咗dd但可接受的。台式肥牛米線～ 湯底真的是台灣牛肉麵嘅味道， 只是牛肉變成肥牛， 米線口感冧左少少服務員唔會扮睇你唔到所以都幾鐘意呢度

今日同個fd出荃灣睇戲，買左飛未夠鐘之際要揾野醫肚先，就去左大鴻輝中心睇吓有咩好野食，大約六點幾，諗住walk in行去大鍋口睇吓有冇位打邊爐，點知排隊等lift既人龍好長，反而小肥羊果邊lift冇咩人等，於是上左小肥羊打邊爐，今次係兩星期內既第二次打邊爐，上到去冇咩人，坐低就叫左個秋冬藥材湯底，睇吓有咩食，每人送3両羊肉卷，我地去個時間係$138/位，任飲加$18,茶位$10,酸菜$10/枱,另須加一，有康師傅冰紅茶，綠茶，蜜桃茶，橙汁汽水等！野食叫左雲吞，蒙古肥牛，響鈴，羊肉粉，丸類，虾滑，墨魚滑等等，仲有我地既最愛蝦添，因為只知而家度度打邊爐未必有蝦食，本人最愛果度既羊肉粉，煙煙奀奀咁，唔駛淥太耐就食得，雲吞都好爽，入面真係食到有蝦，響鈴細細卷，沾了湯好入味，送既羊肉卷都好味，不羶！蒙古肥牛都ok,另外仲有小食可以點，試過皮蛋同口水雞，但皮蛋不太糖心，口水雞都係普通，一向打邊爐都每次飲得一罐野對我㴝講，今晚飲左三罐，仲要講吓佢既湯底，完全不用豉油或什麼調味都已經夠哂味，佢加湯都係加番上湯，不會加清水，整體㴝講，今次又一餐好滿足，食得飽飽既邊爐，值得再來！