小曼谷海鮮燒烤屋

營業中

休息中

好耐無食過泰菜，今晚黎九龍城食。小曼谷，五洗講，好多人都食過豬肉碎生菜包，係我泰菜中，必吃的一款。豬肉碎生菜包，加左小小辣椒，但五會好辣，適合我呢d鐘意食辣但又五太食得辣的人而且香料味五算太重，岩返香港人口味。泰式小食拼盤，有分大細，叫左個細，但黎到都好大件下。其中蝦餅最正！肉質好實在，啖啖肉泰式炒金邊粉。如果味道更濃就更好！飲品方面十分出色，值得一嚐！芒果沙冰，勁濃郁芒果味，飲得出用左好多芒果鮮窄而成，杯內仲有芒果肉正！必試椰皇沙冰都五錯，味道都係好濃

兩間分店，兩舖相連，我訂枱明明係打去大舖訂，準時去到場内冇坐爆，個侍應係都要我地坐隔離細舖，去到係一間放滿雜物頂住張櫈咁背住坐的格局。。。我們傻眼🙄 然後要求換位，佢話d 大枱係留俾其他人... （咁我book 枱嚟做咩？）嘢食.... 係我食過九龍城中最難食嘅一間....黃咖哩雞肉但個汁綠綠地色...？！ d 薯仔壞咗仲有陣臭味 🤮芒果炒飯佢落錯咗芒果糯米飯 😅炒通菜同冬陰功湯都好重味，點知嚟料😨 飲完成晚口乾到不停灌水.................食完我唔見咗嘢，我再返去搵，點知見到米奇🙀🐀😰記得初初開業，呢間長期排隊，點知越做越求祈。。九龍城我食過無數間泰國食店，每間都各有特色，呢間點解可以差成咁。。。 🤢🤢

今日要去附近醫院探媽咪，有少少餓，一落車就係小曼谷，前幾日買咗3張團購優惠券，$60可以當$100用，既然都到啦就用返張當然要食返必食嘅蒜蓉包，因為呢度嘅蒜蓉包的確做得幾出色，牛油同蒜蓉味都好香，麵包又烘得好脆，$30有4塊由於之後仲要食飯，所以唔敢食太飽叫左3串串燒，分別係雞全翼，牛舌同牛肉牛舌個味同我平時食開既唔同，呢隻較腍身，食落個味似牛楠，好難咬得開，我個人唔太鍾意呢個味，跟住就係雞翼，味道普通牛肉串味道加埋個沙嗲醬都ok，串燒味道整體合格埋單加埋一係101.2，原來起初我計錯數，加埋只係$92，但優惠卷係$100既，咁我問店員我係咪可以用埋果$8，佢話我唔知，總之你而家補返$10加一錢，我話咁我叫多樣野，佢話你自己鍾意，你叫多樣野都係要收加一，咪比多d錢囉，仲要勁大聲，搞到我好似比人鬧咁！真係好後悔買左3張優惠卷，而家仲有2張，希望下次唔會再係咁雖然話係$60買$100，要按原價加一，其實變相係7折，同埋餐廳食品既定價都唔低，所以都唔係叫到好多野食小Tips: 買左團購既朋友如果真係想食得抵既就唔好超出優惠卷價錢太多，計一計總數先落單😃

朋友一早book左7:30係大舖果邊食，結果黎到就俾左雜物房我地坐，但明明仲有好多空位。問左可唔可以轉都係hea我地😐跟住叫左幾樣野食同兩杯飲品，頭果幾樣野食黎得好快，但野飲淨係黎左一杯，驚佢唔記得所以提個女侍應，點知佢黑臉之餘仲要話 已經幫你追緊啦，你等陣啦好無？ 我岩岩先講，你又會已經追緊既？🤨全晚得碟通菜最好食，其餘都好麻麻，尤其係個黃咖哩雞，雞好hai口，薯仔又有怪味，食左少少都放棄唔食🤢再之後又黎錯左個芒果糯米飯，明明我地係叫芒果海鮮炒飯，咁個侍應又同我地R一輪，把聲又大聲，好Q煩。其實一間餐廳除左味道，服務都好緊要，佢咁既質素都開到兩間舖？真係好出人意表，但我就唔會再有下次😤

呢間小曼谷其實已經食過幾次，食物質素正正常常，當然有好食嘅菜式同埋味道普通既菜式！但係今次呢款菜式真係令到我想退返比佢！話說我哋坐低叫完嘢食之後，聽到有個侍應同櫃檯講冇海南雞，咁我哋都諗住叫第二樣㗎啦，但係個侍應有冇埋黎同我地講冇海南雞，佢同我哋講嘅係冇油飯， 轉普通白飯得唔得，我地覺得冇問題既，雖然個心想食油飯多d個！過咗一陣個海南雞送到黎，一放低已經聞到d唔多討好既味道，朋友同我都懷疑碟雞係咪變左，但又唔似係，似係d雪味！放低碟雞既時候同朋友都呆左，點解海南雞係白雪雪既？menu都係黃色架喎，點解相差咁遠？打呢篇食評之前都有睇過人地食既海南雞影既相，同我呢碟完全唔同！跟住放入口，竟然係熱既？熱既都唔緊要，果陣雪味勁到我食左一啖就成碟冇食！本身諗住同佢換，但朋友話由佢，加埋一成80幾蚊，我真係冇諗過會食到d咁既野！難食既野講完就算，希望餐廳可以改善下！椰皇沙冰，本身諗住係用椰皇水雪完打成沙冰，但原來係椰奶黎，飲落去仲有打到好碎既椰子肉，味道唔錯！蒜蓉包係唔可以唔食嘅，因為新鮮整同埋烘得好好，加上牛油同蒜蓉，點埋咖哩汁好味！咖喱汁整得好好食，建議可以配蒜蓉包或者烤餅！牛腩都多，但有d太

今次真係一次好差既體驗，先係入座！Book左6:30，我地6點鐘左右就到左，佢都可以安排我地入座，但就叫左個侍應帶我地出門口，去左轉角既分舖度坐，（但係間舖明明仲有好多位），都唔緊要，入左另一間舖之後竟然帶我地去到最入個雜物房度坐，好焗，一陣味，同樣地出面都係有位🤷🏻‍♀️，點解要帶我地去最入雜物房度坐？我地當然唔肯啦，咁個侍應就幫我地轉過個位置上菜既時候發現全部都係出面拎入黎，即係代表呢度係冇廚房，所有野食都係係隔離舖整完拎過黎，出面係馬路，人多車多，食物大部份都冇蓋cover住就拎過黎，感覺真係唔太良好！杯沙冰有故事㗎，話說我哋起初叫咗粒粒菠蘿冰，杯菠蘿冰嚟到溶左好多，嗰侍應見到個上面冇菠蘿粒，之後即刻叫人收走換過杯，但係嚟到唔好以為好多菠蘿，得個兩小粒，粒粒芒果冰都係得幾粒好細既芒果係面，同我預期中既粒粒真係相差得遠，唔講粒粒，講味道，味道偏啖，冇乜菠蘿同芒果味，個甜味完全係糖水，幸好佢冇整到太甜，不過我真係情願飲其他野生蝦刺身，味道同其他泰國舖既一樣，冇乜分別，唔係特別鮮甜鳳爪整得都幾入味，偏辣！味道Ok! 鳳爪份量唔太多，配菜好多😂咸魚粒炒椰菜苗，說好的咸魚呢？食左一半先見到d

專登搭車再嚟食呢間餐廳 咁多次都無失手 就算今晚嚟到已經九點水準都唔錯炸小食併盤保持香脆 唔覺油淋淋 醬汁唔錯炒菜味道夠香 係油多咗少少蛋包飯外形同味道都幾好 入面料夠炒海鮮金邊粉 隔離見到都要叫返碟 好味生菜包唔記得影 但唔會水淋淋同幾香口 烤豬頸肉唔會話好乾好硬 都可以一試係個咖哩軟殼蟹包爭D 唔夠炒咖哩海鮮/蝦咁好味 都係叫咖哩另加蒜茸包夠惹味沙冰味道唔錯 不過都係椰青夠貼切返泰國嘢唯一係班清潔姐姐比較一般 張椅有撻水都係用抺檯毛巾抺 抺完仲污糟過未抺 😓

This Thai restaurant is one of the most highly rated restaurants in the Kowloon City area. At lunchtime, they offer a wide variety of dishes that are all very affordable, with prices ranging from the $40-60. It's best to go in a bigger group because if you go as a group of 6, you'll only need to pay the price of 5 lunch sets!This was the green curry with beef shank. As you can see, this was massive and afterwards I was so full. The green curry was mild but went well with the rice. The beef shank

每次想到泰國這個渡假天堂總會想到陽光與海灘，一種隨心寫意的感覺。然而每次想起吃泰國菜亦令你立即聯想到九龍城, 九龍城雖然沒有風光明媚的沙灘, 但這裏絶對能夠令你感受到泰國的風情, 因為在這𥚃有不少泰國菜館和泰式的小店, 食品和用品也一應俱全。這間泰式餐廳的特色是除了有室內用餐區外, 還有室外用餐區, 雖然景觀只是繁忙的城市街景, 但坐在出面, 看著人來人往的街道，加上秋風迎面送上, 令人有一種寫意閒適的感覺。泰式柚子沙律（$98）👍👍👍👍如果你喜歡吃柚子，但又怕麻煩把柚子起皮兼起起肉，這個泰式柚子沙律就是最佳的選擇。泰國的柚子一般都比較甜美多汁，用作沙律配合大蝦，花生、泰式醬汁和香料，酸甜辣集一身，味道清新自然，的確是一個開胃醒神的頭盤。鹽燒馬友魚（$198）👍👍👍👍👍原條馬友魚用鹽燒的方式處理，外皮燒至焦香，魚肉則保持鮮嫩軟滑，加上魚肚塞了很多泰式的香草，令魚肉帶有淡淡的香氣。加上馬友魚的魚肉比起一般的烏頭或鰂魚肥美甘香，令每口魚肉都散發魚油的甘甜。泰脆炸豬手（$208）👍👍👍👍這一大盤的炸豬手已預先起骨和切件，份量之大最適合多人分享。豬手的外皮炸至鬆脆可口，皮下的脂肪也炸至甘糯軟滑

位於九龍城太子道西398號御太子地舖的小曼谷海鮮燒烤屋，主打泰國菜。之前有來吃過，水準頗不錯，所以再來光顧。有不少上班族也點了客飯的午市套餐，也可以單點菜式。小曼谷炒飯來到了，煎蛋的份量十分慷慨，每一口飯都會吃到香口的煎蛋。輕輕切開，會有炒得乾身的飯、蟹柳、豬頸肉、蝦等。炒飯頗有鑊氣，不消一會便吃掉了。之後來到的是泰式鐵板蠔餅，侍應拿著滿滿的一盤上桌，十分震撼。炸漿厚薄剛剛好，蠔餅脆卜卜。還可以點少許正宗的泰式辣醬，味道先是微甜，然後辣味再滲出。最後是明爐香檸汁蒸桂花魚，湯底是酸辣湯，所以這菜式是辛辣的。酸辣湯的味道醒神刺激，十分驚喜，個人喜愛用碗盛載少許酸辣湯，邊吃魚肉邊飲湯。桂花魚肉也十分鮮甜，肉質頗滑溜，而且骨不多，酸辣湯吊起了魚的甜味。這是飲品椰青波波。其實是整個椰殼去掉了，只剩下球體的椰肉和裡面的椰青水，味道十分清甜。朋友則點了椰皇沙冰，沙冰口感幼滑，更加爽。

好耐冇去小曼谷食嘢，今天有事要去一轉九龍城，辦完事我立即叫老公過來一齊食晚飯，因為我好掛住小曼谷的美食，尤其是海南雞，一食難忘，今晚又可以回味一下了！現場有Live 表演，一邊聽歌和音樂，另一邊享受美食，真的一樂也！小曼谷招牌海南雞 ：真係食極都唔厭，幾時食丨都甘好味！海南雞新鮮有雞味，肉質鮮嫩，連皮也是爽的，醬汁又是特別調製，真的是食過都會翻尋味！明爐香檸汁蒸桂花魚：桂花魚新鮮又大條，肉質鮮嫩，用香檸特別調製的汁蒸，味道酸中帶辣，用火熱住魚上枱，保持溫度，食得慢也不怕凍了不好食。泰式干炒肉片河 ：炒得夠鑊氣，肉片入味，河粉滑滑的，十分惹味！椰汁涼粉冰：椰汁味香濃又夠甜，涼粉滑滑的，冰凍好飲。象啤(大支裝) ：夠凍又夠啤酒味。

《小曼谷海鮮燒烤屋》講起九龍城泰式餐廳有成千上萬間，唯獨小曼谷令我回頭率最高 。餐廳於晚餐時段更有現場歌唱表演，設有室外座位，可以帶同愛犬一同進餐。燒脆皮白鱔 $118/2串白鱔燒得剛剛好皮脆肉嫩 ，加上少少七味粉吊味妙不可言。近乎百二蚊兩串抵唔抵就見仁見智，但個人認為性價比高 。燒鱔出邊都咁上下價錢。泰式炸芝士蝦丸 $94/3粒 （細)兩人食關係叫咗份細有三大粒 ！呢份芝士蝦丸真係粒粒都大得離譜，入邊仲要滿滿流心芝士 ，邪惡指數直達100，所以食完一粒都有啲飽意。不過蝦丸確係爽口彈牙，配埋炸脆嘅外層同軟軟嘅芝士，正！泰式芝士烤薄餅 $32/2塊芝士蝦丸同呢個薄餅都係必點菜式之一。薄餅酥脆可口，配上面層如此誘人嘅烤芝士，撕開一絲絲咁享用更清晰可見薄餅嘅層次，正！串爆墨魚嘴 $28墨魚嘴過韌，完全咬唔開咁制，有點伏 。翠玉瓜沙嗲串燒 $16可以燒耐啲會更好，所謂沙嗲串燒其實係另上沙嗲醬汁，而唔係搽上串燒上邊一齊燒，醬汁偏淡同稀調味唔太食到。雞肉沙嗲串燒 $16燒嘅時間剛剛好，肉汁係有。雞腎沙嗲串燒 $16爽口有嚼勁，食完想再食嘅感覺。泰式鹹魚炒椰菜苗 $82鹹魚成為椰菜苗嘅點聚炒得夠香，

今晚又來到九龍城小曼谷海鮮泰國菜。 阿囝生日，加上我哋好耐冇食泰菜， 不期然又想起九龍城嘅小曼谷，因為呢度嘅食物水準都幾穩定。每隔一段時間都會有新嘅推介美食。今晚試咗"泰式粉絲焗蟹煲"。 足有四大隻虎蝦。 超多嘅粉絲墊底盡吸蝦嘅精華。 配襯嘅仲有泰式嘅香葉， 芹菜，芫茜。味道獨特，唔係一般廣東嘅粉絲蝦煲。 如果粉絲能夠更乾爽一點更perfect! 泰皇咖哩法包軟殼蟹$198 泰式咖哩連小朋友都可以食，甜甜哋又有蛋香， 完全唔辣。 大大個法包盛滿咖哩汁， 眼球超滿足! 咖哩汁配法包超正， 法包一定要趁熱食因為出爐嘅時候仲係脆身。差點忘記隔離嘅炸軟殼蟹， 但稍為炸得over了一點， 配上香濃嘅泰式咖哩汁亦非常美味!椰青$38飲品梗係唔少得佢嘅椰青。 椰青水非常清甜， 完全唔帶酸， 裏面嘅椰肉更加係又厚又滑， 有得飲又有得食!芒果沙冰$36即叫即打嘅芒果沙冰， 芒果味香濃沙冰軟滑， 唔會太甜冇加糖水，小朋友嘅至愛!明爐蒸桂花魚$248 (唔辣)明爐桂花魚有辣有唔辣做法。 辣嘅做法鮮味更被提升， 因為之前食過而且今次帶住小朋友還是選擇唔辣。 明爐鍋熱辣辣超正， 配上泰式嘅魚湯， 仲有各種泰式

之前食過覺得好食 見掛住泰國野就食反佢 不過對比之前 好失望！！先係蝦粉絲 好普通好失望 原本最期待嘅 但係味完全唔掂 先唔講同泰國嘅比較 但係粉絲個味好似普通豉油汁咁 最重要等好耐都冇到！其次係蒜蓉包 好乾好硬好油 已經係即到即食 但係都好油咁 好濟 掂咖哩食先好少少咁個印度酥餅 普普通通唔太差唔太特別 而個咖哩 個人覺得太椰汁 唔夠香西冷牛排 出奇地好食！肉眼好好 唔係好硬好難食 而且加埋啲香料好食！值得一試芝心蝦丸 好食！5粒完全唔夠喉 炸得酥脆 又香芝士味又重 正！！！串燒 算係泰國必食一環 豬串好好食 好有味口感好好 不過牛串好硬好乾 相比下豬好得多相比之前 今次真係好失望 食物質素退步咗

九龍城真係個美食天堂，每次黎多數都係食泰國菜/ 打邊爐。今日同男朋友黎到呢家老字號品牌，係正街口一d都唔難搵。入座後冇耐都漸漸坐滿客泰式生蝦刺身 $118無人不知既生蝦刺身，生蝦大隻又爽口彈牙，配上生蒜 & 泰式醬汁係幾襯嫁☺️ 做小食係個唔錯既選擇燒安格斯西冷牛扒 $228絕對對得起呢個價錢！因為份量好多，差不多有成20片西冷牛扒肉，燒得好有火喉但唔會太過火，牛扒呈少少粉嫩色，而且肥瘦均勻，係juicy既牛扒肉，好味道啊❤️另外點左呢個泰皇咖喱炒海鮮 $238估唔到又係大大盤放上枱，入面既海鮮多不勝數，見到佢呢個咖喱咁多汁都忍唔坐點左份蒜蓉包沾黎食，吸收左咖喱汁既蒜蓉包真係好鬼正啊🤤🤤🤤 咖喱唔係辣果款，因為有雞蛋關係汁有Dd杰身但唔會過份杰，帶有椰香同奶香味青口，蜆肉，魷魚，仲有兩隻好大既虎蝦，海鮮都係新鮮的，虎蝦肉實的的同有彈性，青口同蜆都係大型size，咖喱因為味道唔算好濃所以仲可以嘗到海鮮既味道，因為叫左蒜蓉包關係連個咖喱汁都食左一大半，真係好滿足既一晚呢!近期男朋友愛上既咸檸7，不過呢度用既係酸梅，味道其實都係酸酸甜甜，開胃既飲品泰式椰青飲得多，椰青波波真係第一次，呢個正正就係