小曼谷海鮮燒烤屋

營業中

休息中

好耐好耐冇去食泰國嘢！ 今晚一於去九龍城開餐。一坐低先飲支泰國啤酒同埋沙冰😮‍💨 成個人即刻涼浸浸！食泰國嘢梗係要食串燒啦，呢度嘅串燒勁多選擇，差唔多你諗到嘅都有，我哋都叫咗好多啊：司華力腸、雞肉、豬肉、牛肉、雞腎😂 一定要撈佢嘅沙嗲醬，香濃惹味！另外叫咗咖喱牛腩同埋蒜蓉包，呢個絕對係唔會輸嘅組合。牛腩煮得好淋好入味，推介👍🏻.蛋包飯主要比小朋友食，味道淡咗少少，不過材料都好豐富。最後再飲埋蟹肉魚肚羹，好飽好滿足。

串燒：牛肉，豬肉，雞全翼燒得好好味，唔會乾身亦唔韌，蘸上花生味香濃既然沙爹醬，正！海鮮媽寶：牛油蒜蓉燒虎蝦3隻+牛油蒜蓉青口半打（$238）兩款海鮮上面小銀魚乾，蒜蓉，好特別。虎蝦大大隻，好彈牙，好食！青口味道都ok，但比較韌口，個人覺得下次叫其他海鮮應該更好食明爐蒸桂花魚（$256）桂花魚好新鮮，唔腥，肉質嫩滑，配料有香茅，洋蔥，秀珍菇，娃娃菜等。條魚本身冇咩味道，一蘸上泰式酸辣醬，越食越好味，越食越辣，呢個時候飲上杯凍飲，真係爽！

今晚又去左九龍城試另一間泰國菜😎 呢間相信大家都唔會陌生 因為門口有一隻不斷向你揮手嘅吹氣公仔😆 餐廳入面都有幾多座位 晚市都坐滿人🤩Scan qr code落單 例牌每次食泰國菜都會叫咖喱 今晚都唔例外🥰 另外見呢間餐廳叫燒烤屋 所以仲叫左幾串串燒：🥘泰皇咖喱炒海鮮好豐富 有大頭蝦 帶子 青口 魷魚等等👅 海鮮嘅咖喱加左雞蛋烹調特別好飯 味道惹味 減低辣度 配搭海鮮一流👍🏻泰式蒜茸包一客4塊 好香脆 包上加左好多蒜蓉好香😋泰式鮮蝦炒金邊粉有多隻爽口大蝦 好多配菜 味道都唔錯 酸酸甜甜好開胃👅泰式臘腸好少食串燒燒嘅泰式臘腸😆 都幾香 可以一試👍🏻串燒雞幾嫩 點埋佢哋嘅沙嗲醬好惹味 沙嗲醬仲食到粒粒花生 唔會好鹹🤩頂級安格斯牛柳粒串安格斯牛柳燒到剛好 好香 加左黑椒粒燒👍🏻小曼谷原隻芒果糯米飯糯米飯熱辣辣架😍 加上原隻香甜芒果 係食泰國菜必點嘅甜品🤤椰皇沙冰 好清涼 入面仲有粒粒椰子肉 正🌟

天氣時熱時落雨，最好就係叫外賣舒舒服服宅在家慢慢歎。呢間泰菜外賣都可保持到水準，忍唔住食完再食👍🏻黃咖喱🐓雞肉咖喱唔會太辣，稍嫌香料味唔夠濃，反而配上既鮮雞件夠嫩滑鮮味，眾有加左唔少蔬菜。風味燒🐽豬頸肉 豬頸肉燒得焦香惹味，肉質爽口彈牙，肥瘦剛好唔會食完成口油，而且份量超多放左兩層。豬肉生菜🥬包免治豬肉肥瘦肉適中，醃得夠入味，調味香辣合適，酸辣醒胃。馬拉盞炒椰菜苗爆香既馬拉盞加上椰菜苗爽脆，香辣惹味，底層既菜因為浸住汁稍咸。鮮菠蘿🍍雞肉炒飯用上鮮菠蘿+雞肉等炒香，稍認為炒飯底味道較淡，可加多咖喱和薑黃既調味。泰式鮮蝦🦐炒金邊粉金邊粉用羅望子醬、椰糖、魚露等炒香，咸香中帶酸甜好開胃，炒得夠乾身鬆身，唔會油淋淋。泰式原味烤酥餅酥餅外賣黎到都keep到香酥脆，好香奶香味，但如果鍾意較酥軟質感既就未必覺得岩口味啦，因為真係好脆😆泰式蒜蓉包蒜蓉包同樣出色，入口依然外層脆卜卜、內裡軟熟，蒜香牛油香味兼備。💕歡迎FOLLOW IG📳na.foodie_tour

今晚去了九龍城行過這裡，當然唔使想就佢啦，份量足料，食物質素有保證，最緊要大大碟價錢相宜，咁多優點完全冇藉口唔揀佢😜當然會點心水食物，先來個泰式醃粉絲肉碎沙律，大大份泰式醃粉絲上放上了肉碎，泰式醃粉絲十分彈牙爽口之餘加上個沙律汁帶點酸酸十分醒胃，配哩肉碎入口味道十分配合！主食就係差不多次次都點的泰式鮮蝦炒金邊粉，口味夠哂正宗，用上了芽菜、蛋絲、豆腐卜、葱作為配料外，上面還有大大隻又彈牙爽口嘅鮮蝦，加埋炒得十分入味嘅金邊粉配哩旁邊嘅香脆花生碎入口，真係十分配合好味！而今晚還有這個超正嘅泰式蟹肉煲仔翅，上枱時超級熱燙燙，上面放了新鮮蟹肉，煲仔翅味道香濃還有不同配料，有火腿、元貝、蟹肉、魚翅等材料，入口味道濃郁，一煲有三四碗仔份量，真係有翅食，絕不欺騙你，煮得十分入味！正！加埋杯香濃芒果沙冰，真係一個消暑佳品，陣陣香濃芒果味道，入口香滑，絕對推介！一次過食唔到太多，下次又可以再來食下這裡出色串燒同咖喱!

去九龍城買嘢，順便食埋飯。 通常都係去小曼谷食，貪佢性價比高，嘢食大大碟又好味😋泰式炸芝士蝦丸大大粒，勁多芝士！！！ 新鮮熱辣，好食！串燒都係必食推介啦，佢有好多款式，我哋覺得最正係燒雞肉，嫩滑惹味，加少少沙爹醬仲正。黃咖喱牛腩都唔錯，份量好多，香而不辣，點蒜蓉包一流👍🏻 蒜蓉包好香脆，一定要食呀！蟹肉雞絲魚肚羹味道比較濃，亦都好足料！呢個湯用煲仔上，有少少喺泰國食煲仔翅嘅感覺最後再飲杯消暑沙冰😮‍💨 正呀～

差唔多三年冇得飛 同班同事掛住泰國🇹🇭即刻約咗去九龍城小泰國食飯❣️ 豬肉碎生菜包 $93每次食泰菜必嗌嘅開胃菜 生菜葉有6 7塊左右 都叫做啱啱好一人一塊 肉碎微辣都好香口 不過份量唔多 細細份就要一舊水就…❣️ 冬蔭公湯(大) $186上枱嘅時候會喺面前點蠟燭保溫 湯入邊有三隻大蝦🦐 好貼心切咗半浸埋湯入晒味 冬蔭功湯嘅辣度大概有中辣程度 辣比酸多 同事們都好滿意 每人大概飲到兩碗❣️泰式烤牛舌(四片)x2 $56x2呢間餐廳嘅泰式串燒都幾出名 必嗌Items 每塊都厚過平時喺日式餐廳食嗰啲 全部用鹽醃咗先燒 唔使另外加調味料都已經好香❣️ 泰式炸蝦餅(大) $127一份5件 件件都好似冬甩🍩咁造型好得意 每個都同手掌差唔多大 切開見到餡料有蝦肉 淨係聞到有好香海鮮味 即叫即炸好酥脆 食落索索聲❣️ 椰汁西米糕拼泰式千層糕 $48人多最鍾意嗌拼盤一次過可以一人一啖食晒咁多款 兩樣揀我比較鍾意食椰汁西米糕 椰漿比例佔左三份二 底下啲西米都煮得好淋至於泰式千層糕上枱都仲暖立立 咬落有咬勁 輕微痴牙 斑蘭味唔重 但食得出有淡淡椰汁香🥥❣️

夏日炎炎正好眠，熱辣辣屋企開冷氣，瞓醒就飛轉小曼谷食泰菜，我意思係飛去九龍城食 XD 九龍城小曼谷食泰國菜味道正宗，有鑊氣，菜式選擇多，味道質量都不錯！泰式醃粉絲肉碎沙律少辣對我來講已經好刺激，食完開胃，粉絲爽口，泰式醃肉碎味道酸酸辣辣好惹味，配料清新好味又醒胃，唔錯！串燒我覺得必食推介！泰國姐姐好有心機慢慢燒，慢工出細貨，金黃色豬、牛、泰式臘腸、珍寶腸、墨魚鬚串；真係超級好味，鎖住肉汁好 juicy，沙嗲味又豐富，好香好惹味。賣相見到已經好吸引，食落有泰式燒烤風味！炭火香味再加鮮甜，Encore 之選擇。珍多冰食到㷫烚烚，飲番杯冰涼透心的珍多冰，外面真係飲唔到咁好味！泰式鐵板蠔餅蠔餅用鐵板上枱，味道同口感都非常豐富，熱辣辣香噴噴，蠔肉真心新鮮，份量多又肥美而蛋邊炸得酥脆可口。蠔餅真係好有蛋香，好好食好惹味！鐵板豬頸肉煮芥蘭(馬拉盞）鐵板炒得好有鑊氣，豬頸肉爽口彈牙，馬拉盞煮芥蘭脆口口感不錯，好翠綠食落有d辣，好惹味！甜品餐廳招牌菜，泰式千層糕，煙煙靭靭，食完一啖又一啖，好美味 ！當晚好多人嚟慶祝生日，氣氛好好啊！人氣泰國餐廳真的選擇小曼谷，食得好滿足！

喺九龍城搵泰國嘅嘢食一啲都唔難，但如果搵到間好食嘅又啱自己口味嘅，我就一定成日都會幫襯囉，今次又一行四人試新嘢🤣🤣坐低冇耐就有人叫好肚餓，咁唯有快快手手點幾個之前食過嘅,再揀幾個冇食過㗎啦⭐️冬蔭鮮蝦雲吞湯冬陰功湯就周圍都有得飲，但係用雲吞嘅我就真係第一次試，呢個幾好味最正就係唔使搣蝦殼😂😂⭐️黃咖喱牛腩呢個味道偏甜，小朋友都啱食，當然要襯返蒜蓉包啦牛腩淋身唔硬⭐️泰式醃粉絲肉碎沙律我以前冇叫過，但係點過一次之後🤭上咗癮，而家去食泰國嘢我都會叫，有啲泰式鳳爪汁嘅味道，粉絲爽配埋肉碎酸酸辣辣好醒胃⭐️泰式炸芝士蝦丸呢個一定要推介👍🏻拳頭咁大個蝦丸，裏面仲有流心芝士勁爽口彈牙⭐️泰式飛天炒通菜⭐️小曼谷炒飯絕對好似蛋包飯+泰式臘腸，係我個仔嘅至愛呢個飯佢食咗2碗🤭

夏日炎炎，熱到個人都冇哂胃口，有乜好過食泰菜醒醒佢，食泰菜就梗係小曼谷啦！“冬蔭鮮蝦雲吞湯”，冬蔭公就成日飲，呢次試吓呢個雲吞，大大粒又彈牙，估唔到好話好多雲吞麵店，湯又夠醒胃，唔錯！“泰式醃粉絲肉碎沙律”，再嚟呢個太座好掛住嘅沙律，食完即刻開胃哂！“黃咖哩牛腩”，嚟咁多次第一次食黃咖哩，點埋蒜蓉包就真係一流，牛腩又夠腍身，食咗冇黐牙！“泰式飛天通菜”，今次唔食馬拉盞食飛天炒，一食就諗返起芭堤亞街邊食嘅時光，希望疫情快點消失，可以飛過去睇通菜飛天！“泰式炸芝士蝦丸”，大大粒蝦丸，外面香脆，裡面流心芝士，每次必食！“小曼谷炒飯”，蛋包飯，飯炒得粒粒乾身，估唔到炒得咁好！“芒果沙冰”，另外一樣每次必點，外面真係飲唔到咁好味！

而家去九龍城實在太方便，撘地鐵直接就到，唔洗塞車塞餐飽，所以而家黎多左九龍城食飯。咁黎得九龍城就一定要食我覺得最好味既小曼谷先得。小曼谷真係點食都唔會厭，仲會次次都好有驚喜。今次叫左個平時少叫既泰式燒盲鰽，估唔到真係好好味。肉嫩又勁入味，條魚本身又大條，陣陣炭燒既味道加埋少少辣汁，真係會越食越開胃。鮮芒蟹肉炒飯真係勁抵食，蟹肉同芒果份量多到滿瀉咁滯，炒飯本身炒得又乾身，基本上一定係必叫既。另外叫左3串串燒，燒雞翼燒牛柳粒同埋燒雞腎，個牛柳粒真係超級好味，又juicy牛味又豐富，燒雞翼同雞腎都好香好惹味。最後夏天一定唔少得既就係芒果沙冰，又多芒果肉又甜，冰涼又好飲。

每隔一段時段就會嚟到九龍城小曼谷食泰國菜，鍾意呢度味道正宗又有鑊氣，菜式選擇又多😋！🌶冬陰雞湯～平時飲開的冬陰功湯材料都係以蝦為主，今次就以雞為主，雞肉份量不少，肉質都好嫩滑，湯底會比較鮮甜，辣度可以選擇，所以好適合個人口味。🦪泰式鐵板蠔餅～蠔餅用鐵板上枱所以熱辣辣香噴噴，蠔肉大大粒脹卜卜，配埋一齊食，好惹味！🥬泰式馬拉盞炒椰菜苗～椰菜苗每一條都好幼細，容易入口，炒得好有鑊氣，加入馬拉盞炒好惹味！🦐泰式鮮蝦炒金邊粉～蝦肉爽口彈牙，金邊粉炒得好乾爽，加入花生碎撈勻一齊食，煙煙韌韌口感不錯👍

其實香港人都幾鍾意食泰國菜，佢哋嘅食物味道惹味和大衆化，而且四季都咁啱口味，所以何時何地想起就可以去食😂😂————————-下午茶：冬蔭牛腩湯河粉：冬蔭公湯底，滋味的配料，牛腩炆得夠腍又入味，河粉夠滑溜，實在好味到成碗湯都飲曬😋————————泰式燒豬肋骨配木瓜沙律🥗：豬肋骨又是我的至愛，木瓜清爽，所以呢個豬肋骨配木瓜沙律就啱晒我😋———————-🐟🦪海洋孖寶：🐠泰式燒盲鰽：燒得香噴噴，熱辣辣，魚肉滑溜的、加上泰式的辣汁調味味.更是吃得實在惹味道😋————————牛油蒜蓉燒青口：又大隻又燒得香噴噴的，吃落彈牙的肉質鮮嫩，牛油蒜蓉的香味，令人吃得津津有味👏👏👏⋯⋯————————-椰皇沙冰：足料的椰子🥥夏日炎炎的天氣，吃一杯冰冰凍凍的椰皇冰，實在令人舒適涼快❄️————-青檸冰：喝下冰冰凍凍…令人喝得心曠神怡😊—————————下午茶聚小曼谷..價廉物美好知足😀其實開心🥳簡…單就、在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-　

朋友每次想食泰菜我都會推介位於九龍城「小曼谷海鮮燒烤屋」這間泰國餐廳一條街已經有三間店舖，要預早訂位因為每次Walk in都好爆場。入座後只要用QR code落單快捷方便！泰皇咖喱炒海鮮材料有大蝦、蜆肉、鮮魷和青口等，非常豐富，海鮮樣樣都好新鮮，這個菜式最重要都係個咖喱汁，咖喱好香好濃，入口好滑，個醬汁就咁食都好好味，配薄餅一齊食，味道好夾😋泰式芝士烤薄餅食咖喱點少得烤薄餅一齊食，薄餅加入咗芝士，做到拉絲效果，好香好脆口。豬肉碎生菜包生菜包係食泰國菜必點菜式之一，豬肉炒得好香好入味，每一啖都好多汁，配生菜食，正！泰式鮮蝦炒金邊粉鮮蝦大約有三至四隻，好爽甜，金邊粉易炒得好有鑊氣，加入少量青檸汁，酸酸地好開胃。最後飲埋個椰青，好滿足😋

自從有咗屯馬綫，去九龍城食嘢就最方便，九龍城出名食泰菜，最鍾意幫襯這一間環境坐得舒服，食物有水準的泰式餐廳，門口的吹氣公仔更是為人熟悉先來一個泰式生蝦刺身，點上泰式醬，打開味蕾這裏的串燒很出名， 一於點來試試， 雞軟骨串燒，香口的帶點BBQ 炭火香味， 爽口美味，翠玉瓜串燒，保持水份，不會太乾，粟米串燒，燒過粟米更鮮甜，珍寶腸串燒，珍寶腸加上蜜糖，食落很有BBQ風味朋友嚷着要吃燒安格斯西冷牛扒，燒得微焦的外層，入口充滿炭燒香味，中間帶點鮮嫩的粉紅色肉，入口嫩滑炸芝士蝦丸，必食之品，蝦丸炸得比兵兵球還大粒，切開芝士流心湧出來，蝦丸打得彈牙好味牛油蒜蓉燒紐西蘭青口，滿滿的蒜蓉，魚仔乾和蔥夾着青口一起吃，味道更豐富最後來個碧綠的馬拉盞炒通菜，夏天食通菜就最適合不過