小肥羊 (已結業)

想同友人們飲荼, 嘆番個一盅兩件好耐, 無奈大家都係懶鬼, 起早床? 睬你都儍. 如是者, 係openrice到見到小肥羊2點開始有$50任食點心, 仲唔捉埋朋友黎試一試?踏入小肥羊門口, receptionist會俾張紙仔你, 叫你上幾樓, 因為呢到4層都屬小肥羊範圍, 地方幾大, 唔會話太迫. 一坐低, 急不及待拎張點心紙落order先, 睇之前網友話, 只可以落2次order, 不過我今次去已經改左, 你食得到叫幾多次都仲得, yeach!! 唔駛就住就住了, 可以盡情點了用5分為滿分(3分為合格, 表過不提, 只寫不合格的差在那裏), 以下分別値:蝦餃: 3分燒賣: 3分炸雲吞: 2分, 入面凍冰冰, 明顯炸左好耐鳳爪: 3分雞扎: 3分xo醬蘿蔔糕: 1分, 冇餡係入面, 得舊粉蜂巢海鮮盒: 1分, 拆開哂都搵唔到一粒海鮮, 仲要係芋頭做餡, 不如改名做蜂巢芋頭盒黃金大餅: 0分, 小麥粉一舊, 劣蝦腸: 2分, 凍冰冰, 不過都叫落左幾粒蝦仁搖柱波菜腸: 1分, 凍冰冰之餘, d味唔係好夾羊肉水餃: 2分, d皮太厚羊肉包子: 1分, 只係菜肉包換左羊肉餡, 冇驚喜牛柏葉:

:上星期二我终於搵到個朋友同我來旺角小肥羊...試下任食點心其實荃灣那間d點心我已經食過.,可惜他們沒有任食的今次搵左個大食佬陪我...咔咔可以食多幾款點心我地都叫左好多點心下...數數都有廿幾碟左右啦...有賺佢d蝦餃細細隻..都幾好味 印象中好似order 4次而其它點心 燒賣 鳳爪 雞扎 羅白糕 豆苗餃 都好好味不過d腸粉真係凍左dd囉...但我地都order左4次..哈哈d碗仔翅都唔差..可惜只係微微暖 如果唔係會好味好多最唔好味就係個蜜蜂盒..又凍又無味都唔知食左d乜落肚還有那羊肉餃..一d味都無可以用淡來形容其次樣樣都幾好味.加一埋單2人都係99元真的好抵食所以我會去多次..

係旺角同朋友街完街，諗住食埋野先走，於是決定去小肥羊打邊爐，我地點了個鴛鴦湯底，清湯那邊味道都唔錯，至於辣那邊，如不吃得辣的話最好只叫清湯，不過對於我黎講就好好味～～由於唔係好多人所以點了牛肉和羔羊肉，賣相都唔錯而且都好新鮮，羊肉真係好好味又唔會有羶味，我地仲叫了芝心墨魚丸和牛根丸拼貢丸，芝心墨魚丸真係好正好夠芝士味，至於貢丸同牛根丸都OK，另外我地仲叫了燕餃，粗羊粉和水晶叉燒包，不過呢三樣如有機會去試的話大家就唔好叫啦，因為又貴又唔好食，所以如有機會去試既話，大家真係要小心D叫嘢食呀，因為佢好食既真好正，而唔好食既又真係好差．．．．

好耐冇o黎過朋友想打邊爐~就o黎o左呢間啦~朋友推介肥羊粉...可惜冇o西..同埋朋友食過荃灣分店晚餐有任食...不過呢度冇呢.....叫o左清湯同spicy湯底..辣果邊係辣到食唔到~勁辣呀..一定要叫ge當然係羊肉啦~味道唔錯啦~有機會去荃灣果間試下任食先~

同爸爸媽媽講話呢到下午有任食點心前排終於得閒同佢地去食左好多野好多野因為連格離木台既野都比埋我地,...真好笑不過羊肉包子好似差左...無咁好食桂花糕都幾好!不停叫,,格離木台又比埋你食仲想點呀?!

朋友想約火鍋局, 地點這回由我選, 忽然想起小肥羊, 那種羶實在令人回味, 旺角這分店未踏足過, 地方隔局有點迫, 而伙計沒傳聞中那樣差, 只是少了小型火鍋點那種人情味鴛鴦鍋($83) - 就算買小肥羊自家出品的火鍋湯包回家煮, 味道始終和這裡差一點距離. 清湯那面好鮮甜, 而麻辣湯夠辣但唔夠麻, 不過加上各種藥材味道就越滾越香手切雪花肥牛($118) - 份量不多, 牛肉淥至半生熟, 肉質嫩滑, 不過嫌牛肉淡極品羊肉($98) - 很重羊羶味, 放在麻辣那邊, 一流雞子($38) - 粒粒通紅飽滿, 咬開騷香嫩滑魚滑蝦滑鯪魚滑三拼($68) - 三樣都不彈牙爽口, 年前在銅鑼灣店吃不是這樣子的, 為何水準下降得那麼多?凍豆腐($20) - 豆腐吸盡湯中精華, 必吃推介象拔蚌拼生蠔($168) - 象拔蚌鮮甜爽脆, 而生蠔是本地貨, 體積細小, 蠔味唔夠啤酒($22) x 3 - 已一年多沒來, 價錢好像平了

打8號風球多左一日假期...yeah!!所以12點就叫醒黑人老公去飲茶...我地好鍾意飲茶又大食睇過openrice d食評同埋有任食喎!!一於去試下旺角呢間,打去訂檯,個姐姐好有禮貌,book左兩點仲可以reserve 近window檯添~一去到就係勁叫!!哈哈!!叫左廿幾碟...差d放唔哂...羊肉春卷-唔錯...夠熱...不過羊肉少左d姐羊菘薄餅-勁油,食唔落,同埋搵粒羊肉睇下都冇紅油炒手-凍既,,,定係呢個凍食架!?羊肉餃子-d皮好硬,食d肉算咖哩尤魚&牛柏葉&鳳爪-好入味,好想再叫,可惜太飽...蝦餃燒賣-應該好好食,因為我老公一粒都唔留比我,自己食哂節瓜甫-最難食係呢個,有d怪味流沙飽-呃人咩!??唔係流沙既,個飽仲硬巴巴豌仔翅-夠料!!掂!!鮮蝦付竹卷-d"gip"汁唔分開上,林哂上去,下次一定要叫佢走汁,但好好味好多蝦好鮮taros海鮮盒-唔得!!一粒海鮮都冇!!order左個腸粉冇黎,好彩冇黎...真係好飽食到3點幾走,好飽..$99兩個人真係抵!!下次一定再去!!叫埋一大班人可以食多d款!!overall唔錯,d service幾好,不過可能今日打風,冇waiter

今天跟男朋友來了這兒下午荼啦準時2點鐘入座,一入到去就好大陣味...坐近門口的位置...很多人出出入入= =我地總共叫左18樣野食,哈哈先來灌湯餃,1人1個,很細粒,但味道算ok碗仔翅,春卷,燒賣,菜苗餃,牛肉球,土魷,牛柏葉,鮮竹卷,炸雲吞都ok但蝦腸,牛肉腸都好唔掂,一上枱都凍冰冰的,很難食xo醫蘿蔔糕同羊肉水餃d味都好怪,唔太鐘意~__~但蝦餃上枱果陣熱辣辣,皮算薄餡都ok,食到有蝦,呢個正,叫左兩籠綿花雞都係,好足料,又熱,正!其實3個炸野都幾好食,都脆本來想叫埋糖水,但真係好飽....所以都係下次先算不過果到d冷氣幾,野食本身唔太熱既好易變晒凍冰冰推介食蒸籠既點心,因為熱d都好食d,炸野都可以但腸粉就真係唔好,凍架全部其實每碟野都係得好少,所以唔怕多~__~不過一個人$50食到咁多野食抵既,但真係唔係好好食囉服務都ok,收碟同加水都好快下次...都有既...但唔會快

一向愛好all u can eat既我,點可以放過任何任食既機會呢??小肥羊任食火鍋我就食過幾次,下午茶點心任食就未試過兩星期前同fd一行二人上左小肥羊,被安排坐o係近窗既四人台一坐低就tick野食:灌湯餃蝦餃燒賣菠菜餃鳳爪羊肉條,羊肉餅(唔記得左個名..)炸雲吞酸辣豬肚海藻牛柏葉菠菜腸XO醬蘿蔔糕紅油炒手綠豆沙肥牛米線3:30就摧last order..過多兩個字摧埋單...野都未黎齊..d waitress掛住準備晚市..叫佢追一追單,佢應完我地就繼續執台...有冇搞錯...不過食左咁多人每人都係$50...又真係好抵既

難得有朋自遠方來,又想吃特別的東西,於是決定去小肥羊打邊爐.點了個鴛鴦湯底,清湯那邊味道不錯; 至於辣那邊... 對於不嗜辣的我來說真的很辣.由於人數不多只點了牛肉和羔羊肉,賣相不錯而且都幾新鮮.特別一讚羊肉好味之餘又不會有羶味.打邊爐當然不可缺少"丸"類食物,點了芝心墨魚丸和牛根丸拼貢丸. 墨魚丸一般,可能太細粒了,顯得芝士味過重. 貢丸很好味,牛根丸我不知道有沒有嘗到,因為一下子全部放進煱裡,也分不清是那一種...當然有叫特式食品,有燕餃,粗羊粉和水晶叉燒包. 燕餃吃完也不知道是甚麼,像水餃的東西,味道麻麻; 水晶叉燒包更加不濟,小小的一粒放進煱裡不一會已經爆開,只能"撈"回幾粒叉燒,價錢竟要$9一粒,實在搵笨; 至於粗羊粉則似河粉,但很煙韌很有口感.羊粉是在最後才吃的,可能由於羊粉本身無味,又可能已經加了N次湯,突然覺得清湯很鹹...雖然食得很飽,但埋單平均每人$180,實在很貴...

在小肥羊招股期間, 我們一行八人到旺角小肥羊"考察". 這是本人第一次在香港吃小肥羊火鍋.由於我們人太多, 叫的食物相對地亦多, 詳細的都記得不太清楚, 只知道每一碟都很"精緻" (即是我們時常說的"的骰"). 尤其是蔬菜類 (如金菇, 芋絲), 放在火鍋裡, 不消一會兒, 轉眼就消失得無影無蹤......本人覺得好吃的包括牛肉, 羊肉和魚子墨魚滑. 牛肉腍而不肥, 羊肉又不羶. 其實這裡大部分的肉都挺新鮮, 值得一讚, 不需要其他調味料已味道十足. 聽有位朋友說, 如果我們要求職員拿豉油, 他們會不高興, 因為這代表不夠新鮮和沒有肉味......當然湯底也是不可或缺的一部分. 我們叫了個鴛鴦湯底, 清湯那邊不會太鹹, 又能帶出肉的鮮味. 由於我不吃辣, 所以沒有試過另外一邊的湯底, 不過我看見其他朋友們都吃得津津有味.我們還點了一個熟食 - 烤蒙古羊肉串, 非常好吃! 惹味但又不辣, 正合我意! 不過肉質分佈不平均, 吃到中間時突然有一部分很肥......總括而言, 食物的水準不俗, 可惜每一碟份量不多, 我平時食量已小, 但也吃不飽. 朋友用了匯豐/恆生信用卡找數, 即使有折扣,

我本身唔食羊, 所以佢開業以嚟我都冇幫趁, 因為一心諗住佢係一間食涮羊肉火鍋店. 不過當我知道佢有點心任點任食就想試, 原因好間單--平!! 五十蚊包茶芥及加一, 好抵. 食物有好多選擇, 有最基本0既蝦餃, 燒賣, 生竹牛肉, 义燒包, 潮州粉果, 腸粉, 粥等等, 另外仲有灌湯餃, 蒙古小菜, 炒菜, 紅油炒手, 總之好多選擇, 味道雖然普普通通, 不過有幾款甜點確實好味, 例如芋頭奶皇包, 蓮蓉馬拉盞, 粟米餅, 西米糕..0個日食得好飽, 不過如果我早0的到會好0的, 因為下午茶時段由兩點到四點, 但係我成三點幾先去到, 三點四十五分就last call, 食得幾趕, 同埋多0的人去又可以食多0的唔同0既款式...好彩唔洗搭枱, 因為平日都好多人, 坐就唔係咁舒服啦, 因為冷氣好凍啊!!

本人在上個月同一位朋友去旺角小肥羊打邊爐, 因為未試過嘛, 而且有朋友說國內的小肥羊很好味, 所以我決定一試香港的小肥羊, 我地在晚上7點半去到, 唔駛等位, 而且仲坐一樓, 但係7點半這時間應該是晚飯時間, 但是食客不多, 店內的侍應介紹我地食套餐, 但係我地最終都無叫套餐, 只是散叫, 個湯底就真係很好味, 我地叫咗碟手切肥牛, 菜, 雞子, 餃子, 蝦滑, 生根, 豬紅, 我地仲叫了兩支氣水, 本身我的朋友想叫啤酒, 但係個侍應話旺角這間係無酒牌, 叫我地自己落街買, 咁都唔緊要, 我問有無嘢飲的餐牌, 佢只係一輪咀講比我知有咩嘢飲, 咁我問檸檬茶係咩牌子, 佢話唔知, 咁我只好叫可樂飲, 之後我問令一個侍應, 話可唔可以部電視轉tvb台, 但係佢話這間分店只可以睇到atv台, 咁都算, 之後我再叫椰皇水一渣, 個侍應話好似買哂, 要去睇下, 但一去無回頭囉, 問親嘢, 啲侍應成日都話唔清楚, 好似個個都新來做咁, 到結帳時, 嘩~~成$600, 啲嘢食其實無乜特別同新鮮, 只是個湯底特別啲同好味啲, 咁嘅價錢真係非常唔低囉, 跟住過咗三個星期, 我有個朋友話尖沙咀果間小肥羊有任

聽到小肥羊的好評好耐了,剛剛在五月十七日要到旺角社區會堂行畢業禮,於是便先到小肥羊喝過早,茶才去行畢業禮諗住星期六仲要在旺角實要等好耐位,點知十一時三十分到,唔駛等位,仲即刻有位,真係意外,被安排到一樓近亞皆老街的位置,環境不錯,早市還有平價點心添.點了多歀點心,想著可以僈慢歎吓,怎知等到過了十二時還不見有點心到,追問下才知冇落單,重新萿單就當午時價錢計,好不合理呢侍應的工作態度敷衍,問佢問題就咩都唔知,又話唔係佢負責,幸好在個女部長態度好好多,明白了漏單情況後,叫我們重新點過點心,但價錢就冇早市咁平,但又平午市少少,見佢咁好態度,都癈事拗,了1. 蒙古春卷- 細細條,好似筷子咁,入面只得少少芈肉2. 羊肉飽-飽皮不像廣東飽的軟,有點像狗不理北方飽子的飽皮3. 羊羊小籠飽- 外皮太硬4. 蝦餃- 餃子皮和蝦都不錯5. 荷葉飯- 用的香料很等别,味廣柬式的不同,可以一試6. 波菜豆腐餃- 怪怪地,唔係咁適合做餃子入面的料總括來說,可能今次叫多了羊肉料點心, 有點不慣,大致來說,廣東點心做得不錯,可能因可能因為價錢便宜,所以點心份比較迷你,其實小肥羊是一間蒙古式酒樓,所以未必迎合香港人的口

拜山第一站後乘巴士到旺角, 一家人先醫肚再向第二站出發。本來我們在旺角街市落車, 行幾步就會去到翠苑澳門茶餐廳食咖哩農夫包 (其實我啱啱買嗰本飲食男女咪有講囉, 我後來睇番食評先知口係附近), 有人提議去小肥羊飲茶, 雖然我未去過, 本著好一餐唔好一餐的精神, 又唔想再行, 去就去喇。估唔到又有驚喜喎。大家拿著一堆點菜紙研究了好一會, 見有個不知什麼羊柳套餐 $188 即 8 目交投, 一於要呢個喇! 其實這個餐是幾豐富的:黑椒炒羊柳 - 夠哂惹味, 也夠羊味, 不過頗油膩點心 4 款:鮮蝦菠菜餃 - 好吃, 不過樣子和味道和下文的貢菜豆腐餃差不多燕窩奶黃酥 - 原來是炸物, 吃不出有燕窩, 但當奶黃酥吃也不壞羊肉包子 - 一句, 早知叫多籠啦!碧綠鮮蝦腸粉 - 正常蝦腸的味道, 不過那碧綠不知跑哪去了涼菜一款: 鮮茄浸勝瓜 – 其實是熱的, 清清地頗清甜, 不錯喔菜一款：薑汁炒芥蘭 - 也是多油，還算青綠，質感味道還可以飯麵一款: 瑤柱蛋白炒飯 – 油! 係飯面上有點炸瑤柱絲和裏面有點翠玉瓜點綴一下, 但如今油是不要錢的嗎?甜品: 指定的是鴛鴦糕 – 杞子雪耳糕和桂圓珍珠糕, 又幾好