小曼谷泰國美食 (已搬遷) 新店位置

朋友話想食泰國菜，當然係去九龍城啦。今次來到小曼谷，門口有個好有動感的公仔，好易認。椰青海鮮焗飯 $92原個椰青上碟，唔講仲以為係甜品添！海鮮飯填滿整個椰青。飯粒沾滿椰漿的香甜味，又綿又甜。除咗兩隻青口，飯入面仲入蜆、魷魚、元貝、雜豆。食到最尾仲可以食埋周邊的嫩滑的椰青肉。青芒果絲沙律筍殼魚 $168筍殼魚炸到脆卜卜，肉質保持嫩滑，配酸酸地的青芒果絲一齊食，幾開胃。泰式煎蠔餅 $98鑊氣十足，啲蛋絲好酥脆，蠔仔份量十足。沾埋泰式辣醬食，夠晒惹味。明爐香檸汁原條魷魚筒 $158明爐烏頭食得多，換做魷魚筒，味道都唔錯喔。先飲啖湯，辣中帶酸，越飲越過癮。魷魚筒好鮮嫩，肉質柔軟。魷魚鬚的位置爽口彈牙。椰青波波 $45賣相可愛，原個椰青起肉，泡在椰青水中。椰青波波最吸引人是唔需要用力，就已經可以食到嫩滑的椰肉刺身。番茄仔沙冰 $26飲落確確實實就係濃郁的車厘番茄味，變成沙冰後更加清甜可口。菠蘿沙冰 $26淡淡的菠蘿味，消暑佳品。

黎到全香港泰國菜最集中既九龍城, 當然要入鄉隨俗食番泰國菜啦, 因為據聞呢度住左好多泰國人, 所以泰國餐廳先開到成行成市行過見到呢間小曼谷泰國美食, 門面都算幾乾淨企理架, 睇睇價錢ok 就入去坐低慢慢揀冰凍椰青 - $37夏日炎炎行到身水身汗, 緊係要飲番d 凍野涼涼個人先啦, 食泰國菜又點可以少得即開冰凍椰青呢😝辣椒膏炒大頭蝦 - $178侍應未拎到黎, 遠遠已經聞到陣陣香濃既辣椒膏味, 一碟有4隻, 而且每隻都好大隻, 2個人食剛剛好食得晒😂大頭蝦蝦肉極爽甜. 味道同辣椒膏非常夾香芒蟹肉炒飯 - $84炒飯極有鑊氣, 原本以為芒果撈落去會怪怪地, 點知同蟹肉同肉鬆係可以襯托出另一種清新口味, 感覺好refreshing 泰式蝦膏炒椰菜苗 - $68食過蝦膏會令你一試難忘用好多隻鮮蝦打造而成既蝦膏, 濃濃既蝦味聞好香, 食落更香, 用黎炒菜真係一流👍👍

可以話係，又細食到大嘅唯一泰國菜（小曼谷)，位於九龍城，而且又收得比較夜，所以一去到宵夜時間，想食生蝦，串燒嘅我，就一定會去小曼谷,今次想全家人食餐飯，而且大家收工時間又好夜，當然又再去食！生蝦醬汁特別惹味！即燒串燒夠入味咖哩必點，其他都好好味👍🏻

餐廳喺泰國菜集中地九龍城，南角道近太子道西方向，門口有個吹氣卡通厨師公仔，隔離仲有架泰國特色交通工具Tuk Tuk車，好易認。餐廳裝修簡約明亮，星期日下午客人唔算多，可以舒舒服服咁嘆。出面好熱，叫杯飲品解暑先～【香蕉沙冰 $26】香蕉味濃，飲得出係新鮮香蕉整，唔係靠味粉或溝出嚟。$26蚊一杯真材實料，抵飲。【椰青波波 $45】白色個波波其實係喺椰青刮出嚟嘅椰肉。味道清甜，炎炎夏日飲就真係透心涼，爽！【泰皇咖哩炒大頭蝦 $178】巨型貝殻形狀嘅碟，大得好誇張。咖哩唔算辣但香，入面材料仲有青椒、紅椒、香蔥、香芹、洋蔥，加倍惹味。蝦有四隻，size唔算好大，但肉鮮，蝦頭附近亦有啲蝦羔。【泰式原味烤酥餅(2塊) $28】脹卜卜，好多層，脆到一拎起已經有啲碎開咗出嚟，熱辣辣好香牛油味。用嚟蘸咖哩食就fit晒。【泰式炸芝士蝦丸(大) $125】餐牌張相顯示唔到佢有幾大，實際上有網球咁大粒，上枱時真係有驚喜。熱辣辣嘅蝦球炸到脆皮，蝦肉爽彈，芝士係半溶狀態，好邪惡但好yummy。【鹽燒馬友魚 $188】條魚size唔大，但肉質都算嫩滑。肚插滿香茅嚟燒，仲要係鹽燒，燒出嚟好香口惹味，再想辣啲可以蘸埋酸辣

同朋友成日去九龍城食飯，小曼谷都唔係第一次食了，但今次我哋叫咗好多餸，好多都好值得推介所以決定來寫食評。之前同男朋友食，兩個人叫唔到好多餸菜，食極有限， 今次同一班朋友四五個人一齊去，叫多咗好多好味嘅餸菜。首先我哋叫咗個燒鱸魚，肉質非常之嫩滑，而且燒得好入味，醬汁都配合得非常好。另外我哋仲叫咗個冬陰公，雖然辣，但酸酸甜甜好好味，同喺泰國食嘅非常相似。另外仲叫咗小食拼盤，可一次過滿足晒所有願望，試晒好多嘅泰國小食，多人一齊食實在係有好處！總括依然小曼谷食仲有好多好好嘅嘢食啦，下次要再嚟試埋其他。

去得九龍城當然要食泰國野,不過甘多間真係好難揀,之前都試過小曼谷,不過一般.今次再食多次,嘩好食佐好多因為過佐9點後有折,同埋有D做特價,所以價錢都合理.蒜蓉包正,夠脆同熱!!!燒安格牛仲正,多肉汁,唔乾,仲好香牛味生蝦就一般般,價錢同其他差唔多,但仲要得5 or 6隻,實在太少.炸蝦餅都好味, 夠哂熱辣辣, 羊架又唔腥.仲用泰國既闊河粉,好有咬口,不過偏淡少少芒果沙冰就比較酸...但總結都係值得去食

放工嚟到九龍城, 今次同朋友嚟最出名嘅小曼谷, 必定有保證生菜包叫咗微辣, 啱啱好夠晒香, 炒得乾身洋䓤莞茜比例幾好, 份量幾好特別係加咗洋䓤口感爽爽哋 唔錯生菜好新鮮, 啲肉碎仲好多肉汁!小食拼盤細份兩個人食都好多有蝦餅, 魚餅, 春卷, 雞粒蝦餅炸得好香 蝦肉好彈牙魚餅有冬蔭功味 春卷炸得皮薄 有啲驚喜就係有啲咖哩味到明爐蒸烏頭真係好肥美大條！好抵食！唔洗點個醬已經好好味 酸酸哋嘅湯汁 啲魚肉好嫩好滑 啖啖肉 冇乜骨飲埋兩個椰菜青（啲肉夠稔可以刮到食曬）叫得幾多嘢 好飽好飽 埋單兩位$462會再來！

小曼谷位於九龍城地段，九龍城的泰菜選擇多，在香港可謂相當著名。店舖桌面闊落，餐牌款式很多，無論海鮮、牛豬羊等也有不同選擇。晚飯時間剛開始已經陸續來客，建議朋友們別太晚到店。辣椒膏炒大頭蝦 hkd 178辣椒膏醬汁不算辣卻富有香矛等泰式香料，味道濃郁而惹味。大頭蝦肉質較柔軟，辣椒膏吸附在蝦肉上。明爐蒸烏頭 hkd 158烏頭肉質幼嫩柔順，入口鮮甜，清晰醬汁味道清甜帶微酸，開胃。泰皇咖哩法包軟殻蟹 hkd 128蛋黃質感柔順輕盈，咖哩入口綿綿香滑，味道濃郁微甜，咖哩香配上蛋黃鮮味，化在嘴里。軟殻蟹炸至酥脆，蟹沾上咖哩再配上滲透咖哩的法包。椰青 hkd 74/2清甜椰青水，椰肉薄滑，咬下香甜清爽解渴消暑整體來說，價錢便宜，味道可口，環境簡潔俐落，性價比很高。

系九龍城芸芸泰國餐廳當中，小曼谷可謂出眾超群，頗有名氣，雖則價錢相對稍為高一點，不過質素同環境絕對對得起價錢。小曼谷門面有氣球公仔招手，璀璨奪目，吸引視線；店內以黃色為主帶出泰國感覺，座位闊落舒適。泰皇咖哩法包軟殼蟹＄１２８軟殼蟹炸得乾爽，咬落去吾會滿嘴油，酥脆口感，香口不油膩。咖哩汁吾辣，加入蛋漿令醬汁更細滑稠密。海量既咖哩汁浸軟咬感十足既法包更易入口，男女老少皆宜。明爐香檸汁蒸桂花魚＄１８８桂花魚肉厚鮮甜，無腥味，淡淡香檸既清新味，酸辣開胃泰式拼盤（大）＄１６３份量勁多，每樣6件，炸蝦餅爽口彈牙，炸魚餅肉汁鮮甜…芒果沙冰＄３６新鮮芒果肉拌入幼細沙冰，清涼透心！椰青＄３７清甜！解渴解辣一流。已經食過好多次小曼谷，依然保持到高水準！

小曼谷 呢個名對香港人來講應該十分熟悉，好耐無食過，難得K小姐話好耐無食泰國野，我地就相約於九龍城吾知係唔係耐冇食小曼谷，好似多咗好多嘢食咁樣嘅比d餐牌你哋參考吓~~我一見到呢個椰青波波 就決定咗係佢啦已經上任好耐我唔算好食得辣所以叫咗個青咖喱(雞)$75 好香椰香丫，個咖哩少少辣得來又有dd甜配落雞肉到食就更加惹味仲有咁多咖哩汁梗係吾可以浪費咗佢啦，用來點酥皮薄餅就更加yummy❣️❣️K小姐話泰國燒牛肉一向出名好食，不過我哋兩個都未試過，於是就點左呢個極上燒安格斯西冷牛小排$168。喺小曼谷來講都算有啲貴，果然物有所值！牛肉出面燒得好香好脆，裹面就無咁熟好juicy 仲有菇同沙律菜做伴碟另外叫咗個地道醃粉絲肉碎沙律$60 真係好惹味，酸酸辣辣，粉絲又夠爽口，不過就係咁飲水，但係都阻止唔到我繼續食呢個就係椰青波波啦，外表得意，同一般椰青一樣都好清甜，而且好方便咁筆啲椰青肉嚟食朋友就叫左呢個$68就有500ml大大杯既Hoegaarden來飲果然小曼谷唔會令人失望！遲啲再嚟食先

今日去開九龍城，好耐無食過小曼谷喇，我地早左少少咁岩唔洗等位，就去左食喇。<芒果沙冰，$36><椰青，$37>呢兩杯飲品都好正常，無乜特別。<泰式椰菜苗炒馬拉盞，$68>呢排次次出去都係叫馬拉盞炒通菜，今次就試下呢個椰菜苗喇。有時出面食嘅椰菜苗會好硬，我覺得呢個少少爽口又唔係好硬咁幾好。<菠蘿海鮮炒飯，$78>呢個菠蘿海鮮炒飯堅多海鮮，有蝦、蜆、青口、魷魚等等，加上好新鮮既菠蘿係幾好味。而且，份量比想像中多，呢個價錢都幾抵食。<泰式牛油蒜蓉燒大蜆，$108>呢個大蜆以牛油蒜蓉去燒，已經夠哂香，配上特製辣汁，超級惹味。

系九龍城, 我嘗試 食曬所有既唔同既泰國餐廳,  再分享. 但係食得太多, 會熱氣.  所以幾個月一次~ 慢慢黎~ 今次就試jor 呢間, 見佢九龍城都有2間店.而我畀佢門口既tuk tuk 車 吸引jor 入去！ 位置都比較大~ 乾淨 簡潔. 見餐單都好多選擇, 海鮮比較多, 但係我唔食得海鮮, 所以 揀jor d 大路d 既~首先系冬陰功啦！   份量都有5-6碗細湯. 味道稍微偏酸小小. 酸辣感特出.  蝦都有3-4, 兩個人食啱啱好！冬陰功其實都可以黎餸飯~ 嗌jor 呢個 小曼谷蛋包飯. 蛋皮帶薄, 偏乾小小, 唔似日式既. 但係整碎佢 攪埋飯一齊食都好味！  而且覺得加埋冬陰功既湯一齊食, 別有一番風味！ 系泰國餐廳不忘飲泰式特飲！ 覺得個芒果沙冰好贊！ 甜度十足！ 軟綿綿！  而隔離杯龍眼冰 都不俗！ 仲有一條鹽燒烏頭魚！ 我最愛！因為冇咩細骨！ 啖啖肉！ 覺得那個香料好入味!  而且肉質黎講都很不錯！總括黎講都算不錯~ 價錢都比較實惠！ 兩個人食, 3份餸 啱啱好！ 

肥佬又生日🤣本身想飛轉泰國，但請唔到假，唯有食泰國野補返數因為係慶祝生日既關係專登搵間新淨d好。一落車一行入南角道就見到「小曼谷」冷氣又勁又乾淨就拉左肥佬入去一坐低已經比個椰青波波吸引，再比隔離枱既咖喱香味搞到勁鬼餓。所以一叫，叫咗五個餸。椰青波波超大個，椰青水一定比平時的椰青多。而且非常清甜加上只得椰肉同椰汁，所以雪得好夠凍。 我仲食左半個椰肉肥佬就叫左青檸梳打一般般。因為每餐都要食菜,所以叫咗件馬拉盞炒雜菜。馬拉盞味夠濃，唔油，而且上台個陣出晒煙，食得出鑊氣！冬陰公比我預期好飲，酸味同辣味好balance ,而且有三隻大蝦！雖然唔係大頭蝦，但都啖啖肉好彈牙。而且這已經是細size已足夠四人飲！我地兩個人每人飲左2.5碗都仲有串燒又係非常出色，每一串都係即燒，出晒煙，而且好足料，特別係雞神同雞軟骨。超抵食！燒原隻魷魚，又係超級大碟，視角非常滿足，魷魚雖然好厚肉，但一啲都唔un!而且食到碳燒味道。唔會太乾！兩個人食唔晒！最後真係要推介軟殼蟹咖喱！ 性價比非常高！可以滿足本小姐麵包痴之餘，仲要多多咖喱汁，可以送麵包。雖然無咖喱炒蟹咁香，但價錢平好多而且非常大份!建議三至四個人先至好叫軟殼

早前去左一星期泰國,番到黎,對正宗又傳統既泰菜總是念念不忘.係香港想食正宗既泰國菜,就一定要黎到港式泰國菜既起源地--九龍城搵食! 今次我地就選擇係大名鼎鼎既「小曼谷泰國美食」一試虛實! 入到鋪頭,見到店內既裝潢好簡單,用綠色作為主調,配上簡樸既桌椅,比人清新乾淨既感覺. 店內地方好大,可以容納好多桌客人,同朋友講野都要大聲D先聽到,不過咁先有feel,一大班夠哂熱鬧! 先講肉類,叫左「極上燒安格斯西冷牛小扒$168」,牛小排令我地好驚喜,賣相吸引,色澤平均,咬落去,先係牛肉濃汁溢滿口腔,細味之下,肉質幼嫩且軟腍,少許彈牙.意外地同其他西餐廳共享美名!「小曼谷招牌海南雞$158」既然係招牌菜,當然要叫黎試下! 有分全隻同半隻,因為我地4個人,又好愛食雞,就決定叫全隻啦! 一上菜,我地嚇到半呆,全隻雞真的好大隻,分開左兩碟半隻雞咁上. 我地急匆匆咁試第一口,果然無令我地失望! 海南雞肉質細嫩,連雞胸咬落都唔會好老,配上酸酸甜甜既自家製海南醬汁,徹底將雞味昇華,更加惹味! 再講小菜,我地叫左「泰國鐵板豬頸肉炒通菜$85」,上菜時,食物已經發出”炸炸”既聲響,令我地更加之期待! 通菜非常爽口

好耐好耐好耐冇去過泰國，亦都好耐好耐冇食過泰國嘢。平時同朋友食飯通常都係西式日式中式，好少會提出食泰國嘢。九龍城最出名就係泰國嘢架啦～嚟到九龍城唔係唔試下泰國餐廳呀～於是我哋就揀咗小曼谷呢間比較出名嘅泰國餐廳嘞！門口仲擺咗呢個好可愛嘅吹氣公仔，會一直招手添！當日雖然係平日，但都好多食客！泰式青檸梳打（$30）去親泰國餐廳都要嗌青檸梳打～真係好好味，又唔會太甜～泰式拼盤（大）($163）我哋5個人，所以就叫咗個大嘅拼盤，但其實細嘅都已經夠因為全部小食都想食，所以就叫咗個拼盤哈哈呢個拼盤有蝦餅、魚餅、春卷，仲有個炸燒賣咁嘅嘢～好熱氣但係好好味泰式馬拉盞炒通菜（$74）呢個都係每次去泰國餐廳都一定會叫嘅！好好味呀呀呀呀呀，好香，通菜又夠入味！泰皇咖喱法包軟殼蟹（$128）呢個超級推薦我哋都知道呢度嘅蒜蓉包係必叫嘅，但呢一道嘅法包其實都已經夠晒～首先講下個包，外層焗得好脆，配上咖喱係好好味～咖喱唔會太辣，唔係好食得辣嘅我都ok～軟殼蟹有好多舊，幾個人share都ok！炸得好夠，好脆～配咖喱食仲正！小曼谷炒飯（$80）呢個我都好鍾意！首先上枱個樣已經好靚，用蛋包住啲飯～入面嘅炒飯好足料，有啲海鮮