小肥羊 (已結業)

新正頭 ~ almost 間間茶樓都加價 ~見小肥羊唔加就去afternoon tea ~都係$56.5 咋 ~已經好耐無去 ...原來e+可以出去拎 ~我覺得開心咗 ~最好味係春卷同綿花雞 ~自己拎嘅雞翼都好好味 ~不過 ... 點解無咗桂花糕 ...又無咗口水雞 ....>.<"

一心黎食羊既點心, 而且又見平雖然都冇expect太多但係d點心真係好差呀!出去任拎既有:蒙古餡餅(算係唔錯的了), 炸芋角(第1次ok, 第2次麻麻), 炒米粉(冇味), 炒飯(都係冇味.....又冇料), 糯米飯(得d糯米, 又係勁少料)栗米羹(算係正常既味道^_^), 其他野都真係不值一提但佢d糖水幾唔錯, 有3款: 合桃露(最好味), 腐竹意米水(都唔錯), 珍珠南瓜露(如果果d珍珠係西米會更好)有d點心要order的(只可以order兩次, 呢d仲差)炸兩(入面既油炸鬼好唔得), 小肥羊春卷(唔係好食得出羊既味), 腸粉(冇黎味道).....好多食物都係試一試就覺得唔掂, 要放埋一邊了><香芋珍珠糕 呢個好味~幾香椰汁味 甘桔馬蹄糕 - 呢個都ok既......比起d點心算係咁架喇.......

好開心我終於有機會食約左班friend 去食小肥羊啦雖然真的是好味, 但係我們埋單都好貴... 叫左好多碟羊... 鴛鴦湯底... 魚滑蝦滑菜金菇芋絲小肥粉 (唔記得係小肥or 小羊粉)好似重有好多野的.. 不過唔記得啦... 埋單每人要HK$ 208 (己經是九點後半價左的價錢)真係好貴呀... 不過佢的可取之處是羊肉配SPICY 湯底令羊的酥味出晒來.. 真係好好味的呀!! 唉... 不過都真係貴得太過份啦... 都唔知佢平時日市有冇客??? 下次去之前都要三思...

星期日下午茶時段同bf黎個"任食點心下午茶",2點~4點 $45位,+$6茶錢,另加一,選擇都算係多,蝦餃,燒賣,腸粉,鳳爪,排骨,炸物呢d唔少得,仲有灌湯餃同埋都有幾多羊肉o既食物,有一款蒜香羊肉炸春卷,呢個我覺得好好食,其他野就一般般啦.....不過呢個價錢我覺得都算抵食架啦...有機會都會再去....

這次長佂至旺角,極少有,因舊戰友從德國來了,遠一點也要去吧.喉嚨不適,本說了只來談天,但來了還是吃了點,也來寫遍.一入內,便有極濃的味,友人說是羊味,好羊的我很感興奮.他們要了鴛鴦鍋,一面是辣的,另一面是含有很多中藥的湯底,我當然是試這個啦.羊肉算嫩滑,很薄片,亦帶"蘇"味,正!! 牛肉一般,帶點"鞋"口.麵條,粗身麵條,像闊條麵,算特別.我不大愛打邊爐,覺得只是烚烚吓,沒有任何好味不好味可言. 這裏價錢不平,要$7XX. 離開後,身上還帶著很濃的味. 可改善抽風系統嗎?

星期六~小肥羊點心任食~加埋一~2位共135埋單~唔太貴不過入邊d嘢唔太好味呢...佢有任你出去拎的地方好似好多嘢食...但搵唔到真係好味的炸的：似咸水角的物體、云吞、炸菜角.....冇乜好味熱的：炒米粉係唯一ok d的其他唔多想食...好啦~點嗰d呢...先講唔好食嗰d先粟米粥....灌湯餃...蝦餃(個皮真係好似咬緊膠咁)...牛栢葉...冇味又咬唔入....蔥油餅...好似咬麵粉咁....好味d的有：沙津棒~內有羊肉~ok~鳳爪...味道ok其他的...冇乜印象了...大部份都係可食可唔食咁......算吧...都係食返佢夜晚的打邊爐吧.....

同學仔介紹，星期一至五 1400 - 1600 下午茶點心任叫任食啵，即刻黎試下啦~50蚊位(包加一茶芥)，任食2個鐘。但係中午好似仲抵食，1100 - 1400 , 3個鐘60蚊位。食物種類唔算太多，都係一d普通既點心、腸粉，糕點都唔多，得2款 - 桂花糕 同 珍珠糕。味道亦只屬一般，最好味既可能係灌湯餃!! 如果想食得飽飽，要求唔高既可以一試。不過環境方便都幾好，唔係太迫同太嘈，可能係平日既關係，客人冇周末咁多。服務員態度都不錯。雖然係任食，但係『食幾多，點幾多』 先係美德 啊!!

「新發現」三個字, 好多時係有褒義、嘉許之含意, 但呢次在小肥羊的新發現, 只係好壞參半。一向, 想食羊肉就好自然想到小肥羊, 其中羊肉丸係首選, 因為羶得來口感軟熟, 跟麻辣湯底極度登對。可惜, 昨晚去時, 找遍整張食單, 都找不到, 取而代之, 是巧立名目的「魚翅青菜羊肉丸」, 叫了, 一試, 見鬼, 這算是甚麼? 山竹牛肉的味道! 離譜!羊肉串變得袖珍, 而且孜然味不足。唯一好的發現, 對嗜辣人士來說是喜訊(當然, 可能你一早已知道) ------------ 如果你嫌麻辣湯底都不夠辣(的確, 冇初開時咁辣), 可以用湯羮把湯鍋中的泛紅的辣油「筆」到碗中, 然後, 再用來點淥好的食物, 嘩, D辣味就返晒嚟!唉, 不過, 羊肉都走了樣, 咁去小肥羊食乜好呢?

平日既下午茶點心buffet兩點開始 限時兩小時$50一個人 (已包tips﹐免茶)食物包括蝦餃﹐燒賣﹐牛肉﹐各式腸粉﹐鮮蝦菠菜餃﹐白菜豬肉餃﹐灌湯餃﹐鳳爪﹐牛柏葉﹐叉燒飽﹐奶皇飽﹐紫米露﹐芝麻糊﹐珍珠糕﹐炸蝦角﹐芋角﹐春卷等等仲可以叫炒/湯粉麵﹐蒙古點心如羊肉飽子﹐上海涼菜如酸辣豬肚絲同時菜我最喜歡的是灌湯餃﹐紫米露和珍珠糕份量同散叫既無太大分別質素非常有水準 即叫即蒸的 上臺時熱辣辣餐廳的衛生情況(包括洗手間)亦理想唔好以為平價餐廳d夥計黑口黑面夥計不但做野快 而且態度很好值得推介 !

是我本身的問題嗎?每次到小肥羊聞到它濃烈的味道，總覺得很不舒服。兩人來到，睇吓餐牌，有二人套餐，不過要成七舊幾水，連加一茶芥要八舊幾先可以落樓，似乎有點過份，還是散叫為妙。要鴛鴦鍋底。本人一向不喜歡小肥羊的鍋底，白湯鍋毫無特色，辣鍋則辣得來不舒服的感覺。先吃不要烚的蒜泥白肉和羊肉飽，蒜泥白肉一塊塊亂疊上去，不吸引。同埋肉質過韌，不夠鬆化，很一般。至於羊肉飽，飽皮做得不鬆，餡料也太少，唔好味。手切肥牛及羊肉都不理想，尤以羊肉為甚。羊肉燥味太厲害，也較韌，不太合意；牛肉賣相是幾好，雪花紋不小，但係肉太多根，未算好靚。素菜類有粟米、白蘿蔔和黃帝菜，都係大路野，只黃帝菜偏老。全晚我最欣賞的是其手攪麵，雖不算很美味，但擺放明顯花了心思。粗身的麵質，也算爽口，仍是可取的。其次，蟹籽墨魚滑都可以，幾爽，幾有口感的。食物很一般，服務較粗，兩條友埋單食六百幾，唔係好抵喎！

平生第一次上小肥羊,不是晚上來吃羊肉,而是來飲早茶.獨個兒霸佔三樓大廳的一角,聽住iPOD看看報紙.渡過一個沉默的早上.甫進門口即感受到一陣羊肉的騷味,或者是心理作用.來到小肥羊飲茶,自然叫一些同羊有關的點心.這天早上胃口好,先來兩味非羊類點心,蝦餃每粒飽滿,餡料爽甜.蒸蘿蔔糕出奇地不錯,一口盡是香甜粗身的蘿蔔絲.接下三味都是羊味,炸羊肉春卷賣相精巧,長條型如意大利代表Grissini.春卷即做一定香脆,但羊味就不算很濃,香料味相對較重.另一味煎蒙古羊餅,也是香料味多過羊味.羊肉水餃才能吃出羊味來.水餃放湯上,餃皮厚度一如北方的厚,羊肉餡充滿肉汁.這味很不錯.很多朋友去過小肥羊吃晚飯,大多說事後吃到一身味,持續三天也不散.有沒有那麼誇張?

心情差，吃麻辣火鍋也是好主意。特式鴛鴦鍋，越來越不夠辣澳洲和牛拼盆，有澳洲和牛、素飽片、白膳片、蟹柳、田園菜、脆鯇片、鳴門卷、南瓜片、金菇菜及青荀這些和牛的肉質不是太好，有點老A級羔羊肉，吃不出和其他羊肉的分別來蒙式烤羊肉串，肉嫩味美蒙式烤羊里脊條，似乎點錯了我想要的東西，口感不及羊肉串好吃紐西蘭桶蠔，雖然桶蠔很肥美，還有七大隻之多，但咀嚼時感到有些微細碎砂或蠔殼碎屑的物體，真的大打折扣。娃娃菜，菜很老又是很滿足的一餐，要捧著肚子回家呢。

小弟得知小肥羊竟然有50元左右的任食任點下午茶!心想是否有傳聞中那麼物有所值!於是就充當小羔羊一試!地點:鄰近旺角匯豐銀行旁邊!地點方便!環境:人流頗多,可以預先告知知客小姐要不要搭枱!由於有四層,所以在一至五基本上不用怎樣等就有位了食物:今次小弟點了頗多食物呢!任食耶!蝦餃:絕對足料!皮不算厚,蝦十分大!愛吃多少籠就吃多少呢!燒賣:不錯!豬肉十足,有蟹子!多吃罪過><!xo醬蘿蔔糕:有不少網友劣評是"一舊粉",我倒覺得白蘿蔔雖未見濃郁,但配上xo醬也是不錯耶!羊肉包子: 喜歡羊肉的朋友會十分驚喜,但不愛羊的朋友則十分嫌惡,我覺得蠻好吃!羊肉水餃: 一如其他網友所言,皮太厚,還好羊肉餡取回分數,普通之作潮州粉果:和羊肉水餃一樣!皮太厚蒙古餡餅:十分失望!煎麵粉團加入羊肉餡!油膩且不好吃的!咸水角:必試!熱辣辣!香口!餡料美味!蝦腸:有蝦仁,腸粉不見特別滑,普通饅頭:椰汁味重!十分驚喜!可能一般人都不會點!但十分美味雙色糯米卷:同樣有蝦米襯托出糯米味,好吃總結:總體來說味道算是不錯!由於是京菜背景的關係!因此十分多羊系的菜式,簡直愛羊朋友的樂園!加上一至五下午茶!只是50

抵抵抵！次次都同媽咪一齊去食！一定會叫D例牌野：蝦餃 - 普通 燒賣 - 無乜特別 咸水角 - 次次去食都係熱辣辣！好食 春卷 - 冷凍凍的！ 腐皮卷 - 係熱的,偏油！ 桂花膏 - 必食, 次次都叫三,四桌 但無左栗米餅了！二人都係食左$113！咁既價錢,好抵的！難怪一次比一次多人！

看了Genki Fans 介紹小肥羊編食評後,才知小肥羊有任食點心 45元+6元茶錢+10%平日更不用收茶錢tim！點心款式都好多,味道唔錯。星期六晚打去訂位,還訂到位星期曰2:00開始,樓下門口已企滿人座位很舒適比一張長型四人枱,平日去開酒樓飲茶，早茶或下午茶一定要搭枱座,小肥羊不設搭枱服務方面：收碟快各侍應均很有禮貌,因我的座位晒更主動說幫客人落窗簾食物方面：燒賣同半湯餃就麻麻, 腸粉我點了牛肉腸粉,餡比較少,都ok 蝦餃、紫米露、桂花糕都好好味 碗仔翅第一次落單已無晒,還有很多點心無試到,因實在太飽吃不下！ 其他都唔錯,埋單每人56,平均每人食了10籠點心,超值！！ 一定會再去！