小曼谷海鮮燒烤屋

營業中

休息中

剛剛去完泰國, 轉個頭又想食泰屋野,二話不說當然要去九龍城搵老字號,小曼谷當然係首選。餐廳款式選擇多, 兩個人, 轉下眼就叫到成檯食物椰青椰青水清甜, 滿有濃郁椰香, 而椰肉又白又滑, 原汁原味, 好飲之餘夏日消暑一流！芒果粒粒沙冰芒果粒粒沙冰是以真芒果肉打成沙冰, 有濃郁的芒果味, 並且有粒粒芒果肉, 唔會太甜, 椰汁份量又剛剛好不多不少, 芒果粉絲不容錯過!蒜爆胡椒炒虎蝦一上台就香氣撲鼻!! 4大隻虎蝦是用左不同的泰式香料爆香, 香茅蒜蓉泰國薑等等, 非常惹味, 真係想叫多碗白飯撈晒D 配料!! ~虎蝦係珍寶size相當有份量, 而且仲好彈牙tim~海南雞半隻半隻雞的份量對於二人來睿已經足夠有餘了, 海南雞油潤肥美. 雞肉質地嫩滑, 賣相鮮黃...配埋特製醬料讓人不禁食完一舊又一舊, 真係好好食啊~小曼谷炒飯黎小曼谷餐廳當然要叫招牌小曼谷炒飯, 配料非常豐富, 有蟹柳，扎肉，豬頸肉，蝦球等等, 而且最特別之處是會用大塊蛋皮包住, 飯粒炒得乾身分明, 味道有少少咖哩味, 但又唔會過鹹, 香得黎又乾身, 非常好吃!總結: 味道正宗, 收費合理, 服務周到, 下次再來~

好耐冇食泰國菜就同朋友們嚟九龍城覓食，由於選擇太多，我地就揀左間未試過嘅小曼谷。燒牛肉拼盤牛肉燒得唔錯，幾淋，小朋友都咬得開！生蝦刺身基本都唔會差得去邊，但個汁有點兒太辣燒豬頸肉啖啖厚切豬肉，正呀！咖哩炒蜆只個真係殼多過蜆，有啲失望！總括嚟講都係不過不失，喺九龍城區唔算太突出，有待努力！

一諗起泰國 就會自自然然聯想起九龍城添。 九龍城呢個區雖然好細 ，但係就美食林立 唔使多講啦！大家都知道最多嘅係泰國餐廳啦 今次就黎食最正宗既泰國菜 “小曼谷海鮮燒烤屋” 泰式生蝦刺身 $ 88 泰式無骨酸辣鳳爪 $ 78 泰式飛天炒通菜 $ 75 泰式乾炒牛河片河 $ 75泰式沙嗲串燒 ( 雞全翼，墨魚丸，雞肉，牛肉，豬肉 ) 泰國椰青 $32 全部都好好食呀 ！！ 仲叫左幾款必點推介 1.生蝦 2.串燒 3.鳳爪 ， 呢3款都系黎食泰國菜一定記得要點加 無骨鳳爪酸酸辣辣食完好開胃 一啖接一啖 ，生蝦刺身 生蝦好厚肉架 夠肥美

九龍城係泰國菜聚集既地方，要我唸食邊間好，不得不唸起小曼谷，出名而有水準，今日相約家姐們三人來撐枱腳。地處方便7點差不多全場爆滿最鍾意有圖既餐牌，有實物有真相椰青$38-好清甜燒安格斯西冷牛扒$198-冇咩筋同嫩口，而且唔多肥膏，同埋分量都多，又冇牛SO味，好好味呀咖喱炒虎蝦$238-我地初初都爭扎點唔點好，因為覺得有D貴，但家姐超愛蝦，最後都點左，雖然賣相唔吸引，但真係好，佢個汁冇得輸呀，用黎撈飯或點蒜榕包一流，而虎蝦係好大隻同肉厚，係鮮味呀，推介推介，一人兩隻好有分量嫁，拿～～幾大隻明爐香檸汁蒸桂花魚$238-今次係為我而叫的，因為本人男友係唔食魚，令魚控既我好少機會食到，今次⋯⋯⋯飛雲，係機會啦⋯⋯條魚好鮮同好滑呀，酸酸的好開胃，我一個人都食左半條魚滑到呢～～～～今日有註場唱歌，我地仲坐正前面，初初都驚會好嘈，原來唔係既，D歌聽落好舒服，好柔和，氣氛都好好家姐好似小Fans咁，跟住唱。今日同家姐們聚餐相當滿意呀，三個菜都好吸引好好食，仲坐得好舒服，驚喜係有註場唱歌

最近天氣真係好熱 其實都好想去泰國旅行但係一諗起呢幾個月一定會好熱就唔敢去啦咁唯有去左好多泰國嘢食嘅九龍城食下泰國嘢先啦飲住去到泰國必飲既椰青 再悠悠閒閒咁係呢間泰國餐廳食泰國菜 感覺真係好relax 〰️泰國生蝦刺身〰️$98呢個係食泰國菜既必叫餐前小食 最鍾意係食泰國嘅生蝦刺身大大隻而且又好爽口 夾埋個蒜頭同辣椒一齊食就唔會覺得咁溜啦 再點埋個酸酸地既辣汁就更醒胃 〰️明爐香檸汁蒸桂花魚〰️$208呢d明爐燒魚又係食泰國野必叫既 今之係食蒸桂花魚 吱’埋d青檸汁就覺得個酸度啱啱好 個辣味唔太勁及唔會蓋晒魚本身既味 辣辣地酸酸地真係好回味呢條魚既肉質鮮嫩 而且仲好大條 有個爐燒住就唔怕佢咁易腥可以慢慢嘆啦〰️小曼谷五星燒雞半隻〰️$118泰國既燒雞我又真係未試過 估唔到雞肉都鮮嫰而且雞皮下既脂肪亦冇乜 所以可以食埋雞皮😬 個雞皮有d香草汁既味 〰️椰青〰️$38一啖椰青既水一口椰青既肉 真係消暑極品餐廳送上既泰國餐後甜品

本周末又和好友去覓食，這次目標是泰國菜集中地九龍城的小曼谷海鮮燒烤屋。餐廳有室内和户外座位可供選擇，迎合不同客人的需要。厚厚的一本餐牌，令作爲泰菜控的我好期待喔😍😍😍。這一餐以芒果粒粒沙冰打頭陣，芒果味香甜濃郁，沙冰質地綿密，不會一下子变會液體😋😋😋。作爲泰菜控每次必叫的菜式-泰式生蝦刺身。生蝦新鮮爽口彈牙鮮甜，加上冷涷時間足够，蝦肉冰得够結實，秒殺清碟😜😜😜。鐵板猪頸肉椰菜苗（馬拉盞），熱辣甚有鑊氣吱吱聲。椰菜苗加上猪頸肉的油分肉味和其他起鑊配料如蒜頭乾葱同炒，入口無苦涩味，椰菜苗剛熟爽脆，非常滋味，送飯一流。泰式明爐蒸烏頭，原條烏頭舖满椰菜，肉碎，香茅，南薑，葱絲等，浸在微酸的泰式湯汁内，上枱時繼續用酒精膏的火力煮着保温，魚嫩滑没有腥味泥味，椰菜和肉碎吸满湯汁令人胃口大開👍🏻👍🏻👍🏻。甜品時間有驚喜😍。打開是粒粒冰涷的金枕頭榴櫣肉冰粒，榴櫣肉香甜，百份百純榴櫣無添加，榴櫣粉絲不容錯過。

星期天，家庭樂，當然要選大家都喜歡的泰菜，之前坐車路過見幾吸引，決定訂枱。點了一餸一湯一麵，全部都沒有令我們失望。服務也不錯，愉快的一晚。冬蔭功湯 $178 （大）超好味的冬蔭功，全家都很喜歡，每次食泰菜都必點一客。材料豐富，有大蝦、香茅、菇菌、香料一大埋。酸辣適中，大蝦爽口彈牙有蝦膏，得美味 😍😍泰皇咖哩法飽軟殼蟹 $168軟殼蟹又是另一個至愛，不用拆殼的蟹…哈哈～！軟殼蟹炸至香脆，鹹味略重。咖喱汁不太像咖哩，味道偏淡，但不失美味；一鹹一淡，味道剛剛好，不偏不倚。法飽鬆軟，點咖哩汁確一流。泰式鮮蝦炒金邊粉 $85金邊粉夠幼身彈牙，炒得夠乾又不會過油，配中蝦、芽菜、蛋片、花生，材料豐富。可能其他餸菜味道都是偏濃，這個吃起來覺得特別淡口，整體味道尚可。椰汁涼粉冰 $32感覺練奶味很重，很甜，要待冰塊溶掉中和一下。椰青波波 $45原個個椰青起肉，放進杯內，吃起來十分方便。泰國很普遍的食法，但香港還是頭一次見。

My love for #morninglory started when I was still a child, it would always be my #1 veggie even there are fancier options out there. The hot plate morning glory is stirred fried with spicy shrimp paste, jazzed up your palette and set you just in mood for more seafood. Flavor rice stuffed squid is nothing short of spectacular. Grilled squid is crispy but also tender, and the rice absorbed all the seafood flavor while retaining its shape, not soggy! And fish will always be the soft spot in my stom

就嚟放暑假，面書已經見到好多朋友開始又飛啦！好多朋友去咗 Bangkok ，見到佢哋嘅泰式美食搞到我都心思思，一於去九龍城望梅止渴。小曼谷餐廳環境和裝潢都好有格調，舒適兼具泰國風情，還設有小舞台，我當晚就好彩遇到歌手表演，好好氣氛。天氣熱辣辣，一坐低首先order 了棷青$38，喜歡蘭花做裝飾。椰青水清甜，果肉入口滑，非常解渴。因為口痕，所以小食就叫咗個老公最鍾意嘅蒜蓉包，又香又脆。出街我鍾意食魚，明爐香檸汁蒸桂花魚 $238，平時屋企鍾意烏頭，我自己就比較喜歡食貴少少的桂花魚。我仲好鍾意大大條桂花魚肉質嫩滑，加埋香檸汁和泰式辣椒，酸酸辣辣非常開胃！老公係牛魔王，牛係必食嘅！極上燒安格斯西冷牛小排 $198，用上安格斯西冷，肉質鮮嫩軟腍，燒烤後面層脆口感，牛小排肉嫩多汁，味道濃郁，非常好味。秘製醬汁更加可以提升鮮味。最後當然要食埋人氣推介，小曼谷五星燒雞一隻 $238。份量十足賣相好看。原隻靚雞用上泰式燒法，雞肉用上泰國香料醃製，特別惹味呢！最鍾意就係雞皮燒得焦香，雞肉嫩滑多汁。沾上特製泰式酸辣醬就更滋味。吃完小曼谷，總有返唔到轉頭嘅感覺，難怪六點幾已經滿座。唔得閑去泰國旅行都可以去九

鹽燒馬友魚鹽燒馬友係泰國菜式黎講都幾出名當然佢地仲有其他煮法但係我個人都係推介呢個鹽燒因為佢獨特既味道唔係講笑首先將佢層皮小心翼翼的打開因為佢係直接用鹽黎埋住條魚所以層皮係非常之咁咸的但係皮下面既魚肉就係成道菜式入面最好食既!!肉質超嫩滑而且吸收左魚皮既香味加上鹽燒過後既咸香又滑又好味!!唔係幾分鐘已經可以清完一條燒安格斯西冷牛扒呢間係燒烤野食比較出名既泰式店我個人必食就一定係呢個牛扒廚師已經好好的將佢燒到大約係7成熟而且已經切好一份一份直接放入口就食得超爽最重要都係佢既口感, 完全唔會覺得un, 而且係好嫩滑好夠味!!泰式生蝦刺身生蝦我諗係每個去小最谷既人都必點既食物吧!!一客有六隻的生蝦, 上面有蒜同辣椒等既配料再加上佢地自家獨特既醬汁真係超yummy!!!

九龍城最出名就一定係泰國野食今日食既呢間係小曼谷最最最出名就係呢間小曼谷五星燒雞(一隻)食得多海南雞都想食下其他既今次叫既既佢廚師推介既燒雞一黎到個樣同海南雞完全唔同既呢個就會見到個皮係脆皮既肉質方面就咸同埋比較爽口海南雞就重肉質, 燒雞就重口感我覺得如果人多可以各一半既食咁就可以食哂2個!!冬蔭公湯(L)因為人多既關係我地叫左大size估唔到都可以裝到8碗湯出黎仲要係勁足料既湯底!!!帶點微辣但係非常之開胃最正就係個蝦, 佢已經好好的界開左一半, 蝦味出哂黎加上泰國香料成個湯同係泰國食到既一樣!!椰青食泰國食必飲就係個椰青, 係原隻既椰青黎!!入面既椰青水係好清甜!! 不過我最鐘意既都係刮d椰青肉黎食!!!椰青水係淡淡既香味, 而椰青肉就係又有口感又有味道!!!必點

食泰國嘢會即係諗到去九龍城，皆因嗰度夠晒集中會好似去咗小泰國咁夠地道，有時行過街邊都會聞到濃厚泰國串燒味道，真係會俾佢吸引住，點都要整番串食下先得食到惹味嘅泰式串燒同埋泰式飲品先至完美，講番今次又去咗九龍城食泰國菜，有咁多間泰國餐廳要食邊間都幾傷腦筋，我最後揀咗呢間長期人氣高企食泰國菜一來食物肯定有質素，而且款式同口味都有好多選擇，我哋都點咗幾款人氣招牌菜式，喺等食之前當然要點番杯芒果沙杯飲下咁先有feel等咗一陣先來係泰皇咖喱炒海鮮，已聞到香濃的咖喱味真係未食已經流口水，海鮮分別有大蝦，青口，魷魚同魚配合泰式香料一齊炒，我就飲番啖咖喱汁入口好香滑又帶點辣正，而且海鮮份量足夠鮮甜，再點泰式蒜茸包撈埋泰式咖喱汁，食到麵包嘅香脆又唔會嘥咗啲汁簡直係完美配搭到另一款係必食招牌菜泰式拼盤，睇落好似普通入口食到蝦餅夠彈牙，魚餅嫩滑香茅味濃，春卷炸得好鬆脆，雲吞用足料食到啖啖蝦肉點埋泰式酸辣汁更滋味，簡單之餘又食到真正泰國風味食完一輪美食後繼續有泰皇咖哩法包軟殼蟹，主角除左食到軟殼蟹外脆內軟好鮮嫩，其實法包同汁都係一樣，將鬆軟法包沾滿泰式香濃加哩汁食用，會有另一番味道食得滿足是日又品嚐一餐泰國人氣

又是到九龍城食泰國菜的好時候, 今晚同媽來了小曼谷。"食蒜茸包沾咖喱"既癮發作, 我們點了個泰王咖喱炒海鮮, 咖喱香濃且甜, 海鮮大大隻, 有魷魚, 青口, 大頭蝦和蜆等, 啖啖鮮肉配啖啖咖喱汁, 再配合厚厚, 鬆脆又多蒜茸既蒜茸包一同放進口, 好吃又實在! 另外再點了餐廳推介既小曼谷五星燒雞和明爐香檸汁蒸桂花魚。前者外皮燒得香脆金黃, 肉質超軟滑鬆香, 連同泰式醬一起食, 正! 條魚仲正, 很多香料, 但完全沒有蓋過魚的鮮味, 魚質軟, 味道香, 愈食愈入味, 大滿足! 當然唔少得椰青啦! 新鮮清甜, 椰肉軟滑, 優質! 還要讚吓其環境, 很喜歡它的佈置, 空間感足夠, 坐得舒適。見到有live band 設施, 不過冇幸聽到了。想來九龍城食泰國野, 來小曼谷吧! 真的有質素!

一行4人去左食晚飯，呢間小曼谷店面好乾淨，夠晒大，唔會好逼。員工服務亦都好好👍🏻 叫左一定要叫既椰青，生蝦，豬頸肉，軟殼蟹咖喱農夫烤仲有馬拉盞炒菜😍😍豬頸肉超級好食！配埋個炒飯真係不得之了。甜品方面，仲有芒果糯米飯！好多椰汁，出去食芒果糯米飯，最驚食到酸嘅芒果，但係佢哋嘅芒果夠晒甜，份量好足。環境加埋嘢食，琴日仲有Live music tim!! 餐廳環境好，而且價錢適中，一定會再番去!!!!!!

又係我大食妹帶大家食好野時間，今次帶大家到位於九龍城的小曼谷海鮮燒烤屋一食佢地既泰國菜。辣椒膏炒大蜆：用上正宗的泰國大蜆，食落蜆肉不但爽口，而且肉質非常鮮嫩，加上辣椒膏的味道，令到蜆肉更加鮮味，加上泰式香料，實在令到味蕾十分刺激。胡椒炒大虎蝦：用上大量的胡椒去炒，食落不但會有胡椒的麻辣，而且虎蝦十分新鮮，所以肉質結實，唔會有霉味。最令人驚喜係虎蝦十分大隻，食落啖啖肉，真係必叫的泰式菜之一。泰式烤雞：原隻雞用上泰式方法燒製，食落不但有著泰式香料的味道，而且還食到雞肉的鮮甜味，雞肉不但彈牙，而且肉質厚實，沾上泰國醬，實在令人難忘。今次我大食妹俾4個大食指數，這裡不但座位大，而且食材高質，價錢合理，絕對係岩大家聚會的好地方。