小曼谷海鮮燒烤屋

營業中

休息中

難得有機會，約到同舊同學敘舊，專登去九龍塘食泰國🇹🇭嘢🤩椰青🥥（$35）入到去，第一時間叫咗兩大杯野青，因為實在太熱。清涼香甜的椰青，飲完之後特別醒神。極上安格斯牛小排安格斯牛排黎到，餐廳已經預先為我地切到一塊塊，正！比想像中大塊，牛肉鬆化得黎有牛味。肉質一啲唔韌，切得好輕鬆，重好juicy!小曼谷炒飯炒飯用大大塊煎蛋捲包住，所以已經非常吸睛。炒飯，抄得非常香、乾身，同時不會油膩。吸附飽滿蛋汁的炒飯，再加上豐富的海鮮配料。泰式燒雞燒雞又係啖啖肉，送啤酒一流。燒雞皮脆肉滑、細嫩且軟。

朋友話食泰菜一定要嚟九龍城,而最為人熟識嘅係呢一間餐廳,一於今晚黎睇下佢有幾架勢佢有好幾間分店雖然都集中曬喺九龍城,喺同一個地方開咁多間鋪頭,相信老闆都對自己嘅食物好有信心,我都忍唔住磨拳擦掌,大吃大喝每逢九點後仲會有人拎住支結他唱live send畀你聽成個氣氛非常之好,好relax!.椰青 $38 泰式青檸梳打 $36  嚟食泰國嘢 ,梗係要叫番啲泰式地道嘅飲品,椰青一定係必點而泰式梳打都不遑多讓,絕對係你嘅開胃之選.辣椒膏炒大蜆 $148  初初都好擔心佢會唔會好辣,但係一嚟到第一下聞到嘅,竟然唔係辣椒係好香嘅味蜆首先佢真係好大碟,佢唔係用一般細細隻嘅蜆,而且食落好鮮甜亦唔會有沙,如果叫個包點埋d汁黎食,仲滿足.海南雞  $188 一隻佢哋一碟就半隻雞 所以叫一隻就會上兩碟,唔使擔心店員攞多左俾你雞肉質地嫩滑,好香雞味,而且絕對足料地俾足半隻你.蒜爆胡椒炒虎蝦  $238啲蒜炸得好香,亦都唔會話好油,大大隻嘅虎蝦蝦頭仲有少少蝦膏,炸過嘅蝦絕對可以連殼食,整得非常之出色,唔食得咁熱氣,梗係要飲多幾啖椰青喇.原隻燒魷魚釀糯米飯$158 好肥好大條既魷魚入面有滿滿既糯米飯,而且魷魚嘅外

最近天氣都好熱就算唔出街都出哂汗熱到個人都冇咩胃口於是就諗到不如食泰國野酸酸地夠哂醒胃食泰國菜當然要去到泰國菜既集中地九龍城啦!餐廳既數量真係多不勝數最後比門口既一隻吹氣公仔吸引到就決定食呢間啦同其他泰國餐廳一樣店內裝修都係以啡色為主係咁炎熱既天氣下又點少得凍野呢二話不說點左個生蝦刺身先過下冷河D蝦都比想像中大隻同厚肉沾上附上既醬汁即刻食慾大開!食到唔停口淨係食蝦點會夠飽我地仲點左個蟹肉芒果抄飯係出面食既泰式抄飯多數係菠蘿有得配蟹肉既都比較少芒果夾雜埋抄飯一齊食口感非常有趣每人都分到唔少架最後我地仲叫左生菜包食返D清淡少少既菜式呢到既生菜包都偏香辣如果唔食得辣既朋友相信食起上黎都比較辛苦好彩有生菜可以中和一下D辣辣辣地既時候加上一杯足料既椰汁沙冰簡直一級享受!!而朋友就叫左咖啡係天氣熱辣辣既時間食泰國菜真係聰明既選擇

食野真係唔好睇少女人嘅力量🤣🤣呢餐飯正正除咗畀佢哋嘅環境吸引住 仲有高水準嘅食物味道 令我地叫完又再叫🤣🤣首先一定要講下店員嘅服務真係非常之好 令我諗起去泰國旅行嘅時候 泰國人嗰種熱情同埋快樂♥️ 為呢餐飯 錦上添花💐💐泰式青檸梳打 唔會話好酸或者過甜非常之醒神開胃😋椰青更加唔洗 講啲肉一整出嚟就可以用飲筒豬入口 你話有幾嫩滑😍好厚肉既椰青呀。。。😦😦辣椒膏炒大蜆 首先佢嘅辣度我覺得一般香港人都接受到 （我本身唔係好食得辣嘅）而且佢個醬汁好濃好傑 配上一啲沙都冇嘅大蜆 仲要*每一隻*蜆好大隻 唔好諗住全部都係殼呀 佢啲肉俾d醬汁收埋左 蜆肉有成我半隻手指咁大隻㗎🤣🤣 強烈建議叫碗白飯餸呢一個又香又濃嘅炒大蜆😋😋一碟有半隻嘅海南雞 雞肉非常之嫩滑 雞皮嘅厚度適中 唔會過肥或者過瘦 配嘅醬汁亦唔會話過酸或者過甜 夾埋個滑雞 雞味非常之突出🤩蒜爆胡椒炒虎蝦 四大隻 隻隻大小都一樣嘅大虎蝦 廚師亦都會預先幫你挑埋腸 開埋殼 食起上嚟唔會成手都係 肉質非常之結實 好香好鮮甜既蝦味 而且佢炸左d蒜粒 好脆 唔會好油 撈埋隻蝦食 非常之可口🤩🤩🤩燒魷魚筒釀糯米飯 唔好睇佢好似細細碟咁 其實呢隻魷魚係

朋友嚟香港旅遊，今日係最後一日。專登嚟到九龍城同佢食個午餐，再送佢去機場。喺酒店附近搵食，佢見到門口個吹氣公仔，就話好得意，好似同佢打緊招呼咁，要入去試吓。有午市套餐供應，好化算。但臨別一餐，都係想佢食好啲啲，豐富啲啲。芒果粒粒沙冰$36 用真芒果肉打成沙冰，香甜而唔會過甜，面頭仲有粒粒芒果肉，真材實料。椰青波波$45將成個椰青肉原個起晒出嚟放入個大膠杯度，又圓又白，椰青水同椰青肉都好清甜，原汁原味，食得又方便。極上燒安格斯西冷牛小排$198一木板上枱，都幾大板，切好晒一件件。油脂豐富，都幾香牛味，燒得夠香口，加埋個特製醬汁，真係好好味。不過略為熟左少少，我鍾意生啲啲。明爐香檸汁蒸桂花魚$208朋友唔食得辣，所以叫左走辣。一般明爐都係用烏頭，今次見到有桂花魚咁特別梗係要試吓。肉質比較滑，亦比較少骨，我覺得比烏頭更好食。一路煲住一路可以加湯，味道會更出。香檸汁酸酸地，加埋香茅味，清新開胃。但我自覺失策，應該叫少辣會惹味好多，走辣真係失左個精髓。蒜爆胡椒炒虎蝦$238雖然得四件，但每隻都唔細，好彈牙。用左啲香料爆香，好多香茅同蒜蓉，夠晒惹味。陣容都好鼎盛，朋友急不及待影返張相放上網呃lik

九龍城有好多泰國菜，但我第一時間就諗起小曼谷!呢日食左幾樣，個人覺得咖哩最正!!!!必點!泰皇咖哩炒海鮮 ($238)超rich超香嘅咖哩汁，內有幾種海鮮料，好似魷魚、大蝦、蜆同青口等等，而且分量幾大碟，足夠一家人分享!最緊要叫份泰式原味烤酥餅($28)，熱辣辣，點滿咖哩汁，超級邪惡但滿足!極上燒安格斯西冷牛小排 ($198)牛排燒得啱啱好，有肉味，肉汁豐富，又有咬口；個酸子汁充滿 lemon香味，酸酸辣辣好正!泰式拼盤 ($168/大)內有4種泰式炸物: 蝦餅、魚餅、春卷同雲吞各有 3 件，絕對適合一家人分享~炸雲吞最有驚喜，入面充滿爽口彈牙嘅鮮蝦，大大粒好足料~青檸菠蘿沙冰 ($36) : 味道酸酸甜甜，既開胃、又解辣椰青($38): 原個椰青，絕不欺場!

熾熱的天氣，不減小妹四圍趴走的熱情。這日，相約C，去有「小泰國」之稱的九龍城趴趴走。 漫無目的地，在大街小巷穿梳。肚子咕嚕咕嚕地作響，是時候去「搵食」了。「就這間吧!」她說。抬頭一看，是「小曼谷海鮮燒烤屋」。猶記得，某次與云，曾光顧了位處橫街的「小曼谷」。這一間，應該是新店吧! 天然的椰青$38，一向都是小妹的摰愛，不容錯過! 椰青內的椰子水，清甜且解熱生津止渴，據說，較椰子肉更有益處。不過，小妹對椰殼內白哲、爽脆富嚼勁的椰肉更是喜愛。輕輕用鐵匙一挖，就可品嚐到香軟細滑富奶香的椰肉。 小曼谷炒飯$95，乃把白飯與蟹柳、扎肉、豬頸肉、蝦和菜頭等炒料同炒，再以煎得金黃薄身的蛋皮，包裹著炒飯。炒飯粒粒分明，入口香濃惹味，再配上煎得香口煙韌富咬口的蛋皮，小妹愛不釋口!C，則喜歡日式半熟的蛋包飯，對香而薄的蛋皮，不感興趣。 牛油蒜蓉燒虎蝦$148/3隻，少有機會吃海鮮的C，雙眼發光地，嚷著要點來一試! 海鮮，只要夠新鮮，就好食了!大廚以牛油和蒜蓉來炮製碩大的虎蝦，更為惹味也!燒虎蝦火喉拿捏準繩，吃起來啖啖肉，肉質嫩滑且鮮爽彈牙。 原隻鮮魷筒釀糯米飯$178，把魷魚釀入糯米飯，經烤焗後，魷魚外皮帶

食泰國野，都係會揀去九龍城食。而我就會去一直深受歡迎既小曼谷餐廳食。佢開左好多問分店，越開越多，都好驚會影響到餐廳個水準。今日朋友無啦啦話想食泰國野！假日怕夜晚去食多人，要等好耐位！所以lunch就去食喇！😃揀左呢間分店，餐廳好大間，裝潢好有去左泰國feel！坐得幾舒服。連下午都可以咁多人，都坐滿9成，果然厲害呀！一坐底左，天氣真係太熱，即刻叫個椰青解一解渴先！🍹大大個樹青，一大啖飲，好清甜呀！😎好解暑☀d椰青肉都好昜食到，一刮就得。正！黎食泰國野，點少得杯 三色冰🍹椰香味十足！三款唔同既椰果，好有嚼口！好鐘意食 🐽豬頸肉沙律🐖好開胃既前菜！！充滿辣味 豬頸肉，好惹味。塊塊肉都好嫩又爽口。連住少少既肥膏，好香口！生菜又好清新，辣辣地。叫左餐廳推薦既 “泰式炸芝士蝦丸”🦐曄！粒粒都好大粒！好誇張！炸到粒粒都好靚，金黃色。佢仲配埋個泰式辣醬我地沾。蝦丸咬落好爽口彈牙！好好味。一切開，裡面既半溶芝士即刻流哂出黎！好好味的樣子！！🧀芝士好濃味，蝦丸唔洗沾醬都好夠味！好味呀！另外仲叫左燒盲鰽🐟即叫即燒，所以要等一等。好大條🐟🐟！燒得有幾靚！望落外皮燒到好朝身咁，但一揭起塊皮，好似有幾滑咁喎！！

儍爸話想食泰國菜就去了出名多泰國菜館的九龍城搵食天氣炎熱，點了兩杯冰凍飲品降溫儍爸點了杯必食的 ... 青檸菠蘿沙冰 HK$36酸酸甜甜仲有青檸的清香，味道清新又消暑囝囝的 ... 椰青 HK$38椰青好大個，裡面的椰青水好清甜，仲有很多椰青肉先來一客 ... 泰式拼盤 HK$168 (大份)泰式拼盤有齊哂我們想食的泰式炸物蝦餅、魚餅、春卷和雲吞各 3 件，每人一件無得爭 儍媽最鍾意炸雲吞，裡面全部都是爽口彈牙的鮮蝦，大大粒很足料~~點了客必食的 ...極上燒安格斯西冷牛小排 HK$198極上燒安格斯西冷牛小排燒得啱啱好肉味濃郁，肉汁豐富，又有咬口本來儍媽想食泰式炒河粉但是旁邊兩個魷魚控話想食燒魷魚唯有轉食 ... 原隻鮮魷筒釀糯米飯 HK$178 (原價) → HK$158 (特價)魷魚很大隻又夠厚肉，不會燒得過火至乾身帶點焦香的魷魚配上炒過的糯米飯入口鮮味爽韌又帶點軟糯，配上泰式酸辣汁更惹味好吃最後，店家仲送上甜品 ... 泰式椰汁西米糕 ... 真是太滿足喇 !!! ** 以上分享是以我的口味、喜好和情況作出分享及感受，一試 / 合用與否請自行決定

天氣真係熱到人都癲，咁熱就梗係唔可以留係廚房煮飯食喇！加上阿囡又去左美國做野，得返我同傻佬當然係出街食食咩好都諗左好一陣，本身我都係好鍾意食泰國菜，於是又走左去九龍城食飯行吓睇吓最後都係去返小曼谷，一來覺得坐得都舒服，二來價錢都幾公道，最重要就係之前食過係幾好食有信心！可能我地都早，入到去都無咩人，仲好！無人分薄左D冷氣食得咖哩多轉吓食其他，今次傻佬揀左鹽燒虎蝦，大大隻超彈牙，鹽香味濃又唔會好咸，反而係好鮮味，蝦頭更是爆香，點埋店家既特製甜酸醬汁更令味道再次提鮮，單食又好食，用黎送白飯或啤酒都係超級正呀！我就揀左極上燒安格斯西冷牛小排，塊牛都幾厚身，而且無咩肥膏，仲燒得好香口，入晒味又無焦，好好味道~食左肉類後又係時間食返個靚菜中和返，去得食泰國菜，我地通常都會選擇食泰式飛天通菜，因為係屋企係點煮都無佢煮得咁好食，今晚既通菜好嫩，食入口都唔使咬好多啖就已經吞到，而且又好夠味！十個正！！尾聲再飲返個冰凍椰青，真係涼透入心，好消暑呀~~~~

講到最好食泰國菜點少得九龍城地區，小曼谷又幾好食，係幾旺要少少時間等位。但好食等少少時間Ok.我就點杯番茄仔沙冰（$28），雖然係冷門野，但甜甜酸酸好開胃。我要個冰凍椰青（$38），青肉滑不溜口。yummy!見到優惠，海鮮燒烤第二碟半價，ok喎！下次去食。清清地叫碟明爐蒸桂花魚（$238），這個整法是我最愛，好多香葉、蜆、菇、粉絲、肉碎再加上酸酸甜甜的開胃汁真的可以説是perfect!魚肉又滑，我好鍾意這個邊爐魚整法。泰皇咖喱炒大蜆（$148）又係嘢味菜式，濃濃咖喱汁再加鮮甜大蜆又係我鍾意，我再叫客泰式蒜蓉包（$28）連汁都冇晒。全部清曬所有食物。

本身間中也會吃吃泰菜, 但怎知上月去完曼谷後簡直是回味不已, 很掛念當地的冬蔭功, 燒雞翼, 船麵等等......要舒緩這些思念, 只能走到香港的「小泰國」九龍城吃返餐泰菜緩我念掛。在九龍城有幾間分店的小曼谷, 由泰國廚師主理, 帶來傳統的滋味。這次我們去了門口有個大公仔那間, 每次搭車經過見到"他"手舞足蹈, 實在很難令人忘記這店。幸好這次在平日約七時便開餐, 不用訂位也可以。但七時半後已經差不多"全院滿座", 果然是早到的肥貓有飯吃。點菜揀一些店家推介最"穩陣", 雖然這店有不少菜式, 但我們很快已有三個心水。天氣太熱, 先來每人一杯凍飲, 我當然是揀這期當造的芒果沙冰。非常香甜濃蜜, 味道一點也不會人工, 將整個泰國芒果果汁打汁雪凍, 每口都冰涼可口。而身邊那位點的青檸菠蘿沙冰味道較清新, 十分醒胃, 也是他一貫鍾愛的口味。第一個送來的原隻魷魚筒釀糯米飯, 看見這隻大大隻燒魷魚真是口水也流出來。魷魚肉厚, 質感彈牙實在, 味道新鮮, 一點也沒有雪味。內裏入了味加了泰式臘腸等配料, 糯米飯更是味道豐富, 好味得有點意外。想不到這個泰皇咖喱法包軟殼蟹都幾大份, 我們要很努力才能把法包

約咗舊同學聚餐， 提議去九龍城小曼谷， 放工唔想逼地鐵去尖沙咀， 改去九龍城可以搭巴士唔塞車。天氣好熱好想食辣嘢衝擊一下。 但唔想食四川麻辣改為泰式的辣。上網睇食評已經想吃明爐魚窩。 很喜歡那種熱辣辣用明火慶著的魚鍋， 食魚一定要趁熱(除咗魚生)。 今晚這個魚鍋用上桂花魚。 很有特色， 之前未試過。 桂花魚魚味唔算太重但好滑， 用嚟做明爐魚還是第一次試。 上檯已聞到很香的香料，青檸味。 先試一啖魚湯， 夾雜著青檸的酸，蒜味和辣椒的香， 味道複雜清香，刺激辛辣， 很過癮。 魚肉夾雜著惹味的湯汁和各種香料， 鮮味無比。 吃不停口最後只剩下魚骨。大熱天時來杯熱帶特飲特別爽。青檸菠蘿沙冰$36估唔到青檸的酸更能帶出菠蘿的味道。 清甜解渴鮮果味十足。 比配上椰奶菠蘿沙冰更具風味。$148食泰國嘢另一主打是咖哩。 泰式咖哩唔會太刺激， 通常加入蛋和椰奶，比較香甜， 很適合蒜蓉包或薄餅同吃。 這份咖哩炒大蜆， 咖哩汁香甜濃滑， 洋蔥，青椒，大蔥， 滋味無比。 大蜆顧名思義果然很大隻， 隻隻厚肉冇沙。 配以烤焗得惹味的蒜蓉包， 咖哩醬汁才是主角。 蒜蓉包很大塊又夠厚， 表面超多蒜蓉牛油，唔會乾噌噌。鹽

成日話九龍城系小泰國，有好多泰菜既選擇，但我去親差唔多次次都去小曼谷，除非gathering選擇權唔系自己度。可能有其他隱世之店，但畢竟小曼谷甘出名，一定系最穩陣既選擇!除左一般你諗得到既特色泰國菜，仲有燒海鮮，而且仲系期間限定優惠，抵食啊!三十幾度，無辦法唔飲杯冰凍飲品。椰汁沙冰冰得黎仲有絲絲椰沙質感，軟綿綿又唔會太冰，椰味香但唔會太甜。泰式小食拼盤(168/大)有炸蝦餅、魚餅、春卷及雲吞各三件。炸物超級香口惹味，蝦餅既鮮蝦味尤其突出，為我至愛。魚餅standard味道，春卷都唔錯，但要趁熱食。咖喱炒大蜆 (148) - 泰式咖喱加左金不換，所以特別香。小曼谷既咖喱都幾出名，好多人都叫唔同既咖喱系列，例如咖喱炒膏蟹、咖喱炒虎蝦、咖喱炒大蜆等等，但最重要都系叫返個飯/ 蒜蓉包黎食，唔好浪費啲咖喱汁。小曼谷五星燒雞 (238/一隻) - 燒雞好惹味，岩岩燒起非常肉嫩多汁，本身調味已經夠曬香口惹味，但都可以加埋秘製醬汁。但真系要趁熱食，攤凍左就會比較乾身。

一早食過九龍城的小曼谷，真係好好味，每次搭車經過見到門口的吹氣公仔向客人招手，就心思思好想入去食，今晚就有機會啦！老公今日要去九龍城工作，知我想去小曼谷食泰國菜，就約我今晚一齊去食，我一定會準時到！我好喜歡這個吹氣廚師公仔，好像在說：請入內試試我們的美食吧！有現場歌手演唱，伴着我們優閒地享受美食！而家晚上9時後有優惠，有七折，真係好抵食！小曼谷招牌海南雞：之前食過小曼谷的海南雞，令我一試難忘，今次我堅持要叫一隻，同老公每人半隻，滿足我的食慾，雞肉好嫩滑，他們特製的海南雞醬，酸酸辣辣的好好味！明爐香檸汁蒸桂花魚：桂花魚是上等貴價魚，新鮮、大條又厚肉，用特製酸辣汁蒸，並用明火爐盛載上枱，保持魚的熱度，魚肉入味又嫩滑，酸辣汁好惹味！而且辣味適中，如要食辣些，可再點些另上的酸辣醬。鮮菠蘿海鮮炒飯：飯粒粒分明炒得夠穫氣，材料有大蝦、魷魚、鮮菠蘿、蛋等，還有香脆味甜的肉鬆，撈埋一齊食特別好味！象啤：老公話好純。椰汁涼粉冰：冰凍的椰汁是夏天最佳飲品之一，加入滑滑的涼粉更添口感。甜甜的，一杯透心涼，好好飲！