小肥羊 (已結業)

今日工作了一整天，肚餓非常。於是特到旺角小肥羊，享用$120任食火鍋。過去，筆者曾多次到不同地區的小肥羊用膳，當中如上海、中山、深圳及香港，均留下美好印象，食完又想再食。即使是旺角小肥羊，已不止一次光臨了，只是近年多到內地食小肥羊，價廉物美，所以最近甚少光顧。但得聞小肥羊有任食火鍋，所以便去嘗試一下。可是，旺角小肥羊的任食火鍋，真是令人失望。著名的羊肉、羊串，質素與數年相比，可說是天壤之別。為何同一間餐廳，水平下跌速度會如此驚人？難怪晚上九點多也有不少空位。最氣人是埋單要$340，兩個人進食的價錢，等於中山6人進食的價錢，但中山小肥羊的質素好很多。經此一役，筆者盡量都不再光顧任食的餐廳，因為現在食量不多，追求的是質素。十碟無味的雞肋，與一碟美味的雞翼，現在選擇的一定是一碟美味的雞翼。http://hk.myblog.yahoo.com/chicken-goal/article?mid=2058

早天攞咗大假, 一心陪喜愛飲茶的媽媽到呢度食下午茶任食($45+10%), 因早兩年都同佢去過小肥羊尖沙咀的分店, 無論係食物質素或環境, 又或是侍應的服務態度, 都覺得ok, 所以今次想試吓佢其他分店......點知......阿媽同我哋都異口同聲的說...... "記住下次唔好再嚟呢間飲--------勁差" 。食物方面 : 除咗牛肉球、鳳爪、荳莎餅及杏仁糊之外, 其他什麼潮洲粉菓(皮唔夠薄、饀冇料到)、灌湯餃(湯太多油)、羊肉餃、咸水角(得個脆字)、薑醋(唔入味, 好快冇哂D蛋, 又唔添蛋, 只添薑醋)......服務方面 : 呢日係星期四的下午, 客唔算多, 我哋坐嗰層, 都未坐滿, 但我哋第一次入單, 只入咗七至八款點心(已經故意圈住哂), 都可以漏單, 冇嚟兩籠, 但冇叫嗰d點心, 一而再, 再而三的走埋嚟, 隔嚟枱都係一樣, 間中就聽到...."我哋冇叫呢d", 又或者間中就聽到....."食咗lu, 走lu"......一個字形容...... "亂" 侍應方面 : 簡直係.... "質素差" , 我夠胆講, 依家香港好多連鎖快餐店, 大X樂、大X活都好過佢多多聲, 人哋

天氣冷,老婆話想食靚火窩,問心講小肥羊都幾貴, 我都好耐未去食過,就去下啦.去之前,看了前幾篇openrice 的食評,真係"寫到好差", 或者係之後有所改善,當晚的感受不算很差啊! 我們是選擇任飲任食的.鴛鴦湯底方面, 辣的那邊真是越食越辣,但太野味了, 連不吃得辣的我也食多幾趟.服務方面, 除了在開爐時, 班伙計儍儍下之外(都搞了一陣才成功開爐), 也不像之前的食評說得那麼差呀, 肉也很快到, 我們 一共order 了兩趟 (多我也真的沒本事食), 也很快到呀! (Note: 我們是1840到達, 入座的人也不算太少呀, 九時後的情況會不會真的很差呢?)另外, 任食火煱理論上吃兩小時, 但樓下支客也對我們說, 其實今天也不需要太擔心時間問題,因為也不會太滿呀.還有就是, 侍應們也有重覆提及"你們是不是會員之類" (又不是在 sell 的), 因為會員是有折扣呀.或者, 服務方面已有所改善, 又或者之前的食評過份偏激.當然以這個價錢再食火煱的話, 我們也會再試其他的.最後, 去小肥羊的話, 記得帶上海商業銀行的 credit card (我就無啦), 因為有九折.

久聞小肥羊之名，終於有機會一試，的確不錯~試了鴛鴦湯底，辣的辣而香，清湯則淡而有味，滾完的食物既帶有湯底的味道，又不失本身食物的味(特別是肉類)，不加醬料也很好食~雖然湯底很香、味道也很好，但回家後卻很口渴…食材方面，算是新鮮。款式也ok。只是每次的份量不多，上菜也需一段時間。下次可能要落多一點單。服務方面，整體ok，除了湯底及茶，要叫才添，有點不足…整體來說，不會常來，但會食多次~

上星期五天氣很寒冷，一早訂了這裏七點半打邊爐。我也知道這種天氣人多，訂枱時服務員已說明就算訂了枱還要等，所以我們七時已到達，但亦要等到八時才有枱。但亦覺得可以接受，但是…朋友們來到後，我們便馬上下單，但一個簡單的湯底都要等四十五分鐘，食物更要多等十五分鐘才來第一碟。由於太肚餓的關係，我們連湯底的材料也不放過，皮蛋、馬蹄等都在通通吃光了。打了那麼多次邊爐，完全沒有試過是沒有食物，還要食湯料,真的完全沒有試過這種慘痛經歷!!!!!我們不斷找人理論，員工完全不足夠，根本連找個人來問都很困難。到最後終於找到侍應了，仕應態度很不討好還說其他人都在等。一些不是嬉皮笑臉，就是當作聽不到的走開了。一些還在我們沒說完，在下單時，就走開了。 侍應服務完全不行，沒有禮貌，又 hea。我們實在很痛苦,在沒有選擇的情況下便決定不斷地下單，覺得總有一張能入到單，可以有野醫肚！但…我們寫第三張之際，待應截停我們，說這樣下單也不會有食物供應。還叫我們繼續等。真是太過份我想全場也一樣在等等等！隔離枱見我們與侍應理論後，還給我們一些食物，他們跟我們也一樣，落左好多次單都沒有食物，最後才一次過給他們。所以他們都不能一次過吃

見天氣咁寒~就同BF決定試下呢間啦~~都幾多人喎~~好彩早排隊~唔駛排好耐就可以上樓任食火鍋都唔錯既~~不過就貴左小小~~D食物既質量~都係D平價既野上單之後都好快送黎冇咩特別~~服務都還可以既下一次都會再黎~~佢D湯地一流~~^^

小肥羊和其他外地來的食肆一樣，永遠都糾纏在相同的一個難題上，就是究竟應該保留自己風格，還是應當港化。很久沒有到小肥羊了，他們選擇了港化。餐牌上多了芝士腸，午餐肉一類的地道品種；可幸的，餐牌上仍有足夠的品種，點一桌全羊餐，而且還是堅持不設豉油、醬汁，只靠湯底的味道。東西還是不錯的，必吃的是羊肉丸子和羊肉餃子，還有黃金蔥餅。記著羊肉一定要點最便宜的品種；不知為何，他家的羊肉是越便宜越有羊肉味。新近改良了羊肉串，這個不能不讚，肉粒大了很多，由乾巴巴的肉渣串，變了南洋沙爹，好吃！有些冷門的就沒有了，以前有一個蕎麥的窩窩頭，一大盤的，豪邁到極點，絕對是男人吃的，又粗又寡。吃一盤，保証可騎馬來回蒙古和中亞細亞都不會肚餓。問你服未？小肥羊眼見日本和牛受歡迎，他貴價的羊肉全叫『和羊』，看來，『和雞』，『和鴨』，『和貓』，『和狗』指日可待。

八點半入座, 坐咗一個鐘都未有嘢食!!猛催侍應, D侍應扮聽唔到, 聽到又笑住話枱枱都係咁!!!!後來侍應又話四樓出單機壞咗, 全部人都冇嘢食!!!仲笑笑口講到唔關佢事, 完全唔想理人!!!又過咗好耐, 部長見附近嘅人客好嬲, 先捧住少少嘢食出嚟問大家要唔要, 每枱先攞咗一兩碟嘢淥住先...根據我觀察, 幾乎成層樓嘅食客都係望住個煲, 等嘢食嚟, 而廚房係好耐先出一次嘢...我懷疑係特登拖延!!!過咗個幾鐘, 開始見D食物有跟單出, 但又出錯晒, 冇叫過嘅就嚟, 叫咗嘅冇嚟過我哋再催侍應, 侍應叫我哋再寫單, 寫咗幾張單一模一樣嘅單, 都只係嚟咗唔夠三分一嘢食, 好無奈等到十點, 一碟肉都冇食過, 隔離枱起哄鬧部長, 部長先拎幾碟肉俾佢地我同朋友亦催侍應俾D肉食好喎, 係咪唔駛俾錢??等到十點三, 見附近D枱陸續埋單走, 先出咗三碟肉嚟我枱, 終於忍唔到, 等到十點半, 冇嘢食再出, 我趕住去睇戲, 唯有認輸埋單走...任食火煱, 每位百七蚊, 坐咗兩個鐘, 竟然係食得三成飽!!!

--->形容哂個心情任食$138d waiter 叫佢扮睇唔倒...咪用國語叫佢囉....又唔明...叫左野食成半個鐘.....d肥牛冇影...味次次10碟咁叫囉.... 都係黎個少少....仲要又不停黎錯野食.......d waiter 唔知識聽乜野話呢?同埋唔知用邊度既眼行路架呢?佢唔使錢我都唔會再去!!!!!!

都有一排冇食小肥羊, 一入門口就已聞倒小肥羊的招牌湯底味, 特別親切! 在樓下等位的時候, 有免費爆谷食, 係甜的, 邊食邊等位, 都冇咁悶!但都幾大份, 上到樓上都未食完....有158 任食, 計計都ok 抵食.但注意羊不是任食, 只有一碟; 反而肥牛係.價錢係包埋個湯底的, 我們叫了清湯.任食係俾張點心紙係, 任你tick.但張紙下面有一行字, 話"湯底不准攞走" ?咁神秘? 有"secret additives" 唔通, 好似一d 大陸打邊爐鋪會"加料" 咁???問問部長, 當然不是咁喇, 而係原來有專人負責整個湯底的, 每間小肥羊都有一個師傅負責的,咁特別?食品方面, 羊真係冇得頂, 好好食!都唔細碟呢.丸及菜則一般, 肥牛過肥~湯底真的好香, 記住要收埋個手袋, 如果唔係走果陣就好似件衫咁, 吸埋d 小肥羊味架喇.服務方面, 部長當然friendly 喇, 但阿姐成晚黑面, 上錯湯底仲想同我理論, 咩料呀?平均俾3分喇!

成班fd諗住exam完打邊爐又凍...岩哂但係佢地成9點先到到mk玩住等...諗住9點會平d點知9點上到創興爆多人無計=[只好周圍搵好再小肥羊唔係勁多人但都等到成近10點先有得食點左勁多...湯底正正...但都係一般野食點左蝦...都無黎ge=[碟肥牛好好食a!!!羊骨佢地都話好食成晚都係食左植物多...但係算係食過咁多最好食的一間打邊爐了食到成場無哂人-0-埋單計多錢-0-好再有check單

第1次寫食評請多多指教因為有朋友生日book左呢間打邊爐去到等左一陣都好快有位(天寒地凍呀><)本來book左11位的但最後得10個人可以cancel一位(服務ok~)而且主動套椅套,保護件褸肥牛羊肉唔少得,,好食年糕也是一個唔錯的選擇有一種*羊肉河粉,,有點似年糕,有嚼口可惜蝦滑和墨魚滑一碟太少了,要叫多d~飲品也不是任點(今次total: 10渣)值得講: 蘆薈汁同西瓜汁ok橙汁就食到好飽,糖水都無食lu~現在成身都仲有麻辣味因為有人生日total除少一個

九月二日約左一班同學放工後聚餐。。由於今次想去Ｄ特別Ｄ既地方打邊爐，所以決定左黎小肥羊一行６人叫左個有辣有唔辣既湯底..一坐低無奈，個服務生就上左一大堆羊肉比我地..原來係.. 一人送一兩羊肉.. 結果當然多得制..食左好多野.. 但越食越辣.. 辣到本人頂唔順..最值得一提係小肥羊既肥羊粉，大家都好欣賞同鍾意食食完好大陣打邊爐味係個身到= =" 整體而言，唔食得辣既人唔好黎小肥羊.. 因為真係好辣 ><"每人$170左右.. 其實都OKAY既...

打邊爐, 不是任食1. 先是book左位, 來到又話冇booking...2. 未叫野就來個唔知乜野ge 湯底(清湯).....之後...點左食物, 來晒....都未有湯底....3. 叫甜品...45min 都未到....但食物事實上都好味...係service 好差...果晚都唔多人...點解會咁....佢比左房仔我地....坐得都好舒服下...

星期日由屯門出旺角食過下午茶，因為價錢又算平，出到去又唔駛等位就可以入去，雖然到走都差碟咖哩土魷未到，但我地兩個都食過13款野啦，成績唔錯唔錯，底返晒。叉燒腸: 皮太厚，但涵夠多 鳳爪: 滿滿一碟，味道又夠味，唔會太鹹 鮮竹卷: 涵太雜亂和太油膩，但味道都可以涼拌茄子: 還可以紀子圓肉糕: 只有紀子唔見圓肉既糕蝦餃: 蝦好爽又多，皮夠薄燒賣: 唔同其他酒樓既燒賣，因為小肥羊既燒賣只有面個隻蝦，涵內係只有豬肉冇咩蝦架牛栢葉: 好多薑蔥絲，味道夠入味，又爽口綿花雞 : 雖然碟野一到，粒冬菇一早在碟外，但碟內既真係好味，雖然 個汁好油但好味, D雞又多又滑羊肉春卷: 呢款我冇食到，只有男朋友食，佢都話味道唔錯，值得一試還有冇影低既什果沙律卷: 雖然係用春卷皮包，但涵料都唔會少，炸得脆卜卜炸雲吞: 雲吞雖大件，但涵料只有一粒蝦咁多蒙古餡餅: 呢款係我男朋友另一話味道好好味