小曼谷海鮮燒烤屋

營業中

休息中

尖沙咀有小韓國🇰🇷九龍城有小泰國🇹🇭一場來到九龍城冇理由唔食返餐泰國菜呀見到呢間咁多食評梗係要一試啦最後揀咗豬頸肉配海南雞飯同咖喱炒蝦配薄餅。每個餐都個送一個冬瓜湯，個湯細細碗、望落去平平無奇，以為一般茶記餐湯貨色啦，點知一入口就停唔到口，冬瓜嘅清甜配埋辣辣哋嘅胡椒，即時醒胃有啲似胡椒豬肚湯嘅味道，估唔到一個送嘅餐湯都咁surprise。令人想再飲多碗我哋另外加咗鳳爪同串燒。鳳爪辣度十足，但酸度略嫌唔夠，作為前菜開胃都唔錯嘅。串燒加上袐製沙嗲汁，豬串燒比雞串燒好食。呢個咖喱蝦超正好有喺泰國先食到嘅味道！個咖喱食到停唔到口，又甜又辣，大蝦夠彈牙，無論配薄餅定飯都係一流薄餅熱辣辣，煎到好香脆，配埋咖喱食到舔舔脷配油飯反而爭啲，配返普通白飯就更加索汁，真係咖喱汁都撈埋。果然食泰國菜唔可以唔食咖喱！因為個咖喱實在太出色，豬頸肉海南雞飯被比下去，但個豬頸肉都唔弱呀，煎到香脆可口，配埋個汁送飯一流海南雞就普普通通，唔太突出。奶茶、龍眼冰中規中矩，都係普通泰國餐廳嘅味道。食緊飯途中已經盤算緊下次一定要再嚟，希望可以多啲人一齊嚟叫多啲餸試多啲啦

𝟘𝟞.𝟘𝟜.𝟚𝟘𝟚𝟛《宋皇臺好評多泰菜😳?!》𑁍 小曼谷海鮮燒烤屋 (九龍城) 𑁍📍九龍城太子道西398號御太子地下1-3號舖📍咁啱經開附近見佢有成800幾個好評咁多😲我抱住「應該唔會全部都係打手嘅心態」入咗去試👻整體嚟講唔算伏，價錢唔算貴，但真係冇乜特別兼唔係特別好食🎃𐂂 泰式海南雞飯 ($60)飯嘅份量都算足夠嘅，不過感覺上唔係好夠雞油味🍚雞嘅份量就真係偏少，雞肉都算滑但就冇乜雞味🐔呢個價錢嚟講感覺有啲似唔抵食😢𐂂 泰式鮮蝦炒金邊粉 ($60)金邊粉除咗有啲濕之外，味道同配料都係正常範圍之內😼唔算特別好食或者岀色，正正常常咁😗𐂂 泰式炸蝦餅 ($98/3件)價錢少貴但的確炸得幾酥脆，蝦肉都幾結實🦐不過就冇乜蝦味😂如果唔係有人埋單的話，自己基本上唔會嗌🤨𐂂 泰式蒜蓉包 ($48)夠脆嘅但唔夠蒜茸味🧄𐂂 泰式奶茶 跟餐送的~幾好飲幾夠甜！就算少咗甜都唔會淡哂💓𐂂 冬瓜湯都係跟餐送的~幾清甜🫶🏻感覺唔係好似味精湯🥣꧁評分꧂🍴食物: 3.1/5💰性價比: 3/5🪴服務: 2.5/5✈︎ 店鋪資訊✈︎💸人均消費: $100內🈶加一服務費🔖餐廳分類 🔎 #hkfoodieat_九龍城 #hkfoo

啱啱喺泰國返黎無耐就已經好懷念泰國嘅味道，所以今日去咗九龍城食小曼谷，佢門口有隻吹氣公仔係咁招手，好易認😆嗌咗個四人套餐，再加一個午餐同二個餸，每人都係大約$200，好抵食👍🏻泰式生蝦刺身生蝦新鮮爽口，夾上蒜片同辣椒再點上泰式生蝦醬，味道酸酸辣辣又刺激🌶️泰式鮮蝦炒金邊粉呢度嘅炒金邊粉味道偏甜，有芽菜豆腐乾雞蛋花花生碎同彈牙嘅蝦仁，金邊粉炒得乾身有鑊氣豬肉碎生菜包味道酸酸辣辣，帶有金不換嘅香氣，再配上新鮮嘅生菜，味道清新又開胃冬陰功湯呢度嘅冬陰功湯用雞肉、香茅、檸檬葉、秀珍菇等等大量嘅香料而熬製，湯底濃郁，酸辣嘅味道大大刺激味蕾泰皇咖喱炒海鮮配薄餅有各式各樣嘅海鮮，大蝦、花甲、魷魚、青口，黃咖喱醬加入雞蛋，味道濃郁，最適合配搭薄餅泰皇咖喱炒花甲配蒜蓉包份量超級多，花甲大隻冇沙，亦都係用黃咖喱再加入雞蛋，超級下飯嘅一道菜泰式酸辣鳳爪酸酸辣辣嘅鳳爪加上洋蔥生菜蕃茄仔，非常開胃嘅前菜鮮菠蘿海鮮炒飯炒飯內加入雞肉、提子乾、紅蘿蔔、青豆同菠蘿等配菜，再配上豬肉鬆，口感非常豐富馬拉盞炒通菜辣辣地有鑊氣📍小曼谷海鮮燒烤屋 (九龍城)九龍城太子道西398號御太子地下1-3號舖人均消費：$200食物：⭐️⭐️

早成個禮拜訂位食七點，去到安排側舖最入面，要求換位先可以坐出少少。身後條走廊位得一個身位好窄捧餐好危險！******************************咁其實訂位係為乜？？ 本舖都坐唔到，又迫又唔係特別好食，三個女仔無飲酒埋單成千二蚊我平時行過見到咁多人先諗住試下! 真心唔明，九龍城咁多選擇點解要食佢！？******************************嗚嗚，對唔住啊吳老闆，我下次唔敢試新嘢啦，食左廿幾年，都是你最好😭

朋友啱啱係外國返黎，食厭左西餐，一於就同佢一齊去食泰國菜啦。呢間小曼谷之前都有食過，質素唔錯又多選擇，泰國風味十足。 🍴泰式炸蝦餅(小)$98蝦餅好大舊 好滿足🤤小份嘅份量都好足夠喇出面炸得極香脆 入面口感介乎軟同彈牙之間食得出有蝦味👍配埋必點嘅泰式辣醬酸酸甜甜 冇得輸 🍴鐵板豬頸肉炒馬拉盞椰菜苗$118由於鐵板上嘅關係 一上枱就好香好吸引蒜 馬拉盞 蝦米香味隨住煙湧上黎😲椰菜苗平時都比較少食 炒得勁有鑊氣勁惹味豬頸肉都有好多 食到最底仲有好多塊 🍴泰式鮮蝦炒金邊粉$108金邊粉炒得夠乾身 口感軟糯又有彈性芽菜同花生碎脆脆嘅口感 超加分味道係酸甜為主 好味☺ 🍴椰青$49原個椰青上超正 椰青水清甜 真係好有泰國街頭feel要將入面嘅椰肉都挖晒出黎食😆 🍴椰汁西米糕$58冰冰涼涼嘅甜品椰汁糕香濃 下面西米層帶有少少黏軟係好有泰式風味嘅ending☺

又黎到九龍城食泰國菜，呢間餐廳CP值唔錯，晚餐仲有駐場歌手🎤唱歌，超好feel。泰式炸蝦餅🦐每次食泰國菜一定會叫😋好大個，入邊係滿滿既蝦膠肉，炸得好酥脆，點埋泰式辣醬好惹味青咖哩豬🐷青咖哩一入口椰奶同咖哩味重，夠辣同有後勁。泰式原味烤酥餅食咖哩點可以少得烤餅，好酥脆，浸入青咖哩到，索滿哂湯汁好好味。串燒拼盤B有雞全翼、豬、泰式臘腸、牛、雞同雞腎，第一次食泰式臘腸，出奇地好好味😛有油脂感，點埋醬更正。泰式千層糕好煙韌香甜，一層斑蘭一層椰汁，味道好濃郁。

一行十人去左呢間試叫左一大堆樣樣都幾好味連凍飲都好正最出色是個燒牛扒真係7成熟好香口馬拉盞通菜柚子沙律d送都幾大碟尤其炸野個蝦餅勁大舊好彩叫一碟share！唔係吃完蝦餅都飽左出送勁快環境就吵雜D但不失風味巧遇有人響度唱歌娛賓

三五知己聚會❤️今次選擇去返我哋最懷念嘅地方聚餐-九龍城🤭大家都知九龍城有小泰國之稱，所以嚟到九龍城一定係食泰國菜😍小曼谷已經由我中學時代到而家😝係每次食泰國菜嘅不二之選❤️❤️炒金邊粉酸酸甜甜辣辣，有齊晒各種滋味😋越食越開胃❤️泰式蠔餅表面沾滿炸到酥脆嘅蛋漿，好香，粒粒蠔仔好juicy好鮮味🫶🏻❤️泰皇咖喱炒蜆咖哩好濃郁😍配埋手抓餅絕對係一流嘅配搭❤️泰式小食拼盤有齊曬各種小食，份量超多岩曬一班朋友食全部炸物都好酥脆好香😋❤️豬牛雞串燒食泰國菜絕不能少嘅串燒，配上濃郁沙嗲醬好正🥰❤️馬拉盞炒椰菜苗好爽脆嘅椰菜苗配埋濃郁嘅馬拉盞好夾👍🏻❤️青檸梳打/椰青食泰國菜又點會少得呢兩樣飲品😋食完辣野飲真係一流🤭好清爽

放假去九龍城搵食，黎到小曼谷，一定可以滿足到你食泰菜既慾望。2個人仔叫左好多野食：1）冰鎮生蝦，生蝦大隻又新鮮，好味2）大蝦冬陰功湯，湯內面好多料，有2隻大蝦，辣度剛好3） 馬拉盞炒椰菜苗，次次食泰菜都會必點椰菜苗，唔係成日都可以食到，小曼谷呢個椰菜苗做得好野味4）菠蘿海鮮炒飯，足料5）燒聖子及燒元貝，兩款都好新鮮，仲配有銀魚仔，幾特別6）3色串燒，不過不失7）三色冰及泰式奶茶，泰式奶茶好有泰國風味，好正喔小曼谷食物質素幾好，價錢少貴，如果價格可以調整少少就好了

講起泰國菜一定係呢間價錢相宜又美味除了泰國菜好味外晚上仲有人唱歌，好有feel同朋友一邊談天一邊聽下歌食住好味既泰菜，好正👍🏻泰式鮮蝦炒金邊粉好有鑊氣既一道經典菜金邊粉酸酸地好勁道配上青檸同花生更添風味鮮蝦好大隻新鮮爽彈串燒拼盤叫了豬牛雞肉串各二燒得好香口牛肉有咬口豬肉比較啖啖肉雞肉嫩滑，一定要點埋花生沙嗲醬點埋食更加濃郁好味道泰式拼盤（小）雖然佢係小，但其實好大份4個人既話叫個小分享岩岩好蝦餅、魚餅、春卷、炸雞卷蝦餅好彈牙鮮味，有好滿足啖啖蝦肉外酥內彈，點埋泰式辣醬更加惹味魚餅好重香料味道，都係彈牙既第一次食炸雞卷外層香口內裡炸汁都好好味椰皇沙冰/椰青2種椰汁都好清甜夠晒解辣椰青好厚肉，可以食埋

九龍城泰國餐廳🇹🇭呢間算係我由細食到大既泰國餐廳 回顧無數次😆我個人覺得幾正宗 真係有泰國人係到煮野 上菜🙆🏻‍♀️趁未有時間去旅行 去九龍城食下野當去左啦佢既分店已經遍佈九龍城 印象中附近仲有幾間分店再加上銅鑼灣、元朗 都有 小曼谷既分店🥹性價比高 份量大🫶🏻 我哋三個女仔叫左三樣嘢 真係飽到傻左🌝真係食唔嗮 ▪️泰式鮮蝦炒金邊粉($108)金邊粉份量超級大 應該夠我一個人食兩餐😂✌🏻 如果係男仔食可能會啱啱好先講下個麵 超級彈牙 唔會好碎 或者煮得過熟 係麵裡面既材料都超級足 麵同埋大量芽菜+蔥炒埋一齊 脆脆哋令到個口感更上一層樓💜 而且餐廳都無吝嗇蝦既份量 一碟都有 唔少蝦🦐 蝦係連買蝦尾的 感覺新鮮 同埋隻蝦質素都幾好 無冰鮮味的令到成個麵個香口個麵都加左好多細細的櫻花蝦？ 應該係咁叫掛🤣 同埋蛋炒埋一齊 真係一流▪️泰皇咖哩法包軟殼蟹($238)蟹既份量超級慷慨 我大約估計應該一份都有7-8舊 軟殼蟹🦀️ 個軟殼蟹就算點左咖哩汁都好脆 而且蟹膏都幾多 好香 同埋新鮮配埋個法包 真係成大舊 裡面裝滿滿的咖哩🙋🏻‍♀️黃咖哩係偏甜的 但係又唔係好重椰子味 🥥 絕對唔辣 一家大細都啱食🫂咖

最鐘意食泰國菜既我每隔一段時間都會黎到九龍城小曼谷海鮮燒烤屋品嚐正宗泰菜菜式。泰式濕炒海鮮米粉見到賣相巳經好吸引，材料主要米粉、鮮蝦、鮮魷魚、帶子及蔬菜炒製而成，海鮮樣樣都好新鮮，口感濕潤爽滑，帶有微辣的香氣，泰式炸珍寶鮮蝦雲吞融合了中式和泰式風味，使用鮮蝦和豬肉作為餡料，再用餃皮包裹炸至金黃酥脆。它的口感鬆脆可口，每一啖都食到新鮮蝦肉，非常美味。泰式酸辣鳳爪是一道很好的泰國風味小吃，主要使用無骨雞腳和泰國特色醬料製作而成，味道酸辣爽口，好開胃！串燒拼盤有雞全翼、地道燒臘腸、豬肉、牛肉、雞腎和雞肉。熱辣辣香噴噴，燒得好香口，最重要配埋特色沙嗲醬食，味道一流。

#推介‼️ 餐廳是間主打正宗泰國口味，食材由泰國廚師親自主理。👍😊餐廳每樣食物都別具泰式口味，岩曬鍾意泰國菜既我😍，餐廳裝潢以木傢俬為主，設有現場live band 為一頓佳餚增添色彩。❣️。牛油蒜蓉燒蟶子皇蠔皇三隻調味豐富 完全提升左蟶子皇既味 食落滋味滿滿🤪牛油蒜蓉燒青口 濃濃嘅牛油配搭蒜蓉 完全將青口由深海帶到天堂嘅懷抱🐒泰王咖哩炒蜆水準唔差 每隻蜆咬落都十分有質感整體調味都無得彈 食到所有汁都要啜曬😝 鐵板豬頸肉炒馬拉盞最出色嘅係呢度菜 畀豬頸肉醬汁包圍住 食到停唔到口🥳好想嗌碗飯嚟撈飯添🤑泰式乾炒海鮮米粉好多海鮮同米粉作為伴碟 炒得好乾調味亦都十足 夠曬泰式風味👻泰式芝士烤薄餅薄餅十分特別有芝士作為餡料 食多一啲都唔單調 仲可以撈埋炒蜆嘅咖哩汁雙重享受🙈。椰青清甜而且啖啖果肉都非常容易不出嚟 好有啫喱嘅感覺🥥🟡🟡🟡🟡🟡🟡🟡🟡🟡🟡🟡🟡🟡🟡🍔 小曼谷海鮮燒烤屋📍 九龍城太子道西398號御太子地下1-3號舖

自從多咗沙中線，九龍城都有地鐵後，一班朋友就成日都話去嗰邊食飯，過得九龍城，近八成機會都會揀泰國菜。再再再去食小曼谷🤣，原來有咁多分店，今次揀咗海鮮屋，個menu 有少少唔同，多咗海鮮選擇，但一樣選擇多多，花多眼亂。➤泰皇咖哩炒海鮮椰香味濃，甜而不辣，每次忍唔住又會嗌。海鮮有蝦 青口 蜆，鍾意乜都有啲嘅朋友要試下。➤蒜茸包有咖哩又點會無蒜茸包，每次都熱辣辣上枱，仲好識夾時間，唔會凍晒或等太耐。味。➤飛天通菜辣呀！好辣嘅寶寶記得要叫，如果唔係嘅叫返馬拉盞炒通菜。➤蠔餅另外朋友想試蠔餅，蠔餅好鬆脆，而且熱辣辣，唔會太厚粉，蛋味都好香。蠔仔份量唔少，而且粒粒都好肥美。➤炸蝦餅炸蝦餅係我食過咁多間分店之中最大粒同埋彈牙，熱辣辣超級正。➤芒果糯米飯今次終於有肚嗌佢嘅甜品，次次都飽到飛起。芒果糯米飯個芒果好甜，雖然唔算好大粒，不過甜先係最緊要。另外要讚佢嘅糯米飯，軟綿綿而且椰汁味好香，我一個人食一個都冇乜問題。

喺香港食泰國嘢，最正宗一定係去九龍城，成日搭巴士經過都見到呢間泰國餐廳，今日同屋企人嚟試一試佢！餐廳環境唔係好大，有少部份室外座位，門面好吸引，裝修比較民族風，好友泰國嘅feel！餐廳主打泰式粉麵飯、串燒同燒海鮮，都幾多選擇！今次撞正有Live Band表演，有驚喜喎，可以一路聽住啲廣東歌一路食住泰國嘢～平日夜晚去都坐爆曬，建議去之前要book定位！------------------------------🫓◖泰式原味烤酥餅◗ $48 有兩大塊酥皮薄餅，烘過嚟脆脆地，專登叫嚟點咖哩食！🥘◖黃咖喱雞肉◗ $108呢個咖喱雞肉幾足料，有好多雞件喺裏面，幾高質值得嗌！應該係用咗店舖海南雞嘅雞件，食落肉質嫩滑，一啲都唔乾柴！咖喱唔會太辣，落咗少少椰奶，質感幾滑，但咖喱入面嘅薯仔就略為失色，煮得唔夠腍身唔太入味～🦐◖泰式鮮蝦炒金邊粉◗ $108佢嘅金邊粉外貌一般，但食落都OK！有三大隻蝦，蝦肉都幾彈牙；金邊粉炒得比較濕身，加入咗雞蛋、韭菜、芽菜呢啲配料，食落有口感酸酸甜甜，幾開胃，但略嫌唔夠鑊氣唔夠香口～🥩◖串燒牛+豬◗ $22食得泰國嘢，梗係要試吓佢嘅沙嗲串燒！個人鍾意串燒牛多啲，甜甜地咁肉