小曼谷海鮮燒烤屋

營業中

休息中

識我嘅朋友都知道我係一個無辣不歡嘅人，食泰國菜就啱晒我～今日喺九龍城收工一於叫住附近既朋友出嚟陪我食晚飯，揀咗間正宗嘅泰國菜餐廳，佢就係「小曼谷海鮮燒烤屋」，一於介紹吓有咩食先～———————————————————🔹BBQ串燒拼盤呢個拼盤有齊豬肉、牛肉、雞肉、泰式臘腸、雞全翼及雞腎，六款串燒大大件，性價比極高～我就最鍾意佢哋嘅牛肉串燒，好juicy而且牛味濃郁，再配埋佢哋特調嘅沙嗲醬汁，食落更滋味～———————————————————🔹泰式燒牛仔骨呢款泰式燒牛仔骨夠哂大件，我就最鍾意食近骨頭附近嘅筋同肉，夠晒咬口，牛脂味最濃厚～———————————————————🔹豬肉碎生菜包（少辣）朋友唔食得太辣太刺激，我哋就揀咗個小辣嘅版本～值得一提呢度既豬肉碎炒得好惹味，微微酸辣又足料，包住生菜黎食，層次感十足～———————————————————🔹黃咖喱雞煲 加配 泰式蒜蓉包黃咖喱雞煲醬料濃稠，椰香味濃郁，岩哂用黎襯蒜蓉包一齊食，超讚～雞肉既份量亦好足料，配料仲有薯仔、洋蔥及青紅椒，好豐富！———————————————————🔹小曼谷炒米粉嚟到呢度當然要食埋炒米粉～呢款炒米炒類似星洲

小曼谷係其中一間高名氣的泰國菜。✨ 蟹肉雞絲魚肚羹用鍋上，保持溫度。非常足料。魚肚好爽滑，蟹肉絲份量多，加上雞絲冬菇，食完暖笠笠。✨拼盤B豬、牛、雞、雞腎、雞全翼、泰式臘腸。泰式臘腸幾好味，有驚喜。炭燒味十足，肉串多湖。✨泰式馬拉盞炒椰菜苗馬拉盞炒椰菜苗，少辣，好爽脆。青檸菠蘿沙冰酸酸甜甜，夏天飲一流。

早星期六尊登去九龍城食泰菜，見呢間Openeice排第一，就排隊試吓，點知中伏。兩個人點了虎蝦冬陰功湯、辣醬炒海鮮、同軟殼蟹咖喱包。虎蝦過熟，好老。個冬陰功可能太多人叫，佢不斷要加水，變成只有辣味既水，失敗。辣醬炒海鮮啲海鮮唔算新鮮，個汁好一般，兩餸飯既質素，失敗中嘅失敗。軟殼蟹咖喱包份量都OK，個咖喱汁算好味，但啲蟹炸濃咗少少。算合格。冇影相，因為擺盤都唔係吸引埋單八百幾（仲有兩杯飲品），佢對唔住呢個價錢。呢個價我去太古廣場食泰菜都得，人哋仲好好味添。我排隊等位嗰陣時，前面有幾個遊客都排緊隊，我覺得佢哋好可憐，山長水遠嚟到香港九龍城食泰菜，食啲咁嘅嘢，影衰晒香港。點解呢度咁高分？定係我唔好彩嗰日大廚放假？

成日聽人講要去九龍城食正宗泰菜🤤但大西北人士實在有點距離 今次終於試到了～門口有個好搞笑既揮手吹氣公仔💪🏻店內氣氛環境都幾有泰國風情🇹🇭星期六日會有駐唱歌手唱歌🎶唔知係咪唱泰文呢野食既份量全部都好大碟 好岩多人聚餐食飯share兩個人既話胃容量有限 無辦法叫多幾碟haha🤣📍細冬陰功湯🥘 HKD148有個小火爐暖住個湯 食到最尾都仲飲到熱湯🥣味道酸酸甜甜重椰奶香 唔係好辣my fav🥄有兩隻大大隻虎蝦🦐🦐肉質好新鮮蝦頭仲有蝦膏配料仲有好多菇仔～📍泰式鮮蝦炒金邊粉🍲 HKD108又係一個四人份量既Pad Thai炒到根根分明唔會痴埋一舊🤏🏻好有鑊氣 炒得幾入味～落埋青檸撈埋花生碎🥜味道酸酸甜甜幾開胃🤤配料有豆干仔炒蛋同蝦仔🦐整體幾好食📍泰式飛天炒通菜HKD108仲有食極都食唔完既通菜🙊通菜炒到好爽脆但都幾辣🌶️🌶️唔食得辣既朋友要注意XD📍串燒拼盤 Set B 🍢🍡 HKD122聽講串燒都幾出名 仲有唔同既setSet B有燒臘腸/雞全翼/豬肉/牛肉/雞肉同雞腎燒臘腸口感似炭烤台灣腸 好香碳燒味 油份爆汁💦六款串燒都燒到剛剛好 皮脆肉嫩排唔到次序🤣而且每串份量都大串 點埋個沙嗲醬無得輸🤏🏻📍

今晚外賣🥡自取，買左沙嗲豬肉🍡🍢一打，回家後，發現俾既沙嗲醬汁根本唔夠，小到不得了，啲豬肉有硬 ，好難咬，價錢又一啲都唔平，極度失望，仲要特登搭車去買，唔會再有下一次！😭😖

今日同家姐想食泰國菜🤭🤭揀左小曼谷食先食左個開胃既蝦餅，熱辣辣，炸到金黃，好大舊，蝦肉彈牙，啖啖肉，好滋味！第二樣係泰式海鮮炒金邊粉，有幾隻大蝦，炒金邊粉係偏甜既，好岩口味，有好多配料，係優質既炒粉😃冬陰公湯好鮮甜，叫左少辣，唔會太辣，酸酸地，好開胃，一口氣飲左兩碗🤗叫左黃咖喱雞肉同埋酥餅🙆‍♂️黃咖喱正常發輝，雞肉鮮嫩，夠入味，酥餅好脆，同咖喱相映成趣😍呢間泰國菜好有水準，味道吸引，值得一試，下次黎九龍城可以再食！

朋友住九龍城，我第一次搭鐵去宋皇台行去B2出口就到，超方便！餐廳有戶外枱，又有live singer 係度自彈自唱，好有feel好正呀💯可惜當時超～～～～多人，只可以坐室內😭❌😭❌最好食係個油酥餅，就算乜都唔點都已經好香好有口感✔️加埋黃咖哩根本停唔到口🤤咖哩雞啲雞就麻麻地，唔太入味而且有啲鞋口。生菜線新鮮好靚好襯微酸辣d 肉碎✔️串燒好惹味，唔會燒到太乾太硬口感十分好，有咬口但唔鞋，nice✔️

這天去了影九龍城日落，衙前圍道日落，基本上這星期每天都會有過百人站在馬路中心影相，場景都很壯觀，然後朋友和我吃生日飯，就很隨意選這間，原因是因為好評很多，那時6點多已有一條小龍，還好早排要不是真的有排等.雞串燒，很正路的雞串燒味道.忘了是什麼翅，好足料吃完已經有飽肚感帶子，略為少少乾.好像還有一個咖喱+簿餅.因為枱子小所以都要盡快清理枱上食物.芒果沙冰是好喝的，但青檸梳打更勝一籌.我們隔離枱比我們叫多了兩碟澱粉質，我當時滿以為她們（兩個女人）會吃得完，沒料最後都是剩差不多3/4敗走. 其實這間餐廳的份量蠻多，所以2人食叫多點小食會比較好.

每次黎親九龍城食泰國嘢，都一定係揀小曼谷架啦，因為佢地座位比較闊落，仲有幾間分店緊有一間有位既，而且食物質素一直都保持住高質，所以今晚又帶左屋企人黎幫襯啦泰皇咖哩法包軟殼蟹呢個係每一次黎都一定要食既，泰皇咖喱非常濃郁，用黎點麵包同軟殼蟹都一樣咁正鐵板豬頸肉炒通菜泰式炒通菜一向都好出名，原來加埋馬拉盞炒又另有一番風味，用鐵板上夠晒鑊氣，一啖接一啖真係食到停唔到口呀泰式乾炒豬肉片河本身鐘意食濕炒河多d既，但屋企人就比較鐘意乾炒，所以就試下啦，估唔到都幾有驚喜，即叫即炒熱辣辣，而且配料十分多，非常豐富特飲飲品方面，我地點左椰皇沙冰，芒果椰汁沙冰同埋珍多冰，我最鐘意就係椰皇沙冰啦，飲得出真係用新鮮既椰子肉攪拌，椰子味濃郁，十分有誠意

小曼谷海鮮燒烤屋九龍城太子道西398號御太子地下1-3號舖又到左農曆新年啦，每年新年最開心就係可以同d親戚朋友見面一齊團拜，今次既見面地點揀左係九龍城，有朋友極力推介呢間<小曼谷>,所以就決定直接打黎book位啦，我地大約7點半黎到已經全場full晒，睇黎朋友真係無介紹錯泰式蟹肉煲仔翅熱辣辣嘅煲仔翅真係真材實料，一梳梳完整既翅，望見已經流晒口水，而且仲有蟹肉同埋花菇，每一啖都咁滋味，雖然呢個係1人份量，但我地3個人share，每人都分到1碗，大家淺嚐一下唔錯牛油蒜蓉燒紐西蘭青口青口既size 都幾有隻，即叫時焗食落好重牛油既香味，連埋蒜蓉一齊放入口，真係最夾架啦泰皇咖哩法包軟殼蟹呢到既咖喱永遠唔會令我失望，香濃既黃咖喱裝滿係法包入面，切出黎每一舊都沾滿左咖喱汁，真係食到停唔到口呀，軟殼蟹亦炸得非常鬆脆，而且份量都幾多馬拉盞鐵板豬頸肉炒通菜呢個絕對係必食既Item, 馬拉盞炒通菜本身已經好惹味，再加上用鐵板上就更加吸引，呢個全檯人都讚好呀泰式乾炒豬肉片河炒河整得好乾身唔會太油膩，除左豬肉片之外，仲有d紅蘿蔔，炒蛋，雜菜一齊炒，非常滋味

工又要返又未請到假，都要去寫食泰國嘢當返咗鄉下，咁今日就嚟到九龍城嘅小曼谷。首先就梗係要飲返支泰啤啦，拎返少少泰國既feel 先。再黎就係泰式生蝦，蒜片辣椒同生蝦既配合，加上佢既泰式辣醬，惹味之餘又有泰國果隻香辣，勁過癮椰子雞湯必點，酸酸咪咪椰香味十足，份量仲好多，兩個人都飲幾碗！雖然冇泰國街頭果啲粉仔，不過都有蒜茸薄餅。再加埋個青咖哩，其實配白飯都唔錯。仲有鴨胸係中間，好嫩。最後再加埋個芒果糯米飯，直情平時係泰國會食既野都食晒，返左泰國咁。嘆完啤酒再叫多個椰青，真係好透心涼 ！正！

黎到九龍城食泰國嘢，今次黎食小曼谷都有好唔同既體驗。可以話係平靚正黎形容。首先叫咗個椰子雞湯，勁足料，椰香勁重，仲有個蠟燭擺底加熱。keep住個湯既溫度。就已經知道佢誠意滿滿。小食拼盤都唔話得，有魚餅蝦餅春卷同雞棗，全部都炸得好好，油而不膩，未去到泰國都可以止住思鄉情。泰式生蝦，每一隻都有辣椒，同蒜頭伴住黎食，有蝦的鮮甜，又有泰式既味道。冰鎮住上枱可以保持住佢彈牙既口感青咖喱煮鴨胸，再加埋蒜茸薄餅。 鴨胸鮮嫩，青咖哩亦濃郁，再加上蒜茸薄餅，三者一齊食配合得天衣都無縫。最後加埋個芒果糯米飯，就真係飽晒，滿足晒，返左轉泰國。

食泰國野就梗係黎九龍城啦, 之前朋友推薦呢間小曼谷, 食過幾次都保持水準,所以總結幾次食過既野介紹俾大家以泰國野地方環境算靚, 光猛衛生，座位都好寬敞雖然多人食,但勝在位置夠多,禮拜六都唔洗等好耐就有位今次去仲有人唱LIVE依間燒海鮮出名,當然要圁海鮮啦✨海鮮孖寶 ($258 A+B)A牛油蒜蓉蟶子加咗蒜蓉同埋炸魚仔燒,好香口,肉質亦都唔會太靭B牛油蒜蓉燒扇貝扇貝味道好鮮甜,好新鮮,生熟度啱啱好🤫✨海鮮孖寶 ($258 A+B)A.鹽燒東風螺估唔到份量都幾多,食極都好似仲有B.鹽燒鮑魚肉質爽口彈牙,軟硬適中，有咬勁泰式原隻燒魷魚$165去幾次都會叫燒魷魚,夠大隻, 肉質新鮮, 燒得剛剛好, 彈牙得黎仲帶點焦香泰式生蝦串燒拼盤B (6串)雞全翼.泰式臘腸,豬,牛,雞,雞腎果然係燒烤屋,燒既熟度好完美平時泰式串燒通常都係雞牛豬,依度多D款臘腸串燒好特別,有D似台灣腸串燒拼盤C極上燒安格斯牛柳粒 (4粒) 鮮海蝦串(4粒) 燒帶子(3粒)串燒加左蕃茄仔,令顏色好靚帶子同海蝦都鮮甜又juicy牛柳粒都好好味極上燒安格斯牛小排 $268第一次係泰國餐廳食牛排,估唔到又幾好食wor肉質鮮嫩多汁，味

今晚同朋友去了九龍城，喜歡泰式口味嘅朋友當然就喜歡高間超就腳嘅餐廳，在大馬路旁一望就見，可能係疫情放寬了，多了很多人出來搵食，今晚就安排座在餐廳露天位置，雖然是話露天其實是餐廳一個凹位，個人感覺更加私隱😜！當然串燒都係必食，有燒得皮脆肉嫩嘅原條珍寶腸外，還有燒牛肉串，配上香濃沙嗲汁入口味道更濃郁！今次加埋這個小曼谷燒雞扒，燒雞扒夠晒大塊之餘，燒得十分香口，雞皮上沾滿了蜜汁所以燒得十分香！雞肉亦十分入口香口，加上師傅已經切件上，食時加上小小醬汁，厚切入味，正！而主食就係點了份泰式干炒豬肉片河，同平時食開嘅金邊粉又係另一種風味，干炒鑊氣十足，河粉彈牙入味，薄薄嘅肉片嫩滑軟熟，加埋爽口芥蘭，全部都夠晒味道！見到飲品有榴槤沙冰於是點了，入口榴槤味道濃郁香滑之餘，沙冰上面還有新鮮榴槤肉，對於喜歡食榴槤嘅朋友又多一個選擇！這裡總是我食泰菜嘅首選！

九龍城食泰國菜我鍾意去小曼谷海鮮燒烤屋，一直都未試過坐 outdoor ，happy Friday 一早滿座，坐戶外唔使等位，一於試吓！來了咁多次都撞唔啱有live Band，今晚坐 outdoor ，竟然遇上現場歌手唱歌，更加有feel!炸蝦片朋友飲啤酒，我就一於叫個蝦片嚟咬吓先！酥脆可口，食到停唔到口，估唔到咁大份！酸辣牛小排沙律🥗 $148估唔到坐 outdoor 座位係咁爽嘅！首先叫咗開胃小食，酸辣牛小排口味少辣，酸酸辣辣非常開胃，牛小排口感嫩滑，牛肉味道濃郁，沙律菜非常新鮮，清新爽脆，好滋味！鐵板豬頸肉煮芥蘭（馬拉盞）$108熱辣辣香噴噴，平時好少食蔬菜嘅我，都忍唔住食多兩啖，鐵板豬頸肉好惹味，豬頸肉鮮甜美味，馬拉盞煮芥蘭提升鮮味，鹹香層次非常豐富。泰式蟹肉煲仔翅 $108過時過節食煲仔翅，泰式煲仔翅特別受歡迎，煲仔熱辣辣上枱，材料豐富，蟹肉份量都唔少，蟹肉香味加上煲仔翅豐富口感，兩者十分之夾！珍多冰 $42今晚唔食甜點，一於叫杯珍多冰，小曼谷風情，為今晚泰菜寫上完美結局。由於現場有 Live Singer 唱歌，所以充滿熱鬧的氣氛。總括小曼谷服務態度有熱誠，很享受現場氣氛