211
92
58
所有分店 (3)
電話號碼
27167828
獎項殊榮
最優秀開飯東南亞菜餐廳 (2009,2011)
附加資料
小曼谷餐飲業務始於15年前(2001年)在九龍城以路邊大排檔式經營,以家庭式營運,由廚師至服務員全以泰藉員工作業。
營業時間
今日營業
12:00-02:00
星期一至日
12:00-02:00
付款方式
現金
座位數目
100
其他資料
網上訂座
Wi-Fi
深夜營業
酒精飲品
自帶酒水 詳細介紹
泊車 詳細介紹
電話訂座 詳細介紹
賞訂座積分
加一服務費
有關獎賞計劃
食評 (388)
等級4 2017-03-30
3038 瀏覽
"小曼谷"係九龍城其中一間最旺人流既泰國菜餐廳, 特別係假日晚飯時段都全場爆滿, 而呢間分店新裝修, 望入去更設有卡位, 今日見入夜時間未咁多人就同朋友入去一試!! 款式非常多, 眼闊肚窄, 所以只係揀左呢幾樣食...【泰式黃金蝦】HK$148呢度既蝦非常大隻, 好比手掌般咁大, 一共有兩隻已經開邊既黃金蝦, 食用方便, 每邊既蝦身有金黃色既鹹蛋黃包住, 蝦身極之爽甜彈牙, 而且食到好香濃既鹹蛋黃香, 蝦頭入面仲有少少橙色既蝦膏tim~ 令人好回味!!下次去必定再encorn!【椰青海鮮焗飯】HK$86最上層有椰漿覆蓋, d飯比較濕潤, 啖啖都有好香既椰奶香味, 材料亦都唔馬虎, 包括魷魚,蝦球,帶子, 蜆肉,仲有少少青豆同提子乾, 絕對食到椰青既精華!同埋份量都幾多, d飯真係裝到落椰青底ga!!【泰皇咖哩炒海鮮】HK$168之前去過呢間小曼谷既其他分店食過呢個泰皇咖哩炒海鮮, 令我一試難忘! 今晚再光臨, 當然係要再order多次黎食啦! 果然水準同其他分店既一樣咁正!! 開邊大蝦都係大大隻一樣咁爽, 有蜆,魷魚, 帶子,同埋大大隻既青口, 呢度既咖哩唔辣, 但就有好香濃既椰奶味同埋少少既蛋花香~餘下大量既咖哩汁可以再order個蒜蓉包點黎食, 不過今晚太飽了...所以冇再叫~【芒果沙冰】HK$34沙冰刨得好幼細, 味道唔酸, 帶少少甜... 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-16
2381 瀏覽
好多年前已幫襯過小曼谷總店,當年小曼谷還未有其他分店,現在已經有兩三家分店了。  每次來到小曼谷必吃辣椒膏炒海鮮類的,因為真係炒得好好味。 在重新裝修過後倒時第一次回總店吃,門外也擺放了吹氣大公仔同一架TUK TUK供拍照之用內部整體間格和以前沒有太大分別,門一邊保留了卡座水吧燒烤區依舊在門口一角牆上放著店中自家製辣醬作陳列酸梅七喜 HK$34椰青 HK$35有兩粒酸梅 ,一陣可以變超人用了心形碟盛放的青芒絲沙律筍殼魚 HK$168平時沙律都係一粒粒/一片片/一絲絲/一條條, 第一次吃沙律係成條魚上, 筍殼魚被炸至香脆,再曬上大量青芒果絲和特製沙律醬汁同吃泰式椰菜苗炒咸肉 HK$82辣椒膏炒海鮮 HK$168影相出來好似好少咁, 查實係隻碟勁大海鮮有大蝦有大花甲有魷魚有青口 全部都好大件 !再配埋大量洋蔥橙籠椒蔥等配料同炒,超惹味  蒜蓉包(一客4件) HK$28個辣椒膏個醬真係好正,一定要配白飯或蒜茸包或薄餅食,唔好浪費咗個汁呀 ! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-28
2139 瀏覽
九龍城有小曼谷之稱,皆因雲集多家亞洲風味餐館,尤其泰國餐館,可以說梗有一間喺左近,而其中一間開業了十多年,位於南角道的老字號小店,出品正宗,價錢相對較抵食,筆者以前也是它的常客,近年銳意擴充換上新裝,現時已是區內數一數二,雄踞幾個舗位的龍頭店之一。前一陣子跟朋友去了九龍城吃泰菜,看到這間門口放了可愛的招手充氣公仔,及泰國傳統搶眼粉紅篤篤車作為裝飾的餐廳,便心動了入去重拾舊歡,順便試試新裝後的質素是否依然。說他是老店其實這形容詞現在已經不太合適,皆因該店已換上全新裝修,完全沒有任何老店的痕跡,高高的樓底,鮮黃色主調的牆身, 牆上掛滿了不同的藝術畫,裝潢簡約光鮮,座位之間頗具空間感,環境舒適,不太侷促,讓人感覺悠閒輕鬆。打開餐牌,發覺餐廳除了基本的泰國美食以外,還加入了很多新元素,當中推介必食的菜式都頗多,讓人眼花繚亂,筆者和朋友幾經辛苦,才決定點了數款泰國必食小食和新派菜式。首先當然是筆者最愛的泰式生蝦刺身,蝦肉新鮮結實,爽彈帶膠質,配上這店秘制酸辣清香醬汁,加上鋪在蝦身上的紅辣椒粒及蒜片,入 口爽嫩冰涼,辛辣刺激,帶著淡淡的香草清香,辣得大家頭頂冒汗,大叫過癮。青芒果絲沙律筍殼魚,是此店推介美食之一,賣相吸引。筍殼魚不是太大條,炸成金黃色調,外皮酥脆內裡嫩滑,配上青芒果絲、紫洋蔥絲、小蝦米及花生做成的沙律,加入了魚露、青檸汁和辣椒做成的醬汁,味道帶海鮮鹹香,酸香開胃,口感爽脆清新,很有泰國風味,唯因筍殼魚魚肉較小及帶骨, 吃起來要小心點及不太方便,如能將魚肉起出跟魚骨分開炸香,炸魚肉加入沙律裡,炸魚骨作伴碟裝飾,應該會更好更完美。泰式燒烤筆者最喜歡的一定屬燒豬頸肉莫屬,這裡的豬頸肉醃得入味,外面烤得微焦脆, 肥瘦相間的肉質吃起來爽彈有嚼勁,脂香滿瀉,沾上自家調製的濃香的醬汁更是惹味,如豬頸肉能再烤得焦脆香口一點將會更好。泰式炸芝士蝦丸,起初是以為是一般的行貨,端上來才發覺原來是非一般的蝦丸,基本上應用蝦球來形容,因有成個網球般大小,切開後芝士漿像溶岩般傾瀉而出,蝦肉爽口微彈牙,濃郁蝦味遇上芝士濃香,一咬落去芝士漿爆出,邪惡之極,沾上隨碟的泰式酸甜醬汁,添上酸甜減去了油膩感,豐富了口感層次。主食方面點了泰式乾炒海鮮魚麵,魚麵是麵粉加入了魚肉打成,麵條帶魚香有點像烏冬的煙韌口感,加入海鮮、雜菜、蛋絲同炒並以醬油調味,鹹鮮彈牙,火喉十足,簡單中見真章。整頓飯質數仍能維持水準,雖不是驚為天人的美味,卻是細水長流的人情味道,加上店家推出不同的創新菜式,誠意可嘉;而新裝後的廳面讓客人坐得舒適,店員招呼亦很親切到位,價錢也算合理,難怪擴充了幾間舖仍然客似雲來,當中不無道理。 繼續閱讀
(以上食評乃用戶個人意見 , 並不代表OpenRice之觀點。)
愈吃愈愛泰風味 焦點食評
等級4 2017-01-12
1587 瀏覽
食泰國菜點都會出九龍城食,選擇多且間間質素都唔差,有好幾間都係我不時去食,惹味開胃不在話下,真係愈食愈愛上,今日同男友去左依間泰國菜店食晚餐,我地同樣是食辣愛好者,當然要叫辣味菜式先稱得上識食<<冬陰功海鮮湯魚麵>>香濃既冬陰功湯,酸辣度適中,加入唔同種類又新鮮既海鮮,令個湯更鮮甜,入面有魷魚、蝦,仲有大量蜆,蝦肉夠哂彈牙,配埋新鮮魚麵,吸哂海鮮既鮮甜同冬陰功湯底既精華,成碗麵味道有好多層次<<醃豬頸肉沙律>>平時叫開燒頸肉沙律,今次試下新食法,依個沙律夠新鮮,醬汁既酸度適中,豬頸肉夠爽勁,而且同酸汁好夾,原來咁樣醃豬頸肉都唔錯喎<<泰式炸芝士蝦丸>>蝦丸有成個網球咁大粒,蝦肉夠爽口彈牙,芝士味夠濃香,一咬落去,芝士就會傾瀉出黎,十級邪惡 ,沾個泰式酸辣醬汁,更加美味<<泰式青檸水>>係依度既招牌飲品,因為青檸水夠酸,好開胃<<泰式龍眼冰>>傳統泰國飲品,有好多龍眼肉,唔算好甜,整體好好味<<甜品>>椰汁西米糕同泰式千層糕,估唔到呢度既甜品都唔錯,呢兩款甜品各有特式,椰汁西米糕有好香椰汁味,千層糕口感Q彈,兩款都值得一試 繼續閱讀
(以上食評乃用戶個人意見 , 並不代表OpenRice之觀點。)
等級2 2017-11-10
37 瀏覽
今晚係土瓜灣返完學同2個同學仔口痕想食泰菜, 一齊搭的士去左九龍城, 同學仔話小曼谷好出名, 咁食啦仲等咩呀~入座, 店內格局好似茶餐廳咁, 而餐牌都好多款選擇, 我地嗌左蒜蓉包 - 好香, 咬落鬆化生蝦刺身 - 刺身好厚肉, 加埋蒜頭同辣汁食一流黃金蝦 - 咸蛋味好香, 蝦肉咬落彈牙半隻海南雞 - 作為海南雞狂迷既我都幾失望, 雞肉唔滑, 冇味馬拉盞通菜 - d通菜炒到好老海鮮肉鬆炒飯 - 不過不失作為一間泰國人主理既出名餐廳,  海南雞、通菜水準有待改進 繼續閱讀
(以上食評乃用戶個人意見 , 並不代表OpenRice之觀點。)