小曼谷海鮮燒烤屋

營業中

休息中

今日同女朋友黎到九龍城，見到有間小曼谷餐廳門口有隻充氣既娃娃，好吸引人既目光，甘就入去試下啦反正好耐無食過泰國菜。入面環境偏暗，都好有氣氛。甘第一度菜我地就叫左柚子沙律，依道菜好特別，柚子酸酸甜甜，但入面又有花生粒，會有少少鹹味，叫黎開胃真係一流。甘之後就叫左道豬頸肉，豬頸肉好大碟，份量十足，而且燒得啱啱好，唔會有燶既情況。食完兩個小食，就叫左兩道主菜，分別係芒果蟹肉炒飯同鮮蝦炒金邊粉。兩道主菜份量都十足，炒飯配上芒果，令人食既時候有d清新既感覺。金邊粉亦都炒得好香，但唔會太乾身，再之後我地緊係叫左少少串燒黎食，當中不得不提牛舌，出面既牛舌一般都係好薄，但佢既牛舌好厚同埋好冧，唔會好難咬。而且串燒都燒得好好，肉質夠哂嫩口。至於飲品就分別叫左芒果椰汁沙冰同椰皇沙冰，兩杯既甜度都係淡淡地好清涼，會令你飲完即時解渴。

早排約左兩個舊同學食飯，其中一個超愛泰國菜，咁今次就唔試新餐廳，揀左呢間大家都聽過既餐廳—小曼谷，我記得以前食過都十分唔錯😋一入座員工就一人送左個好精美既口罩套比我地，我到而家仲有keep住同用的。菜式選擇非常多，樣樣都想試，最後揀左啲大路既菜式同埋佢地熱門既款😝好快就黎到既係1️⃣泰式馬拉盞炒通菜即叫即炒，熱辣辣好香呀。 啲通菜一啲都唔老，好爽口。而家馬拉盞味道好濃好香。份量都唔少架。跟住黎既係2️⃣泰式生蝦刺身總共有6件，排得靚靚。重點係啲生蝦又大隻又爽甜，口感好好！同朋友邊食邊點頭。推介！仲有個特式菜3️⃣原隻鮮魷筒釀糯米飯呢個係餐廳熱門菜，朋友見到即刻話想要試。 隻魷魚一啲都唔細，3個人食都夠多，事關佢入面包住滿滿既糯米飯。魷魚都幾爽口，只係稍乾左啲啲，但入面既糯米飯就相當入味。呢個菜式真係幾特別。飲品方面 叫左杯最大路既4️⃣芒果椰汁沙冰好大我杯，我好欣賞佢啲冰打得碎夠綿，味道亦唔會太酸或者甜，夠哂解渴。呢餐真係食得超級飽，其實個menu仲有好多野想試，下次再戰😋

近排迷上左泰國菜，經過見到間舖都好多人食就入去試下。因為啱啱放工所以好肚餓，兩個人叫左勁多野食，食曬但係飽到就嘔😂餐廳有好多款泰國菜揀，講得出既佢大部分都有。首先上左個沙律做前菜，我地叫左泰式鮮蝦柚子沙律。成個沙律份量非常之大，滿滿一碟上面堆滿柚子，想講D柚子真係超級甜，勁多汁勁清甜，再吸埋佢酸酸甜甜既醬汁勁好食，另外有D花生碎，咬落柚子爆汁再配花生碎硬硬地好有口感，仲配左三四隻厚身既大蝦，食到去最後都仲有好多醬汁完全唔擔心會好乾，作為開胃菜超級適合同埋整體味道都好特別，鍾意柚子既必食，我地就兩個人食，但感覺個沙律三四個人分都OK。之後上左飲品，去泰國餐廳少不免要叫椰子野飲，我叫左椰皇沙冰。幾大一杯，沙冰夠凍，味道唔太濃，有淡淡既椰香，飲到最後有d椰蓉可以食下。提到野飲見隔離臺叫左椰青好大一舊好似幾好飲，下次又試下。之後上左泰式鮮蝦炒金邊粉，去泰國餐廳點Pad Thai已經係慣性動作。佢金邊粉好大一碟，配料都好足。金邊粉扁身質感連綿，鍾意佢芽菜夠爽口，同埋好多蛋碎，夠入味甜甜地但又唔會太濃，配左三隻蝦鮮甜厚身，鍾意食金邊粉既值得一試。另一個主菜係鮮芒蟹肉炒飯，又係好大一碟。個飯炒得夠香

去九龍城食泰菜，絕對要嚟呢間餐廳喔！超抵食，又好味！🧀芝士炸蝦丸（$94@3）網球咁大粒，幾吸引📸外層香脆彈牙一啖咬落去芝士湧出...雖然未至於好澎湃，但都有好濃芝士味喔！🥢泰式芝士烤酥餅（$32@2）新鮮滾熱辣上枱，香氣泗溢呢🤤酥餅酥脆有層次感，非常”芝”味！但注意酥餅比較油，飽膩感會偏高喔⚠️🧄泰式蒜蓉包（$30@4）比想像中大件好多😍咬落包邊爽爽聲，夠哂脆口！食到好香嘅蒜蓉味，但又未至於太濃烈用嚟撈咖喱絕襯呀👍🏻🍛黃咖哩牛腩（$88）咖哩富椰汁香味，香而不辣牛腩大件具口感，牛味好濃喔！🍴冬陰海鮮炒公氣麵（$83，走青）可揀走青走韮菜走芽菜😉海鮮份量都幾多...有帶子、原隻蝦、青口&魷魚🦑而公仔麵炒得非常入味每啖都食到酸辣嘅冬陰功味喔！開胃惹味，配料又夠多，推介必食呀💯🥤芒果沙冰（$36）大啖一啜... 認真不得了呀💕沙冰勁重芒果味，超香甜而且夠哂凍，透心涼呢❄️

很久沒見外出用膳了, 今天同老友慶生，再出省吃個晚飯, 小曼谷之前也曾光顧，印象很好，便提議再次去飽腹一頓！今日我地完全將健康拋諸腦後，第一道上的菜便是滿滿的串燒，有串燒墨魚咀，串燒雞軟骨，川燒雞腎還有鮑魚菇，雞軟骨。雞腎和墨魚咀很爽口，吃得出燒的時候灑上了一點鹽，鮑魚菇口感的確有點像真的鮑魚！作為前菜很開胃！然後有馬拉盞炒通菜，通菜味道剛剛好，馬拉盞很香，跟我在泰國吃的味道差不多！很正宗海鮮青咖喱，青咖喱有椰香味，而且海鮮很豐富，有魷魚有青口也有一點很爽口的蔬菜！一點也不辣！不嗜辛辣者也啱吃！配飯一流。泰式鐵板蠔餅很驚喜的蠔餅，裏面有很多生蠔，生蠔帶有一點海水味，餅底裏面有芽菜，令整道菜沒有肥膩感！也可以防止蠔餅燒焦！泰式燒魷魚，魷魚大大隻啖啖肉是encore之選我們還點了涼粉冰和芒果沙冰來作一個甜甜的結尾！小曼谷！我會再再來

泰菜來說，我還是很喜歡到這家小曼谷海鮮燒烤屋吃飯，這次已經是第n次來了。他們的串燒很新鮮，今天點了帶子和鮮蝦串燒，帶子很大顆，很有口感。蝦是牛油烤蝦，很香很多肉，順帶一提小蕃茄很鮮甜。泰式鐵板蠔餅是我最喜歡的一盤，很大的一盤鐵板蠔餅，蛋醬金香，蠔仔非常大隻，超級香口好吃。芝士炸蝦球很有gimmick, 大大的蝦球切出來是流心芝士，記得趁熱吃。香辣肉碎炒飯還真的是挺辣的，但實在是炒得很有鑊氣。燒豬頸肉原來很大一塊，烤得很香，沾上有魚露的泰式酸辣醬很惹味。生菜包也不錯，很多肉碎而且都炒得挺香，包起來吃很fresh小曼谷是一直不會讓人失望的正宗泰菜餐廳。

自從新冠疫情後已很久沒有相約三五知己外出用膳了！朋友想吃泰菜，便決定找一間口碑好的嘆一嘆，九龍城可說是泰國菜的集中地！朋友曾光顧這間小曼谷！吃過後，果然值得記錄一下！泰式馬拉盞通菜通菜爽口新鮮！馬拉盞味道剛剛好！有一點椒絲吊味卻不辣！邊傾邊吃，菜放了一陣也不會變黃！靑咖哩海鮮再加泰式原味烤薄餅青咖哩很香！跟烤薄餅簡直是絕配！ 濃合咖哩內有豐富海鮮！回本之選！泰式鐵板蠔餅很大碟！蠔餅內充滿着肥美的生蠔！一點也不吝嗇！外跪內軟！而生蠔鮮味十足！非常惹味！泰式原隻鮮魷魷魚大隻厚肉! 啖啖肉而不太焦! 吃得到沒加太多調味！主要吃鮮味，驚喜!再來杯椰汁涼粉冰椰味比其他餐廳來得香濃！加涼粉簡直暑氣全消！雖然卡路里高！但最後也全杯KO凍檸樂這杯可是原罐可樂上，性價比高

好耐冇食過泰菜了，😊咁岩我嘅寶寶們都有興趣食，咁我就提議食我最鍾意食嘅小曼谷🥰。✌🏻九龍城有兩間小曼谷，我就鐘意出面個間，因為比較新同大間。😜呢到有好多款野食！⭐️泰王咖喱法包軟殼蟹😋超大個法包，應該足夠4個人share 黎食。要讚下個包整得幾好食😋，外脆內軟！點埋咖哩食，正正！❤️⭐️冬陰功湯🌶佢有兩個size揀，我地呢個係中size。好足料！有幾隻大蝦🍤，菇同唔同嘅香料！個湯係好飲嘅，但佢就唔同出面椰奶咁重，飲落似湯水多d嘅。⭐️泰式拼盤🥰呢個拼盤不得了，諗住三個人叫個大嘅，就大份左了，其實細嘅都足夠三個人食。❤️佢有蝦餅、魚餅、春卷同雞棗，每款有三件，跟住其實佢每件都會分一半，變相其實有六件！😋係好食嘅特別鍾意佢個蝦餅！又彈牙，蝦膠同蝦肉又夠！⭐️榴槤冰好少會有榴槤沙冰！😎今次叫咗個飲，個味道好天然，好似真係攞舊榴槤打出嚟咁！🤗最上有少少榴槤肉，杯野又唔係話好甜，有清新嘅感覺！👍🏼

記得這家餐廳在九龍城已經開業很久，以前都吃過，味道正宗，份量蠻多，價錢合理。這次和朋友過來吃泰菜，幸好有訂位，晚飯時分，人流絡繹不絕。而且轉了電子下單方式，以手機掃收據上的QR Code，直接在上面選擇及點菜，方便多了。天氣炎熱，但這裡冷氣不太夠，吃辣更加會不停流汗，先來一杯芒果椰汁沙冰，解解渴。泰國菜少不了他們的惹味炒菜。最喜歡吃椰菜苗，泰式馬拉盞炒椰菜苗，椰菜苗翠綠，新鮮，以馬拉盞炒，炒得鹹香，蒜香，不過味道偏濃。小菜的泰式鐵板蠔餅以鐵板呈上。這澎湃的蛋餅，原來底下有很多芽菜墊高，蛋及蠔仔份量也挺多，蠔仔肉飽滿。主食點了一份香葉辣椒豬肉碎炒飯，上面還有隻荷包蛋蓋著飯，飯底較濕潤。材料簡單。豬肉碎香辣，飯入面還藏了很多指天椒粒，越吃越辣越過癮。

呢間泰國菜，已經嚟咗好多次，依然食過返尋味，百吃不厭，冇得去旅行，唯有係咁食唔同國家嘅嘢，當自己喺椰林樹影下嘆緊泰國菜！-熱辣辣嘅天氣，當然要先飲個椰青，凍冰冰又甜！-今次嗌咗幾款串燒，有安格斯牛小排，帶子，雞全翼。特別推介雞全翼，燒得唔會太過乾，仲保持到雞翼嘅juicy。-另外叫咗一個海鮮孖寶，有大蝦同埋扇貝，非常新鮮！-今次特別試咗佢個煲仔翅，配上芫荽蔥芽菜等等嘅配料，口感大增！-一個完美嘅晚飯當然要有甜品啦，最近芒果當造，梗係要食芒果糯米飯！

家姐上次食完返嚟係咁話好好食.佢知我鍾意食泰國菜.所以叫我一定要去試吓.咁就跟佢去試吓啦。佢驚我唔知邊間.特登影咗門口隻公仔比我認。🤣去到門口.原來係隻好大嘅吹氣公仔.望住佢有莫名嘅喜感.未入門口已經有愉快心情.入門口前都做足防疫措施。👍🏻第一次食乜都想試吓.所以都叫咗好多款.上菜速度都算快.態度好亦會幫忙執位👍🏻首先嚟到嘅係冬陰功.賣相幾好.好足料.味道香濃到位。再嚟係明爐香檸汁蒸烏頭,呢樣係我食泰國菜必叫嘅.一嚟到已經香噴噴.檸檬清香撲鼻.食慾大增.味道口感都無令我失望。跟著到串燒嚟到.我哋叫咗3款串燒.泰式臘腸,安格斯牛柳粒同埋豬肉串。豬肉串又係我食泰式串燒必定叫嘅.配搭嘅沙嗲汁間間都有佢唔同嘅特色.今次呢個係偏甜.用粗粒花生調配.令口感更豐富。泰式臘腸我係第一次食.望落去同中式臘腸好似.原來食落都似.🤣不過唔同嘅係.泰式比較粗啲圓潤啲.因為係串燒.所以食落有燒過嘅焦香.超正。安格斯牛柳粒燒得夠林.牛味都重.筋位燒到焦焦地.口感同味道都好好.咬完唔捨得吞。😍咖喱炒蜆都係第一次食.唔係好食得辣嘅我都食到.味道同出面一般嘅咖喱有少少唔同.好似多咗一種香料嘅味.係好食嘅.蜆肉粒粒都飽滿

星期四放工雞咁腳衝去九龍城食飯，衝到去朋友已經等咗我一陣，不過都要等一陣位，好多人等緊有位入去坐得，有口罩套同搓手液送，口罩套有佢地象仔logo。餐廳樓底高，就算多人都唔會覺得有壓迫感。天氣熱，坐底即刻見到佢有個36蚊大大支酒有得叫，即要再點咗個海鮮青咖哩，飛天通菜，菠蘿雞肉炒飯，3串串燒（2牛＆1豬）。咖哩足料，有蝦有魷魚仲有帶子，夾埋炒飯幾好，唔咸唔算好辣。串燒肉質新鮮，燒到啱啱好。重點係個飛天通常，食到剩返dd菜碎都要夾埋佢，朋友仲話想試自己整，因為太正喇。辣得好過癮，入口勁香，配埋凍啤酒真係心曠神怡

平時都知九龍城出名食泰國🇹🇭菜 今日終於有機會朝聖！星期五打電話book星期日檯 想食7點 點知店員話full晒要6:30/9:00 哇真係認真爆場 最後店員好好卑我book 6:45。 哇去到九龍城 度度都係車 完全拍唔到車 等左25分鐘終於有車出 有位入 好彩早到 如果唔係遲入座就唔太好啦一座低 叫野食 原來要自己寫number起張紙仔度 然後姐姐員工 會好似背書咁同你對單 佩服佢地既記憶力👍👍大熱天時 要叫d野飲先 見奇異果🥝沙冰係推介之選 好啦 就叫佢！ 哇 味道真係唔錯 唔太甜 好自然 夠奇異果味但唔酸！成杯野仲會見到d奇異果籽 有助排便啊！❤️最鍾意係條燒白鱔 好脆 夠厚身 真係好想叫多幾串 不過有d貴 🧡另外叫左隻咖喱肉蟹 時價 $4xx 哇好大隻蟹 個殼大過我隻手板 淡淡肉 個咖喱汁都好q正 唔太辣帶甜 好送飯！最後我地食晒d蟹同蔥 仲叫姨姨幫我地打包走d汁 用黎聽日煮餸！💛仲叫左燒盲曹魚 好好食 唔多骨 好滑 亦唔腥！推介所有愛食魚既朋友💚 叫咖喱蟹既時候 姐姐店員推介我地食薄餅 薄餅好酥脆 好想奶油味 但食落唔油 不過唯一唔好之處就係佢太脆 好難直接點咖喱汁 要用匙

今日夜晚想食泰國菜，於是就揀咗九龍城個人認為最好食嘅一間泰國菜「小曼谷海鮮燒烤屋」。記得去之前要卜位，因為佢都好多人食同埋work in 嘅話都要等位。咁我哋今次就叫咗三道菜同兩杯嘢飲1.泰王咖喱法包軟殼蟹😬佢係用一個法包包住咖喱汁，而軟殼蟹就放咗喺旁邊😋為咗防止軟殼蟹浸左喺咖喱汁入邊而影響到佢脆卜卜嘅一面，所以佢會放喺旁邊🙃唔使再額外叫薄餅同埋蒜蓉包2.豬肉碎生菜包😋個人認為唔夠辣，但係份量比起其他泰國餐廳大份3.泰式馬拉盞炒通菜，好濃味同埋佢加咗好多材料喺入邊一齊炒，係勁好食😋😋😋咁我哋兩個人就食呢三道菜已經好飽啦，因為個法包真係好大份😳飲品方面我哋就叫咗芒果沙冰同埋椰皇沙冰👍夠濃縮的芒果同椰汁味🤪

早排食完一次，好掛住佢個烤魚，今日就帶細妹嚟食。😋Book咗6:30 ，放工來到差唔多，門口隻吹氣公仔真係好令人深刻，細妹第一次嚟，都係全靠呢隻吹氣公仔令佢唔使搵咁多冤枉路。一入到去，職員都不忘做最緊要嘅事——探熱，呢間餐廳好科技化，竟然可以掃QR code喺電話落order，超方便。兩個人又係眼闊肚窄，上次食咗桂花魚，今次想試吓明爐香檸汁烏頭魚，另外仲叫咗咖喱炒蜆，幾款串燒，泰式炸魚餅… …冬陰功：好夠味，飲完唔會好頸渴，材料好足，每人有一隻大蝦，都幾新鮮，分量剛剛好。明爐香檸汁烏頭魚：最期待嘅一樣，好鍾意烏頭魚本身嘅口感，香檸汁越煮越出味，酸酸地，加埋其他香料調成嘅汁同條魚好夾。串燒臘腸：平時食中式臘腸食得多，泰式嘅又係點嘅呢？其實同中式差唔多，但係原來燒烤咁樣食都好得意，表層甜甜地，燒來食仲多咗d焦香。串燒安格斯牛柳粒：每次食串燒都必叫，不過有啲會燒到好韌，但係佢又吾會，仲有少少筋位，口感吾錯，而且牛肉好靚，唔使點樣落調味料，牛味已經好香。咖喱炒蜆：超級送飯系列，辣到啱啱好（因為我哋揀咗黃咖喱），粒粒蜆都脹卜卜，啖啖肉。燒豬肉：唔算好特別，但味道都唔錯嘅。泰式炸魚餅：喺泰國食過一