小曼谷海鮮燒烤屋

營業中

休息中

自從宋王臺站通車, 真係多左去九龍城食野, 因為比起以前真係方便左好多。其實我去黎去去都係個幾間, 小曼谷多數排頭3甲, 佢既環境, 食物水準都好貼緊泰國, 連店員都係9成泰國人, 食野既時候聽到佢地用泰文溝通, 感覺特別有風味~叫左依度既招牌泰皇咖哩炒虎蝦, 叫多份蒜蓉包點咖哩是常識吧!咖哩超大盤, 炒到杰身同蛋融為一體, 加左香蔥芹菜等配料好香! 蒜蓉包咬落去香脆, 咖哩好多唔洗就住食, 一野沾落去索滿咖哩, 正!4隻蝦肉彈牙厚身既大虎蝦。其實依度全名係小曼谷海鮮燒烤屋, 用得黎做招牌, 依度D海鮮一定有D質素, 除左泰皇咖哩既虎蝦, 依度既冬蔭功都標榜用原隻大虎蝦, 又真係一樣咁大隻冇欺場, 而且係有鮮味既添。係香港飲既冬蔭功往往比當地飲既清淡D冇咁刺激, 依度既冬蔭功相對上貼緊泰式口味, 獨特既酸辣味同香茅味都好突出, 有D刺激感!鹽燒東風螺東風螺肉質彈牙帶爽脆感, 味鮮甜, 果然海鮮係有D質素。而家諗番都好回味, 好似只係九龍城搵到依種味道咁, 真係食泰菜好地方黎!

港鐵可到九龍城，去多幾次都冇問題😂冬陰功湯，至愛！酸、甜、辣味剛剛好👍🏻最怕見到黑頭蝦，這湯一上枱，見隻隻蝦🦐🦐都好靚仔，紅卜卜，新鮮，滿分💯黃咖喱牛腩，不辣，反而有點甜味，叫埋薄餅醮咖喱，完全唔使再叫飯。出奇地D牛腩有好多之外仲係軟軟滑滑，好好食，值得推介👍🏻泰式炸蝦餅，份量好多又大件，爽口彈牙，叫細嘅已經夠晒4個人分👏🏻👏🏻泰式蟹肉煲仔翅，今次係食過返尋味，多蟹肉，翅嘅份量真係唔少！$108可以2-4人分享亦得。泰式馬拉盞炒通菜，炒得好青綠！正！串燒：牛肉、雞腎、雞全翼，全部都係我哋鍾意食，絕對冇令人失望😉

之前去九龍城都喺外賣泰菜返屋企慢慢食，今次終於有朋友約我去九龍城食小曼谷😝堂食嘅氣氛果然唔同啲，餐廳仲有駐唱歌手，帶來不同歌曲炒熱氣氛，好不熱鬧<泰皇咖喱法包軟殼蟹> $238咖喱法包軟殼蟹喺餐廳既廚師推介，所以我地都派咗一個嚟試吓。一上枱就見到有好多軟殼蟹🦀外脆內軟，金黃色脆卜卜✨泰皇咖喱醬汁味道濃郁，醬汁多到流出來🤣拎軟殼蟹／法包來點一流～咖喱香而不辣，每一啖法包／軟殼蟹都沾滿咖喱汁，而配料有些青椒紅椒同埋西芹，食完唔會後悔無曬quota !<豬肉碎生菜包> $118豬肉碎生菜包既豬肉碎肥肉比例適中，唔會太油膩，雖然叫咗小辣，但辣度近乎冇咁滯用生菜包住豬肉碎食，感覺清新爽脆，用蔬菜消除肉類嘅肥膩感

我好似試匀晒咁多間 <小曼谷海鮮燒烤屋> 😂因為質素真係好穩定一定唔會伏而九龍城太子道西呢一間真係好顯眼一定會記得佢門口嗰個吹氣公仔不停揚手 😆..🥗 泰式醃豬頸肉沙律 ($88) : 要咗少辣，非常惹味，好開胃；豬頸肉份量多，而且燒得好好🍤 泰式鮮蝦炒金邊粉 ($108) : 夠晒鑊氣，一定要唧青檸汁，絕對會提升成個粉嘅層次🥭 小曼谷原隻芒果糯米飯 ($88) : 份量大，啱晒大家一齊share食，芒果夠晒甜🫖 泰式冰奶茶 ($34) : 要咗少甜、少冰、少奶，味道啱啱好..

夜左收工搵地方食飯還是去翻九龍城先搵到而家有宋王臺站 食完走都好方便小曼谷 就係我地成班同事既聚腳地好食夠鑊氣 大碟夾抵食- 泰式沙嗲串燒拼盤(6串)選擇困難嘅你可以好似我咁 就咁嗌串燒拼盤除咗豬、牛、雞呢啲基本款各一仲有雞腎、雞全翼、泰式臘腸平時食開都係臘腸- 泰式鮮蝦炒金邊粉炒到條條金邊粉掛到醬汁 中間亦夾雜着好多蛋絲但又保持乾身 味道酸甜惹味- 泰式馬拉盞炒通菜馬拉盞即係馬拉版蝦醬加埋蝦米、豆瓣醬、薑、蒜、辣椒🌶️一齊炒 令通菜很惹味 -⭐️4/5📍 小曼谷海鮮燒烤屋 (九龍城)九龍城太子道西398號御太子地下1-3號舖-#小曼谷海鮮燒烤屋 #小曼谷 #minibangkok #minibangkokseafoodandgrill ##minibangkokthaifood #hkthaifood #hkthaishop #泰國菜

YEAH下個月飛BKK啦, 未出發先興奮, 整番餐泰菜先!今日有驚喜呀, 原來係有LIVE MUSICE架依度, 泰國當地既餐廳好多時都有LIVE MUSICE, 雖然係唱廣東歌, 但今晚都食得寧舍有FEEL。依度既燒海鮮都係主打，仲有set可以揀，見到個鹽燒螺出面好少有，試下先😋今晚叫左三樣野都好好食👍🏻冬蔭功湯 $148兩個人叫鍋細既非常夠飲, 酸辣冬蔭味道濃厚。要讚下食材有兩隻大大隻既原隻虎蝦, 蝦肉札實彈牙, 新鮮又好好肉地! 出面飲通常都只得普通海蝦架咋, 超讚。香葉肉碎飯 $84自己情有獨鍾既飯, 豬肉碎炒得好香, 加左四季豆增添口感, 重點係香葉同辣椒, 好香好惹味! 右埋隻流心荷包蛋, 忍唔住追住黎食, 我稱佢為泰國版白飯小偷。鹽燒東風螺 $162份量足, 螺新鮮, 入口彈牙有鮮味, 燒得岩岩好毫無乾爭爭既感覺。依度真係止泰菜癮既好地方, 相信我飛完番黎又要再幫襯🤣

🇹🇭尼排成日都睇泰國既旅遊片，搞到成日都想食泰國野🤭🍢沙嗲串燒串燒種類好多，除左平時最常見既肉類，仲有海鮮，我自己揀左雞、牛、豬同雞腎，肉質唔會韌，好香香料味，雞腎爽口帶黑椒味🌶️冬陰公湯 - 小有個爐火點住，咁就唔會咁易凍，有兩隻超大既虎蝦，仲要去左蝦腸👍🏻好多菇係入面，味道偏酸唔算太辣🦐泰式炸蝦餅 - 小比平時食個啲大幾倍，有啲似冬甩，即口即炸，熱熱辣辣，外面脆卜卜🥢泰式鮮蝦炒金邊粉食泰國野必叫，份量好大碟，炒到好乾身，金邊粉煙韌彈牙🥥椰皇沙冰椰汁沙冰就飲得多，椰皇沙冰真係第一次見🙈味道清清地，啖啖椰皇既香味，沙冰好綿密🌟設加一服務費🌟每晚8點至11點都有表演

九龍城出名泰國菜，當中呢間小曼谷更加係其中一個高名氣的，相信大部分人就自未幫襯過都一定聽過。應該都相隔左幾年無去，突然間癮起🫢［拼盤B］呢個組合有豬、牛、雞、雞腎、雞全翼、泰式臘腸。第一次咁樣食臘腸，又幾好食喎！炭燒味十足，全部既調味都剛剛好，肉串保持到juicy，配合個沙嗲醬，好滋味。［蟹肉雞絲魚肚羹］勁鐘意！熱辣辣用鍋上，而且非常足料，夠杰身！魚肚好爽好滑好好味，蟹肉份量又多，加上雞絲同冬菇，食完覺得好滿足，暖笠笠🫶🏻［泰式馬拉盞炒椰菜苗］最鐘意食馬拉盞炒菜，少少辣，好惹味。椰菜苗好爽脆。飲埋個青檸菠蘿沙冰，酸酸甜甜，爽呀🥰另外驚喜既係食到一半既時候，有個女仔出黎自彈自唱。把聲好好聽，好有DJ feel🥰🥰

諗起泰國菜 第一時間就會諗起九龍城一諗起九龍城 第一時間就會諗起小曼谷實實在在係九龍城既名店 係信心保證食物不嬲都有水準 今次更令我驚喜既 係結他手現場自彈自唱🎸🎤仲有得點唱 全場勁好feel 個個都一路食一路跟住唱.《泰式鐵板蠔餅》 $128鐵板上咧咧喇喇 外圍炸脆香口裏面蛋餅包住飽滿蠔肉同爽口芽菜搵到好多隻蠔 而且唔係細細隻個d點埋泰式酸甜醬 厚薄適中唔會好油膩.《青咖喱海鮮》 $128唔食得辣既人最好揀青咖喱🍛椰香突出食黎食去都係豬牛雞 今次專登揀海鮮大大隻青口 仲有魷魚🦑 我最中意唔係撈飯 而係點薄餅食.《泰式原味烤酥餅(2塊)》$48佢唔係厚 係薄薄地但入面都好多層酥皮所以勁酥脆 又香牛油香🧈點落咖喱到食 勁惹味.《芒果椰汁沙冰》 $42好貼心 QR code自助落單有得揀甜度 多奶/少奶特別揀左走甜 最怕糖水結果黎到真係飲到芒果🥭自然既香甜 讚.《椰青》 $49椰青水清甜解渴🧉好多椰肉 一d都唔老 好易刮出黎食

周圍都有小曼谷，之前試過個冬蔭公湯都唔錯，今次直接去九龍城專食海鮮燒烤嘅分店，次次經過開都一定見過，去過先知佢好似日日晚市都有live music🎤 海鮮孖寶｜𝟸𝟻𝟾 — 燒脆皮白鱔｜泰式燒盲鰽泰式沙嗲串燒｜豬/牛/雞｜𝟸𝟸串愛魚之人一定要揀哩個組合，燒白鱔一串冇骨，咬落去啖啖都係肉，肉質飽滿，燒過之後魚皮脆卜卜，魚油滲出黎，散發陣陣白鱔嘅鮮味，同原條上嘅鹽燒盲鰽口感同風味完全唔一樣，盲鰽夾三兩下就係成排魚肉，入面釀左啲香料一齊鹽燒，令魚外焦內嫩且入味。小曼谷原隻芒果糯米飯｜𝟾𝟾後上但勁有速度，唔算抵但佢勁大份，岩岩上啲飯仲出緊煙，口感綿綿但唔算係好煙韌煙韌嗰種，啲芒果厚肉又甜，欣賞佢啲椰漿唔算太甜唔會搶左芒果嘅甜味。

放工黎到九龍城緊係要食泰國野😋朋友聽聞小曼谷係出名嘅泰國餐廳所以特別去試一下🥰餐廳有唔少座位，仲時不時有live music 😍都幾好情調👍🏻餐牌入面有海鮮，串燒，小炒等等🥰我地叫左以下：我哋叫左e d 串燒入面有豬肉，雞全翼&珍寶腸沙嗲串燒，味道好野味，燒得香香又帶少少香辣😋雞全翼唔肥👍🏻🦀香芒蟹肉炒飯蟹肉炒飯入面除左蟹肉仲有鮮甜芒果😍飯粒帶鮮味😋🥭小曼谷原隻芒果糯米飯糯米飯上面真係有原隻芒果😎又帶椰漿香味🌸椰青椰青超清甜☺️

食正宗泰國嘢一定要去九龍城，因為價錢相宜性價比好高，今次就去依間《小曼谷海鮮燒烤屋》，聽人講人氣好高，但係我就第一次去食。海鮮孖寶 $258，依個套餐都幾抵，一次過可以試哂兩款海鮮。A. 泰式燒盲鰽 泰式其實就係鹽燒，用鹽覆蓋哂成條魚再拎去燒，咁就可以鎖住水分。食落魚肉特別鮮嫩多汁，加少少檸檬汁咁就更加可以帶出鮮味。B. 牛油蒜蓉燒青口新鮮青口上面放滿牛油同埋蒜蓉，青口又大大隻，充滿蒜香味。黃咖喱海鮮 $128黃咖喱一啲都唔會辣，好適合唔食得辣嘅朋友。味道濃郁又充滿椰香味，海鮮種類都好多，又大蝦、蜆、青口、魷魚，好滿足。泰式芝士烤薄餅 （2塊）$53識食嘅朋友一定會叫薄餅點咖喱汁，佢地啲薄餅新鮮焗製，保證熱辣辣。上面嘅芝士帶有咸香，加埋咖喱汁就會濕潤啲，又吸收到咖喱同埋椰香味。菠蘿雞肉炒飯 $98炒飯底粒粒都做到金黃色，同埋唔會好濕。加上新鮮酸甜菠蘿同埋雞柳，最後放上啲花生碎，口感同味道都好豐富。冬蔭鮮蝦雲吞湯 （5粒）$148冬蔭公嘅酸辣味真係好開胃，估唔到可以配上鮮味嘅鮮蝦雲吞，又完全唔會蓋過雲吞嘅味道，值得一試。如果唔想錯過其他好介紹，記得follow我呀😘多謝大家！！！`*-.

最近發現九龍城原來都幾多唔同種類嘅餐廳冇食過，一於就決定explore下。今次約左啲朋友試下依間人氣泰菜《小曼谷海鮮燒烤屋》，見到晚市排隊嘅人都幾多，想食就要早啲到。食得泰國嘢一定要食海鮮，依個海鮮孖寶 $258就幾抵食。第一樣就揀左泰式燒盲鰽 ，做法其實就係用鹽醃製，再用大火燒，啲鹽滲哂落魚肉度，所以魚肉特別鮮甜。第二樣就係牛油蒜蓉燒青口，一送到黎就聞到好香嘅牛油同埋蒜蓉味，好惹味。黃咖喱海鮮 $128黃咖喱椰香味十足，加上多款海鮮嘅配搭（大蝦、蜆、青口、魷魚），豐富又好食。泰式芝士烤薄餅 （2塊）$53加左芝士嘅薄餅特別惹味，識食就一定要點一啲咖喱，層次會更加豐富。菠蘿雞肉炒飯 $98新鮮菠蘿加上爆炒雞丁，食落好開胃。值得一讚佢地嘅炒飯底，每一粒飯都染成金黃色，再灑上花生碎，好惹味。冬蔭鮮蝦雲吞湯 （5粒）$148食得泰國嘢一定要試下冬蔭湯。酸酸辣辣嘅湯同鮮蝦雲吞原來都好夾，一飲就成碗湯飲哂。小曼谷海鮮燒烤屋 (九龍城)九龍城太子道西398號御太子地下1-3號舖

朋友話好耐無食過泰國菜，講起泰國菜一定係九龍城拉，提前打佐去小曼谷book位，去到餐廳差唔多full嗮，各位最好提前打去book位，因為晚市真係好多人🤣泰王咖喱法包軟殼蟹，餐廳推介必食，一於試下，軟殼蟹炸到好香脆，而且分量很足，咖喱好香，法包好軟，食落入口即融串燒（雞、牛、雞腎）串燒配埋沙爹醬好夾，就算唔配醬就咁食已經好ok泰式芝士烤酥餅，有d似薄餅，不過會比平時薄餅脆d，單獨食已經唔差，配埋個咖喱醬，會再入味😍泰式鹹肉炒菜苗會有小小辣，不過可以接受到，食落好爽脆，肉唔算太鹹，送飯一流😍生蝦刺身，一定係必食😍

去開九龍城其實都不用多想就會想起這裡，因為就腳加埋喜歡食嘅口味都可以在這裡搵到，餐廳長期都有人等位，所以有訂枱就會比較穩陣😊，朋友當然會先訂枱，座下就可以掃瞄店員給我們的二維碼落單，當然串燒就係推介之選，今晚點了幾串沙嗲串燒，豬肉沙嗲串燒，雞肉沙嗲串燒，珍寶腸沙嗲串燒，同埋條粟米沙嗲串燒，落單一陣就上枱，有效率亦係這裡嘅服務態度！串燒旁邊跟埋碟沙嗲醬，食串燒時可按自己喜好塗上，串燒燒得剛好，不會太乾身，加埋個沙嗲串醬入口十分惹味！而食串燒就比較熱氣，所以點了個椰青將串燒嘅熱氣清除，椰青夠冰凍，入口清新，正！加埋必食嘅泰式鮮蝦炒金邊粉，上面放在大大隻鮮蝦，加埋煙靭彈牙炒金邊粉，整體滿足！最後加埋支榴槤冰條，一拆開陣陣榴槤味道漂香撲鼻，入口榴槤味道濃郁，還有榴槤果肉，夠晒真材實料！這裡絕對愛泰口味之選！